لو تعرفوه
السطور السابقة - لو لم تكن تعرفها - هي كلمات أغنية جديدة لمطربة اسمها إليسا، لو لم تكن تعرف الأغنية فأنت بالتأكيد تعرف إليسا..
10/06/2006
مدونة وأنا مالي - ولاد البلد:
لو تعرفوه..
لو يوم يقابلكوا اسألوه..
ليه الأيام ياخدوه..
لو تعرفوه..
لو يوم شفتوه كلموه..
عن ناس هنا بيحبوه..
وفكروه..
فاتني وبستناه..
وكمان بقى عرفوه..
من فات حبيبه تاه..
وابقوا اسألوه..
ازيه وازي حاله..
في باله أو مش في باله..
منساش هوانا، وأمانة..
كل اللي اتقال قولوه..
لو تعرفوه..
لو كان في بينكم كلام..
حد يسلملي عليه..
لو تعرفوه..
قولوله ببعتله السلام..
لعنيه ولقلبه وليه..
وفكروه..
فاتني وبستناه..
وكمان بقى عرفوه..
من فات حبيبه تاه..
وابقوا اسألوه..
ازيه وازي حاله..
في باله أو مش في باله..
منساش هوانا وأمانة..
كل اللي اتقال قولوه..
السطور السابقة - لو لم تكن تعرفها - هي كلمات أغنية جديدة لمطربة اسمها إليسا، لو لم تكن تعرف الأغنية فأنت بالتأكيد تعرف إليسا..
أنا عن نفسي أعرف الأغنية وأعرف إليسا، لكن ما لا أعرفه وأتمنى معرفته فعلا، هو اسم كاتب هذه الكلمات، فرغم أنها ليست عبقرية مقارنة بكلمات أغاني أخرى، لكنها مليئة بالإحساس، ولحنها صادق إلى أبعد الحدود.. وهو ما يدفعني للبحث عن اسم الملحن كذلك..
في الأغنية، تكلم إليسا رفاقها وأصدقائها، تكلم البشر جميعا، تبحث بينهم عن شخص يعرف حبيبها الغائب، البعيد عن عينها والقريب من قلبها وعقلها..
تحملهم بالأسئلة التي تنتظر منه إجابة عنها، عن أحواله، وعما إذا ما كان ماذا يذكرها ويذكر حبهما وما بينهما من عهود..
وتلح عليهم أن يجعلوه يتذكر كل الأشياء التي ربما يكون نساها يوما ما، وأن يتذكر دائما، إن من فات حبيبه تاه، وأنها مازالت تنتظره وعليه أن يفهم أن راحته في الرجوع إليها..
وأخيرا تطلب منهم أن يسلموا لها عليه، على قلبه الذي ينبض بحبها، وعلى عينه التي لم تكن تبصر غيرها، وعليه هو شخصيا الذي رضى بالبعد على أن يبقى بجورها..
رغم أني سمعت الأغنية عشرات المرات قبل ذلك، في الميكروباص، وفي الـDJ العالي أثناء افتتاح محل الجزم المجاور لمنزلي، وفي نجوم أف أم المسموعة في القاهرة وضواحيها وشوارعها ومحلاتها وأتوبيساتها، ومن سماعات زميل لي في العمل لا أعرفه على وجه التحديد..
رغم أني سمعتها أكثر من مرة، لكنها المرة الأولى التي أركز في كلماتها بهذا الشكل، لأن إليسا عودتني على أن يكون صوتها جميلا، وألحانها رائعة، لكن على كلمات غير مفهومة تجمع بين المصرية واللبنانية في MIX غريب...
لكن عقلي يرفض أن يصدق أن هذه الكلمات من الممكن أن تغنى لشخص عادي مثلي ومثلك ومثلنا جميعا..
فالـ"بني آدم" الذي يستحق هذه الكلمات – بغض النظر عن أن إليسا هي التي تنطق بها – هو بالتأكيد شخص غير عادي، يملك في قلبه الكثير ليعطيه لمن حوله، والدليل أن الكلمات تمتلىء بمثل هذا الحب..
