كفارة.. يا علاء
"كفارة يا كبير" هي الكلمة التي تقال دائما وأبدا للخارج من السجون المصرية.. مهما كانت نوع التهمة التي أدخلت صاحبها الزنزانة، والسجن للرجالة زي ما بيقولوا "مع أن في سجن حريمي".
وعلي الرغم من أن "علاء" لم يقض مدة عقوبة في السجن لأنه لم يتم الحكم في
21/06/2006
"كفارة يا كبير" هي الكلمة التي تقال دائما وأبدا للخارج من السجون المصرية.. مهما كانت نوع التهمة التي أدخلت صاحبها الزنزانة، والسجن للرجالة زي ما بيقولوا "مع أن في سجن حريمي".
وعلي الرغم من أن "علاء" لم يقض مدة عقوبة في السجن لأنه لم يتم الحكم في التهمة الموجهة إليه حتى الآن.. إلا أننا لا نملك إلا أن نقول له "كفارة يا علاء".. ربما لأننا لا نعرف كلمة أخري نقولها للخارجين من "طرة وأخواتها".
علاء.. لمن لا يعرف
وعلاء لمن لا يعرفه يعتبر "شيخ المدونين المصريين".. صاحب مدونة "منال وعلاء".. حصلت مدونته علي جائزة "صحفيون بلا حدود" للمدونين.. تم اعتقاله منذ حوالي ستة أسابيع أثناء احدي مظاهرات التضامن مع القضاة.. اعتقل علاء بعد النزول للشارع بعد فترات من العداء "الانترنتي" بينه وبين الأجهزة الأمنية..
تم توجه تهمة "إهانة الرئيس" إلى علاء، كما تم توجيهها إلى غيره من الناشطين.. حملات للتضامن مع علاء طافت بأغلب صفحات الانترنت.. نادرا ما تجد مدونة تخلو من موضوع أو صورة للتضامن مع علاء والمطالبة بالإفراج عنه..
وأخيرا قررت "السلطات" الأمنية في بلدنا الحبيب الإفراج عن علاء سيف الاسلام، وجاء قرار الإفراج بالرغم من عدم إسقاط التهمة عنه.. أي أنه من الممكن أن يعود إلي السجن مرة أخرى، لا قدر الله..
ضرب نار.. في العمرانية
ما أن علم الجميع بقرار الإفراج عن علاء حتى انطلقت الأفراح علي "الشبكة العنكوبتية"، فانطلق المدونون في التعبير عن فرحتهم بالقرار.. ومن أولى من منال بالكتابة عن قرار الإفراج عن زوجها..
ففي مدونتهما كتبت علاء تحت عنوان "خلاص علاء راجع لمنال"، عن فرحتها بقرار الإفراج.. عن وقوفها خارج نيابة أمن الدولة في انتظار رحيل سيارة علاء إلي السجن كي تبدأ إجراءات الإفراج.. ولم تنس شكر كل من كانوا هناك.. وكل من تضامن معهما..
وانطلقت التعليقات لتعبر عن فرحة الجميع بالإفراج عن "التنين البمبي".. ابن العمرانية.. البعض كتب "زغرودة".. والبعض قام بالدعاء على "اللي كان السبب".. الكل تمنى أن يتم الإفراج عن باقي المعتقلين.. أحد المعلقين قال " أن العمرانية ستقيم الأفراح والليالي الملاح".
ومن مدونة منال إلى مدونة جار القمر حيث كتب صاحبها "بما إني تابع فيدراليا لنطاق تنين العمرانية .. أعلن الأفراح و ضرب النار و تعليق الكلوبات في هذه المدونة.. كفارة يا علاء.."
وفى تصريح خاص لولاد البلد قالت منال: "انه حتى الآن لم يتم الإفراج عن علاء ولا تعرف مكانه"، وأضافت أنه خرج من سجن طره حوالي الرابعة عصرا.. ولا تعلم هل ذهب إلى مبنى أمن الدولة في جابر بن حيان أم لا..
