اللــهــم اجعله خـــير
"البلد دي اللي يشوفها من فوق غير اللي يشوفها من تحت"..
فتحي نوفل - طيور الظلام
مصادرة الرواية ومنع دخول الفيلم
هذا السيناريو رأيته في منام زي ما كتبته كده.. ومن ليلتها وأنا عمال أقول اللهم اجعله خير.
15/06/2006
أحمد فؤاد نجم – المصري اليوم
في الواقع سيدي الرئيس.. في الواقع أنا يا سيدي الرئيس في حيرة من أمري! كيف أبدأ ومن أين؟........
- في الواقع يا سيدي الرئيس.. لست أدري! في الواقع.. بدأت أشك يا سيادة الرئيس.
- وأنا أيضا بدأت أشك.
- الظروف يا سيادة الرئيس.. الظروف كأنها تنظيم إرهابي يخطط لنسف المشروع.
- نسف المشروع! أيوه أيوه فهمت قصدك يا سيدي.. فهمت مقصدك.
- إحنا كنا بنقول إيه؟
- مش فاكر
- أيوه يا أخي كنا بنتهم الظروف.
- بنحملها المسؤولية يعني.
- الله يفتح عليك.- مسؤولية إيه؟
- العيلين اللي اتقتلوا ع الحدود.
- عيلين مين؟
- بتوع الشرطة يا أخي.
- شرطة مين؟
- يبدو أن الظروف بدأت تعاود التخطيط لنسف المشروع.
- نسف المشروع! أيوه أيوه افتكرت يا أخي.. اللهم أخزيك يا شيطان.
- يا عم شيطان مين؟ انتو لسه بتصدقوا في الحاجات دي! ما هودا اللي جايبكوا ورا.
- كنا بنقول إيه؟
- أنا سمعتك بتتكلم عن عيلين شرطة ماتوا ع الحدود.
- اتقتلوا يا سيادة الرئيس.. اتقتلوا.
- والله اتقتلوا ما اتقتلوش.. أهي كلها موتة.
- أيوه لكن النظام دا عندنا مايمشيش يا باشا.
- ليه إن شاء الله؟ مايمشيش ليه؟
- دولة مؤسسات بقي ووجع قلب.
- سلامة قلبك يا عزيزي أول، مش أولمرت برضه يبقي دلعه أول! أيوه أيوه يبقي أول.. م الأول بقي، سلامة قلبك يا عزيزي أول.
- الله يسلم عمرك.. كنا بنقول إن العيلين دول كانوا متسللين.
برضه! يا إخوانّا لساني نشف.. لازم نعمل مؤتمر دولي ضد الإرهاب.
- فمعني إنهم كانوا متسللين داخل أراضي إسرائيل يبقي ما لهمش دية.. لكن برضه أنا حاسس إني عامل عملة وأنا جاي أتكلم في المشروع يا سيادة الرئيس.
- لا عليك يا صديقي أول.. مش أول برضه؟
- مش نظرية لا عليك يا سيادة الرئيس دا فيه بيتين عندكو اتقفلوا وعيلتين تشردوا ونسوان ترملت وعيال اتيتمت.. شغلانة برضه.. الله يكون في عونك يا سيادة الرئيس.
- لأ ولسه عمالين يتنيلوا يخلفوا! ألاحق عليهم أكل منين؟ وهوده اللي معطل النيلة التنمية في مصر، والمصريين كمان.
هذا السيناريو رأيته في منام زي ما كتبته كده.. ومن ليلتها وأنا عمال أقول اللهم اجعله خير.
عدد التعليقات : 21
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حتى أحلامك رصاص يا عمنا نجم ربنا يطولنا ف عمرك
ماله الريس؟
أنا مبخافش وحفضل أقول
كلمة حق عليها مسئول
إن الريس راجل طيب
وبشعبه دايمًا مشغول
مشغول إنه يلم فلوسنا
بره سويسرا يحوشهالنا
وفى حسابات سرية يشيلها
نفسه يأمن مستقبلنا
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطالة
وان الأحوال مش شغالة
دا الراجل نفسه يريحكم
هى الراحة تبقى عوالة؟
أما حكاية المنتجعات
ليه تسموها معتقلات
ليه الظن
وسوء النية
نفسه يفسحكوا يا بهوات
أما الكرسى واللى تقال
دا كلام مش محتاج لسؤال
الغلطة دى غلطتنا يا عالم
إن مجبناش كرسى تيفال
والله انتم ظالمين الراجل
ضيع عمره ومين يستاهل
حتى الأكل بياكلوا بدالنا!
