حلقات متصلة.. في نظام بائس!!
هكذا تلقي الوزير الأمر الرئاسي بإعادة تصحيح ورقة آلاء
02/07/2006
د. حسن نافعة – المصري اليوم
طالعتنا صحيفة الوفد الصادرة صباح يوم ٢٢ يونيو الماضي بتحقيق مذهل تحت عنوان "إعدام طالبة ثانوي بالدقهلية" مفجرة بذلك فضيحة لم تكف شظاياها المتطايرة وتداعياتها المتلاحقة علي مدي أسبوع كامل عن كشف وتعرية نظام تعليمي وسياسي شديد التخلف ومتصل الحلقات يبدأ بالتلميذة "الضحية" وينتهي برئيس الدولة "المنقذ".
١
التلميذة اسمها آلاء فرج مجاهد، بالصف الأول بمدرسة شربين الثانوية للبنات، أدت امتحانا في مادة اللغة العربية ينقسم عادة إلي عدة أجزاء، من بينها "التعبير"، ورد فيه سؤال عن "تعمير الصحراء في مصر"، لكن إجابة آلاء عن السؤال جاءت هذه المرة مختلفة عن الإجابات التقليدية أو النمطية التي اعتاد عليها الطلاب في نظام تعليمي يقوم علي التلقين ويتقنه، ويكره التفكير ويحاربه.
في إجابتها عن سؤال "التعبير"، أشارت التلميذة إلي أن شباب مصر متحمس لتعمير بلاده، لكن المشكلة تكمن في "تعقيدات روتينية يضعها بعض المسئولين" الذين اعتبرتهم "خونة لمصر العظيمة"، محملة الرئيس الأمريكي بوش الذي تربطه بهؤلاء المسئولين علاقة خاصة، من وجهة نظر التلميذة، مسؤولية هذه التعقيدات.
اللافت للنظر هنا أن التلميذة تمنت "أن تتصدي الحكومة لهؤلاء الخونة"، وأكدت في إجابتها "أن الرئيس مبارك يقف له (أي للرئيس بوش) بالمرصاد"!.
الإجابة تبدو، بالمقاييس العادية، بسيطة إلي درجة السذاجة، لكنها بالقياس إلي سن وثقافة صاحبتها، تبدو صادرة عن فكر حر وقلب شجاع، ولذلك كان من الطبيعي أن أعود إلي الصور التي نشرتها الصحف لأسرة التلميذة وإلي الأحاديث التي أدلت بها، محاولا استجلاء ما قد يكون وراءها، لكنني لم أجد أمامي سوي أسرة مصرية عادية متوسطة الحال، تبدو متماسكة ومعتزة بكرامتها ومهتمة بوجود مكتبة في منزلها.
مما يعني أنه أتيح لتلميذتنا فرصة الاطلاع علي قدر إضافي من الثقافة لا تتيحه لها المدرسة عادة، وبدا واضحا من أحاديث الأسرة أن الوالد يحب ابنته ويحترمها ولا يري فيما قالته ما يستدعي الاعتذار عنه أو طلب الصفح، وما ورد في إجابة التلميذة عن الرئيس مبارك يقطع بأنها لا تنتمي لأي جماعات أو تيارات معادية، وأن هذه الإجابة عكست مشاعر حقيقية طلب منها أن "تعبر" عنها في سؤال "تعبير" ورد في امتحان مادة "اللغة العربية".
٢
حين جاء الدور علي المصحح، بدا واضحا أنه فوجئ بإجابة غير نمطية لم يعتد علي مثلها كثيرا، ولو كان هذا المصحح يعمل في نظام تربوي آخر لأدرك علي الفور أن هذه الإجابة تشير إلي أن صاحبتها تنتمي إلي شريحة متميزة نسبيا عن الأنماط التقليدية، مما يستوجب العناية والاهتمام الإيجابي، فخبراء التربية يجمعون علي أن كفاءة الأنظمة التعليمية تقاس بقدرتها علي اكتشاف الشرائح المتميزة من التلاميذ، خاصة في هذه المرحلة العمرية الحساسة التي تعد الأكثر إفصاحا عن خريطة قيادات المستقبل، وبما تقدمه لهم من رعاية واهتمام لمساعدتهم علي تنمية قدراتهم وكفاءاتهم.
غير أن تصرف المصحح لم يدل فقط علي أنه ينتمي إلي نظام تربوي متخلف لم يعرف سوي التلقين والطاعة العمياء، وبالتالي غير قادر علي إدراك معني التميز أو مسؤوليته الشخصية عن اكتشاف المتميزين وتشجيعهم، ولكنه يدل أيضا علي أنه ليس ملما حتي بالواجبات الفنية للمصحح، ففي مادة اللغة العربية، لا يحاسب التلميذ في سؤال "التعبير" علي ما يبديه من وجهة نظر في الموضوع الذي يتناوله، وإنما علي قدراته الإنشائية، اللغة والأسلوب وما يكتنفهما من صور ومشاهد أدبية وبلاغية.
أما الرأي الذي عبرت عنه التلميذة آلاء في إجابتها فلم يكن يستحق من أي مصحح محترف، مهما بلغت بلادة مشاعره تجاه الطلاب غير النمطيين، أكثر من ابتسامة إعجاب أو سخرية.
غير أن إجابة التلميذة الصغيرة أصابت صاحبنا، الذي هو مرب ومعلم قبل أن يكون مصححا، بالرعب، ولأنه وأمثاله تربوا في مدرسة الاستبداد والانتهازية، فقد تصور أنه عثر علي كنز ثمين وأن أمامه فرصة ذهبية للحصول علي مكافأة ثمينة أو ترقية، وما عليه إلا أن "يرشد" عن تلميذة تدل إجابتها علي أنها إرهابية خطيرة، وهكذا قدم ورقة الطالبة إلي الإدارة التعليمية.