لا تعرف عنه شيئا حتى كتابة هذه السطور.. ولا يعرف عنه المحامون أيضا أي شيء.. الجميع ينتظر والجميع يترقب وصول علاء إلى منزله وعقبال كل المعتقلين..
عدد التعليقات : 47
• يهود مصر.. ضد الصهيونية
• هي دي مصر.. يا هبلة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
عقبال باقى المدونين
التقرير ناقص معلومات عن علاء...فامه ناشطة حقوقية وكذلك والده..وكان مهما ذكر هذا فى التقرير.
كما ان علاء اسمه علاء سيف الاسلام...وليس سيف الدين!
لولم تعرف حكومتناوحزبها وامنهاالمستغبى
ان المدونون صادقون ما سجنتهم لأنها تعرف ان كلمة الصدق تطير وتدخل الى القلوب وليس
بينها وبين الناس حجاب ولأنها تعلم انه سيكون لهؤولأ المدونون شأن فى زوال هذا النظام الذى يحتمى بأمن ليس له عقل سوى
فألى الأمام ايها المدونون ولا تخشوا سجن السجان واعلموا ان الحق والصدق معكم
حتى ولو سجنتم .
واقول للجميع
اجهر بصوتك يا فتى
لاتبقى فى الظلمة ضوئاخافتا
سيحرقوك ويغرقوك ان بقيت صامتا
فالى متى الى متى ستبقى دوما صامتا
تم نعديل الاسم شكرا للاهتمام وناسف للسهو غير المقصود
حاجه غريبه فعلا
اول ما حد يقول حاجه تنتشر لوحدها كده ومحدش يفكر فيها؟
ايه اللي خلا علاء شيخ المدونين؟
على العموم حمد الله على سلامته
يا ترى ح فكر يدخل مدونة علاء ومنال؟؟
حد فكر يشوف الصور اللى هم حطينها لنفسهم؟؟
وبعد ما حد يدخل يبقى يجاوبنى....هم دول اللى احنا مستنييين تحرير مصر من الاستبداد على ايديهم؟؟
اللى مجننى ان اسمه علاء سيف الاسلام :)
ربنا يهدينا جميعا
عنوان المدونة لمن لا يعرفه
www.manalaa.net
وبنسبة للبيتكلم عن المنظر والشكل والصور والكلام التقليدى الغبي المتخلف , انا بقولة دى حرية شخصية ولو مش عجبك الصور والبيتكلمة عن الحرية منظرهم مش عجباك فرجنا على مطالبتك للحرية وهتبقا صورك بقا وقتها وانت راكب الحصان وبتسمع اغنية طلعت يا محلة نورها شمس الشموسة ...... انت عارف الباقي بقا
سلام عليكم
حــــر يـــــة ولا للتوريث لا للفساد ولا لكل بصاص على صور الناس :P
طبعا انا كنت متوقع الردود دى من دعاة الحرية ودا عادى جدا وواخد عليه
انا غلطان يا جماعة
انا مقدرتش انى احط صور لاصحابى وهم بقمصان النوم على السرير تبقى حرية
مقدرتش ان معظم صورى تبقى ظاهرة فيها ازيز الخمرة هى دى الحرية
مقدرتش ان يبقى فيه صور بهدوم البنات اللى شبه محترمة تتكسف تلبسها حتى فى بيتها ومع ذلك الصور دى فى الهواء الطلق هى دى الحرية
الوحيد اللى مش حر طبعا انا وامثالى من المتخلفين اللى للاسف لسة فى دماغهم حاجة اسمها قيم واخلاق
ولا حول ولا قوة الا بالله العلى العظيم
يسقط الظلم على اى يد حاكم او محكوم
عزيزي انسان حقيقي بالرغم من اعترافي الكامل بحريه الاعتقاد لكل انسان
ولكن تقبل تحياتي وفائق احترامي لك ولرايك
و بينى و بينك خهوه بطل فعلاً ..بس على الأمامير اللى زيك :P
