أرض الفهلوة
كانت أول مرة اسمع عن اختراع عندما وجدتها تطلب رقما على الموبايل
11/06/2006
محمود حامد-ولاد البلد:
سائق تاكسي يضع "قلة" -بضم الواو- (أيوة اللي بـ نشرب منها) تخيل السواق حطها أمام المرأة الجانبية لسيارته ولم يكتفي بذلك بل كتب تحتها تعليق طريف يقول" صنع في أرض الفهلوة"..!
دفعني ذلك المشهد الذي رأيته في شارع السودان إلى التفكير في الفهلوة المصرية الخالصة والتي نستطيع أن نكتب تحتها " تراها حصرياً في مصر فقط"؟؟!
وبالطبع الفهلوة موجودة في كل مكان وليست حكرا على ولاد بلدنا، لكن لكل شيخ طريقة والمصريون طرقهم كثيرة، وافتكاساتهم اكثر وكلها تقريبا بتدور عن موضوع واحد وفكرة واحدة وهي لقمة العيش يعني "المم"..
اديني ميزد كوووووووول
وبلا فخر نحن المصريون أول من ابتكر اختراع "الميزد كوووووووووول" ، وذلك مع بدء ظهور الموبايل، وكانت أول مرة اسمع فيها عن ذلك الميزد من زميلتي في الجامعة – أيام لذتي وشبابي- فالمعروف إن الموبايل وسيلة للاتصال ولكن لدينا نحن المصريين الموبايل وسيلة للميسد كول.
كانت أول مرة اسمع عن اختراع عندما وجدتها تطلب رقما على الموبايل ثم تغلق الخط، فسألتها بتعمل إيه؟، فقالت أنها بتررن على تليفون البيت ووالدتها هتتصل بها لما تسمع الرنة ومقدرتش امسك نفسي من الضحك لعبقريتها الفذة..
ولم أكن أعرف وقتها أن ذلك لم يكن من بنات أفكارها بل تقليد شائع ومتبع ومعروف بين كل من يحمل موبايل كارت مش خط وذلك من أجل توفير فلوس المكالمة. ومن يومها عرفت موضوع الميسد ده واديها ميسدات
شفرة المسيد كووووول
والميزد طبعا له استخدامات كثيرة غير السلام اللي ع الطاير أو طلب الاتصال أو حتى الغلاسة، عرفتها أنا من حكايات صاحبي وخطيبته واسمحوا لي أن اكشف إحدى أسرار صديقي لأنه أخبرني عن "ميزداته" مع خطيبته – سامحني يا صاحبي- وهي كالتالي :
ميزد واحد صغير = بسلم عليك
2 ميزد متتاليين صغيرين= اتصلي بي على الموبايل
3 ميزد متتاليين صغيرين = اتصل بي على تليفون البيت
1 ميزد كبير = وحشاني جدا جدا جدا
2ميزد متتالينن كبار= نوم
وطبيعي جدا أن تجد الكثير من الميزدات وشفرات لفك تلك الميزادت بين الأصدقاء بعضهم البعض وكل على حسب افتكاساته.
أديني وصلة
"الوصلة" ثاني اكبر اختراع جامد للمصرينن لانها وفرت عليهم فلوس كثيرة وخسرت شركات الاعلام ملايين وكله من دماغ المصريين وافتكاساتهم
وطبعا الوصلة اختراع معروف للجميع ومش محتاج شرح فـعن طريقها نجح المصريين في التغلب على أسعار الاشتراك في القنوات الفضائية التي أصبحت" نار" ، يعني إما يكون معاك فلوس تشترك وتشاهد أو تنام قدام قنوات التليفزيون المحلية وسلم لي على مسلسل 7.30
ولكن فهلوة المصريين تغلبت ونجحت وعن طريق "الوصلة"أصبحت المشاهدة من حق الجميع فأنت يا محدود الدخل لست مضطراً لأن تدفع 750 جنيه في السنة لتشاهد الفضائيات فقط 15 او20 أو 25 جنية فقط في الشهر وأتفرج ياسلام..
وبالرغم من أن بعض رجال الدين حرموا تلك الوصلة إلا أنها انتشرت بشكل كبير في جمهورية مصر العربية...
وكمان دي إس إل
ولم تكن وصلة الدش هي الوصلة الوحيدة لانها فتحت الباب لوصلات كثيرة تانية اخرها وتمشيا مع التكنولوجيا والتقدم وصلة "دي إس إل"، لزوم النت والـ download وأحسن من استهبال "الشركة المصرية للإتصالات" والدخول على الانترنت عن طريق الـdial up اللي بيخلي فاتورة التليفون نار نار نار ( على رأي حكيم) .
