يلا نـ "داوي أم الدنيا"
خمس بنات رضوى وسندس وياسمينا وسالي وسارة.. وحين بدءوا.. بدءوا بأنفسهم أولا.
20/06/2006
إذا كنت من سكان روكسي بمصر الجديدة فلا تتعجب إن رأيت عددا من الشباب ممسكين بأدوات نظافة ويقومون بكنس شوارع القاهرة.. هي ليست الكاميرا الخفية وليست دعابة.. فقط مجموعة من الشباب قرروا التغيير والتنمية.. خمس بنات رضوى وسندس وياسمينا وسالي وسارة.. وحين بدءوا.. بدءوا بأنفسهم أولا.
الساعة السادسة مساء يوم الثلاثاء الموافق 20 يونيو ستبدأ حملة "داوي أم الدنيا" وسينطلق الشباب من أمام الحرية مول بروكسي.. ويبدأها الشباب بمشروع تنظيف شوارع القاهرة.. وهي حملة ليوم واحد فقط.
الشارع شارعنا والبلد بلدنا
يقول أحد هؤلاء الشباب: "مشروعنا الأول بسيط ولكن يحمل رسالة كبيرة نتمنى أن تصل للناس حتى يبدأ كل منهم بتطبيقه في منطقته السكنية. سنقوم بتنظيف شوارع القاهرة بأنفسنا بأدوات نظافة اشتريناها بالفعل، وسنتكلم مع المارة و نحاول إيصال أول رسالة لنا وهي أن الشارع ملك لكل الناس وأن الحفاظ على نظافته مسئوليتنا نحن قبل أن تكون مسئولية الحكومة..
لدينا إيمان عميق بأن المارة سيؤثر بهم رؤية بعض الشباب المتحمس للتغيير و الذي لم ينزل من بيته ليهتف و لكن ليغير فعلا"
حملة داوي أم الدنيا هي حملة تهدف للتغيير والتنمية في مصر، وعن سبب تسمية الحملة بـ "داوي أم الدنيا" تقول رضوى زكي : "مصر مريضه.. مصر التي كانت أم الدنيا لم تعد كذلك وهي الآن مريضه وفي حاجة لمن يرعاها .. فلنداويها من الفساد المتفشي بها والتلوث والأمراض.. قد تكالبت عليها آلام كبرى وعلينا الإسراع بمداواتها".
ربك بيسترها
أكثر ما تخشاه الفتيات الخمس حتى الآن هو رد فعل الشارع على تصرفهم.. فهم فتيات يخشون المضايقات والمعاكسات.. لذا قرروا ارتداء زي موحد ولافته تحدد أنهم تابعين لحملة "داوي أم الدنيا".. كذلك قرروا التركيز على منطقة القربة وشارع عباس العقاد وشارع الأهرام.. وسيجرون مسحا للشوارع قبل البدء في التنظيف.
وعن سؤالي لرضوى فيما تتوقع من الشباب لمشاركتهم معها في الحملة فقالت : حتى الآن لا أستطيع التكهن بعدد من سيشارك ولكني أتمنى اكبر عدد ممكن .. فلو وجدت مائة شاب وفتاة ينتظرون أمام الحرية مول الساعة السادسة مساء الثلاثاء فلا شك أن المنطقة التي سنجري تنظيفها ستتسع أكثر وأكثر.. ونتمنى ذلك !!
مجموعة من الشباب حلموا برؤية مصر أفضل .. فتمنوا مشاركتكم معهم.
عدد التعليقات : 24
• ضابط فى مدينة الذئاب !
• خارجة .. الداخلية في شهر!!
• عبد الظاهر السقا.. ناقل الحرب!!
• دستور جديد.. من الألف للياء!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
فعلا هذا هو لحب انتم تعلمون الشباب معنى الانتماء الذى يبدء من البيت ثم الشارع والمدرسه وهى دى مصر وهم دول المصرين والله واكبر عليكم
مش عارف ايه الفكرة الغريبه دي
كنس شوارع ايه؟
الشوارع مش هتنضف
اظن ان الفكرة مش حيوية خالص
ولو فكروا في حاجه تانيه مفيده هيكون احسن
وعلى كل محاولة يتحقون عليها التحية
الحقيقه وحشه اوى لكن اسمحولى اقول ان الشباب دى تستحق الشكرلكن000
مفيش فايده ولو حتى نزلوا كنسوا شوارع مصر يوميا
الحقيقه الاوحش بأه ان مصر محتاجه تنضف من ناسها اللى يستحقوا كنسهم من البلد كلها وبعدين من زبالتها0
القاهرة التى يعيش فيها الملايين و التى تعانى منذ عشرات السنين سوف يقوم بتنظيفها 5 بنات.
