مبارك.. وتصحيح آلاء
مبارك.. وتصحيح آلاء
شهدت قضية الطالبة المصرية آلاء حسن مجاهد (15 عاماً) مزيداً من التداعيات بسبب قرار وزارة التربية والتعليم اعتبارها راسبة في مادة اللغة العربية في امتحان الثانوية العامة، بعدما هاجمت الرئيس الأميركي جورج بوش وانتقدت سياسات بلاده في المنطقة العربية وتحد
01/07/2006
محمد صلاح – الحياة:
شهدت قضية الطالبة المصرية آلاء حسن مجاهد (15 عاماً) مزيداً من التداعيات بسبب قرار وزارة التربية والتعليم اعتبارها راسبة في مادة اللغة العربية في امتحان الثانوية العامة، بعدما هاجمت الرئيس الأميركي جورج بوش وانتقدت سياسات بلاده في المنطقة العربية وتحدثت عن الأوضاع الداخلية المصرية خلال إجابتها عن أسئلة اختبار نهاية العام في مقرر اللغة العربية. واحتاج الأمر إلى تدخل الرئيس حسني مبارك لإلغاء قرار الوزارة.
وكانت قضية الطالبة أثارت جدلاً كبيراً في الأوساط المصرية، وصل إلى حد طلب نواب البرلمان التحقيق مع وزير التربية والتعليم يسري الجمل. وكان مصحح الاختبار ويدعى حسن البياع لفت انتباهه اختيار الطالبة موضوع السياسات الأميركية في المنطقة وانتقادها بوش وسياسات الحكومة المصرية وتعاطيها مع قوى المعارضة.
فتحفظ عن ورقة الإجابة ورفع مذكرة إلى الوزارة التي حققت مع الطالبة وأصدرت قراراً باعتبارها راسبة. وشن حقوقيون ومعارضون هجوماً حاداً على الوزير العضو في لجنة السياسات التي يقودها جمال مبارك في الحزب الوطني الحاكم.
وقالت مصادر إن الرئيس مبارك اتصل بالوزير الجمل واللواء سعيد صوان محافظ الدقهلية التي تقع مدرسة الطالبة في نطاقها، فور علمه بالواقعة للاستفسار عنها. وأمر بإعادة تصحيح أوراق آلاء وعدم حرمانها من الامتحان.
وطلب مبارك أن "يكتفي المسئولون في المديرية التعليمية بلقاء الطالبة، ليشرحوا لها أن ما ارتكبته يعد خطأ، على أساس أن التعبير عن آرائنا السياسية تجاه القضايا المختلفة أمر إيجابي، ونحن نشجعه ونشجع مشاركة الشباب، ولكن في سياق أخلاقي، بعيداً عن أي خروج على الأخلاق، وأيضاً أن يتم ذلك في مجاله الطبيعي من خلال النشاطات الطالبية والصحافة المدرسية وليس في كراسات الإجابة".
وأضافت المصادر أن الوزارة أعادت أمس تصحيح أوراق الطالبة "تنفيذاً لأوامر الرئيس وإنصافاً لها".
وكان امتحان اللغة العربية للصف الأول الثانوي دعا الطلاب إلى كتابة موضوع عن "تعمير الصحراء واستصلاحها والمجهودات التي تبذلها الدولة في هذا المجال". لكن آلاء كتبت في إجابتها ثلاث صفحات، الأولى والثانية كانتا عن جهود الدولة في تعمير الصحراء وجهود الشباب وإمداد الحكومة لهم بالأراضي والتعقيدات والمشاكل التي يواجهها الشباب.
وفي الصفحة الثالثة استخدمت آلاء عبارات اعتبرتها الوزارة "خارجة عن سياق الموضوع وتحمل بعض الهجوم على بعض الدول وعلى النظام في مصر والسياسات الأميركية في المنطقة".
واعتبر المصححون إجابتها خروجاً عن موضوع الامتحان، فطبقوا قراراً وزارياً صدر العام 2000 يقضي بأن أي طالب يكتب عبارات خارجة عن الأخلاق أو شتائم في أوراق الإجابة يُحرم من الامتحان.
وبالفعل، اتخذت المديرية التعليمية في محافظة الدقهلية قراراً بحرمانها من الامتحان إلى أن قدم والدها التماساً إلى الوزير الجمل يطلب فيه إعادة النظر في هذا القرار، فقرر الوزير قبول الالتماس والاكتفاء برسوب الطالبة وإعادة الامتحان في الدور الثاني.