من فتره دخلت على موقع علاء ومنال ولى ملاحظات عده على ما يحتويه الموقع
آتفق مع علاء فى هدفه وهو الحريه للوطن ولكنى آختلف معه في بعض مما ينشره على الموقع الخاص به كما آتفق مع الاخوان واليساريين والناصريين فه هدفهم السياسى للحريه ولكنى آختلف معهم فى طريقة التفكير
الاختلاف هنا لا ينتقص من قدر آحد ولذا ليس هناك آى داعى لرسائل الشرشحه التى بدءات تنهال على آحد الاخوه لآعتراضه على ما ينشره علاء فى موقعه
فى كل مناقشه لكل موضوع فى هذا الموقع يخرج المتحاورون عن الموضوع الرئيسى بسبب رسائل الشرشحه والسباب ـ عوده الى الارشيف الخاص بالموقع ستجدون آن آغلب المواضيع آنتهت نهايه دراميه بسبب تلك الطريقه فى الحوار ولا يصل المتحاورون الى آى نتيجه.
تفتكرو الطريقه دى ممكن تخلى آى بلد فى الدنيا يتحررمن آى حاجهآو يتقدم
قد آختلف معك فى الرآى ـ لكن مش معنى كده إنك تسلسلى آو آسلسلك
وربنا يهدينا ويهدى الناس
الاختلاف فى الرآى لا يفسد للود قضيه
فى البداية انا بحيى وباخلاص كل من اتفق او اختلف معى فى الراى واؤيد واردد ان اختلاف الرأى لا يفسد للود قضية وانا فعلا احب بل واعشق الحوار الحر الجاد القائم على فكر بدون مهاترات او سباب.
ثنيا احب اوضح انى ولله الحمد لست ممن يحملون فكرا متطرفا او ميولا نقدية (عمال على بطال) لا والله الا انى احب ان احق الحق قدر ما استطعت واعلى القيم ومعايير الاخلاق التى اخاف عليها الان من الاندثار مع ثورة الحريات التى اساء الكثيرين للاسف فهمها ولهم العذر لان كل ما عاناه او عانته الشعوب العربية جميعها من كبت سياسى ودينى احيانا لابد من يكون له سلبيات من هذا النوع ..لكن عندى امل ان نجتاز ردة الفعل العكسية هذه ونزن ما نرى وما نسمع بميزان حساس يمكننا من فهم معايير الحرية الحقيقية .
وللجميع منى التحية والسلام
انا عايزه اقول بس كفاااااااااره
وبس خلاص .....
حمدا لله علي السلامة يا علاء ...
وعقبال كل المعتقلين ....
أما بقي للحوار الداير .... أنا مع إنسان حقيقي طبعا .....في رأيه ...
ولما ننعم بالحرية ويكون لنا حرية الفكر والاعتقاد ...... ساعتها حاقول لكم رأيي في علاء ومالك وشرقاوي ...... وناس كتير ......
لكن دلوقتي نتوحد كلنا وراء حرية أي واحد فينا .......
لا للتمديد ... لا للتوريث ... نعم لتعديل الدستور المصري
mohamedmat@hotmail.com
علي فكرة يا ولاد البلد .......
في مئات غير علاء جوه .....
وعملوا أعمال أعظم مليون مرة من اللي عمله علاء .......
ومش مستنين حد يكتب عليهم كلمة واحدة .....
وياريت منركزش علي مجموعة معينة وننسي مئات المسجونين جوه ......
صحيح ...
أنا كمان مع "مصري بيحب مصر وكل أهلها
" إننا منركزش علي علاء كتير أوي كده .. أو غيره .....
أنا عارف إن رأيي ده ممكن ميعجبش ناس كتير ..... لكن أنا ملاحظ إنكم بدأتم تحولوا القضية لأشخاص .....