ولأن الـ 150 كل شهر بتوع الـ D S L كتير برضه لجأ المصريون للإشتراك في D S L واحد يعني كل 6 أو8 جيران يشتركوا مع بعض والوصلات تشتغل ، وكمان أي حد جانبه "كافيه نت" يوصل من للجهاز عنده في البيت ومش كتير 20 او 25 جنية قصاد أنك ممكن تدخل على النت أي عدد ساعات ولحد ما تزهق وكمان تعمل download براحتك .. ولا إية؟
الايريال أبو ملعقة
شاهدت ذلك الإيريال الملعقة في أحد المقاهي البلدي في منطقة شعبية وكنت أريد متابعة إحدى مباريات الأهلى في الدوري ولم تكن مذاعة على القناة الجهنمية " الفضائية المصرية"، ففوجئت بصاحب القهوة يحضر سلكاً وفي طرفه معلقة وبعد توصيل السلك بفتحة الأوديو audio في التليفزيون وتحريك الملعقة شمالاَ ويميناً ظهرت القناة الثانية بالتليفزيون المصري ووجدت الصورة أخر حلاوة وعلى شفاه صاحب المقهى ابتسامة النصر ويقول لي " أي خدمات.. إحنا بتوع التكنولوبيا" هكذا سمى اختراعه "تكنولوبيا" .
كمبيوتر بالقطعة
عايز تجيب جهاز كمبيوتر و فلوسك على قدك ولا يهمك عادي يعني بتحصل في أحسن البيوت وما تقلقش خالص محلولة، خطف رجلك على أي مكان بيقدم الخدمة الجهنمية اللي اسمها "الجهاز التجميع " وهو برضه اختراع مصري صميم والهدف منه معروف ومفهوم وهو طبعا للتغلب على ارتفاع أسعار أجهزة الحاسب الآلي.
وطبعا مع كل اختراع جديد تظهر وظائف جديدة فتلاقي الشباب الحريفة في التجميع والتدوير ولف الدماغ
مزنوق اعمل جمعية
بتتجوز ومزنوق في فلوس عايز تشترى حاجة غالية شوية عندك حل من 2 إما تجيبها "كاش" عداَ ونقداً أو تشتريها بالتقسيط وطبعاً تدفع بدل قسط يهد حيلك وتفض مديون وتروح ضحية الفائدة والاستغلال ومش عارف كام % زيادة ، ولكن لأن المصريين بتوع الأفكار، فيه اختراع اسمه "الجمعية" اللي بتلاقيها في كل مكان الشغل والبيت والأصحاب على القهوة، و أثبتت نجاحها في كل التجارب بشهادة كل من شارك بها وأحسن بكتير من أنك تستلف أو تضطر تقسط والسلف تلف والرد خسارة .
اسحب الكارت
ولأن المصريين بيحبوا يتكلموا كتير في التليفون وبعد انتشار كبائن التليفونان "أم كارت" مش بالعملة وخصوصاً "كبائن النيل" وجدت الكثير يسحبون الكارت من التليفون بطريقة معينة عند إجراء المكالمة حتى لا يتم احتساب الدقائق التي يتكلمها وكله ببلاش وأتكلم براحتك.
هذا ولم ولن تتوقف فهلوتنا وافتكاساتنا طالما بنشغل دماغنا، ويا ترى أية رأيك في فهلوة المصريين واختراعاتهم وهل أنت معها أم ضدها ، وشايف نفسك فهلوي ولا نص نص
عدد التعليقات : 21
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
ولسة ياما هنشوف ونتعلم واخر الاخترعات يا جماعة تلفزون الكمبيوتر ...
عايز تلفزيون
ويكون الوان
بس ممعكش فلوس تشترى
بسيطة
على اواحد بتاع كمبيوتر وهاتلك شاشة كمبيوتر ب200جنية واوصل لحد واحد بيصلح تلفزيونات هيركبلك فية دائرة تلفزيون
وبالريموت كمات وبـ 100جنية بس
ويا بلاش ....
