الصيف والمايوه.. الشرعي!!
شوية بشوية منفعش المايوه الشرعي ده.. لان البنت أول ما تنزل الميه وهي لابساه كانت بتطلع منظرها وحش.. شركات الملابس فكروا تاني..
15/06/2006
صيف يعني طشة ميه.. يعني نسمة هوا تخبط وشك المبلول فتحس بسقعه.. يعني البلبطة.. ومين ميحبش البحر والمصيف بالذات في الحرارة اللي بتهل على مدينة القاهرة..
تقعد في المصيف قدام البحر والهوا عمال يخبط فيك وتقول بفخر "يا سلام اهو كدة الجو تلاقي دلوقتي اللي قاعدين في القاهرة ماتوا م الحر" ثم الضحكة الشريرة "نيهاهاهاهاهاها" .
وبعيدا عن جوا الحقد والرعب ده فالصيف لا يكون بلا مصيف والمصيف ملوش طعم بدون الصيف.. وصيف يعني بحر ولعب في الميه.. والولاد أهي سهله عليهم ينزلوا الميه.. إنما البنات فدي قصة تانيه خااااااااااالص.
تطور المايوه.. الشرعي!!
أن تكون من عيله محافظة.. يعني ممنوع منعا باتا أن البنت تفكر إنها تنزل بمايوه.. لذلك قامت شركات الملابس بإضافة كلمة شرعي لكلمة مايوه وظهر عندنا المايوه الشرعي.. مع العلم إن أصلا مينفعش مايوه مع كلمة شرعي.. هو أصلا فيه حاجة اسمها مايوه في الدين يا عالم؟
المهم.. أول مايوه شرعي كان للأطفال.. مايوه عادي بشورت "منه فيه".. وانتشر بشدة ذلك النوع من المايوهات.. ولكن المشكلة لم تكن في الأطفال.. كانت في الكبار..
لهذا ظهر "مايوه شرعي" من نوع آخر وهو عبارة عن قطعتين.. بنطلون طويل ويتلبس عليه مايوه عادي بس بكم.. وظلت مشكلة الإيشارب إنها لما بتلبسه البنت مع أول نزلة ميه بتطلع كأنها مش لابساه!!.
وهنا ظهر "البونيه".. زي بتوع السباحات العالميات.. لأنه لا يظهر الشعر وفي نفس الوقت بيثبت على الشعر..
شوية بشوية منفعش المايوه الشرعي ده.. لان البنت أول ما تنزل الميه وهي لابساه كانت بتطلع منظرها وحش.. شركات الملابس فكروا تاني.. نعمل إيه عشان نكلفتها أكتر من كدة ويمكن تتكعبل في المايوه اللي اكتر من قطعة ده ويمكن تغرق!!.
تلاتة في واحد
فكروا يفضلوا على نفس المايوه بس يزودوا له قطعة تالتة غير القطعة التانية.. البنطلون والقطعة الأولى جسم المايوه.. فزودوا عليه جيبه تتلبس فوق البنطلون.. وتلاقي البنت أول ما تنزل بالمايوه ده الجيبه تقوم منفوخة وتتحول لعوامة وتحس إن قرش هيهجم عليك مش بنت بتعوم وللأسف برضه البنات متكعبلوش فيه وفضلوا عايشين!!
أخيرا.. أصدرت شركات النسيج مايوه ذو أربع قطع.. قطعة بنطلون وقطعة جسم المايوه وقطعة للبونيه وأخيرا قطعة تتلبس فوق كل ده عاملة زي الجلابية.. وهنا تأكدت وضمنت شركات النسيج أن البنت اللي هتلبسه هتغرق تغرق لا مفر!!
والعجيب أن تجد واحدة منقبة بداخل البحر تصارع الأمواج.. وبمجرد أن تخرج من الماء تتساءل.. هي دي "كانت" منقبة ازاي!!
وطبعا "كانت" هنا فعل ماضي ما نسيبه في حاله!!
واهو الصيف جه ولسه هنشوف العجب!!