عدد التعليقات : 32
• البرلمان يشتكي.. إسرائيل!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
أمال الجثث اللى الوزارات مليانه بيها قاعده بتنيل ايه؟؟؟؟؟
و بعدين البنت مع ان سنها صغير نوعا الا انها طلعت فاهمه الفوله .....يعنى مفضوحين للكل حتى التلاميذ
هذا و قد قد بدأت جحافل المنافقين فى التمخض لولاده قصائد فى مدح كرم و رحمه الاب الرئيس الذى لم يأمر باعدام ولاء .
أأأأأأأأأأأأأأأأأأأأأأأأأه يــــأ بــــلــــدى
أنا سمعت ا منى الشاذلى مذيعة برنامج العاشرة مساءا فى دريم استضافت على التليفون وكيل الوزارة فقالها انا لا اقبل اهانة الرئيس بوش يعنى الرئيس بوش بيقبل اهانة شعبه له انما السيد وكيل الوزارة ما بيقبلش ان حد يقول عليه فى مصر كلمة وحشة حتى لو كان بنت صغيرة عندها 15 سنة فى امتحان العربى فى سؤال التعبير ربنا يخليه هو و حسنى مبارك و جمال و وزير التربية و التعليم للرئيس بوش سحيح فيهم الخير
احب اقول حاجه ان المدرسه والاداره ولا حتى الوزاره فى دماغها القرار 41 لسنة 2000 الكل بيكتب اكثر من ذلك فى الشهادات والدباليماتر من كده اشى غنيه واشى كلام جنسى فاضح ولكن المشكله ان الاخ السيد البياع من سلالة الاتحاد القومى والاتحاد الاشتركى وحزب البعث مشكلة البياع انه يذهب الى المدرسه للخناق وليس للاافاق فهو الكل هنا يعرف انه فى حرب اهليه طاحنه بينه وبين وكيلة المدرسه ال هى ام الطالبه واحنا هنا عارفين انه لا صحح ولا كان يعرف بس هو حلف براس جده البياع الكبير بتاع شادر البطيخ ال جابن شريط القطار ان البت لازمن تسقط فارس فيرانه للتجسس فخرج احدهم وهويقول كلمة ارشميدس وجدتها وجدتها وجدا ايه الجيبه والويبه ويفضح مصر وشعب مصر وسط الحثاله الذين يحكمون بالحديد والنار وبمناسبة الكادر الجديد فان السيد وامثاله لا يستحقون سوى شادر جديد ويعلقون من السنتهم جزاءا وفقا لشغلهم الراى العام ورئيس الدوله
هولاء الاوصياء لا يستحقون مثله ومثل مدير المدرسه ومدير الاداره وكيل الوزاره ان يبقوا فى اماكنهم فليشحنوا الى العراق حتى يمونوا على مستولى القاعده منهم لله
ولاء رسبه فى العربى
ولاء دور تانى
ولاء راسبه سنتين
ولاء محلف عربى فقط
زكيل الوزاره عايز حد يقولى ايه شهاداته ايه ال يميزه عن اى موظف فى الدوله غير انه وصل باسلوبه
فليتفضل حد ويرسل لنا c.v بتاعه ونتاع البياع
وايه ال فادوا به التعليم
بس شغلونا وشغلوا الرأى العام وفضحونا هنا فى بلاد الله لخلق الله
والله بعد القلم ال اخدوه على قفاهم من السيد الرئيس ال قال (اكتبى واقرأى ياولاء محدش يقدر يغملك حاجه) كان الاولى بالسيد البياع ومدير المدرسه ومدير الاداره ووكيل الوزاره ان يلقوا بأنفسهم من اعلى كوبرى شربين الجديد
بس الحمد لله ال مافعلوا حتى لا يلوثوا ماء النيل
واحب ان احىى السيد المحافظ سعيد صوان والذى اعلن نجاح ولاء رغم انف وكيل الوزاره بحكم انه يحكم المحافظه وذلك قبل تدخل السيد الرئيس
ودعوا الى نشر موضوع التعبير ونشره على كل المواقع
ياولاء
ستبقين انت ويذهب كل من تسبب فى هذا الموضوع