وحنا بتوع التكلولوبياوالفولاتزم
essam_ahmed_844@hotmail.com
الفهلوه عند المصرين مش بس كده الجديد دلوقتى هو الاعلانات على الدش المركزى تيجى مجموعه من الشباب ويعملو اعلان مع بعض صغير بكاميرا فيديو بسيطه جدا وتتسجل على شريط فيديوواثناء الماتش او الفيلم او المثلثل المتبع من الجماهيريجى رايح صاحب الفكره عارض شريط الفيديو على الدش والمبلغ بسسسسسسسسسسسسسسسسسط جدا
دي موش اسمها فهلوة دا اسمه نصب وتحايل واحنا الشعب الوحيد اللي فاكر نفسه فهلوي لكنه متأخر عن كل العالم بخمسين سنه ومش بيطور نفسه ابداً وحنفضل كدا طول ما احنا فاكرين اننا اذكى من غيرنا ونقدر نضحك عليه لكن الحقيقة غير كدا ومش حتظهر ألا لما نشوف الناس في البلاد اللي حوالينا اتقدمت ازاي وبتفكر ازاي ونقارن( بلد الريادة) علي راي المسؤولين بالبلاد الآخري
بس المشكلة انو فهلوتهم بتطلع على راس الفلسطينيين لما بييجو يصيفو بمصر او يتعالجو
حرام عليكو خافو الله
ولا كمات حركة 3310 عرفنهه
أنا ما انكرش ان المصريين بجد دماغهم كويسة لكن هما اللى مش بيشغلوها غير في التفاهات يعنى يشغلوا دماغهم علشان يعملو وصلة للفرجة على كاس العالم لكن يشغلوها علشان يعملوا اختراعات تغنيهم عن مد ايديهم للأمريكان لأ.
على رأي اللى قال المصريين أهما حشيشس و بانجو و بودرة
وسلملى على مصر أم الدنيا
العنوان من البدايه غلط دى مش فهلوة دى طرق غير مشروعة تعبر عن ثقافة تحليل الجريمة كما هو معروف عنها في كل المجتمعات التي تطبق القانون وهي جزء اساسي من نظام الحكم المستبدة فهى من جانب تقهر المواطن ومن جانب تسيير الغير مشروع حتي لاينقلب عليها ويثور فيهدد استقرار النظام هذة الافعال تحدث بعضها في الدول المتحضرة و لكن يعاقب مرتكبوها بالقانون
يا جماعة المصريين أذكياء جدا ولأبعد ما تتخيلوا بس هي الحكاية أنهم مش عارفين يوظفوا الذكاء والنصاحة دي في المكان الصح اللي ينفعهم وينفع البلد وده ببساطة لأن أساسا مفيش فرص في البلد دي.. لا فرص عمل ولا فرص حتى فك العمل!!! أيوه ده نصب صح بس من غلبهم!! ادوهم حقهم واتفرجوا!!
متقولش إديتنا إيه مصر ,, قول هنِرْعِب مين في مصر
(رجال الاعمال)
متقولش إديتنا إيه مصر ،، قول هنسرق إيه من مصر
(رجال السياسة)
متقولش إديتنا إيه مصر ،، قول هنسكِّت مين في مصر
(شباب مصر)
متقولش إديتنا إيه مصر ،، قول هنروح فين في مصر
بمناسبة الفهلوة والاختراعات إحنا عاملين مجموعه وموقع لمساعدة مرضى الاسكليوسيس ودول الموقع والمجموعه الوحيدين اللى بالعربى لآن كل اللى عالنت آفرنجى
الموقع
www.egypt.tv/ascoliosis
المجموعه
scoliosisarabic@yahoogroups.com
لو عندكم حد عايزين تساعدوه ياريت تزورونا
ياريت نعمل مسابقة عن صاحب اكبر فكرة فهلوية تخلصنا من حكم الثلاثي المرح
عائلة مبارك
حكومة نظيف
فتحي سيد قراره
لكن الفقير عنده حق يعنى لما تلافى موظف بيزوغ من الشغل علشان يروح يشتغل مندوب مبيعات و لا سواق تاكسى علشان يساعد على ال200 جنيه الماهيه لازم تتحفظ قبل الحكم عليه بانه مفيش عنده ضمير
يا جماعه
الظروف المهببه هى اللى خلت الشعب المصرى اللى من افقر شعوب الارض ـ برعايه النظام طبعا ـ يعمل كده
نموت يعنى؟؟؟؟؟؟؟؟؟؟؟
أأأأأأأأأأأأأأأأأأأأأأأأأه يـــــأ بـــــلـــــدى
معاناة دي اسمها معانها . الشعب بيعاني . الجهل والتخلف واللامبالاة ورعب معشش في قلوب الشعب خايف من بكرة مش من الحكم والحاشية والطاغية وبس خايف علي نفسة وعيالة بيعمل اي حاجة من غير ما يكون عارف اذا كان دي صح ولا غلط المهم انه يعمل الحاجة اللي ممكن تسعدة وخلاص ولو كانت علي حساب نفسة . الشعب مقهور ومظلوم بس الجهل هو اللي معشش في دماغ الناس الجهل .........