علاء .. مالك ... شرقاوي ....؟؟
في إيه يا جماعة ....؟ الموضوع عمره ما كان أشخاص . ولا بنحسب لكل واحد اتحبس قد إيه ولا عملوا في إيه ؟؟؟
ده من أيام الملكية والانجليز .... عمر الحكاية ما كانت أشخاص ....او علاقات أسرية ...... دي تضحية كل واحد وده حبه لبلده .... وأظن كل ده شوية جدا ... علي البلد دي ....
لا للتمديد ... لا للتوريث ... نعم لتعديل الدستور المصري
mohamedmat@hotmail.com
ياريت حد من ولاد البلد يكلمني علي الماسنجر
كفارة حقيقى ياعلاء وأجر وعافيه إن شاء الله
أما العالم اللى بتهجص وتعترض على شكل ومحتوى مدونة علاء ومنال فلا مؤاخذة بطلوا
ليه بقى
فيكفى نظرة سريعة سريعة حوليك علشان تشوف مبارك وعصابته عملوا أيه مصر
مخدرات ماشى
رشوة ماشى
عمالة ماشى
أنبطاح أمام أمريكا والصهاينة ماشى
فساد من قمة السلطة وطال حتى جانب مؤسسة العدالة حتى أصبح النائب العام وبعض القضاة مجرد أداىة من أدوات القمع فى يد مبارك وعصابته
ماشى
وبعد كده تقول لى مدونة علاء ومنال ما عرفش فيها أيه
يا عالم ده أحنا عايشين - بل غرقانين - فى باكبورت من مبارك والعائلة المسمومة
وبجب أن نحيى أى حد بيحاول أن يخرجنا من هذا الباكبورت مهما اختلفنا معاه
أف أف أف
سمعــــــــــــــــــــــتــــــــــوا
ردوا عليـــــــــــــــا
منع البلوجرز
التصويت علي الرقابة علي الانترنت
رقم مصر ابعتوا اس ام اس علي
9484
بســــــــــرعه
من واحدة بتحـــــــب مصـــــــر جـدا
هي الناس دي مش بتعرف تقرا ولا ايه؟
بصراحة أنا سمعت عليهم قبل ما أشوف المدونة وحتى إن الهجوم كان عليها كان سبب بحثى عليها
ولما شوفت الصور اتصدمت شوية فى الأول وبعدين كل واحد حر ؛ من حقى الاختلاف معه ولكن الحق أنهم استطعوا لفت الأنظار إلى القضية بشكل متميز وإن اختلفت معهم.
يا نجم يا حبيب قلبى منك ليه الموضوع بسيط قوى, الأخ ده من حقه يلبس زى ما هو عايز و يعمل اللى هوه عايز يعمله...أنا برضه من حقى أتقبل ده أو لا أتقبله !! ولا هوه عافية و بالعند ؟!!
انسان مالوش أى دين أو عقيدة و تصرفاته و طريقة مناقشاته فى مدونته الأشبه بزريبة الحيوانات مالوش قيمة عندى....
احنا ادخلين نقول رأينا عن شخصية من وجهة نظر مجتمع دينى ( ولا بلاش دينى نخليها أخلاقى ) متسحقش منى أى اهتمام أو تقدير..
الاهتمام ده احوشه لواحد محترم زى عصام العريان ولا عبد العزيز صدقى ولا كمال خليل ( و أنا لا إخوانى ولا ناصرى)
لكن واحد ( .....) زى ده..زى ما قلت فى مشاركتى الأولى يبقى بطل فعلاً ...بس على الأمامير اللى زيه !