هو شخص علاقاته متعددة، كثيرة، طيبة مع الجميع، فهي تسأل الناس كلها في ثقة، من منكم يعرفه، لكن السؤال الحقيقي الذي يظهر من بين السطور، ومن هذا الذي لا يعرف حبيبي، ولا يعرف قصتنا..
لماذا أطيل عليكم...
سأقول باختصار ما حدث..
للمرة الأولى التي ركزت فيها في كلمات الأغنية السابقة، وجدتني أبكي، وفي عقلي وقلبي وعيني مجموعة من الصور.. إليكم بها..
1 - لو تعرفوه.. محمد القصاص:
أعرفه منذ سنوات طويلة، مجرد اسم يتردد أمامي أثناء فترة عملي مع أبي في سوق نشر الكتب، لم أقابله، أو ربما قابلته، لا أذكر على وجه التحديد المرة الأولى التي قابلته فيها.. لكن ما أعرفه جيدا، أن علاقتي بدأت معه بعد أن سافر صديق مشترك لنا لخارج مصر.. قابلته للمرة الأولى على قهوة أبو أمين بشارع التحرير في الدقي، طلب لنفسه عناب، وبدأنا الحديث..
جلس يستمع لحكايات كل الجالسين، يطلق قفشاته حين تكون لها مناسبة، أو يصمت ويركز في كلام المتحدث لو تبين له أنه ذو أهمية..
وفي كل مرة قبل القيام من على القهوة ذاتها، لا ينسى أن يشتبك في حوار سريع مع علي علبة القهوجي، ما عرفته عن قصاص (هكذا نناديه متناسيين اسمه الأول) أنه لا يترك شخصا دون أن يتحدث معه، بغض النظر عن أهمية الشخص أو أهمية الحديث، لكنه يعرف جيدا أن كل الموجودين يتمنون الحديث معه، وينتهزون الفرصة ليفعلوا ذلك..
بصراحة، أنا لا أعرف قصاص جيدا، فمقابلتي الأولى معه على القهوة كانت من حوالي عام واحد لا أكثر..
لكن الحكايات التي يحكيها أصدقاءه عنه، تجعلني أشعر أني كنت مثلهم، صديقه في المسجد، وزميله في الجامعة، ورفيقه في السجن..
قصاص، يملك مشاعر أبوية تجاه الجميع، ستجده يجلس في اليوم الواحد مع عشرة على الأقل، يسمع من كل واحد منهم عن مشكلته، ويعطيه رأيه، الذي ستجد في النهاية أنه الأقرب إلى الصواب، رغم أنه بعيد عن تخصصه، لكن الحقيقة، أن قصاص لا يعرف تخصص معين، بل هو ضد التخصص ككل، يفهم في كي شيء، وله في كل شارع صاحب، وعلى كل مقهى ذكريات، وفي كل عمل تجارب..
هذا هو قصاص، هو الآن نزيل زنزانة لا أعرف رقمها في مزرعة طرة.. لو كنتم تعرفوه، فبلغوه عني ما تقوله إليسا لحبيبها..
2 - لو تعرفوه.. عبد المنعم محمود:
لم أقابل يوما اسكندرانيا واحدا ونسيته، اكتشفت هذه الحقيقة وأنا أحاول الكتابة عن عبد المنعم، أو "منعم" كما اعتدت على مناداته..
عبد المنعم اسكندراني حتى النخاع، لكنك في كل مرة تقابله فيها تعجز عن تصديق أنه ينتمي لتلك المحافظة.. فهو لا يأكل السمك، ولا يعرف عن الإسكندرية ربع معلوماتك، ومرات نزلوه للبحر يعدها على أصابعه..
أراه منذ أكثر من سنتين، يدخل في صمت، يذهب للحديث مع أحمد زين، يسلم علي في الدخول والخروج، ويختفي..
