فضيحة.. بالثلاثة!!
الرجالة طلعت لغاية المقصورة واتزنقوا في حتة عرضها حوالي متر وياخدوا الميداليات.. و بصراحة المنظر كان (عار) وفضيحة.
17/06/2006
ما حدث في الإستاد في نهائي كأس مصر بين قطبي الكرة بها الأهلي والزمالك، أو هكذا يقال، يستحق بكل جدارة هتاف الجماهير في المدرجات" فضيحة.. فضيحة"، وعلي طريقة
المتزوجون تكون"فضيحة بالتلاتة" لكي تعبر عن طلاق "حاجات كتير"عن كرة القدم وعالمها ومستطيلاتها الخضراء، وسلملي علي الكورة غالب ومغلوب..
سيبك من نتيجة اللقاء والثلاثة صفر وعبد المنصف وهو بيضحك بعد الهدف الثالث لما دخل مرماه.. سيبك من الفرص السهلة التي أضاعها لاعبي الأهلي والتي كانت قادرة علي تسجيل رقم قياسي جديد لفريقهم هذا الموسم أشد قسوة علي القلعة البيضاء وعشاقها من مأساة الستة واحد، فاكرينها،.
خير الحكام.. التائبون
سيبك من ده كله وتعالي نقابل أول فضيحة.. الفضيحة الأولى كانت عندما احتسب الحكم النرويجي هدف للأهلي أحرزه اللاعب عماد النحاس بعد أن قام زميله في الفريق محمد شوقي بإعاقة محمد عبد المنصف حارس مرمى الزمالك داخل منطقة الـ"ست ياردات".. المنطقة المحرمة التي يحتسب فيها ضربة حرة علي كل من "يلمس الحارس"..
الحكم احتسب الهدف والمعلقين كلهم قعدوا يقولوا "مش عارف" و"مش باينة من هنا" ومش عارف ايه، واللى يقول نبقي "نشوفها في استديو التحليل" والحكم ده لو كان مصري كان اتنصبله مشانق الدنيا والآخرة.. من كله الجمهور والمعلقين والنقاد والإعلاميين والاتحاد.
أما الراجل علشان أجنبي ومش من هنا وطبعا "وراه سفارة تاكل الزلط"، هبش القرشينات بتاعت سبوبة التحكيم "توتو علي كبوتو" علي رأي أخونا محمد سعد، ولا حد خصم منه قرش.. ولا حتى حد سمعنا كلمة "الحكم مرتشي" تفتكر ليه..
طبعا علشان الحكم ده بشر وكل الحكام يخطئون وخير الخطاءون التوابون.. وهي دى عايزة كلام..
الرياضة.. مش أخلاق
"الرياضة أخلاق".. عبارة مللنا من سماعها في حصص الألعاب.. تعودنا علي سماعها ليلا نهارا.. في كل مباراة يرددها المعلقون.. نقولها بعد كل مباراة "غير مصرية" نري فيها لاعبي الفريقين المتنافسين يصافحون بعضهم بعد نهاية المباراة..
هذه العبارة ثبت بعد مباراة الأهلي والزمالك الأخيرة إنها لا تصلح للاستهلاك الداخلي المصري، البروفيسور الذي أثبت خطأ هذه العبارة كان لاعب الزمالك الفذ.. المدافع الصنديد الذي لم أراه يتألق في أي مباراة.. محمود محمود الـ"مساك" الرهيب..
محمود محمود ضرب بكل قواعد الأخلاق الرياضية عرض الحائط، إذا كان الحائط مازال في مكانه ولم يسوى بالأرض، عندما ضرب لاعب الأهلي بدون كرة أثناء استعداد محمد أبو تريكة للعب ضربة الجزاء مستغلا أن حكم الساحة يعطيه ظهره متناسيا أن هناك حكم راية بجوار الخط يراه.
وهذه الفضيحة يتحمل جزء منها أيضا الجهاز الفني لنادي الزمالك، فمن البداية كان واضحا وجود احتكاك بين محمود حمود وعماد متعب وصل لدرجة أن استدعاهما الحكم ونبههما.. فماذا فعل جهاز النادي الأهلي..