الى المكان الذى يستحقونه وهو موش بعيد هو بجوار سور نادى شربين
الى المزبله
مش عارف ليه لما بأفكر فى الفيلم بتاع الاء ده بأفتكر المشهد الشهير اللى لا يكاد فيلم قديم يخلو منه و هو مشهد العصابة اللى بتمسك البطل و تقعد تطحن فيه تطحن فيه و هوبه يدخل المعلم الكبير و يقول عبارته الشهيرة "خلاص يا ولاد سيبوه" طبعا بعد ما يكون البطل يا ولداه شاف البرد فى عز الصيف .... فاللى حصل ان البنت المسكينة مسكوها من أول الريس بياع لأمن الدولة لمدير الادارة التعليمية لوزير التربية و التعليم و إنتهت طبعا بتدخل المعلم الكبير الريس "و خلاص سيبوه يا ولاد" بعد ما البنت هتحرم بعد كده اصلا تكتب اسمها حتى على اى ورقة و اكيد أتعقدت فى حياتها ... الله يخرب بيت البياع و اللى ورا البياع
بلد مؤسسات صحيح
الدنيا فيها ايه وزارة التعليم محتاجة تتعلم ان التعبير لابد يكون بيعبر عن ارائنا مش مواضيع من الوزاره والمفروض الوزير تنشال وزير يحاسب البنت والله ده حرام ورئيس الجمهوريه بيصجح الاوضاع دلوقتى بس عرفت احناليه متاخربن
الموضوع كلة من اول المدرس الفاشل اللى طلع يجرى بورقة الاجابة كأنة اكتشف قضية أمن قومى و مرورا بكل المسؤلين الى وزير التعليم اللى استقبل الاء بالورود بعد ما سقطها...دا اكبر دليل على ان منظومة التعليم فى مصر منظومة فاشلة.
أما بأة ان موضوع بسيط زى ان بنت فى اولى اعدادى تقول رايها بصراحة فيتطور الامر و يصل الى رئيس الجمهورية ...فدى حاجة تكسف
الستازالى بعت الورق للوزارة معرس ولا مستنىترقيه فى كلا الحلتين هوهخول معلشى حاجه تغيظ
من اظرف التعليقات اللى قريتها لحد دلوقتى عن موضوع الاء تعليقك
فعلا و الله تصوير ساخر و جميل للى حصل
اللى غايظنى جدابعد موقف المدعو حسن البياع موقف وزير التعليم اللى شال ايده من الموضوع بكل ثقه و براءه و لم يتحرك قيد انمله
يا سلام
طيب المفروض مين يتدخل ف مشكله زى دى
وزير الصرف الصحى
صحيح هم يضحك و هم يبكى
الوزير و البياع ، التربية و التعليم
من يحتاج الآخر؟
رجاء عدم تضمين الإجابات لعبارات خارجة
الأخ النجار 27
رجاء توضيح ما كتبت
أو راسلني على
wesa@gawab.com
مش قادرين على الحمار نطينا على البردعة. يجعل كلامنا خفيف لأحسن أستاذ برادعي يلفق لنا تهمة صناعة أسلحة نووية، ويلهف من ورانا مليارات من تاني حار ونار في جتته.
المهم بالنسبة لأستاذ رسن البياع ده، تأديبه سهل من غير ضرب وقتل وكلام من اللي المصريين عمرهم مايعملوه لنقص الرجولة فيهم، لو البلد شربين دي كلها تتفق على تحريم معاملة الحشرة البياع ده، لاسلام معاه ولاكلام ولا معاملة وكل من شافة يتف على الأرض ويقول أعوذ بالله من الوسواس الخناس، تفتكرهم درس زي ده من يبقى عبرة لأمثاله.
تلاته بالله كنت أعتقد إنه مفيش أحقر من الكويتيين حكومة وشعب في الكون، لكن مقارنة بمبارك ومين معاه، أقول يعد آل القباح الكفار الخونة اليهود الصهاينة معدومين الشرف والعروبة والإسلام، مقارنة بحلوف المنوفية من رجال الله الصالحين وقمة العروبة والشرف.