والعمل يا معلم فسواني (يعوض عليك ربنا)
دى اسمها سرقة وليست فهلوه , والحكومة تسال عما آل اليه حال الشعب من فقر , والفلسطينبة التى تقول ان فهلوتنا بتيجى على دماغها, خلاص ياختى خليكى جنب الاسرائليين وماتزعليش نفسك
احنا شعب بتاع كل حاجه من ايام الفراعنه دة فرعون قال لهاامان ابنيلي صرح حتي يرى رب موسي وبناة حتي المعجزة في المصريين من قديم الازل
واللي مش عاجبه يضرب دماغه في موله السرير
شوفى بقى احنا ننقد بعض نشتم بعض حتى ماشى لكن حدتانى يشتم فى المصريين يبقى نهاره اسودوكمان فلسطينية يبقى نهارك اولة فلس وآخره طين زى كل ولاد بلدك اللى عايشين بره بلدهم وكلهم حقد وغل على اهل البلد اللى آوياهم انا عارفكم ومعاشراكم 18سنه وعارفه كويس جدا كرهكم العميق للعرب عموما وللمصريين بصفه خاصه بالرغم اننا اكتر بلد شايليين مشاكلكم واذا كان فيه شعب فهلوى يبقى فى الحضانه جنبكم ياتربية اليهود يللى محسوبين غلط على فلسطين الفلسطينيين اللى يستحقوا الاحترام همه اللى عايشين فى بلدهم وفى كل بيت منهم فيه شهيد مش اللى منتشريين فى العالم يكنزوا الأموال وكل زلمه منهم بالفهلوه يشتغل بدل الشغله تلاته وكام سنه يبقى مليونير ولما تتطلب سفارتكم تبرعات 1% من مرتباتكم العرق اليهودى يظهر وتبدؤا فى نشر غسيلكم القذر وتتكلموا عن ثروات وقصور زعمائكم واموالهم فى سويسرا اللى كونوها على حس القضيه تحبى اقول كمان ولا تتكسفى على دمك وتلمى نفسك..بالذمه انت واحده معندهاش لادم ولااصل لك نفس تصيفى والناس فى بلدك اللى بيموتوا عشان اللى زيك مش لاقيين لا اكل ولا دواء صحيح اللى معندوش خير فى اهل بلده حيكون عنده خير فى اهل البلد اللى لماه ؟؟؟ المفروض اللى زيك هوه اللى يخاف الله لأن مساعدة اهل بلدك الآن واجب دينى واخلاقى ومن عشرتى لكم عارفه ان دى حاجات مش موجوده عندكم المصارى اولا واخيرا وان كان مش عاجبك اسيادك المصريين واسياد الدنيا كلها يللا ياماما روحى بلدك يمكن لوكنت واحده من اللى يطفحوا الدم فى ارض بلدك كان الواحد يفكر يعذرها لكن واحده مرتزقه زيك محتاجه كورس فى الأدب والتربية والتاريخ قبل ما تتكلم عن أسيادها المصرييـــــــــن فهمتى ولا اقول كمان!!!!!!