رأينا جميعا علي شاشة التليفزيون عماد متعب يوضح لحسام البدري ما حدث ويقول بأنه لم يفعل شيئا.. اذا فالرجل سأل و"اتطقس" الى الحد الذي بان أثره علي وجه متعب.. أين جهاز الزمالك.. أين أحمد رمزي.. لا حس ولا خبر.. لا سيبك منه وركز في الماتش.. ولا هدي نفسك يا محمود.. ولا حتى سأله في إيه..
الفضيحة الكبيرة
سيبك من ده كله، لأن في ناس هتقولك "عادي بيحصل في أحسن العائلات"، وتعالى بأه للفضيحة الكبيرة.. الراجل الكبارة.. عضو مجلس الشعب.. من جلس علي منصة القضاء يوما..رئيس نادي الزمالك.. مرتضي منصور الذي أعاد إلى أذهاننا ذكرى الجزمة، وما أكثر الجزم هذه الأيام.
الراجل الكبير ده كان قاعد في المقصورة الرئيسية زيه زي بقيت الناس الكبيرة.. أشي مبعوث من رئاسة الجمهورية لتسليم الكأس.. رئيس المجلس القومي للرياضة.. رئيس اتحاد الكرة المصري.. أعضاء مجلس إدارة الأهلي..
المهم الراجل قاعد في المقصورة،لا بيه ولا عليه، تقوم جماهير الأهلي الفرحانة بفوز وأداء فريقها.. هذه الجماهير هتفت لمرتضي منصور "مرتضى يا حبيبنا.. إياك تمشي وتسيبنا"، فما كان من الرجل إلا أن قام برفع "الجزمة" وإطلاق السباب يصاحبها مشادة كلامية مع أعضاء مجلس أدارة النادي الأهلي..
لأ وايه كل ده والراجل "اللواء أركان حرب بتاع الجيش مندوب رئيس الجمهورية لتسليم الكأس" قاعد في النص ومرتضى ولا هنا.. يالهوي لواء ومبعوث الريس والجزمة.. منظر مش ولابد يعني..
المهم نهاية مرتضي بعد هذه الحادثة كانت مشابهة لنهايته بعد حادثة أخرى مشابهة، فقد قرر المجلس القومي للرياضة إيقاف مرتضى منصور رئيس نادي الزمالك عن ممارسة جميع صلاحيات منصبه مع منح صلاحيات رئاسة النادي لنائبه رؤوف جاسر، وعرض أمره على أقرب جمعية عمومية للنادي، كما قرر اتحاد الكرة تغريم الزمالك ربع مليون جنيه مع استبعاده من الكأس السوبر عقابا له.
فضيحتين صغيرين
قبل ما أخلص كلامي في فضيحتين كمان صغيرين كده بس حاسس إنهم لازم يتقالوا، الأولى لعيبة الزمالك وكامل جهازهم الفني رفضوا نزول أرض الملعب بعد انتهاء المباراة لاستلام الميدالية الفضية نصيبه من المركز الثاني، ولهذا قرر اتحاد الكرة عقابه بغرامة 250 ألف لحلوح مع حرمانه من مباراة السوبر وتقرر أن يلعب أنبي بدلا منه تلك المباراة أمام الأهلي.
الفضيحة التانية متعلقة بمبعوث رئيس الجمهورية وهو بيسلم الأهلي الكأس.. الرجالة طلعت لغاية المقصورة واتزنقوا في حتة عرضها حوالي متر وياخدوا الميداليات.. وهوب للخلف در.. بصراحة المنظر كان "عار" وفضيحة.. اللي مش مصدقني يتفرج على الإعادة ويشوف اللخبطة الى كانت موجودة ووش الراجل "جوزيه" اللي مش واخد علي كده كان عامل أزاي.
طيب الريس والرجالة بعد كأس الأمم طلعتلوا فوق.. وماله الريس حبيب الشعب وكلنا نطلعله بدل ما ينزل هو.. وكمان يمكن كانوا خايفين عليه أحسن أي ابن (...) يفتكروا نفسه في ساحة العرض العسكري وصاحبه اسمه الاسلامبولي.. مش مشكله..
أما سعادة اللواء ماله بأه.. مينزلش الملعب يسلم الكأس للناس ليه بدل التزنيق.. ووسع يا ابني الله يكرمك!!