لكن فجأة، أصبحنا أصدقاء، بدون أي تخطيط مني أو منه..
يجمعنا حوار طويل عن الإعلام والإخوان وكفاية والمعارضة والطلبة والمظاهرات..
أذهلني نشاطه، هو "رويتر الإخوان" كما يحب أن يسمي نفسه، أسأله في الثالثة صباحا عن مكان تواجده في العاشرة من صباح اليوم التالي، يجيب في ثقة، "أيووووووه، عندي ميعاد الساعة سبعة في المكتب، بعدها هروح النقابة، وأطلع من هناك على اسكندرية وأرجع بكرة الصبح عشان عندي... "، ويكمل حديثه عن مواعيده وارتباطاته التي لا تنتهي..
في الصيف الماضي، كلمني بسرعة على الموبايل : بقولك إيه، تيجي نروح نصيف 24 ساعة في اسكندرية..؟... أجبت في سرعة.. : طبعا..
كان ذاهبا إلى هناك لتغطية مؤتمر نقابي، ذهبنا سويا، واستمتعت معه بنصف ساعة في البحر قبل أن يحين موعد رجوعنا، وتمشية طويلة على الكورنيش، وفضفضة غريبة من نوعها.. حدثت بيننا للمرة الأولى..
على هاتفه، ستسمع رنته المفضلة "عصفور طل من الشباك"، وستسمعه وهو يطلب مراسل رويتر، أو الفرنسية، أو قناة الجزيرة، ويقول الجملة ذاتها.. "سلام عليكم.. معاك عبد المنعم محمود.. بتاع الإخوان المسلمين"..
منعم وأنا، بيننا شراكة من نوع غريب، كل منا يعرف أنه يحتاج الآخر في حياته وعمله، المرة الأخيرة التي قابلته فيها كانت في رويال باكري المجاور لعشرينات..
هناك كنا نحتفل بعيد ميلاد دعاء، وهناك عرف هو للمرة الأولى أني سأتقدم لخطبتها.. وكانت آخر جملة سمعتها منه قبل رحيله.. "أيوووه.. كنت بعقلك يا براء"..
لم تكن تلك المقابلة هي الأخيرة تحديدا، فبعدها بيومين، جاء لعشرينات مبتسما على غير عادته، عودنا أن يدخل وهو منهك من المشي والتنقل طول النهار.. دخل، داعب الجميع بقفشاته السريعة، وطلبني للحديث معي لدقائق في الخارج، وهناك قال.. بقولك إيه.. "أنا مطلوب القبض عليا ورايح أسلم نفسي بكرة.. هبعتلك خبر القبض عليا عشان تبعته للمواقع اللي هقولك عليها".. لم أستوعب ما قال.. لأنه قالها في بساطة وهدوء لم أعرفهما عنه، ولأنه كان المسجون الوحيد في العالم تقريبا، الذي يكتب خبر القبض عليه بنفسه..
عبد المنعم سلم نفسه، وترك لنا على ايميله رسالة تصلنا كل يوم، تقول.. "آسف لعدم ردي على رسائلكم، لقد قمت بتسليم نفسي لجهاز أمن الدولة"..
منعم أخبرني أنه بعد الانتخابات سيبدأ التفكير في الزواج، لكنه لم يفعل، وأنه يستعد لفتح مكتب إعلامي خاص به، لكن القبض عليه لم يمنحه الفرصة..
المكالمة الأخيرة التي تلقيتها منه، كانت صباح اليوم التالي لزيارته الأخيرة لعشرينات، وفيها قال.. "براء.. أنا رايح دلوقتي.. ما تيجي معايا.. لا إله إلا الله"..
عبد المنعم محمود، منعم، لو تعرفوه.. قولوله ببعتله السلام.. لعينه ولقلبه وليه..
3- لو تعرفوه.. هشام الباسطويسي..
في العناية المركزة كان يرقد منذ أيام..