عدد التعليقات : 33
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مقال جميل فعلا
انا من زمان مش عجبني حكاية مايوه شرعي ده
يعني في تضادبين الكلمتين مينفعش يجتمعوا كانوا حتى سموه زي شرعي مش مايوه شرعي
السؤال: هو البنت لازم تنزل البحر؟
نفسنا نشوف مايوهات بكيني وأجسام حلوة تفتح النفس بدل المايوهات الخيمة دي
هو فى ايه هو كان زمان فى سياره ولادش ولاتليفون محمول شرع ايه اللى بتقولوا عليه اللى عاوز حاجه لابد ان يعملها بفرح اذا تحجبت تحجبى منل اجل الفضيله لاللمنظرة جاتنى مره رحله من السعوديه على باخرتى وكان بها بنات بين 23و30 سنه لابسين شرطات وميوهات سالتهم هو انتوا بتلبسوا كده فى السعوديه قالوا لااحنا نفسنا منرجعش تانى مصر احلى بكتير التدين من الداخل وليس من الخارج لاللمنظره لاللتطرف لا ى فعل غير طبيعى
انها مسألة محيرة, ماذا تفعل الفتاة في ظل المجتمع الذي ينظر لها على أنها عورة؟ ببساطة ومن غير تعقيد, اللي عايزة تتدين ومقتنعة بالحجاب كفرض, تريح نفسها وتقعد تحت الشمسية وتمسك كتاب لابن القيم وتذكر ربنا وتقول سبحان الله على جمال البحر, أما اللي شايفة ان الحجاب حجر على الحرية الشخصية للمرأة وانه عادة مش عبادة, فتنزل البحر والمبادئ لا تتجزأ, لانها ممكن تكون شايفة ان ده حقها (المساواة) وبكده نكون حسمنا الموضوع وبلاش لت وعجن عالفاضي....... للمراسلة:MIZO_BNS2011@YAHOO.COM
بقي دة اسمة كلام يا عالم ازاى يبقى مايوة وازاى يبقى شرعي الشاب من دول بيروح المصيف مخصوص عشان يبص ويبحلق وينبسط ومش فارقة معاة شرعى ولا شرعك المهم انة يبقي مستقنيص 000
أيوا البنت لازم تنزل البحر.. يعني مش لأنها اختارت انها تكون ملتزمة يبقى تتحرم من حاجة زي دي ناس كتيييييييير بتعتبرها متعة من أهم متع الحياة. أما بقى المايوه الشرعي والكلام ده، فما هي إلا أسماء سميتموها.. البنت عادي جدا ممكن تنزل البحر بهدوم من قماش معين مبياخدش شكل الجسم.. وكل واحدة في الدنيا عندها في هدوها حاجة بالشكل اللي أنا بقول عليه..
المشكلة مش في اللبس.. المشكلة بجد في العقليات المتخلفة اللي بتتعامل مع المرأة على انها عورة، وان مجرد نزولها البحر هو اللي هيفسد شباب المسلمين.. بدل ما تتريقوا على البنات اللي بتنزل بهدومها، اتريقوا على الولاد اللي بتنزل بالمايوهات الضيقة الحمرا والصفرا اللي ملهاش أي علاقة بالشرع ولا حتى باحترام النفس...
لورد فيزا كارد
تعلقاتك مش عجباني يا سيد/ة
بالنسبة لي أنا لست من مصر ولا علم لي بالمايوه الشرعي الذي أنتم تتحدثون عنه، ولكن بالنسبة للبحر أنا شاب قد منعت نفسي من الذهاب إليه منذ 6 سنوات، لماذا؟ لأن أي مكان به منكر وجب على المسلم اجتنابه من باب الوقاية من الفتنة، والمنكر.. أما الإخوان الذين يقولون لأن الشباب تذهب من أجل المتعة والنظر، فوالله ما هي إلا منتعة الحرام، أين نحن من متعة الحلال.. أما المرأة فأنصحها نصيحة الأخ للأخت بعدم الذهاب، لأنه مكان شر، أو بالأحرى نحن هذا الجيل جعلناه مكان منكر وفسق وتبرح وعري.. كأن الله تعالى لا يرى لا يسمع.. مع أن سبحانه وتعالى قادر على أن يمسخ كل هارية ومتعري ومتبرجة في المصيف أو الشواطئ،
هل البحر ظروري ؟ وما هي متعته؟ وهل المتعة تتجلى في المياة والغوص أم في التركيز على جسم جميل أو مفاتن تلهب الغريزة؟ أليس الرسول الكريم عليه الصلاة والسلام ركب البحر مرة واحدة ؟ ألم يعطي شروط الذهاب إليه ؟ بالله عليكم غذا كان الرسول الكريم صلى الله عليه وسلم معنا الآن هل سيرضى بهذا الكلام ؟
طبعا أنا متفق تمام مع مي ... لكن ؟؟؟
فين الحل ؟؟؟ يعني انت رصدت المشكلة والموضوع والظاهرة و.... ؟؟ لكن مقدمتيش الحل ؟؟؟
أو إنت نفسك بتعملي إيه ؟ أو إخواتنا يعملوا إيه ؟
ثانيا ..بالنسبة لولاد البلد .؟؟ كان في مقال عن ممكن نصيف من غير ذنوب؟!