ولا مؤخذة
و دلوقت بيقترح منع البلوجرز
الناس دى عايزه ايه بالضبط ؟؟؟؟؟
عــــــــــــلاء ســـــيـــــف الاســـــلام
عودا حميدا
أأأأأأأأأأأأأأأأأأأأأأأأأأأأه يـــــا بـــــــلــــــدى
و الهبلة مراته تقول ان الحجاب من الملابس اللي لا مكن تلبسها الا لو راحت ايران
الله يلعنكوا ياانتو الاتنين
جاتكو القرف ..فكر ايه و زفت ايه
يعني مفيش ناس محترمة بيدخلوا معتقلات بالسنين ..مفيش ناس عارفة ربنا منهم؟
اشمعنى دول يعني اللي بتعملوا لهم موضوع
عبد المنعم محمود ..قعدتوا شهوووووور على ما جيبتوا سيرته في جزء من مقال ..واتخرستوا بعدها ..بالذمة مش اولى بالدعا هو و اللي معاه !!
علاء هو اللي ناشر الصور دي
هو الاخ اللي فوق صورهم من وراهم ونشرها
مهو علاء ومنال هما اللي نشروها ولو مش عايزين حد يشوفها مكنوش نشروها
خلي الدفاع يكون بحجة واقعيه
و انا مش بقلد الحكومة وهيافة الحزب الوطني و لا الهبل اللي سعادتك بتقولوا عليه
يا سيدي ان كان على الايجابيات على عيننا وعلى راسنا بس مشكلتنا ان الشباب اللي زي حضرتك متعطش جدا لأنه يشوف اي بطل و هو مستعد يلبس له طراطير علشان يمجده ..
ان كان على الوطنية فالحمد لله كلنا بنحب البلد دي و خايفين عليها ..و المظاهرات كلنا طلعنا فيها ..واضربنا و اتبهدلنا ..و اصحابنا و اخواتنا اعتقلوا بالسنين ومحدش عرف عنهم حاجة
كل اللي قلته ان مدونة سي علاء ومنال مليانة بالايحاءات الجنسية و الكلمات القذرة جدا جدا.. كلام منال هانم ان الحجاب بالنسبة ليها زي الاندروير الرجالي (يعني الملابس الداخلية الرجالي )فهو من الملابس اللي مستحيل تلبسها
الراجل المحترم اللي عيب اقول عليه كده نشر صورة مراته و هي نايمة و مرة و هيه بترقص له بقميص النوم ....عفوا و هي بترقص لنا كلنا بقميص النوم ..ومرة و مراته لابسة مايوة ..ومرة و هيه لابسة قميص نوم و رافعاه فوق ركبتها اد كده
معلش اصلي متخلف حبتين ..ومريض نفسيا ..علشان كده صور علاء ازعجتني جدا...وللأسف انا رافض اني اقدر الولد ده رغم شهرته و رغم صغر سنة و رغم المدة الطويييييلة اللي اتعذب فيها في المعتقل ..
علاء مش مثل اعلى لينا ..انا مثلي الاعلى مش خمورجي ...مثلي الاعلى مبيصورش مراته بالشورت و قميص النوم ..ومبيصورش مراته و هي بترقص
مثلي الأعلى لسان بينطق بكلام ربنا و رسوله ..وكلامه ميخدش حياء اي حد
مثلي الاعلى عارف ربنا ..و اسألوا علاء عن ربنا !!
انا لا اخوان ..ولا حزب وطني ولا شيوعي
انا واحد بيقول "مجرد رأيي"
سمعوني شتايمكم بقى !!
ملحوظة صغيرة أنا مش مع أى حد أنا بس مع حرية كل واحد ان يعمل اللى هو عايزه طالما ما ضرش حد
مش انتوبتوع ديموقراطية ..وكل واحد حر في اللي بيقولوا
طيب علاء لايستحق التقدير ده كله للأسباب اللي قلتها قبل كده ..كمان للي بيسألوا احنا ليه شفنا الصور..لأن ده من حقناقبل ما نقدر حد أو نكرهه ..لازم نعرفه و بما انو نشر حياته بالتفصيل الممل ..ليه بتلومونا لما نشوفها و نعلق عليها ..حاجة غريبة اوي ...هو لازم يعني نصلي لعلاء ركعتين علشان تنبسطوا مننا ..ونبقى وطنيين !!!!!!!!
