وقف عقلك...إسماعيل بيشغل إيه؟
وبصراحة لا استطيع أن أسيطر على غيظي عندما أرى هلة الأخ إسماعيل ع الشاشة الفضية
10/06/2006
هالة غازي – ولاد البلد:
في الفترة الأخيرة وكعادته الميمونة(ما هو الفاضي يعمل قاضي) أتحفنا التليفزيون المصري بمجموعة من الإعلانات التي تعتمد علي التفكير وحل بعض الأسئلة التي تطرحها من خلال الاتصال
وطبعا التلفزيون قصده شريف يعني عايز يدرب الشعب المصري على تشغيل الدماغ ويساهم في تحسين الأحوال وحل أزمة الأسعار النار والبطالة والعنوسة وكله مدروس من خلال الفوز بمبالغ كبيرة من المال، وبم إننا مش هنعد ع التلفزيون مش عارفين ببفوزا ولا لا؟
وهكذا أتعود التلفزيون كل يوم على افتكاس وسيلة للابتزاز وسحب الفلوس بطلب 0900 وأتعود المشاهدين يتصلوا ويجربوا حظهم يمكن البلية تلعب، ولا البلية بتلعب ولا التلفزيون بيبطل افتكاساته..
وآخر افتكاسه أتحفنا بيها هي "إسماعيل بيشتغل إيه؟!، وكأنه المواضيع انتهت والمشاكل والأفكار ربنا رحمها ولم يبقى إلا أسئلة الأطفال في الحضانة التي تقدم في تلفزيوننا المجيد تحت عنوان"إسماعيل بيشتغل إيه؟"
سؤال صعب
ولكي تجري المزيد من الاتصالات، وتشغل وقت فراغك وتطير ما تبقي من رصيد تليفونك المحمول أو لتحميل قيمة فاتورة تليفونك العادي المزيد من الجنيهات، يأتي (الذكي) سمعه بدوره وسماجته وتقل دمه وغباء أسئلته محاولا أن يجعلنا ندخل في حيرة من صعوبة السؤال السمج الذي يعتبره إسماعيل ومخرجه أنه في منتهي الصعوبة، في حين انه مصم للاطفال في اللفة.
وبصراحة لا استطيع أن أسيطر على غيظي عندما أرى هلة الأخ إسماعيل ع الشاشة الفضية (إللي خلوها ملونة )وفي نفس اللحظة اللي بيخرج فيها بضحكته الجاهزة وفي نفس الوقت تلاقي الريموت (الاختراع الذكي اللي بيساعدك تغير القنوات من غير ما تقوم من مكانك يروح قالب لوحده توماتيكي ) راح لأي قناة ثانية والظاهر انه هو كمان بيكره إسماعيل وفوازيره وغتاته وأروح أي قناة تانية ومفيش فايدة كل يوم أشوفه..
ولما ركزت مرة وحاولت امنع الريموت من حركته التلقائية قلت"اهو يابت أتفرجي النهارده يمكن موقفك غلط يمكن يقول حاجة عجدله أو يكون وراه هدف ما هو أنت أيوة خريجة إعلام بس أكيد الأساتذة رؤساء القنوات بيفهموا أكثر منك" المهم ركزت وجيت على نفسي واشتريت نص كيلو ليمون وعدت أتفرج على حلقة ولا حظت حاجات كثير:
أولا :
سي إسماعيل بيستهزيء بعقولنا الاستهزاء وطبعا مش هو الوحيد هو واحد منهم مثل غالبية مواد وسائل الإعلام المصري المجيد ، فهولا يحترم عقلية المشاهد، وينظر إليه علي أنه شديد الغباء ومصاب بالعته المغولي، فمن المفروض عند طرح سؤال علي الجماهير، أن يستحق بالفعل إطلاق لفظ سؤال عليه، فهو في منتهي السهولة ومعروف بداية من أول كلمه يتفوه بها الذي يسمي بإسماعيل..لكن هتقول إيه تلفزيون بقى؟
ثانيا:
الألفاظ المستخدمة في الإعلان، لا ترقي إلي المستوي الذي تعرض به علي التليفزيون، فلدينا ما شاء الله رصيد كبير من الأطفال في مصرنا الحبيبة يهوى التقليد وترديد مثل هذه الألفاظ، فسمعه دائم التوبيخ لزوجته، قبل زواجهم وبعد زواجهم وإنجابهم، فيقول لها "يا متخلفة" وبم إن الأخ إسماعيل راجل جامد ومكسر الدينا شمشون يعني وفي فترة الخطوبة رمى زوجة المستقبل في حمام السباحة لمجرد تجرؤها وسؤاله عن طبيعة عمله؟!
