عمرو والفانلة البيضاء
واعترف عمرو زكي بأنه تلقي اتصالات
بليغ أبو عايد-المصري اليوم:
تسبب ظهور عمرو زكي في مدرجات ستاد القاهرة عند الدقيقة ٧١ أثناء مباراة الزمالك والمقاولون العرب، وهو يرتدي القميص الأبيض في إشعال الجماهير التي فوجئت به وهتفت كثيراً له تعبيراً عن سعادتها بانضمامه إلي صفوف القلعة البيضاء، وأكد الجميع أن عمرو يمثل قوة كبيرة ستسهم في إعادة البطولات مجدداً للنادي، كما هتفت الجماهير لمرتضي منصور رئيس النادي الذي نجح في ضم اللاعب، رغم محاولات الأهلي إفساد الصفقة، واعتبرته أكبر رد علي انتقال طارق السعيد ومحمد صديق.
من جانبه، أعرب عمرو زكي عن سعادته بالاستقبال الحار من مجلس إدارة وجماهير الزمالك، مشيراً إلي أنه حرص علي التوجه من مطار القاهرة مباشرة إلي الإستاد للقضاء علي جميع الشائعات التي شككت في انتقاله .
وكشف عمرو عن حقيقة إصابته، وقال: إنها مجرد قرحة في الركبة، وقد أكد لي الطبيب الألماني إيماهوف أنني بإمكاني اللعب لمدة موسمين عن طريق الاستعانة بالحقن، أو إجراء عملية جراحية بسيطة أعود بعد أقل من ثلاثة أشهر من إجرائها للملاعب ونفي أن يكون هناك أي تأثير علي العظام.
واعترف عمرو زكي بأنه تلقي اتصالات مكثفة من محمود الخطيب نائب رئيس الأهلي حتي لحظة ركوبه الطائرة لإقناعه بالعدول عن التوقيع للزمالك مع رفع قيمة المقابل الذي سيتقاضاه وكذلك الذي سيحصل عليه النادي الروسي.
احتفال بعمرو
وأشار عمرو إلي أنه سيبذل قصاري جهده في الملعب ليؤكد جدارته بارتداء الفانلة البيضاء، خصوصاً أن الفريق يضم مجموعة متميزة من اللاعبين القادرين علي استعادة البطولات، وتوقع فوز الزمالك بمسابقة الكأس في ظل العروض التي قدمها مؤخراً.
كان أحمد حسام «ميدو» المحترف في روما الإيطالي الذي حضر لمتابعة فريقه السابق من المقصورة الرئيسية، أول المهنئين لعمرو زكي، وأكد أن اللاعب سيكون إضافة كبيرة للزمالك باعتباره هدافاً من طراز فريد، ويصعب علي أي مدافع مراقبته نظراً لسرعته وكثرة تحركاته، الأمر الذي من شأنه خلخلة دفاعات الخصم وإتاحة الفرصة للمهاجم الآخر للتسجيل. وعقب انتهاء المباراة توجه عمرو زكي إلي غرفة خلع الملابس، واحتفل جميع لاعبي الفريق به وأكدوا له سعادتهم الكبيرة بانضمامه للقلعة البيضاء، وأعربوا له عن أملهم في أن يساهم معهم في إعادة البطولات للنادي.
وشددوا جميعاً علي أن ما حصل عليه من أموال لا يحزنهم أو أنه سيحدث المشاكل كما ردد البعض، لكونه لاعباً كبيراً ويستحق، ورحب حازم إمام كابتن الفريق باللاعب، وداعبه قائلاً: «إن مجرد حضوره ومتابعة المباراة من المدرجات كان فألا حسناً، وجعلهم يفوزون بالخمسة في مباراة كانوا يخشون الخسارة فيها.. فما هو الحال عندما يكون داخل الملعب؟».
منصور مبسوط
من جانبه، أكد مرتضي منصور أن حضور عمرو المباراة مرتدياً قميص الزمالك أكبر رد علي المشككين في عدم قدرته علي الوفاء بعهوده باستقدام لاعبين علي أعلي مستوي. وقال: إن مسؤولي الأهلي حاولوا إفساد الصفقة بشتي الطرق وعرضوا علي النادي الروسي أكثر من ٣٥٠ ألف يورو زيادة علي عرض الزمالك.