لا حول ولا قوة الا بالله يا ستى عيب اوي كده عيب الا تحفظى قول رسول الله لا فضل لعربى على اعجمى الا بالتقوى فلسطينىايه ومصري ا يه بس ومين سيد مين بس اتقوا الله فى بعض
بالذمه ده كلام يتقال والله يا ستى انتى اسأتى للمصرين اكتر من الفلسطينيه
وبلاش الفخر والاعتزاز الى على الفاضي ده وحياة والدك انزلى الشارع وشوفى التدهور الىاحنا فيه
واتقوا الله خير تقاته عيب كده عييييييييييييييييييييب يا مسلمين قبل ماتكونا مصريين واسياد قال الناس بلا خيبه اتحطوا والنبى
انت عيل بضان
لو اتوظفت صح هنحكم العالم لان مفيش حاجه بتقف علينا بس اشمعنى فى ااحاجات دى بس
أنا متأكد ان الفلسطينية هى صاحبه تعليق صبرنى يارب أولا لأنك اتكلمتى عن الأسيادمن منطق المادة وثانيا انك بدأت بالذم فى المصريين وتعليقك موجود وثالثا مش ممكن واحد مصرى يبقى مغفل لدرجة انه يدافع عن من سب المصريين واتهمهم بالفهلوه فى كل شى وانهم لا يخافون الله
ورابعا احسن لك واشرف لك ترجعى بلدك طالما انت واحدة بتخاف الله وتتبرعى بثمن فسحتك فى مصر لأبناء بلدك الذين لم يقبضوا مرتباتهم حتى الآن ولسانك السليط فى غير الحق ضمية لألسنة المجاهدين فى فلسطين حتى يكون ذو فائده لأنه لم يخلق من يستطيع اهانه مصر لأنها هى وأبنائها فوق الجميـــــــــــــــــــــع وصبرنى أنا يارب على هذه البلاوى
والله المصريين اللى ردوا على الفلسطينية مشكوريين لكن تعبوا نفسهم مع شويه نباح لا اكثر وافضل شيىء مع هذه الأصناف نعطيهم كارت أحمر ونقول لهم برررررررررره
أولا الفلسطينية الى أتكلمت عبرت عن مواقف حصلت معاهامش هى بتفترى علينا فعلاأنا بشوف أن معاملة العرب عندنا فيها أستغلال سئ و ملهاش مبرر ، لكن دا جزء من منظومة تخلف كبيرة بقينا عايشين فيها للأسف
والنبي بس اللي بيقول اسيادككوا وممش عارف ايه
والنبي بس بطلوا الكلام الاهبل دة
انا كنت عايش في الخليج وشفت مصر دي من برة
مصر يا جماعة ولا حاجة بمعنى الكلمة
فوالنبي ياريت نتنيل ونتهد ونسكت ونلم نفسنا
ال مصر ال
راحت عليها يا حبايبي
بصوا بأة انا مصرية بس والله اللى بيحصل ده عيب اوى عيب تشتمى الفلسطينيين اه مش كلهم حلوين بس مش كلهم وحشين دى إسمها شرشحة سورى فى اللفظ يعنى بس هى ما قالتش حاجة تستاهل والله الفلسطينيين دول ناس انا بحبهم خالص ونفسى ازور ارض فلسطين وهيه ما قالتش حاجة غلط ومفروض اسلوب الحوار يكون ارقى من كده
انتهك "صالح كامل" ، مالك فضائية (A.R.T) ، بكل صلافة وتبجح كافة التقاليد والآداب والأعراف الواجبة ، بالسماح لنفسه
بالقذف فى حق الشعب المصرى ، واتهامه [فى حديث لجريدة المصرى اليوم بتاريخ 19/6/2006] لستة ملايين
مصرى ، بأنهم لصوص يسرقونه ، بزعم مشاهدة لمباريات كأس العالم ، التى يحتكر نقلها ، بطرق غير مشروعة .
وإذ ترى الحركة المصرية من أجل التغيير (كفاية) فى هذا التصريح المتجاوز لكل القيم ، والذى يحمل احتقاراً لشعب مصر ، واستهانة بكرامته ، خروجاً سافراً
من شخص طالما استفاد من كرم المصريين ، وكدس المليارات من عرقهم وأموالهم ، ليدهشها ذلك الصمت المريب الذى قابلت به الدولة هذه التصريحات المنحطة ،
وسكوت النظام على تكرار اساءة هذه الشخصية المنفلتة لمصر ولشعب مصر ، بعد أن ساعده الفساد المستشرى فى بنيان النظام على احتكار جانب كبير من التراث الثقافى المصرى ، والتربح من اغتصاب تاريخنا الفنى العظيم ، دون وازع من ضمير أو أخلاق .
إن " الحركة المصرية من أجل التغيير " ، (كفاية) إذ ترفض هذه التصريحات المسيئة لوطننا ولشعبنا ، لتناشد جماهيرنا التى لا تقبل الإهانة ، أو تتنازل عن الكرامة ، بأن يقاطعوا كافة المنتجات التى يقف وراءها صالح كامل ومؤسساته المالية ، وأبرزها فضائية (A.R.T) بكل امتدادتها وعروضها حتى يلقنوا "صالح كامل" وأمثاله ، درساً فى الكبرياء الوطنى ولكى يعرف أن المصريين ليسوا لصوصاً ، وإنما شعب كريم لا يقبل الضيم ، أو يسكت على إساءة! .
كما تتخذ حركة "كفاية" من النية المبيتة – التى عبر عنها "صالح كامل" فى حديثه المشار إليه – لاحتكار الدورى العام المصرى ، وحمران الجماهير المصرية من آخر الم
اقرأ بقية التعليق ..