أظن كان لشيرين مجدي ؟؟
لو ممكن يتنشر هنا تاني ...أو حاجة بنفس الفكرة ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
الأخ اللي فوق اللي كاتب يقول سؤال : هي البنت لازم تنزل البحر؟!!
ده إيه العنصرية الغريبة دي؟؟!!
آه يا أخي لو ليها مزاج ونفسها تعوم وتنزل البحر ما تنزل يا أخي، آه طبعاً لازم تنزل لو بتحب عوم البحر لكن بحدود طبعاً.
يعني مثلاً أنا بنت محجبة، لكن أولاً بختار الوقت اللي بنزل فيه المية ولازم يكون معايا بابيا أو أخواتي وبتكون مامتي مستنياني على الشط علشان تغطيني ببشكير كبير أول ما بطلع...
وبعدين في إختراع حلو أوي في الساحل اسمه شواطيء للسيدات فقط والمحجبات...
أنت مالك انت تنزل ولا ما متنزلش
شيء غرييييييييييب.
وأنا حرة.
شايف البحر شوكبير كير البحر بحبك
انا اتخقت منك يالي مكتر همومي خلاص زهقت منك و هطلع من هدومي ...... هتغير خط سيرك صدقني انا مش هغير انا برضوا هحبك غيرك ده انا قلبي مالوش كبير تحياتي ..... محمود عزت
mahmoudezzat1@yahoo.com
المفروض إن يكون فيه شاطىء خاص للنساء آو آوقات مخصصه للنساء وبعدين زى ما بندى حق للبنت إنها تنزل بالبكينى آو المايوه العادى لازم نكون حقانيين ونديها الحق بالنزول بالمايو المتغطى هى حره إنشاالله حتى تنزل بخيمه دى حريه شخصيه هو يعنى حد جايب حاجه من جيب آبوه واللا يعنى مية البحر ملكيه خاصه ؟ ما تسيبوا الناس فى حالها ونتكلم فى حلجه مفيده آحسن
محمد سيد .. صراحة انا شايفة اكتر من طريقة اولا ممكن تنزل فى معاد مخصص للسيدات فى نادى او فى مكان مقفول لان اى مكان مخصص للسيدات فى شط او قرية سياحية هيبقى برضه مفتوح وهتلاقي الناس معدية بتبص .. ثانيا لو مفيش امكانيات تنزل فى نادي ممكن تلبس مايوه بس ميكلفتهاش الكلفته السودة دي وتلبس عليه هدوم وتنزل برضه بس فى وقت مناسب الساعة 7 الصبح فى وقت متاثرش الشمس عليها حتى متسمرش وكمان ميكونش الناس كتير بيبصوا متبقاش فرجة ..
انما نيجي للمنقبة بقى .. دي باي حال م الاحوال بجد بتهين نقابها لما بتنزل بيه الميه .. والشكل مبيبقاش طبيعي.