إلا أنهم فشلوا في مساعيهم، وأشار مرتضي إلي أن ضم عمرو زكي هو أكبر رد علي الأسلوب الذي يتبعه الأهلي بإغراء لاعبي الأندية الأخري للانقلاب علي ناديهم كما حدث مع طارق السعيد ومحمد صديق، وقال: إن عدداً كبيراً من لاعبي الأهلي، في مقدمتهم عصام الحضري وأحمد السيد وجيلبرتو طلبوا الانضمام للزمالك إلا أنه رفض اتباع أسلوب الأهلي.
وأكد مرتضي أن النادي لن يتحمل سوي جزء من المقابل المادي وأنه سيساهم بجزء من ماله الخاص كما سيساهم منصور البلوي رئيس نادي اتحاد جدة والعدل جروب بجزء كبير من قيمة الصفقة.
ووعد رئيس النادي بتحقيق المزيد من المفاجآت خلال الفترة المقبلة، مشيراً إلي أنه سيتم عقد مؤتمر صحفي الأحد المقبل للإعلان رسمياً عن انضمام عمرو الصفتي رسمياً للزمالك
عدد التعليقات : 25
• ضابط فى مدينة الذئاب !
• خارجة .. الداخلية في شهر!!
• عبد الظاهر السقا.. ناقل الحرب!!
• دستور جديد.. من الألف للياء!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الف مبروك للزمالك وان شاء الله يكسب كاس مصر ويحبس نفس الاهلاويه علشان الزمالك كبير وهيفضل طول عمر كبير مهما دارت الايام
يمتاز الجمهور الزملكاوي بأنه علي درجة عالية جدا من النسيان ... فاكرين أيام فريق الأحلام وبرضه اخذ المركز الثاني لدرجة أن الكابتن احمد الكأس رفض اللعب للزمالك ورجع للأولمبي في الدرجة الثانية بعد مادخل النار برجليه ... وعلي الرغم من تقديري لعمرو زكي كلاعب هداف إلا أنني اشفق عليه من دخوله عش الدبابير وهو الذي كان في إنبي حيث الإدارة المحترمه التي كان كل فرد فيها يعرف حقوقه وواجباته إلا أنه ذهب الي سوق عكاظ حيث يتولي فرد واحد فقط توجيه اللاعبين ورسم الخطة ووضع التشكيل والتفاوض مع اللاعبين والشتيمة في التليفزيون والراديو والجرائد ( وربنا يستر ومايكونش ليا ملف معاه ) وبكره فعلا يشعر بالندم وعلي العموم الأهلي محتاج الي منافسين اقوياء لنشعر بالمتعة وبحلاوة النصر عليهم
وسلمولي علي حسن سبانخ
عمرو مين دة اللي عاملين عليه الهوجة دي كلها . قال يعني بيلعب كويس طب دة محمد عبد الوهاب بتاع الاهلي احسن منه 1000000 مرة . اشرب يا زمالك بالسم الهاري .... اقصد بالهنا والشفا .
حضري مين اللي قال عايز اروح الزمالك هو احنا هنكذب كمان ولا ايه ، الحضري واحمد السيد وجيلبرتو شرف ليهم انهم يكونوا في الاهلي ومش بعد كل دة ممكن حد فيهم يفكر ولو لمجرد لحظة انو يروح الزمالك والا بقى يبقى .... ارحموا عزيز قوم ذل ...