والله العظيم العرب دول اغرب صنف بشر فى الدنيا ابدا لا يستطيعون النقاش ولا التفاهم رعناء على انفسهم رحماء لغيرهم والله لو واحد اسرائيلى اللى شتم كان كل واحد بعت يشرح ازاى ان احنا اهل حضاره لكن مع فلسطينى لازم ينشتم وربما انه مش فلسطينى _اسرائيلى _ولكن لابد ان تظهر الرعونه لنشتم وليشتم الاخرون ونترك ما يجمعنا الى ما يفرقناوهكذا وسنظل دوما نحن العرب وحتى بالنسبه للسب فانا اعتقد ان الفلسطنيين لا يرد عليهم بالسب مهما فعلوا فشهيد منهم بالامه العربيه كلهاوليس هناك خارج وداخل فكلهم معذبين ويقتلون بينما نحن نشاهد روتانا سينما ولا نستطيع ان نغمض اعيننا -0وبالمقابل لن اقول اننا المصريين سبب ذل الامه العربيه عامه والفلسطنيه خاصه _ااه يرحمه قاتل السادات_لان السبب لم يكن الشعب ولكنه كان الخائن السادات فهل يصح ان اقول اننا السبب رغم ان لنا دور كبير -لا _ لاننا والله لا نستطيع ان نحكم على ما سوف نأكله فكيف بالله نحكم حكومتنا _ المهم اننا يجب ان نتقى الله ولا تأخذنا العزة بالاسم ولنفكر ما هو المردود من السبب الا دفع الامور الى الاسؤ ولنفكلر ماذا لو تغاضينا الا يدفع ذلك الاخرون الى احترامنا لانهم يعلمون ان ما اسهل الرد فلو تركته لوجه الله فانا اكبر من شيطانى اتقوا الله وبنا الى ما يجمعنا
(1)لا يحزننى الاساءة الى مصر من غير أبنائهاقدر ما يقهرنى الأساءة لها من المصريين أنفسهم..لن اتحدث عن حضارتها القدديمة ..حضارة السبعة آلآف سنة التى لم يكشف عن اهم أسرارها حتى الآن ..فكم من العلماء والمؤرخين من كل أجناس الدنيا سجلوا أمجادها على مر العصور ..وأسالكم كيف تهينوا الأرض التى كرمها الله تعالى فى كتابه العزيز؟؟..والى من غاب عنهم كلام الله اذكركم به عسى أن تكفوا عن الأساءة لها ولأرضها ولشعبها..
قد فضل الله مصر وشهد لها فى كتابه بالكرم وعظمة المنزلة وذكر باسمها وخصها دون غيرهاوأبان فضلها فى آيات القرآن الكريم وكفى به شهيدا..فقال الله تعالى" وأوحينا الى موسى وأخيه أن تبوءا لقومكما بمصر بيوتا واجعلوابيوتكم قبلة"..(يونس 87)
"ادخلوا مصر ان شاء الله ءامنين"(يوسف99)
"اهبطو مصر فاءن لكم ما سألتم"(البقرة61)
"وقال الذى اشتراه من مصرلامرأته أكرمى مثواه"(يوسف21)..وفى ذكر ضمنى لأرض مصر..قال تعالى"وقال نسوة فى المدينة امرأت العزيزتراودفتاها عن نفسه"(يوسف30)
وقال تعالى"ودخل المدينة على غفلةمن أهلها"(القصص15)..وقال تعالى"وجاء من أقصا المدينة يسعى"(القصص20)..والمدينة فى الثلاث الآيات السابقة هى منف عاصمة مصر الفرعونية..وقال فى كتابه العزيز عن فرعون وافتخاره بمصر"أليس لى ملك مصر وهذه الأنهار تجرى من تحتى"(الزخرف51)
(2)وقال تعالى فى وصف مصر وماكان فيه آل فرعون من النعمة و الملك ما لم يصف به بقعة فى الأرض"كم تركوا من جنات وعيون(25) وزروع ومقام كريم (26)ونعمة كانوا فيهافاكهين(27)الدخان..فهل لبلد من جميع اقطار اللأرض أثنى عليه الكتاب او وصفه اوشهدله بالكرم غير مصر؟؟
وروى عن النبى (صلعم)أنه قال "ستفتحون أرضا يذكر فيها القيراط فاستوصوا بأهلها خيرا فان لهم ذمة ورحما" (صحيح مسلم)
وعن عمر عن النبى(صلعم)أنه قال"اذا فتح الله عليكم مصر فاتخذوا فيها جندا كثيفا؛فذلك الجند خير أجناد الأرض"وقال ابو بكر رضى الله عنه:ولم ذلك يارسول الله؟قال"لأنهم فى رباط الى يوم القيامة" (كنز برقم38262)