عدد التعليقات : 20
• كلنا فداء "البتاع".. يا ريس!!
"الحلوة في مشوار وصاحبها على نار"
كلام مكتوب على شباك ميكروباص، بيمشي في صفط اللبن.. وبيروح الجامعة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
إيه ياعم أحمد ...بالراحة شوية ... هي ناقصاك إنت كمان ...
طيب راعي إن في زمالكاوية بيدخلوا هنا - والله العظيم أنا أهلاوي والحمد لله - بس اكيد في ناس لسة مغيرتش البطاقة ...
بيقولك .... الموظف اللي بيغير البطايق طلع زمالكاوي كمان ... وهو بيغير بطافته المكنة باظت .... فالباقيين مش عارفين يغيروها وماشيين بيها كده ...
ياعالم ..يا بتوع الزمالك ... يا اللي صابرين علي مرتضي باشا ...
ربنا معاكم ...
يعني أنا مش عارف إنتو ليه لسة زمالكاوية ... بأمارة إيه ؟؟
ماهو الواحد يتحمل حاجة واحدة .. يا الهزايم ..يا إما الفضايح ومشاوير واحد زي الحاج مرتضي ...
إنما الاتنين ... ده إنتو رجالة والله
يلا حنقول إيه ..
شفت أخرتها ...حتي بعد مرتضي باشا ما وقف في مجلس الشعب اللي فات يهلل للاستفتاء وتعديل المادة 76 ...برضه اخر خدمة العز علقة ...
ههههههههه ...اخرة النفاق ....
وعقبال أحمد شوبير يارب ....
وبرضه ...
لا للتمديد ... لا للتوريث ... نعم لتعديل الدستور المصري
mohamedmat@hotmail.com
احمد شوبير دا طلع منافق كبير يعنى بدرجة جزمه و ببقي متغاظ لما يقعد يمجد في علاء و جمال مبارك فى البرنامج بتاعه و لو تفتكروا ايام بطولة الأمم الإفريقيه لما الواد المراسل بتاع البرنامج .. واد سكلي كدا اسمه محمد عباس راح يعمل حوار مع علاء مبارك و ابن الصغير و الواد المراسل قال يعنى مندهش قوي و بيقول كده زي: يا نهار ابيض علاء مبارك باشا و ابنه كمان قاعدين في المدرجات من غير حراسه مع العالم الزباله و الرعاع. يا سلام إيه دا يا باشا دا انتوا مدلعين الشعب ما يصحش كدا دا انتو كان لازم تقعدوا فوق روس الجماهير الزباله دى و تحطوا جزمتكم في عنيهم و هما يطولوا اكيد كانوا هيشيلوها فيعنيهم بكل حب و يسعدوا اكتر لو فقعتوا عينيهم.. هما في ديكى الساعه.ها هو النفاق بعينه من شوبير و بقيت الهتيفه السكليه في مصر. عارفين انا لو اطول و الله اقطع لسان الأشكال دى بضمير مرتاح و نفس هاديه .. هما دول سبب بلاوي البلد و مأسي الشعب. هما دول اللي بينفخوا الحكام و يعملوهم ألهه.
علشان كدا ربنا بيقول ( إن المنافقين فى الدرك الأسفل من النار) يعنى في أحط درك و درجه في جهنم يعنى عذابهم امر من المشركين و الكفره.