هذا رأيي
احنا سمعنا عن اللى اسمه علاء ده فكان لازم ندخل مدونته نشوف ايه اللى فيها الراجل ده بيعمل ايه بيسوى ايه و هكذا...
الصور كانت احدى ما اكتشفناه و لهذا نعبر عنه, حكاية ان حضرتك تقولى أتقبل الانسان مهما كانت تصرفاته نقطة فى منتهى الغباء !
يعنى هل انا لو جالى عريس لبنتى من عيلة و متريش و معاه فيلا و عربية...لكن البيه أخلاقه زى الزفت ( و يمكن توصل لانه يصور البنت وينزل صورها ع النت !! ) هل أرضى بالعريس ده ؟!
مصر هى العروسة...و أنا مقبلهاش عريس قذر زى ده...
انتا تقبله......انتا حر !
شيخ المدونين !!!!!!!!!!!!!!!
أكيد مخدش اللقب علشان السن
و لا أكيد أخدها علشان هو شيخ بجد لأنه لو شيخ مكنش نشر الصور دي
للأسف أنا فعلا من زمان دخلت مدونتهم و شفت الصور و اتفاجأت بإن ده فكرة و ده أسلوب حياته هو مراتة , مجرد عربدة في الحياه
و للي زعلانين , أنا مجرد ملقيت الصور بالوضع ده خرجت مكملتش فرجة و مشفتش معظم الصور إلي الإخوة بيقولوا عليها
و موضوع الحرية دي بقي يعني يضحك
صح هو حر يعمل اللي عاوزة
بس إحنا كمان حرين نقول أنه رجل ديوث مش بيغير علي مراته و ميهمش مسن يشوفها و بأي وضع
و بالمناسبة دي مش غيبة لأن عارف إن اللي عاملة حرام
و بالنسبة للي بيمجدوه
ربنا عو و جل بيقول في كتابة الحكيم : (إن كنتم تألمون فأنهم يألمون كما تألمون و ترجون من الله مالايرجون)) يعني الناس اللي بتخش المعتقل و بتتعذب في ناس برضة بيخشوا لكن في ناس دخلت علشان قلت قال الله و قال الرسول و بتقول حلال و حرام و في ناس دخلت علشان الحرية زي علاء كدة وكله هياخد حسابة
بس علي فكرة موضوع الشكل ده و الفكر لازم يكونوا مرتبطين ببعض
بالمناسبة مش علشان بنعترض علي سلوكة و صورة القذرة و الملفات الصوتية اللي مليانة كلام قذر طبعا أكيد مراتة بتسمع الكلام ده و عرفاه فسهل نعرف أي نوع هما الاتنين
مش معنى إن احنا بنعترض علية يبقي بندافع عن النظام
ربنا بيقول (كذلك نولي الظالمين بعضهم بعضا) و علشان إحنا بنظلم نفسنا جه اللي يظلما
و هو اية أكبر من أن الواحد يصور مراتة صور زي دي و يطلعها علي الانترنيت , ده مش بيظلم نفسه
يمكن ذنوبنا و ذنوب زي بتاعة علاء دي هي اللي مودية البلد في داهية
و بكل بساطة لو اتغير الحكم و بقي علاء ده رئيس جمهورية تفتكروا اية اللي هيحصل
يمشي النسوان كلها زي مراتة
و مش بعيد اللي تلب
اقرأ بقية التعليق ..