(3)أما من كان بها فى الأسلام من الصحابة والفقهاء والعلماء والأحبار والزهاد ومن دخلها من الملوك والخلفاء وأهل العلم والشعر والنحو الخطابة وكل من برع على اهل عصره فمن الصعب حصرهم ومن المشهور منهم كما ذكر اهل العلم والمعرفة أنه دخل مصر فى فتحها ممن صحب الرسول (صلعم) ما يزيد عن مءه رجل وقال يزيد بن أبى حبيب: وقف على اقامة قبلة المسجد الجامع ثمانون رجلا منهم الزبير بن العوام والمقداد بن الأسود وأبو الدرداء وأبو ذر وعمار بن ياسر وأبو هريرة وغيرهم
ومن كان بها من الفقهاء والعلماء فمنهم الليث بن سعد وعبد الله بن وهب وعبد الله بن الحكم وأسد بن موسى ومحمد بن يوسف الكندى ..ومن الزهاد: سليمان بن القاسم وسعيد الأدم وذو النون المصرى وغيرهم
(4)وولد من الخلفاء بمصر عمر بن عبد العزيز وجعفر المتوكل على الله ..ودخلهامنهم معاوية ومروان بن الحكم وعبد الله بن الزبير وعبد الملك بن مروان ومروان بن محمد والسفاح والمنصور والمأمون والمعتصم والواثق
ودخلها من الفقهاء وغيرهم: الشعبى وأبو سلمة بن عبد الرحمن وعكرمة والشافعى وحفص الرد ومنصور بن عمار.. ومن الشعراء:جميل بثينة وعبد الله بن الزبير وابو نواس ونصيب بن رباح وخويلد بن خالد الهذلى والحسين الجمل وغيرهم
اما عن أرضها وما بها بركة وحكمة فبها الطور حيث كلم الله موسى وبها الوادى المقدس وبها ألقى موسى عصاه وبها فلق البحر وبها كان ملك يوسف وبها النخلة التى ولدت مريم عيسى تحتها وبها اللبخة التى أرضعت عندها مريم عيسى بأشمون فخرج منها الزيت وبها مسجد ابراهيم ويعقوب وموسى ويوسف عليهو السلام
وبها مجمع البحرين الذى ذكره الله تعالى فقال" مرج البحرين يلتقيان(19) بينهما برزخ لا يبغيان(20) ( الرحمن)
وروى عن ابى هريرة أن رسول الله(صلعم) قال "مصر أطيب الأرضين ترابا وعجمها أكرم العجم أنسابا"
(5) وأما عن ذكر مصر وفضلها وما أوثرت به على غيرها ..روى أبو بصرة الغفارى الصحابى الذى شهد فتح مصر وعاش ودفن بها قال: مصر خزانة الأرض كلها وسلطانها سلطان الأرض كلها". وقال الله تعالى على لسان يوسف عليه السلام" قال اجعلنى على خزائن الأرض انى حفيظ عليم"(يوسف55) وقال سعيد أبى هلال : مصر أم البلاد وغوث العباد". وقال عمرو بن العاص" ولاية مصر جامعة،تعدل الخلافة" وروى عن عقبة بن مسلم حديث يرفعه الى الله عز وجل يقول يوم القيامة لساكنى مصر فيما يعدد عليهم من نعمته" ألم أسكنكم مصر فكنتم تشبعون من خبزها وتروون من مائها أمسكوا على أفواهكم" وروى عن شفى بن عبيد الأصبحى انه قال: مصر بلدة معافاة من الفتن لا يريدهم أحد بسوء الا صرعه الله ولا يريد أحد هلكهم الاأهلكه الله"
(6)
هذا ما استطعت بمجهودى المتواضع أن أذكره عن مكانة أرضناالطيبةالتى كرمها الله تعالى بكل هذه النعم والأفضال وباركها بكل هذا التكريم..فكيف لكم يا بشر الأساءة لما كرمة الخالق ؟؟؟؟ هذه الأرض الطيبة التى وهبها الله هى كنانته فى الأرض والبشر من أفسدها بالطمع والجشع والفساد وترك تعاليم ديننا الحنيف واللهاث وراء اذيال الغرب الفاسد والأنبهار به تاركين قيمنا وأخلآقنا..تركنا المفسدين والفاسدين يتمكنون منها ومنا فلا نلوم الا أنفسنا ..اتقوا الله فى مصر ..اتقوا الله فى أنفسكم ..اتقوا الله فى أبنائكم .. اقتلعوا من أفسد الوطن يا خير أجناد الأرض اتركوا الفتن يا أهل مصر وانتبهوا للعدو الحقيقى الذى يريد بكم الضلال وأولى خطواته كرهكم لمصر حتى تصبح لقمة سائغة فى أفواههم القذرة لا تنجرفوا فى هذا التيار ..هذه مصر بكل عظمتها وتاريخها وتكريمها من الخالق لا يحق لمخلوق اهانتها ..اذا كنا نعيش عصرا من الفساد فنخن جميعا مشتركين فى استمراره ..ان لم يكن فى صنعه فهو بالسلبية والخضوع..والمباهاه فى الأساءة الى مصر التى أصبحت على ما يبدو لدى البعض موضة وخاصة من يعيشون خارجها..