ولم يكتفي بذلك بل يصر على وصفها وإظهارها في صورة الغبية التي لا تفقه في الحياة شيء، فبعد سرد صفات عمله، لا تعرف أبدا طبيعة هذا العمل المرموق..وهكذا نجد مفردات جديدة مثل "بعينك لو عرفتي أنا بشتغل أيه؟" وغيرها من العبارات والكلمات التي تجد مدخل مفتوح وواسع ومفضفض للسطو على عقول الأطفال التي تناسبهم أسئلة الأخ إسماعيل
ثالثا:
إن القصة أساسا قاسمة على مبدأ غريب وسمج وغير منطقي مثل ابتسامة سي إسماعيل وهي إن حضرته تزوج من زوجته المصونة دون أن تعرف طبيعة عمله أزاي يعني صحي من النوم لقى نفسه متجوزها ولا شافها في المنام ولا إيه؟؟؟!
ولقيت إني لو كملت الحلقة هاتفرس أو هتجنن أو هخسر مرارتي فقررت أريح نفسي وأقوم بس بصراحة إعلان مستفز في قناة مستفزة في جهاز مستفز في وزارة مستفزة في بلد مظلومة..
• مات فؤاد المهندس صامتا.. فرحلت معه ابتسامة مصر
• عن جلسة المواطنة والديمقراطية!
• 3 أفلام حسمت موقفها!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
والله تستاهلي ...
إيه اللي يخليكي تعدي علي حاجة زي دي ...
طبعا أنا مش عارف إنت بتتكلمي علي غيه ..لأني حارم نفسي من النعمة دي ...
الحمد لله ... حرمونا من القنوات المصرية ... وربنا يعينهم ويشيلوا الفضائية والأأولي كمان .. من علي النايل سات ...
لكن انسي ..... هم كبييييييييييير وانزاح
يارب تخلي لنا أنس باشا ويقفل كله علينا ويزيل نعمتهم دي ...
أحمدك يارب ...
لا للتمديد ... لاللتوريث ... نعم لتعديل الدستور المصري
mohaemdat@hotmail.com
اللي يعيش ياما يشوف، وانا اقول كمان اللي يتفرج ياما يشوف ويترقف، انا خلاص، خلاص زهقت، مفيش فايدة، مفيش فايدة......
بالعند فيكم !!.....أنس مش حيمشي يا وحشين ... يا حاقدين .....
أول امبارح يوم الاثنين يعني كنت قاعد أقلب في القنوات الفضائية بدور على المبارة بتاعة الظهر و الله منا فاكر كانت بين مين و مين ... المهم خير اللهم اجعل خير لقيت قناة على القمر الأوروبي طبعا ... من غير صوت و الصورة فيها كرسي صالون عقبال عندكم من النوع الفاخر جدا فاضي مش غريب علينا و المنظر وراه من النوع الحلوف ( Sory ) المألوف يعني شيافينه قبل كده ؟! .....و وراه سجاده على الحيطه بشبه عليها مكتوب عليها ( القطر المصري ) حد عرف التصوير يبقى فين ؟؟!!! أنا عرفت في مقر رئاسة الجمهورية على رأي الأخت هناء سمري ( موفدة قطاع الأخبار ) !!!! و بعد شويه جه شخص قعد على الكرسي هو مين !؟ ...... لأ غلط مش الحاج يا خويا دي الحاجه ( السيدة الفاضلة ) جات و قاعدت و ظهرت على الشاشة و معاها خمس ست رجاله و واحدة ست شيك برضه (على فكره مكانش في صوت ) ثم قامت الأخت الشيك بوضع أول ميكرفون للسيدة الفاضلة و قام واحد من الواقفين قفاه للكاميرا بتركيب الميكرفون الثاني للسيدة الفاضلة بصراحه أنا كنت بشبه عليه طلع مين ..!؟ أنوس و بعد كده عمل Check على الميكرفون الثاني و الصوت اشتغل أنوس قال للسيدة الفاضلة بعد تركيب Ear peace السماعة يعني : حضرتك حتبصي هنا الصوت واصل حضرتك سمعه الصوت و شويه كلام مسمعتوش ثم تحدثت الست الشيك طلعت أجنبية أيوة و الله و بعدين بدء التصوير واحد سئل السدة الفاضلة عن حاجة كده بالانجليزي و لا أهو إيه و ردت عليه ماشاءالله عليها و بعدين قالت لأنوس أنا مش سامعه حاجه هو اسمه ايه الراجل ده مالوش اسم طيب مالوش اسم .. ( ظريفة و مرحة ) واخده م الحاج أبو علاء برضه ! و جه السد الأستاذ أنوس و قالها هو حيسألك ( حضرتك زي ما قال )نفس Qu
اقرأ بقية التعليق ..