قال ايه عمرو راح الزمالك يا حلاوة يا ولاد طيب طظ فى عمرو ده ابو تريكه بعشرة زيه ده كفايه متعب بس يخوفه وعلى رأى المثل عمرو زكى اشترى كيكه لقى فيها ابو تريكة ومبروك السجن لمرتضى منصور وعبال 100سنة هناك يا رب... ده محمد بركات بس يستاهل الدهب و10000000000000جنية مش عمرو زكى وروح فى 200 داهيه يا عمرو بالزمالك بتاعك ان شاء الله تولعوا بجاز و الزمالك مفلس ياعم عمرو هياكل عليك فلوسك
ان شاء الله الزمالك راجع تاني أيام الانتصارات غصب عن الأهلويه
ومتشكرين للمستشار مرتضى على الصفقه
الرد على العلوج الحمر حرام
بقا عصام الحضرى وجلبرتو واحمد السيد كانو عايزين يروحو الزمالك والنبى انتو عالم هبله بقا هيسيبو المجد اللى فى الاهلى ويروحو للانحطاط اللى فى الزمالك
انا نفسى اعرف مين اهبل كاتب المقال ده
بكره هتعرفو مين عمرو زكى وهتعرفو ان الاهلى لبسهولكم يا زملكيه
اولا احب ان احيى الاسطورة مرتضى منصور انك حققت صفقة العمر اتميى لعمرو التوفيق مع الزمالك
مش عارف انا ايه الغل بتاع العالم الاهلاويه ده و علي الفكره الزمالك هو الزعيم و الاهلي مش اكتر من الزمالك في اي بطولات ما عدا الدوري و الكاس يعني الاهلي ده فريق محلي فقط لو طلع بره يتكشف علي حقيقته و علي العكس الزمالك مش بيركز علي الحاجات الهايفه بس تركيزه علي البطولات الافريقيه و العربيه و الحاجات الكبيره مش الهايفه
محمود عزت
mahmoudezzat1@yahoo.com
افرحوا بنفسكو شويه يا اهلويه يا بهايم ليكو يوم
الاخ اللى بيقارن بين عمرو زكى ومحمد عبد الوهاب اثبت انه فعلا اهلاوى. مش عارف يا اهبل اقولك ايه. يا حبيبى ده مهاجم والتانى باك شمال. بس لقولك ايه ربنا يشفيك يا اهبل
ربنا يرحم الاهلي والزمالك اتفرجوا على كاس العالم وانتوا تعرفوا اللى احنا بنلعبوا دة مش كورة وسياسة الكورة في مصر دلوقتى هي ان الاهلي معاه فلوس وبيخطف اللعيبة بتاعت مصر كلها علشان محدش ينافسه والزمالك مليان مشاكل والكل بيدبح في بعضه علشان المصلة مش علشان خاطر النادي بذمتكم دي كورة ربنا يهديكم
الاخ العبيط اللي بيقول اني بقارن ما بين باك شمال ومهاجم ، واضح جدا ان فهموا على قدوا وغبي . انا مبقارنش عن المكان انا بقول في تسجيل الاهداف يا غبي ، شوف عبد الوهاب صحيح مش مهاجم لكن اهدافة كتير وفعالة . مش عمرو زكي اللي بيجيب اجوان كدة بتيجي معاه من عند ربنا
عمرو زكي في الاهلي ام في الزمالك ومتى صفقة عمرو زكي
اولا احب اعرف البهايم الاهلاوية ان الاهلى ده فريق محلى ولو لعب بره هيتكشف على حقيقته ذى ما قال الاخ قبل كده
اما الزمالك
هو ده الفريق قاهر الاجانب
ومبروك عليك يا عمرو الفانلة البضاء
ومين متعب ده الحمار الا ييجى حاجة جنب عمرو ذكى
انا ممكن اقول ابو تريكه اه لانه فعلا واد اخلاق بجد
وبعدين انا هقول ايه اكتر من كده ده الرد على البهايم العلوج حرام
قال ايه الزملكاوية فرحانين بالهازيم
والهزيمة من الاهلى باقل الاهداف فوز بالنسبة لهم وقال ايه فرحانين بعمرو زكى
طيب بزمتكم فى مقارنة بين عمرو ومتعب ذى ما فى مقارنة بين حمهور الاهلى وجمهور الزمالك
وباهديلكو اغنية الزمالك رجله بتوجعه.. وملقاش حد يشجعه
هى مين دى الا بتتكلم
هما العلوج طلعلهم صوت ولا ايه وبقيوا بيعرفوا يتكلموا
يلا افرحلكو شوية يا بهايم قبل ما......