كانوا يعالجون قلبه الذي لم يحتمل كل ما يحدث لهذا البلد، يعالجون قلبه الذي يرفض أن ينبض بحب النظام، لأنه ينبض بحب الوطن..
معرفتي به لا تزيد أو تنقص عن قدر معرفة أي واحد منكم به.. آخر مرة سمعت فيها صوته كانت على الهاتف.. حين فكرت أن أخبره عن حملة ولاد البلد "طفي النور يا بهية" لمناصرة القضاة..
في المكالمة، سمعت صوتا مليئا بالحماس، مليء بالغضب، مليء بهذا الوطن..
شكرني بشدة، ورفع صوته بالدعاء.. ربنا يكرمك ويوفقكم.. أنا متشكر جدا..
أحاول الكتابة عن هشام البسطويسي، لكن أشعر أني مهما كتبت لن أعطي الرجل حقه.. لكن ما يستحقه فعلا مني ومن كل مصري، هو الدعاء، وأن نرد له جملته التي قالها بسرعة في المكالمة الوحيدة بيني وبينه.. "أنا متشكر جدا"..
بعد صدور حكم المحكمة بتوجيه اللوم له، لم أفهم الحكم في البداية، وهل يعني البراءة، أم سيتم اتخاذ إجراء ضده.. لكن ما شعرت به ساعتها، أني أرفض هذا اللوم بشدة، لأني ببساطة لا أقبل أن يتم لوم رجل مثله على شيء لم يفعله.. بل أن فكرة اللوم نفسها مرفوضة، لأننا اعتدنا على لوم الأشخاص الأقل منا شأنا وسنا وقدرا.. والبسطويسي.. ليس كذلك.. بل هو أكبر من الجميع!
لسيادة المستشار.. أنحني.. وأوصيكم.. لو تعرفوه.. فبلغوه عني السلام.. وطمنوني عليه!
تلك هي الصور التي قفزت في عيني بعد سماعي للأغنية.. وأنتم.. لمن تغنوها..؟
عدد التعليقات : 26
• كلنا فداء "البتاع".. يا ريس!!
"الحلوة في مشوار وصاحبها على نار"
كلام مكتوب على شباك ميكروباص، بيمشي في صفط اللبن.. وبيروح الجامعة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حمدالله على السلامه مقدما
عجبنى ترتيب الحاجات قلى وحشتك
القاهره
ولاد البلد
دعاء
بابا وماما والبيت
ترتيب لذيذ
http://yehia2784.blogspot.com/
yehia2784@hotmail.com
حلوة اوى يا براء ، حقيقى فى حاجات كتيرة بتوحشنا وناس كتير بيوحشونا ، بيفرقنا الزمن عن حبايبنا ، لكن اكتر من وحشنى هى مصر ، مصر اللى كان ليها قامة اطول من اى بلد فى العالم ، مصر اللى كان ليها كرامة وكبرياء ، وحشتينا يا بلدى ، ربنا ينصركم يا احلى شباب ونقدر نرجع مصر زى ما كانت
دايما في واحد في بالي
كل ما اسمع اي كلام يفكرني بحد احبه
واتمنى اشوفه
او حتى ابعتله سلام
ونفسى اشتكياه
تعفو مين
صلاح الدين الايوبي
لو تعرفوه..
لو يوم يقابلكوا اسألوه..
ليه الأيام ياخدوه..
(الحق اللى ضايع)
لو تعرفوه..
لو يوم شفتوه كلموه..
عن ناس هنا بيحبوه..
وفكروه..
فاتني وبستناه..