عنصريه مرة واحده؟
هو انتي قريتي في تعليقي اني قلت البنت متنزلش البحر؟
انا سالت سؤال قلت هي البنت لازم تنزل البحر؟
كنتي رديتي على السؤال بدل متتهميني بالعنصريه يعني مثلا كنتي رديتي وقلتي: اه طبعا البنت لازم تنزل البحر لانها لو منزلتش ممكن يجيلها انهيار عصبي او ارتفاع في ضغط الدم او السكر ووارد كمان يجيلها انشكاح في البرياح واذا انشكح البرياح سيكون له مردود سيء عليها
بس وانا كنت قلتلك شكرا جزيلا على الرد وكنا خلصنا
ليه تقولي اني عنصري وفي الاخر تقوليلي انت مالك انت؟؟؟؟
لورد كاش بتقول ان المشكله في العقليات المتخلفه اللي بتتعامل مع المراه على انها عورة
اظن في حديث صحيح بيقول(المرأة عورة فإذا خرجت استشرفها الشيطان)
يعني العقليات مش متخلفه ولا حاجه
وبعدين متنتقد براحتك لازم تقول متخلفه؟
هذا مقال سخيف ينم عن انحطاط لدينا ففيمايعاني اخوانا في فلسطين و يحاصرون نحن نتناقش في مواضيع حكمها معروف
سأحيى معتصما بحبل عقيدتي
وأموت مبتسما ليحيى ديني
ههههههههه حاجة بجد تضحك قال مايوه شرعي قال
اقول للبنت اللي غرها جمالها اتقي الله
ايوة انا مع الراي اللي قال ان الحل هوة يااما شاطئ مخصص للسيدات او وقت مخصص.. انا في بلد عربي وبيعمل كدة واحنا مستريحين
لكن لو ماامكنش انا مش شايفة ان هناك مشكلة اننا ننزل بهدومنا والحمدلله ان فيه هدوم وحسني ماخلناش نبعها
كتر خيرة
نموت نموت بس تحيا مصر
وسلمولي على خناقة المايوهات
ممكن البنات تروح تجلس علي البحر وتشم هوا وخلص وبعدين الاي عايز ينزل البحر ينادي علي "عبد البحر "
يا جماعة.. خلصت مشاكلنا الاساسية لما ندروح ندور على مشكلة المايوة ؟
المفروض وحسب ما انا شايف ان الستات كلهم عورة ..صوت وصورة .. والفروض الاحسن يعنى تقعد فى البيت من اصلة وبلاش وجع الدماغ... بقى فى زى اسلامى وفرح اسلامى ومايوة اسلامى وعربية خاصة للسيدات فى المواصلات اللى هما اصلن مش بيلتزمو بيها وكمان فى شواطىء خاصة وشوية شوية هنلاقى بقالة خاصة للسيدات وطبيب خاص للسيدات .. وهكذا
يا ناااااااااس يا هوو الفضيلة فكر وعطية من ربنا وتربية مش لبس والله
وعندى سؤال صغير .زاذا كان الموجود دلوقتى هوة الصح؟ ماظهرش من زمان لية ؟
واية مصير الامهات والاخوات اللى ماتو من غير ما يعرفو الحجاب والنقاب وكانو بيركبو المواصلات عادى خالص ولابسين مينى جيب وميكرو جيب ؟؟؟ علما بان حوادث الاغتصاب ماسمعناش عنها فى الزمن دة
اتقو ربننا وارحمونا وريحونا وقعدوهم فى البيت
لا اله الا الله
قال مايوه شرعي قال
ربنا يهدي بس الناس
ناس متخلفة
عبد الله مفتاح
كلامك غبي خالص
ممكن تمسحوا أحسن لو ينفع علشان ده بيدل على إنك متعرفش ولا حاجة في أمور الدين
جرستنا الله يجرسك
فين كلام الدين اللي انا قلته يا حجة الاسلام
طلعلي كده الكلام اللي انا قلته غلط في الدين
كل اللي قلته حديث صحيح لو الحديث مش صحيح قول
ده لو كنت عارف ايه هو الحديث الصحيح اصلا
بتقولي بطل هبل وكمان بتقول على كلامي غبي
ليه الغلط بس؟ هو انا غلطت في حد في كلامي؟
يا حجة الاسلام انا متكلمتش في الدين خالص وحتى لو تكلمت واخطات صححلي
لكن عيب تتكلم بالاسلوب ده
ربنا يهديني ويهديك
ربنا يهديك ويهديني
هي دي الحسنى؟ هو الدين قالكو تقولو الالفاظ دي وتشتموا بعض كدة؟
عبد الله مفتاح انت بتاخد حسنات يابني انك مش بترد على ناس فاكرين نفسهم في الشارع