بعد دا كله... ماله الريس؟
و الله العظيم و ربنا انا عمري ما شوفت رئيس اجمل من الرئيس مبارك ........ مبارك و هو فعلا مبارك يا حبيب السلام و الشعب
محمود عزت
mahmoudezzat1@yahoo.com
الى السيد محمود عزت
هو حضرتك بتتكلم جد والا بتهزرولا مؤاخذه ـ ولو إن لا مؤاخذه دى بلدى شويه
حبيب الشعب دى جامده عليا شوياعلى العموم الشعب ده خليهم ناقص واحد .. آنا
ربنا يكون في عونكم لو كلامكم صحيح.دنتو خليتو رقبة الراجل قد السمسمة.هاهاهاهاها بقيت بكلم مصري كويس .
عمنا نجم راجل محترم ثابت على مبدا مش زىصلاح عيسى على فكرة فين الابنودى اليومين دول
يسقط الطاغية
الشهيد ايمن حامد صديق عزيز تعرفت الية من قرب فهو رحمة الله مثال جيد للشاب المصرى والاخلاق الشرقية
سؤالى
لماذا التكتم على الحادث وكأنة عار علينا ؟
ولماذا لانعطيهم حقهم ؟
ولا انا نسيت انهم من مصر والمصرى بطبيعة الحال ليس لة حق
والله دمهم في رقبة حسني ليوم القيامة منة لله.. اصل دول مش تبعة ..يمكن هوة اصلة مش مصري
لانه كان اتحرك دا حتى اسمهم احنا مانعرفوش ولا حتى صورهم
دا الجواسيس بنعرفهم وبنحفظ صورهم مابالكم بالشهدا ولا حتى نعرف عنوانيهم علشان نهنئ اهلهم
لية بس كدة يا بلد
حتى لما بنموت بنحتسب عند الله شهدا
بس عند حسنى اقل من الحيوانات
يا حسني غور بقى
علشان تحيا مصر وتعيش
ياجماعة حرام عليكم بلأش افترا عايزين تزعلونا من بابا لية ال علشان اتنين بيستهبلو وفكرين بيحرسونا ال اية من الناس الوحشة جيرانا ؟دول هما البيحرسونا وبيحبونا جدااااااااااا ربنا يخليك لينا ياريس وفداك الف مصرى
رساله الى الاستاذ مخنوق :بلاش النفاق ده يعنى ايه فداك الف مصرى يا ريس هما مش ماتوا عشان بيدافعوا عن البلد يبقى المفروض الريس يكافئهم ويشوف اهاليهم ويديهم تعويضات وبعدين هما ما ماتوش عشانوا دول ماتوا عشان الوطن عشان مصر يبقى هما فدا البلد مش فدا الريس
واللهى يا ناس منا عارف مين بيحمى مين
ومين بيحمى مينمن مين اسهلها لكم شوية
هى مش كيميا . يعنى بنشوف شوية فتوات
وبلطجية عملين يضربوافى الشباب المصرى
ويسحلوه وتيجى تسأل مين دول يقولك امن
الدولة طيب امن لمين ولأى دولة ماهى الدولة الى قرفانا جنبنا على الحدود
والمفروض شوية البلطجية دول يخدوا السنج
والمطاوى ويرحوا يحربوا البلطجية الى
زيهم وكل يوم يقتلوافى اخوانهم ولا امن الدولة ميتحققش الا متعملوا امن دولة على ولاد البلد جتكوا خيبة منتوش فالحين الا فى ضرب الغلابةلكن ولادال الى زيكم بتحسوا نحيتهم بالقرابة علشان كده مبتعملوش لهم حاجة وتقبلوهم وتعزموهم علشان يكلوا فى ولاد بلدكم بالزمة دى ماهى خيبة
ولا ايه يا عم نجم بالزمة ماهى حاجة تقرف
ويا ريت الأخ جمال يكون سمعنى ويودلهم
شوية من بتوع امن الدولة علشان يبقى اسم على مسممى ونشوف بقى الفتونة .
ياريتك تقرا رسالتي دي..أنا بحبك و الله .. و كل المصرييين الشرفاء بيحبوك..لما بشوفك بأفتكر أبويا الله يرحمه..كان يشبهك..كافح وتعب علشانا...شال الصخر علشان يربينا و لا عمره كل ولا إشتكي إلا لربه..نفسي أشوفك وأخدك في حضني و أبوس راسك...ربنا يخليك لينا و يمد لنا في عمرك..أنا بلدياتك من الزقازيق .. طبيب بشري ..