بس لازم ندور عليه وما نستناش لحد ما يجى لوحده
السلام عليكم
الموضوع ممتاز يا براء ما شاء الله أهنيك عليه
محتاجين فعلا كل واحد فينا يقعد مع نفسه ويقولها لو تعرفوا بس مش بتاعت إليسا
بخصوص عبد المنعم فأنا أعرفه شخصيا بالرغم من كلامتك الجميلة عنه يابراء إلا إن عبد المنعم شخص أكبر من كدة بكتير رغم بساطته ربنا يفك أسر جميع المعتقلين
يا براء انت احساسك عالي اوى اوى فى الكلام - مع انى مبسمعش أغاني - لكن لا يختلف اتنين على انك انسان رقيق واحساسك عالي جدا جدا وشاب محترم جدا ومصري جدا واتمني انك متفهمش التعليق كانه أى شكر وخلاص بس انا معجب بيك جدا ونفسي اكون زيك كاتب عندي احساس عالي وقوة فى المنطق وسخرية فى الاسلوب ومرح ودعابة وزي الاستاذ بلال فضل كمان-لازم ندي كل واحد حقه برضة بالالقاب يعني لحد ما يجون بيننا تعامل - وعموما ادعي لى ربنا يوفقني
أنا حأعلق عن عبد المنعم...لأنت ده اللي سمعت عنه ....
الحقية اللي سمعته عنه يكفيني إني أفخر بيه وأتمني إني أتعرف عليه بجد
وبعدين أهه مثال للإخوان المسلمين الفاهمين ....
ربنا يرجعه بالسلامة ..وأطمنك عليه ..هو جوه مرتاح علي الإخر ..كان معايا ناس كانوا معاه والحقيقة مرتاحين والحمد لله
لا للتمديد ... لا للتوريث ... نعم لتعديل الدستور المصري
mohamedmat@hotmail.com
السلام عليكم ورحمة الله:
انا اقرأ المقالة واستمع للاغنية
اغنية رائعة جدا...
لما سمعتها اول مرة عند صديق ملكت احاسيسي ولم اصدق ان اجد اغنية بهذه الالحان الرائعة..
لو تعرفوها نهى صاحبتى الى سافرت و بقالى كتير بدور عليها و مش عارفه اوصللها
لو تعرفوهم كل اصحابى المتوزعين على بلاد الخليج و اللى بغنياهم الطير المهاجر و اعيط
لو تعرفوهم و لاد البلد امثال الشرقاوى و الشاعر
لو تعرفوه الاتيكيت او الذوق ف التعامل اللى ضاع من الناس او هما اللى ضيعوه ف زحمه الحياه
لو تعرفوه الحب العمله النادره اللى خيفه تكون ذهبت مع الريح
الموضوع تحفه يا براء
أكيد كلكم عارفينه
حبيب مصر
وأكيد كل اللي بيعرفوه بيحبوه
حبيبنا الدكتور عصام العريان
فك الله أسره هو واللي معاه
معلش يا جماعة انا حاسس ان الاغنية بتاعة اليسا خدت طابع سياسي شوية ..
بس انا بجد اكتر حاجة واحشاني حبيبي اللي خايف ان لا اراه ثانية ..
لوتعرفوه قولوله اني بحبه ...
مش حقول ناس كتير عشان انتو ماتعرفهومش ولو عرفتوهم مش حتقدرو تقولهم الي عايزه اقوله
بس اللي اعرفه في الموقع
لو تعرفوا البت نوفا قولولها بطلي رومانسيه يا مصيبه انتي ومتتفرجيش علي مسلسل الوسيه كتير عشان بعيط . واقري دهب مع الريح الاول وبعدين بعديها بسرعه الفيلم الاتنين مع بعض يعملو قفله رهيبه .
لو تعرفوا براء او دودو قولهم شدو حليكو عايزين نفرح بيكو .
لو تعرفو الكابتن ميت قلوله خلاص وضحت الفكره وبهديك اغنيه i'm alive "غيظه يعني "
لو تعرفو امي سلمولي عليها هي وكل الحبايب وسرسوره .
لو تعرفوني ادعولي مامتش بعيد عن اهلي .
ماما جت في النص كنت لسه معلقه في امي مسافره
فلخبطت معايه الحكايه .