حد يحب يعلق ويستفسر؟
دة مش بياع دة مخبر شاطر شايف شغلة كويس وكمان اليس مش نايم على ودنة وعارف دبة النملة فى البلد فخلى بالكم كويس
انا بحيى الاستاذحسن البياع على امانته وخدمته الكبيرة للنظامين المصرى و الامريكى طلعت بياع فعلا يا استاذ حسن و بشكر النظام على دعمه للحريات وبنصحة ان يتم توزيع مع كل ورقة اجابه عسكرى امن مركزى و ان يكون المراقبان من المخابرات العامه
الحمد لله حكايتك اتنشرت كان زمانك دلوقت فى خبر كان وبامر من الراجل الى انقذك اه ومن دلوقت انت معاك حصانه اكتبى براحتك
مش ممكن انا عليش لا لا ازاى دنا لسه شايف شويه عساكر يبقى مش عشانى الحمد لله ايه ده ده اسلام ابن اخويا طالع مع العساكر اوعى تشاور عليه يا سولم جدع يا اه فهمت واخدينك انت طاب روح ولا اعرفه يا باشا
لسلاو عليكم واللة شئ عجيب كل يوم نسمع تفاهة من صغير حتى الكبير ولسة محدش يتعلم البلد تافهة وكثر الة ,,, موضوع صغير كدة والموضوع الكبير تحت وهى اهل مصر ياخلوة الحبة قبة على قلبك لا لا حرم يا اهل البلد دة على بابا شاف كتير بس موش حيسايب الكرسى حتى لو الطبل البلدى دة رخام وواكال فول كتير كل واحد يتكلم ذى ماهو عيز حتى تحضر رصاصةفى القلب,, قول يارب
انا حسن البياع ياخوانا احب اعرفكم بنفسى انازى معظم المدرسين فى مصر طالب فاشل واصبحت مدرس ازاى معرفش بس دا من القوى العامله معنديش هدف ولارساله باخاف من عسكرى المرور بحب حسنى مبارك وكل صحابه واللى يرشهم بالميه هارشو بالبنزين واولع فى اللى خلفوه وشويه نفاق للسيد وكيل الوزاره ممكن يكون فيها ترقيه ولا حاجه ومش مهم العيال تفهم ولا تروح فى داهيه المهم رضا المسئولين وبكره تشوفو لما ابقا وزير التعليم ؟؟؟؟؟؟؟؟؟؟؟؟؟؟؟؟؟؟؟؟؟؟؟عجبى عليكى يابلد فيكى حاجه محيرانى نزرع القمح فى سنين ويطرح القرع فى ثوانى .......الادهم5555
والله "سونه" ده فى الكلمتين الحوونيين للبنيه "اكتبى محدش يقدر يعملك حاجه" عامل زى محمد صبحى فى شخصية الديكتاتور سئيل وهو بيسأل المواطن عن رأيه فى حال البلد "تكلم بلا خوف" وهو بيشاور له انه هيندبح لو ماقلش اللى على مزاجه..
على العموم، طالما ان محدش هيعملها حاجه، يبقى اكيد واضح مين "محدش" ده
اهى بقت بلد الحق بيتشحت فيها ولازم ساعتها تبوس الايد اللى ايدتهولك (وهو حقك أصلا!!)، او تدفع رشوة عشان تاخده(عشان حقك برده!!)..وابقى قابلنى لو خدته
المرحوم مناحيم بيجن والمرحوم السادات والمرحوم رابين وسيادة الرئيس حسني مبارك وأستاذتي عبد العظيم رمضان وأنيس منصور وبطرس غالي وعبد الستار الطويلة والشيخ الطنطاوي والبابا شنودة ورؤساء تحرير الصحف القومية بالإضافة للدكتور مصطفى خليل وإخوات شهيد السلام الرئيس السادات دول وحدهم اللي تعلمت أحترمهم وأجلهم، لشجاعتهم وإيمانهم بالسلام وكراهية الإرهاب والحروب.
كفاية الخداع اللي عشناه في أيام ناصر والحروب اللي خسرناها والفقر اللي تجرعناه، عبد الناصر علشان يبقى زعيم كان لازم يجد له عدو، ووجد ضحيته في اليهود الغلابة، ولو قدر عليهم كان عمل لهم محرقة زي النازيين، هو مش كان عايز يرميهم في البحر؟
اليهود أقرب لينا كمصريين من العرب، وهما اللي بنوا لينا الأهرامات وألأثار اللي بنفتخر بيها، وده إعترف بيه المرحوم السادات أمام المرحوم بيجن، لما بيجن قال:" أجدادنا بنوا الأهرام" فتبسم السادات وقال: آمين. دي هي الشجاعة الأدبية، سيادة الرئيس مبارك تلميذ السادات الوفي والأمين على مبادئه الوطنية، ومصر بخير طالما حافظنا على خط السادات.
عاش الحزب الوطني، عاش الرئيس مبارك، عاش أنصار السلام، الموت للإرهابيين.