اما بالنسبه لقصة المايوه الشرعي فانا مش عارفه شرعى على اى اساس وهو لازق على الجسم من قبل ما تنزل الميه لكن اهو اى كلام
اما بالنسبه لنزول الميه يا جماعه فطبعا من حق كل واحده انها تعمل حاجه نفسها فيها واكيد مافيش بحر مغلق زى حمام السباحه لكن فى بلاد فيها شطوط مغلقه فعلا للنساء ودى فعلا حاجه حضاريه جداااااااااا
وانا شوفتها فى الامارات وفعلا جميله بس طبعا احنا مش هانعمل بلد على كيفنا لو كانوا مطالبين بحقوق المرأه ناس محترمه ويعرفوا ربنا كانوا طالبوا بشطوط مخصصه للنساء وعموما يعنى انا لما باحب انزل البحر زى ما تفضلت اخت وقالت فى لبس مش بيبقى لازم من الميه وكمان ممكن تنزل المغرب او بعد الفجر عشان بيكون الجو مافيش نور ومافيش ناس كمان غالبا
والى عايز بقى يتلصص ويتفرج على اخته وهى خارجه من الميه يمكن يبان منها حاجه يبقى يروح وهو حر
وللشباب كلهم الى بيقولوا خلونا نتفرج اين غض البصر يا شباب الاسلام
وعموما للناس كلها كلمة المرأه عوره مش عيب فى حق المرأه بالعكس ده حفظ لها ولكرامتها فىالمجتمع وكل ماالحاجه غلت لفتها تكون اكبر واشيك واثمن افتخرى اختى ان دينك بيحافظ عليكى وحافظي عليه مش عيب ابدااااااا ان الدين يقول للست حافظى على نفسك وما تبقيش مشاع لعيون قلوبها مريضه
اختكم فى الله تتمنىلكم الثبات على التقوى والرقى فى التعامل واختلاف الراي بينكم
كل واحد يسمح لاخته أو لبنته الذهاب إلى تلك المساخر نطع وحمار وخنزير ما بحسش وجبله فاقد للمروءة والنخوة واللي مش عاجبها وتقول حرية شخصية وعنصرية وكلام خايب من ده ما لقتش حد يلمهاوهي أبواق لأهل الفساد والعري والابتذال والست المحترمة اللي بتحترم نفسها لا تسمح لنفسها أن تكون في تلك المواضع ... حاجه تقرف
كل واحد يسمح لاخته أو لبنته الذهاب إلى تلك المساخرحمار ما بحسش وجبله فاقد للمروءة والنخوة واللي مش عاجبها وتقول حرية شخصية وعنصرية وكلام خايب من ده ما لقتش حد يلمهاوهي أبواق لأهل الفساد والعري والابتذال والست المحترمة اللي بتحترم نفسها لا تسمح لنفسها أن تكون في تلك المواضع ... حاجه تقرف
يا ريت كل واحد عايز المصيف يتعامل معكل بنت على أنها أخته فهل يرضى ان حديبصبص لها ولازم يعرف ان الله مطلع على بصره وممكن يحرم منه وبالنسبة لأسم المايوه لابد لكلانسان رجل ومرأة يلبس ما يستره ودع الخلق للخالق
ايه التفاهه دي والله انا مش فاهم واحد ولا واحده عمال يقولي قال ايه عنصريه وواحد تاني يقولي تخلف هو ايه الحكايه !!!!!!
واحد لامؤخذة نطع وجته ماشي مع مراته ولا اخته ولا حتي حبيبته وهى لابسه البكيني وهو مصدر العبيطه وعامل عبيط !!!!!
مع ان كل الرجاله عامالين ياكلوا جسمها من اوله الي ااااااااخرة وهو ولا هوة هنا
وبيقولوا رجاله !!!! بلا خيبه
ده بقه لما تيجي تعاكس مراته وهي لابسه المايوة البكيني تبص تلاقيه اتحمق اوى انا مش عارف ليه
لما انت محروق اوى كده لم لحمك يا عمنا وبلااااااش مسخرة وقله قيمه ولما تبقه محترمه في لبسها ابقه تكلم لو حد عاكسها
كدة تبقه كفائه وراجل بجد مش ماشي نطع ولطخ مع المدام وهي لابسه المايوة وفاشخ حنكك وعاملي ضبك كده وفرحان عشان الست عريانه وجسمها حلو
لو واحد لابسه المايوة وواحد قالها حسمك حلو كده واخوها ولا جوزها سمعه هايعملها ايه ولا هايعمله ايه!!!!!!!!