اصبح المستشار مرتضى منصور - الشهير بحسن سبانخ - مصدر من مصادر الإبتكارات الرياضية في مصر والوطن العربي فبعد قيامه بشراء كأس وتسليمه للاعبين كرة اليد بناديه العام الماضي ... وبعد قيامه بتجهيز ملفات فساد لحوالي 75 مليون مصري ملوحا بهم لكل من خالفه في الرأي ... وبعد قيامه بمحاولة شراء كتيبة لاعبين وناديه مديون وليس لديه قيمه رواتب موظفيه ... قام علي مرأي ومسمع من ملايين المشاهدين بمصر والدول العربية بخلع حذائه لأمين صندوق النادي الأهلي أمام ممثل رئيس الدولة وأمام رئيس جهاز الرياضة وأمام رئيس أتحاد الكرة عقابا لهم علي هتاف جماهير الأهلي وطلبها منه عدم مغادرة نادي الزمالك حيث أنه يعتبر وجوده بالزمالك مصدر فرح لجماهير الأهلي لما له من قوة علي هدم فريق الزمالك العظيم ولكن المحزن والمؤسف له حقا هو نحن كمصريين وشكلنا امام الدول العربية ... انا مصري مغترب وأعمل بمجال الرياضة ورأيت الأندية والإتحادات تدار بأسلوب راقي متحضر كأسلوب النادي الأهلي المدرب هو إمبراطور الفريق له كامل الحرية في اتخاذ مايراه من قرارات وله الحق في وضع التشكيل الذي يراه واستبعاد مايراه ولايتدخل رئيس النادي في شئ مثل الأهلي وانبي وباقي الأندية المحترمه ولكن الذي يفعله بنا وبنادي الزمالك سيادة المستشار لايرضى أحد وحسنا فعل الصقر حين جمد رئاسته لنادي الزمالك حيث أنه من المستحيل أن يسير طبقا للأصول المتعارف عليها واتمني وأناشد الجمعية العمومية لنادي الزمالك أن لاتكتفي بالغاء رئاسته لنادي الزمالك بل شطبه من سجلات عضوية النادي فنادي الزمالك قلعة من قلاع الرياضة وستظل دائما قلعة بيضاء ناصحة مهما حاول البعض الاساءة فإنها سوف ترتد تلك الاساءة له وسيبقى الزمالك وسنفيم له حفل الاعتزال الذي سيليق به واتوجه اليه بسؤال فعلا محي
اقرأ بقية التعليق ..
كل ما فعله مرتضى منصور انه يدافع عن ناديه بعد ان استشرى الفساد داخل النادى
التشرد والبلطجة نزلوا فجاة على لعيبة الزمالك ، مين يصدق ان الضربة اللي اضربها اللاعب الخلوق محمد عبد الوهاب خلتوا يفقد الذاكرة للحظات ود. ايهاب على قال ان الضربة كانت هتودي بحياة اللاعب . ولا الضربه اللي خدها متعب، يا سلام ولا اجدع ملاكم، وغير دة كله حلبة المصارعة اللي في المقصورة ومرتضى منصور الي عامل لنا فيها صرماتي . ولا يعني خدوهم بالجزم ليغلبوكم .
كلمه حق انى اقول ان الاهلى حديد
كلمه حق انى اقول ان الماتش المفروض كان يخلص 6 مش 3 بس
كلمه حق انى اقول انى افخر انى اهلاويه جدا
كلمه حق انى اقول ان الزماللك بجد صعب عليا و كان نفسى يجيبو جون ينقذو بيه ماء وجههم
كلمه حق انى اقول ان فعلا ممكن الحكم يكون اخطأ بس الاهلى هو الاهلى
كلمه حق انى اقول ان ابتسامه عبد المنصف كانت ابلغ من الكلام و كان لها دلاله واضحهاوى
كلمه حق انى اقول ان مرتضى منصور بلطجى و منافق و انسان بشع بس هو بيحب النادى بجد
كلمه حق انى اضم صوتى لصوت الناس اللى قالت ارحمونا من مرتضى لان الاعلام عمل منه بطل و ند لا يقاوم لدرجه ان رجال الشرطه بتخاف منه
كلمه حق انى اقول ان عجبنى سمير زاهر و هو ستيب الناس بتتشاكل ف المقصوره و هو بيخرج من باب تانى
كلمه حق انى اقول لمدحت شلبى يا نهار ااااابيض
الا محمودكلاى اللى ضرب متعب ياسلام...ده كان بيلعب فى مركزشباب انبابه ولا ايه؟
اله يبتليه بشلل لعيبه,كان هيضيع الوله.
بصراحة الزمالك شكله اخر مسخرة,و بيعترضوا علي الحكم علي خيبة ايه ده الدفاع متنيل خالص و شكله شوربة.