الله يخليك يا نجم وينور عليك كمان وكمان انت وكل الى بيحبوا البلد وعاوزينها احسن بس لو نبطل ننسى اللى فات احنا يا جماعه العيب فينا مش فيهم احنا اللى بنسى بسرعه تحصل حادثه تقوم الدنيا وتقعد على مفيش يعنى بتوع العباره مش مصرين وماتوا من غير ذنب ولا بتوع القطر اللى اتشوا ولا الطياره اللى لسه بيحققوا فى سبب سقوطها وبرضو ملناش تمن ولا ديه لا جوه البد ولا بره بس لو كنا مش بنعدى وننسى وكل حادثه من دول يقوم الشعب كله يطلب بحقهم مكنش حد يجرئ انه يرخصنا فاكرين الاتنين الكورين للى ماتوا فى حادثه على طريق الصعيد الناس فى كوريا (كوريا يا اخونا بنت امبارح) عملوا مضاهرات طلبوا بتحقيق وقوموا الدنيا لانهم مش عاوزين يسكتوا لحد ما يرخصوا زينا يبقى بجد العيب فينا وعلى رأى مثل امى بتقوله يا فرعون ايه فرعنك ملقتش حد يلمنى والسلام عليكم
التقارير بتقول ان الشرطين كان داخل حدود اسرائيل يعنى حسنى مبارك يعمل ايه يروح يجب هو جوز عساكر اسرائلين عشان مصر ترتاح
يلا مييهمش ماالبلد ملاينة عساكرمش هتيجى على دول عقبال بقيت البلد
مش زنبى انك مافهمتيش
انا لا هاجامل ولا هاملق النجم نجم والدماغ العالية عالية والكلام ف الجووووووووون يانجم وخليك نايم علي طول
هما كلمتين؟
و هما الكلمتين؟
قالهم عم النجم
نجم النجوم
من أشعار احمد فؤاد نجم
منقول " محمد حسن غنيم"
من شعر أحمد فؤاد نجم
حالتنانا
ماتسرش انسان
وحالنا
يصعب ع الغلبان
لكن يا خلق علينا لسان
لو جريناه ع الصلب
يسيل
محمد حسن غنيم
تخيلو لو احنا قتالناحد منهم ايه اللى كان حيجرا
الله ياخد مبارك وحكومته وكل اللى وكلنها والعه مش عارفة امته البلد دى هتنضف
انا خلاص هتجنن من المنافقين هو فيه حد بيحبه قلولى عليه وانا اقله عمل فينا ايه
ولا انتم مش من مصر ولا حزب وطنى ولا ايه دماغكم اكيد عمرك ماحد نزلك من ميكروباص وشتم وطلع عينك ولا سحل اختك فى الشارع عشان صحفية وبتصور الظلم فى وسط البلد ولا عمرك ما جريت مع الشباب بتوع كفايه وهما بيجرو على نادى القضاة عشان الحيوانات المفترسة الى معندهاش دماغ
ولا يهمهم غير كراسيهم
واكيد طبعا منمتش مرة فى المحطة بتاعت السكة الحديد عشان مستنى قطر الصخافة عشان معكش فلوس ويجى واحد يقولك قوم يروح امك محضر تشرد وانته منمتش غير وانته قاعد ولا مددت ولا عملت حاجة بس منظرك مش عاجبه ولا يا عيبنى الست بياعة الجرانين الى قاعدة على الرصيف وسحلوها فى الشارع ده غير تقطيع هدو الصخفيات والبنات الى فى المظاهرة كانك بتسرق مش بتطالب بحقك وكرهك للظلم والموضوع قرب على النهاية الناس الى بتحب البلد هى الى هتحارب اليومين الجايين والناس الى معاهم معاهم عليهم عليهم ربنا يخدهم ويطلع عينيهم ويعرفو يعنى ايه ظلم ولو مسكتش هتجنن زى ما بنشوف الناس الى فى الشارع معظمهم خريجى امن الدولة دخلو عقلين اتخرجو مجانين وبردو تعيش مصر لان لسه ولادها بيحبوها
والله ياعم نجم زودت همونا هموم وربنا يخليك وتحلم لنا
ايه يا نظيف إنت كنت أد كده شوف ربنا عمل إيه