وبعدين لما انتى يا انسة بتقولى ان الزمالك بيفرح بهزايمه من الاهلى يبقى الاهلى يعمل ايه يحب على جزمة الزمالك ويبوس التراب الا بيمشوا عليه
وعلى العموم انا كمان بهديلك اغنية
وعاوزة اقولك حاجة تانى كمان
مين ده الا ملقاش حد يشجعه
الزمالك برده
الزمالك ملك الكورة المصرية والعالمية
اه ، وانتى بتولى كمان مين ده عمرو زكى الا ما يجيش حاجة جنب عماد زفت متعب
ده عماد متعب الحمار لو طال يشيل الشنطة لعمرو زكى كان عملها
وانا كمان بهديلك اغنيه
علشان توصليها للبهايم الحمر
(( عصام قلبه بيوجع .. مش لاقى حد يدلعه
عصام بيقول الاه . اه اه اه
مش لاقى الدفاع معاه اه اه اه
يا عصام يا حارس الاهلى اوعى الزمالك يضيعكوا ))
مبروك يا زمالك طلع رؤوف جاسر مفلس مش عارف يجيب لعيب بمليون جنينه الي هو عمر الصفتي وعمر زكي عاد الي روسيا اذا عاوزين تتاكدو ادخلو على زمالك tv اشرب يا ابيض ابو خطين حمر ههههههههههههههههههههههههههههههههههههههه
مين عمر زكى ده حيوان ما عندوش عقل حد يسب الاهلى نادى القرن ويروح للنادى الزمالك المتخلف ان نادى الزمالك مايعرفش غير الهزائم انا مش عرفه ايه الهبل ده الاهلى يازملكويه يلى ما يعرفوش حاجه عن الكره الاهلى ده مدرسه فن ولعب وهندسه وفى النهايه طظ فى لعيبة الزمالك انا اول مره اعرف انى حد بخروج فرحان انه خسر 3\0 وكمان بيقول الحمد لله لن احنا خسرنا 3\0 بس بازمه ده كش هبل طظ فى عمرو زكى مين يعنى ده مايجيش حاجه جنب متعب ولا ابو تريكه
خلاص يا ستى ولا يهمك ولازم تعرفى برده ذى ما انتى بنت الاهلى انا كمان بنت الزمالك
وذى ما انتى ما بتحبيش حد يتكلم عن الاهلى بطريقة مستفزة انتى كمان ما تكلميش على الزمالك بالطريقة دى وكفاية الا احنا فيه احنا عاوزين حد يواسينا مش يعمل فينا كده والاهلاوى قبل الزملكاوى
وبعدين مهما كان الزمالك والاهلى فرقتين مصريين ولازم يحبوا بعض واذا كانت رسالتى الاولى كانت بطريقة مستفزة شوية فأنا اسفة جدا ويا ستى ما تزعليش منى
بس ارجوكى راعى شعورى وشعور كل الزملكاوية الا مثلى كده تماما
ونحن كاهلاوية وزملكاوية شعارنا واحد هو (( الروح الرياضية ))
ها بقى يا ستى اتفقنا واريد ان الكلام ده
يحصل مع كل الاهلاوية والزملكاوية
ان بحب نادى الاهلى و الزمالك ان تعطوه عمرو زكى حقوا عمرو زكى نجم كبير يعطى لاى فريق قوه لهجوم اى فريق ارجوا من جمهور الاهلى ان مخلطش فى عمرو لانه ابن مصر مع تحتاتى كبير مشجعى المنصوره
مليون مبروك وعقبال انك تكونن اب جيد وابنك يقوللك يا بابا من رانيا
بحبك لانك شبه حبيبي رامي انا بموت فيك وفيه انت ينطبق عليك قول الشاعر(حبيبي انح انح والحب ظاظا وانا كل ما اشوفح يتنح بيزيد لظلظا) من عاشق ولهان
اللي يتكلم على متعب الكلام ره يروح يشوف عمرو زكي من كام يوم في سيتي ستارز كان مستني وبيعاكس بنات وانا والله شوفته وسلمت عليه
يا جماعه ده موقع هايل يا جماعه لعبه اون لاين عن الكوره والمشجعين شغل ميه ميه ياريت تجربوها
www.lifeoffside.com
احب اهنىء جماهير نادى الزمالك العريق بأنضمام النجم المصرى عمرو زكى لنادى الزمالك وانا ارى ان عمرو زكى صفقه رابحه جدا للنادى
بصراحه يا جماعه انا عاشق لعمرو زكى