عايز واحد عاقل يجاوب بس خلاااااااااااااااص
قال مايوة شرعى قال هو كان فى فى الشرع مايوة علشان نقول شرعى ومادام البنت مسلمة يبقى لازم تسلم لاوامر ربناوتطيع اوامر الرسول من غير مناقشة او اعتراض
وانا اتفق مع الاستاد عبد اللة مفتاح ان فى تضاد بين مايوة وشرع والبنت مش لازم تنزل البحر مادام جسمهاحيتجسم ويبان وبعدين الحل فى ايدينا سواء كنا ستات او رجالة الست ان هيا تصون نفسها وماتنزلش البحر الا ادا كان الشاطىء فاضى ما فيهوش حد او ماتنزلش خالص مش لازم والرجالة يمنعوا بناتهم واخواتهم ان هما ينزلوا البحر ادا كان فى حد مش محرمهاوربنا يهدينا ويهديكم
اديهم فرصه يلبسوا المايوه الشرعى مش كدة احسن من مفيش خالص وبعدين حاجة فى حاجه هينسوا المايوة خالص قصدى يعنى هايتكسفوا ينزلوا المايه اصلا0
بلاش تقولوا مايوة شرعى لانى ازهرى وبعدين المراة جسمها كلة عورة فهى لماتلبس المايوة دة مش بردة فى اجزاءمعينة هتظهر من جسمها وبعدين حرام اصلا المراة تظهر جسدها امام الناس لانها عورة
اى بنت ترغب فى التعارف والكلام المحترمومعرفة المزيد عندينها وعلاقتها والامور الخاصة بالنساءوالفتاوى تكلمنى انا ازهرى محمد m_t_m20102003@yahoo.com انا فى الانتظار
تحيه لكاتب المقال أولآ..........
أنا بقول لكل واحده من الي بيلبسوا المايوه انتي بذمتك مش عارفه انتي بتلبسي أيه ونازله البحر وجنبك مين هما عايزين يفهمونا انهم محترمين ولا بيستهبلوا علينا والا علي تفسهم ...........وعجبي
اناكنت انا النهاردة فى البلاج جاى اريح نفسى من هم الامتحانات المهم مش عايز اطول انا فكيت عن نفسى كتير النهاردة طبعا عارفين اقثد ايه بكينى وحفلة كمان والناس ولا همهم حاجة غير الرقص بنات شباب بصراحة مكنتش مركز مع غير مع الجنس المتوحش الى جيبنا ورا عارفين انا خرجت مخنوق جدا مع انى كنت مبسوط قوى بس حسيت انى بسطعبط ومكنش لازم ابقى عامل كده حسيت انى ضعيف قدام شهوتى الى انا بحاول اكسرها وابعد عنها ويناس ارجوكم ابعد عننا الانحطاط الاخلافى ده انا خلاص اتخنقت من البلد ديه مع انى كنت بحبها قوى بس معتدش قادر استحمل حد روحى بقت فى مناخيرى من الى بيحصل ولا احنا عارفين ازا كنا عرب ولا اجانب غربيين يعنى وطبعا انا مش كلب بجرى ورا شهوتى لكن ديه غريزة عند كل البشر رجعت من البلاج وانا طالع العمارة كنت خلاص هقرر انى انتحر كلها بنتات ولا حد فيهم حاسس هو بيعمل ايه ولا مدى تاثيره علينا اهدو شوية واركزو يا رب اهدينى وارحمنى وارحم مصر وارحم شباب مصر وعزرا لكل البنات بس حاولو تفهموا ان الواحد مش عايز يعمل حاجة تغضب ربناومش عايز ادخل النار لانى مش هقدر اتحمل
انا مقصدش انى انتحر عشان البنات لكن بلد بيظة الظلم فى كل حتة الاسعار مولعة انا صرفت سبعين جنيه النهاردة فى ايه مش عارف ولا خرجت مع حد ولا حاجة وعايز ازكركم بحاجة انا كنت راكب باص من كام يوم المهم سرت المصيف جت وانتم عارفين الناس عايزة ترغى وانا بصراحة مبحبش اكسف حد الراجل الى جنبى حوالى 35 سنه وانا بقول كلمت مصيقف الراجل بص كده وقال مصيف كان حلمه انه يصيف انا بصراحة اضيقت جدا لان البيه الكبير خلى المصيف حلم للناس من الصعب تحقيقه على فئة معينة لان الى هو بيشتغل بيه بقاله سنتين هيصرفو فى اسبوع حوارت كتير الواحد بيشوفها وان كا شخص بكره الدنيا ومن الى عملته فيا وفى غيرى فلوس بنات مخدرات كل حاجة عشان كنت جت لبالى لحظة انى انهى حياتى لكن انا عارف لو موت نفسى ابقى كافر وانا محبش انى ابقى كافر اخر الحوار اللى ملوش دعوه بالموضوع ان الله لايغير ما بقوم حتى يغيرو ما بانفسهم وربنا يساعدنا بس احنا ننوى ونعمل ونتخلق بأخلاقنا الحقبقبقة مش المصطنعة وكفاية كده
طيب بما ان هذا الموضوع هام جدًا . وتتوقف عليه مصائر الأمه باسرها .. من مصر إلي الشام .. بل ومصير ال×وه العرب المغتربين كذلك .. لذا فإني اقترح التالي : ..
