هيئة الرقابة على الأنفاس
مثلا المدرس العظيم اللي أحسن أن محدش ذكر اسمه .. اللي اترعب من موضوع تعبير لبنت في أولى ثانوي وطلع على رئيس الكنترول اللي طلع على وكيل الوزارة وقعدوا يقرروا البنت بتهمة الانتماء لتنظيم سري..
28/06/2006
أحمد زين – ولاد البلد:
باعتباري أحد الكارهين لأنظمتنا المتخلفة ومن ملايين الساخطين عليها المنددين بها، قررت دفعا للملل أنه من واجبي في بعض الأحيان اتخاذ موقف الضد ومحاولة مساعدة حكومتنا الرشيدة ونظامنا الرائع الذي يوصف أنه متعدد الاستخدام...
استغربت هذا الموقف التعاطفي الفجائي الذي ربما يفسره أن الحكومة مش عارفة تلاقيها منين ولا منين.. فبما أن البلد مجاريها ضاربة.. وحيطان الوطن بقت منشعة ع الآخر.. فخلونا نساعد نظامنا متعدد الاستخدام مرة واحدة في حياتنا.. أو في حياته..
أنا ببساطة أقترح على الإخوة الأفاضل بتوع النظام المصري أن يقوموا بعمل هيئة اسمها الرقابة على الانفاس مهمتها الأساسية أن تعد على الناس انفاسهم... لاني أرى أن مشكلة نظامنا معنا كشعب ومواطنين -وأنا آسف إذا كانت كلمة شعب دي فيها إساءة أدب – أننا بنتنفس.. ولو فضلنا نتنفس هتفضل الحكومة تزغر لنا وتبرق جامد، وكل ما اتنفسنا أكتر كل ما اتكلمنا أكتر وقلنا آراءنا وبعبعنا زي ما احنا عايزين..طيب وعلى إيه.. ما نعمل الهيئة المذكورة وفيه مؤشرات كتير بتقول إن فيه كوادر هايلة مرشحة للعمل بهذه الهيئة ..
مثلا المدرس العظيم اللي أحسن أن محدش ذكر اسمه .. اللي اترعب من موضوع تعبير لبنت في أولى ثانوي وطلع على رئيس الكنترول اللي طلع على وكيل الوزارة وقعدوا يقرروا البنت بتهمة الانتماء لتنظيم سري.. كل هؤلاء الأفاضل المرتجفين من سادتهم وكسادتهم وعلى سادتهم لا بد أن ينضموا لهذه الهيئة....
الأخوة كرم جبر وعمرو عبد السميع وأتباعهم الذين يحولون أي هجوم على أي حد إلى خيانة وقلة وطنية وتعامل مع جهات بعينها وتحالف مع جماعة محظورة ...
الأخ المحترم عضو مجلس الشعب الذي قدم مقترحا لقانون بحجب مواقع الانترنت التي تهدد الأمن القومي المصري..
كل هذه عينات عشوائية وعشوائية جدا لمواطنين يستطيعون فهم رسالة مؤسسة عد الأنفاس والرقابة عليها كما يمكنهم كذلك الحكم بتقليل الأنفاس التي يتعاطاها أي من المعارضين أو حتى طلاب ثانوي الغلابة..
الخلاصة..
فيه نظام لدولة كبيرة يتهز من موضوع تعبير لبنت في أولى ثانوي؟
عدد التعليقات : 17
• أهل الفن.. نظرة فابتسامة فطلاق!!
• شيخ الأزهر.. وابن المغتصبة!!
• شرقاوي..بره الزنزانة
• كلنا شيعيون.. من أجل لبنان!!
"الحلوة في مشوار وصاحبها على نار"
كلام مكتوب على شباك ميكروباص، بيمشي في صفط اللبن.. وبيروح الجامعة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
نظام مين يا عم اللي يتهز
بس ما تقولشي نظام بس
الموت علينا حق
يعني هو يا جماعة مش برده النظام ده الذي لا يقصف قلما ولا يصادر ججريدة ؟
فيه نظم قايمة على فكرة التويف والخوف
النظام يخوف الشعب
أدوات النظام زي الجيش والشرطة تخوف النظام علشان تضمن الاستقرار والبقاء
وهكذا كايس وداير يا سادة
ابسط يا عم انت وهو السيد الرئيس شمل الاء بعطفه وقرر ينجحها ودي عادته دايما
نظام وسخ ودولة هايفة حاكمها المنايفة
فعلا زمن الرويبضه(التافه عندما يحكم)
يؤسفني جدا يا جماعة ان اقول اننا امة اتربت على الخوف والقهر. وانت صغير اوعى تتكلم لحسن المدرس يضربك, اوعى ترد على ابوك لحسن يضربك, في الجيش: اوعى تتكلم لحسن تترمي في السجن (كبر دماغك وعدي ايامك), في الشغل: اوعى تتكلم لحسن الحيطان لها ودان .. حسبي الله ونعم الوكيل. يعني من المهد الى اللحد. الأخطر في الموضوع دة هو ان لما بتطلع كدة بيكون عندك سقف للإبداع وحدود للإبتكار والتجديد. فخلاص امة بهذا الشكل كل سنة وانت طيب مافيش خلق ولا ابداع ولا اختراعات. وكدة تبقى صعت يا معلم وبقيت عالة على الناس التانية (اللي عندهم حرية). هذا هو الداء وهذا هو التشخيص وهذه هي النتيجة الحتمية.