بالطبع القاهرة مش هتنضف فى يوم و ليلة..و لكن المغزى أكبر من ذلك..انها دعوى للتحرك و عدم السلبية و العمل بدون مقابل من أجل مصر.
كم كنت أتمنى ان اكون فى مصر حتى أشارككم.
ده تحدي يحترم منكم بجد
لكن المشكله مش في الزباله اللي في الشوارع ولكن اللي في الناس ولا ايه؟
اتحديتوا حاجات كتير و دافعتوا عن مبدا مؤمنين بيه و ده في حد ذاته انجاز
لكن عايزين نعمل اكتر وتكون حاجه اكتر ايجابيه من كنس الشوارع
Really, well done you girls... keep beleiving in it, and you will see, it will grow. I find the meaning of you decided to do excellent... it helps us come out of selfishness... yalla ya banat, nedawee om el donya...
Bora3ee
good girls u might face problems but keep on going god be with u help u and bless all of u
وه ايه العيب في كده
لو كل واحد انسان بدأ بنفسه و ماقالش اشمعنى انا او هو يعنى مافيش غيرى او ماقالش مهما عملنا مافيش فايدة كانت حاجات كتيرة اتغيرت، تحية كبيرة للبنات الخمسة، تحيا مصر
الله ينور ياشباب وربنا يوفقكم انشاء الله
ولو كنت موجود في مصر صدقوني كنت جيت معاكم ومعايا ادواتي انا واولادي
مصر دايما بخير طول ماشبابها بخير
الناس اللى عماله بس تنقد .. يهز حد فيهم طوله ويقولى عمل هو ايه لمصر؟؟؟ وروني نفسكو بقى
salamo alaikum
jazakum allaho khyran, this activity is not just for the sake of cleaning, this activity is to get people together to work together and do much more, it's like a spark which will start the fire of working youth and a better generation, so don't just look at the work, look at the benefits and the future outcome of it. Allah bless you girls and may Allah help you to do much more inshallah, i'm here from Canada we did Clean montreal as well and everyone liked it and we did even more projects. salamo alaikum
والله ان مصر احسن وافضل بلد زرتها في حياتي وشعبهااحسن معاملة شفتها على وجه الأرض
مصر ماتتو الي الابد بعد بيع كل صناعتها وسرقة خيراتهاو امتصاص دمهاوتسليمها لامريكا واسرائيل جثه هامدوعصابات الحزب الوطني دايرة تنهب من كل مكانوفتيات مصر الغلابة تكنس الشوارع للحرامية
اخوانى القائمين على الموقع تحيه طيبه لكم جميعا . موضوع شيق ومهم جدا ان نساهم جميعا فى ذلك . ولكن البدايه منكم انزلو الشارع واكنسو وبعدين اطلبو الدعم من شباب وشابات مصر وستجدون كل العون . وبعدين يوجد مواضيع اهم من النظافه للشوارع وهى نظافة العقول والارواح . وانتم تعلمون ماهى وجميع الساده رواد الموقع ايضا . ويمكننى شخصيا ان اقوم بهذا العمل بمفردى لو وجدت الدعم اللازم من موافقات حكوميه مناسبه ودعم مادى وخلافه .
يعنى الموضوع باختصار استثمار .
هل تساعدونى فى ذلك ؟؟ ارجو الجواب . وجوابكم سيكون هو البدايه او النهايه لنظافة شوارع مصر .
وممكن تقومو بحمله لمنع الاتجار بالمخدرات والبانجو والدعاره فى كل مناطق مصر .
هو ده الكلام الاولى والاهم .
ارجو الاخو القائمين على فكرة المشروع الاتصال بى . ضرورى جدا .
ايميلى red_sea188@hotmail.com
فى انتظاركم لبحث وادارة الفكره .
شكرا .
محسن الشريف . مصرى اصيل .