عماد متعب و محمود محمود ليه يا جماعه و لا عايزين الاجانب تضحك علينا مصر يا محمود مصر يا متعب مصر يا ناس يا هووووووو و اه اوعي تنسي مانول الاجنبي سلام انا سارا عاشقه متعب و تريكه و احمد حسن و كل الاهلي
بحححححححححححبك يا عمااااااااااااااااااااااااااااااااااد ياااااااااااااااااا متتتتتتتتتتعب
بمناسبة الفضيحة الاولى اللى ذكرها السيد أحمد الهوارى...أحب أعلق و أقول ان اللى اسمة شوبير كان مستضيف الشيخ طة اسماعيل و قال بين الشوطين تعقيبا على الهدف بالحرف الواحد: (بصرف النظر عن الأخطاء التحكيمية فان عبد المنصف مخطىء و الهدف صحيح)
أحة...والنبى حد فيكو يقولى يعنى اية بصرف النظر عن الأخطاء التحكيمية...؟؟!!!!
عبد المنصف غلطان لانه معرفش يمسك كورة سهلة زى بتاعة الهدف التانى....ده لو شبل عنده 8 سنين كان صدها,بجد اوسه ماينفعش يبقى حارس مرمى
نبدأ بالصلاة على النبي ونقول الله يغمك في بدنك يا مرتضى ياكذاب يامنافق وصحيح احنا سعداء بوجودك على قمة منظومة نادي الزمالك ولا هي منظومة ولا حاجة لكن عيب عليك تكذب وتصدق الكذبة قال وايه كمان بتطالب الناس تصدقك !!!!!!!!! يا جدع فوق فضحتنا الله يفضحك سيبك من دور الزعامة ده اللي انت عايشه وسيبك من الخزعبلات اللي في دماغك الله يبهدلك زي مابهدلتنا قدام العالم على الفضائيات وروح منك لله
يا نجم دا العادي بتاع المستشار ميمي اللي بيحترب الفساد والاخلاق الواطيه بالجزمه بدلا من القانون والعقل والمنطق انه عصر سلطه المال فيه تطغا وتسود على الكل انه نتاج لمجتمع ينحني تبجيلا للسافل والمنافق قال ايه يبحترم هيبه الدوله طب باماره ايه لما الراجل كبير الياوران الكاب بتاعه وقع دا نهار اسود على مرتضى وعلى الزمالك كان ناقص ايه تاني دا لازم يتسحل في الشارع دا تطاول على اسياد الكره المصريه
اولا عاوز اقول حاجة انتوا عاوزين اية من الزمالك بالظبط مش الزمالك دة فريق مصري يعني المفروض كلنا نقف جنبه الاهلاوي قبل الزملكاوي علشان منتخبنا يتحسن لكن الكلام اللى بيتقال دة والتريقة اللى بتحصل دي وطول ما احنا كدة سلبيين عمرنا عمرنا ما هنشم كاس العالم وبعدين الاخ اللي بيقول ملاكمة ولعيبة الزمالك بلطجية وكدة لية هو يعني فريق الاهلي دة ملاك ما زي ما عندكم لعيبة انا بحترمها جدا عندنا لعيبة تحترم جدا وزي ما عندكم اخلا ابو تريكة اللى انا بعشقه عندنا اخلاق حازم امام اللى انا بموت فيه وزي ما عندكم حبسجي اسمه عماد متعب عندنا بلطجي اسمه محمود محمود يجماعة بدل ما نهزئ في بعض المفروض نقول الصح المفروض نقول للعيبتنا كدة عيب لانكم في الاخر اخوات واصدقاء بعد الملعب يجماعة الرحمة الرحمة علشان خاطر ربنا واقفوا جنبنا علشان نادى الزمالك يرجع لبطولاته اللى ملهاش حصر ويبقى عندنا منتخب قوى وندخل وننافس كمان على كاس العالم وربنا يهديكم
دخلت على بيوت الزمالكويةوفي المنتدى بتاعه وجدت انقسام وخناقات حول مرتضى منصور
فمعظم اعضاء المنتدى رفضوا مرتضى وانقسم الاعضاء الى زملكاوي ومرتضاوي
وانا طبعااهلاوي
وعايز اسأل الزمالكوية شوية اسئله :
ماذا فعل مرتضى للزمالك
ماهي البطولات الذي فاز بها الزمالك في عهد مرتضى