انا معاكى فى نقطه هامه جدا
ان محدش بيكسب اى حاجه وبيطلعوا واحد كدة لابس قميص كروهات وبنطلون قماش تفصيل قديم بكوسر وعندة كرش
وشكله ياعينى كفران وطلعان عين اهله ماسك رزمه فلوس عمال يهوى بيها ويهزها علشان يحنسنا
وأهم حاجه لازم يكون شكله غلبان علشان المصداقيه بس
بس لامؤاخذة يعنى ؟ هوة مين إسماعيل دة؟
أصلى مش متابع تليفزيون مصرى مبطله من زمان
إيه يا جماعة هو محدش بيتفرج علي التليفزيون المصري خالص ولا إيه ؟
مش معقولة يعني ؟؟؟دي مصر يا جماعة ....
مصر ...
مصر ...
واضح إنك حتضظري تبطلي كمان ...
وبرضه
لا للتمديد ... لاللتوريث ... نعم لتعديل الدستور المصري
mohaemdat@hotmail.com
ماقرأته في هذا الموضوع وعن عمنا اسماعيل جعلني اتعرف علي فائدة جديدة وعظيمة للغربة التي جعلتني لااشاهده
بسم الشعب المصرى المناضل اطالب وزير الاعلام بازاعة برامج التلفيزيون المصرى على جميع القنوات الفضائيةلمدة خمس ساعات يوميا
وزلك للمساهمة فى الحد من استهلاك الكهرباء
شكررررررررررررررررررررررررا
ياجماعة انا عملت لنفسى emailجديد ارجوكم كلمونى فى اى موضوع عليةو هو
elmagdalia_2000@hotmail.com
انا من زمان وانا متغاظه من هذا المدعو اسماعيل من ايام الكاميرا الخفيه اللى كان بيطلع فيها المعتوه ده لان متهيألى انه اول واحد والله اعلم دخل برنامج الكاميرا الخفيه الى مصر وهذا البرنامج لوحده كفايه انه بيحرق دمى بطريقه وبعدها قال اسماعيل بيشتغل ايه ربنا يوقف نموك
الحمد لله الذى عافنا مما ابتلى به الأخرين
انا مش بشوف التليفزيون المصرى دا نهائى لكن مرة كده وانا عند اختى شفت موضوع اسماعيل اتفرست والله بس هنعمل ايه ما هى المنظومة كلها خربانة من إعلام وتعليم واسر بتتفرج على الكلام الفاضى وفى الاخر اطفلنا بيحصلهم غباء ليه بعد سن السادسة ما هو من الحاجات دى
ربنا يهديهم
ياجماعةخلينافى المهم ارتفاع اسعار البنزين وبالتالى المواصلات وسيبو اى غبى يصدق انة هيكسب يتصل ويبقى يقابلنى ان كسب .
ghfjghjfh hfjghfjhg fjhghskghfs lkdgf h testetetetetetetetete test test test
ghfjghjfh hfjghfjhg fjhghskghfs lkdgf h testetetetetetetetete test test test