1- يتم عقد ( مؤتمر قمه ) محترم كده يجتمع فيه الساده الوزراء والساده المسؤولين ويناقشو فعهاليات المايوه الشرعي وكيف نحمي بناتنا وشبابنا من هذه الفتنه الهوجاء .. ويهخرجون من هذا الموضوع بتداعيات ممتازة وتوصيات فعالة .. ميتنفذش منها شيئ .. وبعدين تحدث مكالمات هاتفيه بين الرؤساء لمناقشه حل هذه القضية الخطيره بعد تفاقم الوضع .... ممكن برضه الطلبة والطالبات يخرجوا في مظاهرات جامعيه وينقسمو إلي قسمين قسم مؤيد للمايوه وقسم ( ضد المايوه رافعين شعارات وهاتفين هتافات رنانه ويتم تفقريق المتظاهرين بإستخدام قنابل الغاز وخراطيم المياه وما إلي ذلك . والخ الخ الخ بأه عشان انا زهقت من الكتابة ..
أحمد زكريا
ولا كلام فى الساسية عاجب ولا كلام فى الدين عاجب ولا كلام فى امور الحياة عاجب انا شايفة اننا نسكت احسن عشان نعجب الاخ مغربي
من حق الفتاة مثل الذكر أن تستمتع بحقها فى الحياة ، ((( أيه يعنى شوية فرفشة ))) كل حاجة حرااااااام ، منكر ، ملعونة ، ناقصة خلينا نشوف الفتاة التى تبدع وتنتج وتستمتع بنجاحها ، يأ أيها المجتمع الذكورى ((( طظ فيك )))
المشكلة يا اخونا فينا بالأخص الرجالة اللي بيقول فينا تروح عشان هو يتفرج بينسي اته عنده اخت او ام او بنت ...الخ
الواحد فينا عاوز يعمل اللي يحلالو ويحرم علي غيره نفس الحق
وبالنسبة لأخواتنا البنات طبعا فيهم اللي عاوزة تبين جسمها عشان الناس تقول عليها بنت محصلتش وغيرها وغيرها ....
اما اللي بيحترم نفسه من دول او من دول عارف الدين بيأمره بإيه مفيش حد فينا ميعرفش الحلال من الحرام كلنا عارفين بس بنكابر .