من هو الاداري بنادي الزمالك الذي لم يقول مرتضى منصور عليه حرامي ولم يختلف معه
دا حتى اللاعيبه اتخانق معاهم ( جمال حمزه , حازم امام , طارق بيه السيد )
وعايز اسأل مرتضى برضه:
ماذا فعل الزمالك لمرتاضى
والاجابه هي :
الغاء عضوية مرتضى منصور من النادي الاهلي
خروج مرتضى منصور من مجلس الشعب بعد سبه لجماهير الاهلي
خلعه من رئاسة الزمالك ثم العوده ثم ايقافه مره اخرى بسبب الجزمة
الحكم على( أشهر محامي في مصر ) بالسجن 6 شهور بعد ان كسب حسن حمدي القضية
مع التوقع بتنفيذ الحكم بعد تطاوله على ذكريا عزمي وقوله عليه انه يسيء سمعة حسني مبارك
والله والله الى بيعملوا الكابتش مرتضى زى ماقلنا فى جملة سابقة دة اسمة انحطاط بجنيع مقاييس البلطجة العالمية واحنا قلناالراجل دة هيتهد لما يطلع من مجلس الشعب بس مفيش فايدة احنا المفروض والله والله نعدمة رميا بالشباشب اة والله والزنوبة كمان اوكى وانا احب ابلغ رسالة الى النادى الاهلى العريق ذو القيم والمبادئ والاخلاق الرفيعة ان احنا لما كان عندنا كبوة مش عايز اقول زى الزمالكاوية الحمد لله عديناها بكل ادب واحترام والحمد لله ان الاهلى طول عمرة وفى حياتك ومماتك يا صالح يا سليم هنفضل كدة انشاء الله عماد ابوتريكة وارقص يا حضرى وكابتن هادى النجم الاول والاخير بحبك موووووووووووووووووووووووووووووت انت وابوالسيد بس انا ليا تعليق على حاجة بسيطة يا كابتن هادى انت هتعمل ماتش اعتزالك بين منتخب مصر الى هوالاهلى وبين النادى الاهلى طب ازاى يعنى ولمؤاخذة محمدعبد الوهاب مثلا هيرفع كورة للاهلى وبعدين يجرى سقطع هو تانى على اساس ان هو بيلعب هنا وهنا ولا ايةهههههههههههههههههه وومع السلامة بقى
مش بقولكم انتوا هايفين بدل ما ندور على حل لمشاكل الكورة عندنا واحد هايف يقولك الكابتن هادى وماتش الاعتزال ومش عارف المنتخب هو الاهلي طيب ياعم ما مادام المنتخب هو الاهلي وشاطرين كدة امال مادخلتوش كاس العالم لية ويعني انا مثلا لما يكون المنتخب هو الاهلي مش هشجعوا مثلا علشان انا زملكاوي وهشجع اية بقى منتخب غانا ولا كوت ديفوار ما هي دي المنتخبات اللى تشرف حرام عليكم تعالى نحط ايدينا في ايد بعض ونحل مشاكل الكورة عندنا علشان نبقى من احسن المنتخبات في العالم وسيبوكم بقى من الاهلي والزمالك مش هيعملونا حاجة لكن المنتخب ربنا يهديكم يا اهلاوية ونبقى فعلا اخوات علشان كل دة في صالح المنتخب
يا جماعة كدة عيب اللي حصل من محمود محمود بس هنقول اية في الاخر اللي حصل حصل بس ندعى دة مايتكررش تانى
محمد عبدة من البحيرة
أنا الكبير ... الكبير اقوي ... لا رئيس ولا مندوب ولا اتحاد ولا أهلي ... انا مرتضى المنصور بإذن الله واللي مش عاجبة هاديلة الجزمة ذي ما شفتوا
ياجماعة كدة عيب بس اللى حصل حصل ونرجع ندعى دة ما يتكررش
بموت فيك يا عماد يا متعب
ابحث عن فتاة امورة فهل لى برد قريب
رغم كل اللي بيحصل ورغم الكلام الوحش جدا اللي بيتقال علي عماد متعب اللي من غير دليل عشان ملقوش في الورد عيب قالوله يا احمر الخدين لسه بموووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووت فيك ياعماد
عمادمتعب احسن لاعب والدليل ان وهو فى السن ده بيعمل كل الحاجات ديه وانا بصراحةبموت فيك