واذا أتتك مذمتى من ناقص
فهى الشهادة لى بأنى كامل
ياكل أجناد مصـــــــــــــــر انقذوا الوطن.. الثـــــــورة الآآآآآآآآآآآآآن
مكانة أى دوله بتقاس على وضعها الحالى مش الماضى
طبعا من حق الشعب المصري أن يفعل هذا وزيادة .. شعب مقهور .. تعبان .. تعيس .. دخله أقل من خط الفقر وعايز يعيش يعمل إيه ؟؟؟ مصر مليانه خير والله بس مش لولادها .. لولاد الكلاب الحرامية الملمومين زي الدبان الزفر حوالين المحروس بتاع لجنة السياسات والريس القادم .. عمالين نهب في البلد والناس مش لاقيه اللضى طيب يعملوا إيه ؟؟ لازم يتفهلوا عشان تمشي .. وأزيدك من الفهلوة حتة كمان ؟ في التعليق الجاي
http://ibnbahya.blogspot.com/
سأقص عليكم كما وعدت فاصلاً آخر من الفهلوة .. وبإمكان أي منكم مشاهدته بنفسه .. يوما ما كنت عند بائع الدجاج (الفرارجي) عشان أجيب فرخه (واحده بس على قد الإيد) وكان فيه عربية واقفه والجزار عمال يشفي ليها شوية فراخ (يفصل العظم عن اللحم) لأنها عايزه فراخ فيليه .. وطبعا كان لازم أنتظر للنهاية .. بعد ما مشيت الست الغندوره جه راجل مسكين زي حالتنا وأخذ من الفرارجي العظم اللي طلع من فراخ الست الهانم .. صدقوني كانت أول مره أعرف إن الفرارجي بيخزن العظم عشان يبيعه للغلابه يعملوا عليه شوربة .. حتة فهلوة بسيطة الكل عارفها مهداه بكل قرف للرئيس حسني مبارك والحرامية الملتفين حوله وحول إبنه الريس المنتظر
http://ibnbahya.blogspot.com/
موضوع زى العسل والله ضحكت كثير وانا اقراه يعنى ح يعملوا ايه المصريين والله غلابه والحاجه ام الاختراع وربنايقويهم على اللى هم فيه
يا جماعه انا عايز اقول تفتكرو لو كان مرتب الموظف المصري زي الدول المتقدمه بلالاف تفتكرو كان عمل مسد كول ولا حتي فكر انه يجيب وصله بالعكس دا احنا شعب بيحب الفنجره والابه بس هو فعلا معهوش وعايز برضه يعيش في منظر كويس وعلي فكره زي ما كل الناس عارفه ان اللي بيسرق عشان هو محتاج ياكل مش بيبقي حرام يعني بمعادله سهله اوي ولان تقريبا معظم كل اللي في مصر محتاجين فتفتكرو فعلا الفهلوه تبقي حرام ؟ انا بيتهيالي انها مش حرام
أستغفر الله العظيم ..
ياجماعة المهم مش الفهلوة المهم انهم قدروا انهم يستغلوا الظروف المحيطة بيهم ويحولوها لصالحهم وهى دى العبقرية
مادام كل واحد فينا عايش فى مكان ليه ميبقاش المنتدى دة منتدى أفكار بدل ما يبقى منتدى تعليقات ياريت كل واحد فينا يقول فكرة كويسة تخيلوا كم الأفكار اللى هنوصلها واللى ممكن نستفيد منها كتير مش ده يبقى أحسن برده من ابداء رأينا عن بعض
تعرفوا ياجماعة ان في مسئول كبير في البلد وانتو عارفين يعني اية مسئول قال احنا في بلد ان معرفتش تسرق فيها تبقي حمار وانا عن نفسي مش هابقي حمار بعد النهاردة وانتو حميار ولا هات .......؟