اسأل الله لكم ولي العفو والعافية والستر وحسن الخاتمة
عارفين البحر بيضحك ليه ولا ما حدش عارف ليه اقولكم انا بيضحك على الفضايح اللى بتحصل عليه مسخرة واللهى من حق البنت تنزل البحر وتستمتع بس لازم تعرف ان فى عيون تندب فيها رصاصه متربسه ليها ان كان جوةه الميه ولا على الشاطئ لازم تعرف انها قبل ما تنزل الميه تتخيل شكلها ازاى وهى طالعه ودلوقتى فى رياضه شفط الكرش للرجال لما بيشوف وحده حلوة دا طبعا من ورء مراته وتمنياتى للجميع بقضاء صيف جميل
الشباب واللة اللي بيحصل فيهم احنابندمرهم يا جماعة همااولادنا ازاي الاباء يقتلوا اولادهم
مفيش حاجة اسمها مايوه شرعي البنت اما متنزلش خالص او تنزل من غير هدوم خالص
we howa 3ashan et7agbna manenzlsh el ba7r ma el stat el kobar benzelo el ba7r walla lazem anzel labsa galbia 3ashan mo7baba we el a7' el zaref elly bes2al howa lazem anzel el ba7r walla nol el ba7r mohem es2al nafsak ya zaref we el a7' el azraf elly be2ol 3ala en el banat mainzlosh el ba7r leh isa kona fe 3asr el 3abed
قد يبدو عنوانا غريبا و (غير محترم) لي الكثيرين و لكن من خلال متابعتي للردود وجدت ان معظمها يحمل نظرة متدنية للمرأة نظرة علي انها مخلقا جنسيا متحرا اينما يسير فإنه يثير الفتن و الغرائز ..البحر لم يخلق للرجال فقط و ليس من حق اي رحل ان يقول ان المراة او الفتاة ليس من حقها الاستمتاع بنعم الله لمجرد انها امراة و انها يراها خليفة الشيطان مصدر الشرور
معظم بنات الشعب المصري بنزل البحر بملابس محتشمة و مفهوم المايوة الشرعي ليس بدعة و مش عيب لما نقول مايوة شرعي لا كلمة مايوة قليلة الادب ولا كلمة شرعي كلمة فضلى انها تعبير كمثل باقي التعبيرات كالانترنت و التليفزيون و غيره و لم يورد ذكرها لا في القرآن ولا السنة
انا لا اعلم لماذا نتعامل مع الموضوعات بسطحية لماذا المرأة دائما هي المذنبة؟؟ العيب في العقول و الاخوة اللي مش عاجبهم تامايوة الشرعي بيوصفوه انه لازق في الجسم و ده بينم ان العقليات دي بتبص و بتبحلق خليك في حال!!
كمان في اجانب بنزلوا البحر ببكيني و من غير حتي نعمل معاهم ايه دول؟؟
في ولد ظريف محترم قالي انه هو و عيلته لما بيصيفوا في شرم الشيخ عمرهم ما بصوا للاجانب كل واحد في حالة و الولد لم يصب برغبة جنسية مستفحلة لانه شاف امرأة ترتدي المايوه؟؟ و ده لان عقله محترم و ياريت كلنا نعمل كدة و نفكر بشكل مختلف بدلا من القاء التهم جزافا علي المرأة!! بجد الستات دول مطحونين في البلد دي و كل البلدان العربية !!
ولا عزاء للمرأة
البنت اللى تنزل البحر بمايو تبقى زانيه
اولا انتو ناس فاهمين الحلال والحرام
وهذا حرام يدخل صاحبة جهنم خصوصا المراة
وغيرة الاختلاط الفاحش واكتمل وصدقوني من
مات هكذا سيدخل النار جهنم من يريد جهنم
الكلام للمسلم فقط .
البنت او المراه عموما انسانة زى باقى البشر ومن ابسط حقوقها نزول البحر ودة ممكن جدا اذاوانا واحدة من الناس بنزل ببنطلون وتى شيرت انتو معقدينها لية.
شوية بشوية منفعش المايوه الشرعي ده.. لان البنت أول ما تنزل الميه وهي لابساه كانت بتطلع منظرها وحش.. شركات الملابس فكروا تاني..
أنا أوافق أغلب الإخوان اللذين خاضوا في هذا الموضوع. ماعدا اللذين ادعوا العفة، دول إيه اللي أخششهم وإيه اللي خلاهم يتابعوا مثل هذه المواضيع. اليس عيبا عليهم الاشتراك في هذه المنتديات؟ دول الأحرى أن يخوضوا في المنتديات الاسلامية. هذا المنتدى لا أحسبه إلا منتدى يبعد قليلا عن الجدية حيث يجد الشخص منفذا لتفريغ مشاعره. ألا يتفق معي الإخوا،؟
الرجا ارسال صور وافلام
اريد مقال عن مظاهر الطبيعة مثل البحر -الازهار - المطر -الصحراء- الجبال. وشكرا