يعني ولامؤخذه إحنا عيزين نعرف هما عيزين حريه ولا لأ يعني نعرف كده من الآخر نقول ولا نسمع خلينا نعرف أولنا وآخيرنا
ارحمونا يا عالم حتى النفس هتعدوه علينا
حطين لنا جواسيس فى كل مكان حتى فى التعليم عوزنا نتعلم الخوف والجبن علشان نقول حاضر وتحت امرك يا باشا والأقربون اولى بالرئاسة ونسكت على كل حاجة تتعمل فينا لما بقينا خرفان مشيين ورا حمار.
انتو مش واخدين بالكم ان سفير بلد الخواجات عنده غباء سياسي كبير مولة...
الراجل هنا ما ادخلش عشان ينصف الحرية ولا ينصف البنت ولا عشان منظر أمه السياسي..الراجل اتدخل هناعشان يزود شعبيته..مش أكثر....بس برده طلع حمار بأوصة في الاخر.
فعلا منوفي منوفي
ibn_khankan@hotmail.com
الحمد لله اننا خلصنا تعليم قل ما مدرس اللغة العربية المذكور يصصح الورقة بتاعتنا والحمد لله كمان اننا ماشفناش مدرسين زية ربنا يسامحهم اللى كانوا السبب
انا باختصار اول مرة احس بالخوف والرعب وبعدهم الحزن الالما دخلت ثانوية عامة
ذاكرت وتعبت وجبت 96 ومستقبلي لسة على كف عفريت لاني علمي علوم..............اجيب 100% ازاي ياناس؟
ايمه حسن البياع
هو الاستاذ البياع ده بيبيع ايه بالضبط
طبعاً الناس بتفرح وتهلل لما سيادة فخامة عظمته جلالة المفدى حسني مبارك يتكرم وتفضل مشكوراً محبوراً (مقبوراً قريباً جداً) ويتدخل بنفسه لحل قضية تلميذه ؟؟؟ ويتدخل لوضع قانون الصحافو ويتدخل عشان يرجع البت جمالات لجوزها بعد ما هربت وسابتله خمس عيال .. بذمتك إنته فاكر نفسك رئيس دوله كده ؟؟؟ ولا شيخ حاره ؟؟؟ طيب هي فين الدولة ؟؟؟ كلم يا حسونة حبيبك أحمد عز بيناديلك من الصبح يا أونكل يا أونكل .. كلم يا أونكل ... بصراحة البلد بقت زفت خالص وآخر هيافة ومسخرة .. الأفنديات الجهابذة فاكرين إنهم بكده يخلوا الريس الحبوب يبقى محبوب عند الشعب الغلبان .. الناس حتحبك بجد يا ريس لو فارقتهم وسبتهم يختاروا بنفسهم من يحكمهم .. لكن تفضل كاتم على أنفاس أمنا وكمان عمال تربي في الريس الصغير عشان يمسك بدالك ويستمر الفساد والسرقة والمليارات اللي بتتنهب من دم مصر .. كده باكرهك عمى .. ربنا يهد المفتري ..
http://ibnbahya.blogspot.com/
lazm ta3rfo an ali ya3'lt fe ali akbr meno fe alsn aw fe almansb da 3'ltlaw an alsyd waled ahd feko baykrahko we bay3mlko wahesh had yaabl an ai had ya3'lt feh la2 tab3n we ba3den anta batool kareh alfasad anta law fe mansbo makontsh tahel ai haga hwa baytafada alsadamat ali momken ta3ml moshkla we lahez ano mosh lawahdo mask albalad fe kter maskenha zanbo aeh nermi 3alih kol alakhtaa
بناخد على "لا مؤاخذة" قفانا وبنقول عايزين كمان .. تفتكروا هايقولولنا لأ والنبي كفاية عليكم!!
جتنا ستين نيلة
مستقبل مضمون - ارجو نشر اسم المدرس اللى عمل العمله اياها دى علشان نراقب مستقبله وانا اتحداكم بأنه سوف يكون وزيرا فى يوم من الايام - لانه واضح انه فاهم ازاى يوصل - الراجل معذور فهو يبحث عن فرصه ليثبت انه يجيد لعق الحذاء- وبالتالى يضمن فرصه - الاخ طلع تربى مش تربوى-مع احترامى للتربيه