انا اتخقت منك يالي مكتر همومي خلاص زهقت منك و هطلع من هدومي ...... هتغير خط سيرك صدقني انا مش هغير انا برضوا هحبك غيرك ده انا قلبي مالوش كبير تحياتي ..... محمود عزت
mahmoudezzat1@yahoo.com
معلش انا كتبت التعليق دا الساعه 12 بتوقيت سندريلا , اول سطر بخصوص ناس كتير كنت اقصد اجانب اكتب انا ايه بقي عليهم فمكنش ينفع اقلوكم لو تعرفوهم اكت بعنجليزي يعني , السطر التاني بتاعت مامتي خبطت في الحلل وكتبت في النص كدا مع اني قلت في الموقع وبس تقولو ايه بقي موسم ومتحانات وكل سنه وانتو طيبين
جميله يا براء
كان ناقصها ترفق معها الأغنيه
كانت هتعمل احساس عالى جداً
تحياتى
الرومانسيه يا هبهوب قدر
زى حاجات تانيه كتير ف حياتنا
حد بيختار اسمه
حد بيختار حياته
حد بيختار مصيره
و علشان منقلبهاش ندكد بقوللك متخافيش يا هبهوب اللى بيشرب من ميه النيل لازم يرجعلها
ان شاء الله هتموتى ف مصر و هتندفنى ف مصر و هطلع عليكى القرافه ف مصر و بكرؤه افكرك
بت يا هبهوب انا بعتللك ايميل ابقى اقريه
و طمنينى عليكى
بقالي 5 سنين باقعد على قهوة ابو امين ومعرفتش القصاص ولا عرفتك ...
مش غريبة دى؟؟؟؟
انا اعرف محمد القصاص كنت معاه في نفس الزنزانة كان زي والدي
اما عبد المنعم فكان في الزنزانة اللى قدامي اول لما عرفت ان ليه علاقة بعشرينات فرحت جدا لاني كان نفسي اقابل حد من عشرينات
ربنا يفك اسرهم
اما البسطاويسي ونى الزيني فهم رموز هذا الوطن العظيم
جبتها اخيتي لاسق لو يعرف قداش كنبغيه او موحشاه ا شكرا لحقاش هد الاغنية جابتها في التمام
هذا كذب مافي هذا القانون
يتوب على دي البلد
منك وأمثالك
ماعادش لينا جلد
على سو أفعالك
قوانين البلد والبلد
بالكدب والتهجيص
ومليت طريق الهرم
ياعرص بالتعريص
مادام مفيش للهرم صاحب
هنيالك
بجد ياجماعة انا مختلف شوية عن اليسا فى انها عارفة حبيبها يبقى مين لكن انا ياجماعة بحب واحدة معرفش هى مين ولا منين كل اللى اعرفه انى بحبها جدا وبغير عليها جدا جدا جدا
وهى تبقى البنت المصرية الخمرية ام العيون العسلية
ZIZO
أغنية حلوه ومعانيها ممتازه انا مش شايف فيها اى حاجة للتناقد... وموضوع كلمات الأغنية مصري - لبنانى كله عربى .. بس انت ما تزعلش نفسك وسيب حاجة على ربنا .. وياريت يبقى فى نقاش فى موضوه مهم عن كده .. مش هنعلق على اليسا الدنيا مش هتخرب خليها تغنى ..tg
تم الإفراج عن الأستاذ محمد القصاص مع اللي باقيين من معتقلي الإخوان ....
يوم الخميس 6/7/2006 ....
بس ليا سؤال ...؟ ليه البراء مقلش إن القصاص كمان من الإخوان المسلمين ؟؟
مش عارف ... ساعات بأحس إن البراء بيتعمد ينفي اي صلة ليه بالإخوان أو حد منهم ....
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
ما هو اسم إليسا
ghfjghjfh hfjghfjhg fjhghskghfs lkdgf h testetetetetetetetete test test test
ghfjghjfh hfjghfjhg fjhghskghfs lkdgf h testetetetetetetetete test test test