آن مش من النوع اللى آحب إنى آخوض فى آعراض الناس لكن لى سؤال ـ هو علاء ده مثلا مصطفى كامل واللا سعد زغلول علشان الهيصه دى كلها؟؟؟!!! آنا مش باأقلل من مجهوده من آجل تحرير وطنه بس فيه ناس كتير قوى قاموا بنفس المجهود وآكثر وما حدش إتكلم عنهم ـ فيه ناس قضى نحبهم فى سجون الداخليه آو آصيبو بعاهات مستديمه وإعاقات وما حدش جاب فى سيرتهم!!!
من 15 سنه واحد قابل مبارك عند الكعبه آثناء العمره وقال له آتقى الله فى شعبك ـ كانت النتيجه آنه تم نقله الى مصر فى طائره خاصه عن طريق جهه سياديه عليا والالقاء به فى معتقلات مصر (طبعا من غير ما يكمل العمره) ولم يفرج عنه حتى الانـ قوقوا بقى !!!
على العموم إحنا متشكرين قوى يا علاء بس من فضلك صورك آنت ومراتك فى غرفة النوم مالهاش دعوه بتحرير مصر والمصريين لآن تحرير مصر لا يبداء من غرف النوم
وربنا يهدينا ويهدى الناس
مجلة شباب عشرين www.shabab20.com
أخي المواطن المصري،
هذا البيان منك إنْ كنت واحدا من الذين انتظروا طويلا محاكمة الرئيس حسني مبارك على مئات الجرائم التي ارتكبها في حق شعبنا.
الرئيس هو الذي أمر بنهب أموال المصريين، وقام بتسهيل عمليات النصب والاحتيال والقروض والهروب سواء بأوامر مباشرة أو بصناعة إدارة مالية فاشلة أصر هو على استمرارها طوال فترة حكمه.
الرئيس هو الذي قام بحماية مُجرمي الزراعة والري لأكثر من عشرين عاما، عندما علم بكوارث الأمراض والتلوث والمواد المسببة للسرطان والفشل الكلوي مما أصاب أكثر من ربع أبناء شعبنا بها.
الرئيس رفض معاملة المصريين إلا بأحكام عرفية في قانون طواريء مما أفقد الشعب حقه الطبيعي في الوقوف أمام محاكم مدنية.
الرئيس هو الذي أعطى توجيهاته بامتهان كرامة المصريين في أقسام الشرطة والمعتقلات والسجون، وتعذيبهم، واغتصابهم، وانتهاك حرماتهم، بل وصل الأمر باشعال ضابط أمن النار في أحد المواطنين، ولما علم الرئيس بالأمر استحسنه .
في خلال فترة حكمه دخل السجنَ أكثر من ربع مليون مواطن، ولايزال يحتفظ بثلاثين ألفا دون محاكمة اذلالا لهم ولأهلهم وذويهم.
هل هناك أحد لا يظن أن المشهد المصري في عصر الطاغية كارثة تنذر بطوفان؟ فشل في كل المجالات الزراعية والصناعية والاعلامية والسياحية والادارية والتعليمية والأخلاقية والتربوية والثقافية والفنية فتراجعت مصر في عهده، وتقدم لصوص صنعهم لسرقة اللقمة من أفواه المصريين، وشهدت البطالة والعنوسة وسكان المقابر والغلاء والأمراض والادمان والفساد والتلوث والتهريب حالة مصرية عامة، ولا يزال يُصرّ على الكذب، ويقوم بتصعيد ابنه ليصبح الوحيد المؤهل فيرشحه مجلس الشعب دون المرور على فكرة التوريث المرفوضة شعبيا.
هذه ا
اقرأ بقية التعليق ..
يا ريت نبطل نختلف على حاجات هايفه عشان ده هو اللي جايبنا ورا الناس مش ابيض و اسود انت ممكن تكون مختلف مع علاء في اخلاقه او نشره لصور مراته و انا كمان و لكن ده مياثرش على حكمنا على بقيه اراؤه و افعاله فهو ربما يكون غير جيد اخلاقيا و لكنه يفعل على الاقل شيئا جيدا لبلده