ده اسمه تعبير يعنى الحرية فى التعبير والمواطن من حقه ان يعبر وبس
صحيح اللى اختشوا ماتوا
كل حاجه بتوجيهات الريس
فضحتونا فى بلاد الغربه .. الله يفضحكوا
بلدنا دى ولا خرابه الغربان ملياها بمسرحيات حرية الرأى .. هوه لو فيه رأى كان واحد فضل حاكمنا أكتر من ربع قرن ؟؟؟ عجبى
من اكنر من 10 سنين وانا كل ما اقراء جريدة او اشوف لقاء لاى مسئول ويكون حقق اى نجاح او محققش حتى كنت يسمع جماة واحدة من اى وزير او مسئول كان بيقول الانجاز دة تم بتعليمات من الرئيس فى الكهربة بتعليمات من الرئيس فى فى البترول فى التعليم فى الصحة فى الى حاجة بتعليمات من الرئيس هو فاهم فى كل حاجة ماشى دة كويس طيب الباقى لزمتو اية انا اعرف ان ورير الكهربة المفروض بيفهم اكتر من الرئيس فى مجال الكهرباء واى وزير او حتى فرد عادى بيفهم اكتر من الرئيس فى المجال اللى بيشتغل فية دة شىء طبيعى انما هنا فى دولة فسادستان حسنى بيفهم فى كل حاجة اصل جدو كان عمدة عشان كدة البلد دى اوسخ بلد فى الدنيا الشعب المصرى بيموت يوم ورا يوم حبيبى ما جالى نوم وهما الحرمية فوق دماغنا واسيدنا كمان
الله يخرب بتكم ياشوية متخلفين الاءعبرت عن رايها امتى ياشوية همج راح نتقدم من الافضل ان تتحول وزارة التربية والتعليم الى وزارة الامن المركزي والتجهيل
اولا :-احب ان اهنأ والد الطالبةواقول حمدالله على السلامة وقدر ولطف وسيبوا اسيادنا فى حالهم بقى. انا عارف ان الايام اللى جاية حتكون سودة عليكم وعلى اللى يعرفكم من بعيد او من قريب واحب ان اوجة نصيحة لاختى الطالبة لو ربنا كرمك وكملتى تعليمك سيبك من سؤال التعبير وحاولى تعوضى فى باقى الامتحان ومن خاف سلم .برضة انتى عملتى اللى شناب مش قادرة تعملةوكفاية لحد كدا يمكن يرحل او تجيلة مصيبة تاخدة.
على فكرة ياجماعة احنا مش حنسيب بلدنا ونمشى فية ناس بتسيب بلدها وتمشى بس احنا مش حنسيب بلدنا ونمشى (مع الاعتذار للفنان محمد هنيدى)
من حقك تتغزل بأفضال اليهود على مصر من عصر الفراعنة لغاية يوم يبعثون. بس بص ياعمنا شايف حد هنا بقرا وبيفهم؟
حبيبك دايان قالها لما نشروا في الصحف زمان خطة الهجوم على مصر وسوريا، قال دايان بيرد على الصحفيين:"العرب لا يقرأون، وإن قرأوا لايفهمون، وإن فهموا لايفعلون!"
وبمتابعة إخوانا هنا اللي كتبوا تعليقات بعدك، أبصم بالعشرين إن المصريين أضل من الأنعام، أتاريكم لاقينها لعبة سهلة معانا.
إصحوا ياحمير مصر!!
الأخ البياع اللى راح يبيع ولاد بلده علشان يقبض التمن باعوه فى اول قاعده وبقى هو
كبش قصدى حمار الفدى وخلا المنافقين والحرامية كلوا على قفاه عيش وبقوا هما
المنقذين والحنينين ورافعى الظلم عن المظلومين هى يعنى كانت نقصاك ما كله بيبيع اللى بيبيع بلده والى بيبيع شرفه والىبيبيع دينه وكله بقى بياع
ويا بلد فيكى كم بياع ؟؟
ما كنتى تطنشى ياست الاء انتى مالك ومال السياسه جبتى الكلام لابوكى وامك من اللى يسوى واللى ما يسواش عيشى يومك وصهينى وما تنسيش اغنيه ريكو اللى بتقول (راحت عليكى يا دنيا وراح زمن الشهادات وبقيتى يا دنيا ماشيه ع السقفه وع الصاجات ) وطبعااكيد انت عارفه ان اكبر راس فى البلد دى هى اللى ماسكه الصاجات والباقى كله بيرقص ما كنتى ترقصى يا بنتى وتريحى نفسك..........والبلد دى مش محتاجه معبرين البلد دى محتاجه صيع