٣
لا يخلو أي نظام من عناصر فردية جاهلة أو انتهازية أو غير مؤهلة لأداء الوظيفة المنوط بها أداؤها، أما أجهزة الإدارة العليا فيفترض فيها توافر حدود دنيا من الكفاءة المهنية والنزاهة بما يكفي لتمكين النظام من أداء وظائفه المعتادة والمحافظة علي المقومات التي تحول دون انهياره.
لكن هذه الحالة بالذات أوضحت تغلغل "عقلية الفساد والاستبداد" في كل المستويات، فقد قررت الإدارة التعليمية المعنية، ربما لإثبات ولائها للنظام، التنكيل بالطالبة وكان عليها بالطبع أن تبحث عن اللوائح والقوانين التي تمكنها من ذلك، ووجدت ضالتها في المادة الرابعة من القرار الوزاري رقم ٤١ لسنة ٢٠٠٠ التي تجيز إلغاء امتحانات النقل أو الامتحانات العامة بقرار مسبب.
لكن ما السبب الذي يمكن أن تتعلل به إدارة مستقيمة للتعامل مع حالة لم يثبت لجوء صاحبتها للغش وحصلت ورقة إجابتها علي ما يكفي من الدرجات لنجاحها، حتي بدون احتساب درجة سؤال التعبير؟. هنا جاءت الصدمة لتشعرنا مرة أخري بالخوف علي ما يجري في مصر المحروسة، فقد وجدت اللجنة المشرفة علي أعمال التصحيح سببا يوجب، في رأيها، توقيع العقوبة القصوي، وهو "أن إجابة الطالبة في موضوع التعبير تضمنت قذفا للنظام العام والآداب العامة".
٤
حين تفجرت الفضيحة وثار الرأي العام، كان من الطبيعي أن يتحرك الوزير المسئول عن التعليم، لكنه تحرك، كما كان متوقعا، بطريقة الموظف بدرجة وزير وليس بطريقة المسئول السياسي عن أخطر القطاعات وهو قطاع التعليم، كان الإحساس بالمسؤولية السياسية يقتضي من الوزير، حفاظا علي تماسك نظامها السياسي والاجتماعي ناهيك عن التعليمي، إحالة اللجنة المشرفة علي أعمال التصحيح إلي التحقيق لأنها نكلت بطالبة لأسباب تتعلق بحرية الرأي، وهو أمر تحرمه كل القوانين المحلية والاتفاقات الدولية التي وقعت عليها مصر.
لكن الخوف من الاتهام بعدم الولاء دفع جانب الموظف في الوزير للتصرف علي نحو يعكس الأسلوب التقليدي للبيروقراطية المصرية في التعامل مع هذا النوع من القضايا الحساسة، فأشير علي والد الطالبة بالتقدم بتظلم للسماح لابنته بدخول الدور الثاني في امتحان اللغة العربية، وافق عليه الوزير فورا، وبهذه الطريقة أقر الوزير مبدأ العقاب، ولاء للنظام، وخففه، امتصاصا لغضب الرأي العام.
وهكذا جاء تصرف الوزير مؤكدا عفن النظام بأكثر مما أكد إنسانيته، ولم يكن كافيا لاحتواء الفضيحة أو حتي التقليل من تأثيراتها المتفاعلة، هكذا وصلت الكرة إلي ملعب الرئيس.
٥
لو كانت هذه الفضيحة قد تفجرت في نظام سياسي قادر علي إدراك دلالاتها الحقيقية بالنسبة لمستقبل البلاد، لاعتبر نظام التعليم في خطر، ولطالب علي الفور بإعادة النظر فيه وإصلاحه، لكن الرئيس مبارك، وكعادته في محاولة احتواء القضايا المتفجرة، اكتفي بالاتصال بوزير التعليم وقال له، حسب ما جاء في صحيفة الأهرام (٣٠ يونيو) "أرجو مراجعة ورقة آلاء، وإن كانت هناك عبارات تمس الرموز علينا أن ننظر لها بحكم سنها الصغير، وأننا نعيش حالة من الحراك السياسي في عصر جديد ينبغي أن نتفهم فيه المتغيرات الجديدة".
هكذا تلقي الوزير الأمر الرئاسي بإعادة تصحيح ورقة آلاء، فجاءت درجتها، كما تقول "الأهرام" علي لسان الوزير أيضا ٥،٤٤ من ٦٠، ما معني هذا الكلام؟، معناه أنه ليس بوسع وزير أن يدرك صغر سن تلميذة أو يدرك حالة الحراك السياسي التي تعيشها مصر إلا حين يذكره رئيس الجمهورية بذلك.
في اليوم السابق مباشرة، أي يوم الخميس الماضي ٢٩ يونيو، قرأت علي صفحة الأهرام الأولي أن الرئيس هو الذي طلب من الدكتور فتحي سرور أن يقول شهادة حق في الدكتور ممدوح حمزة. ما معني هذا الكلام أيضا؟ أظن أنه ليس له سوي معني واحد أنه لولا تدخل السيد الرئيس لما أدلي رئيس مجلس الشعب بشهادته أصلا، أو لكان قد أدلي بشهادة مختلفة.
لا شك أن تدخل الرئيس في الحالتين جاء في الاتجاه الصحيح ولينصف تلميذة من ظلم النظام التعليمي لها، ولينقذ عالم من مكيدة وزير سابق، لكن النظام السياسي الذي لا يتحرك فيه وزير التعليم أو رئيس مجلس الشعب، في حالات علي هذه الدرجة من الخطورة، إلا بأمر من رئيس الدولة هو في نظري نظام بائس، لن تنصلح حال الأمة إلا باقتلاعه من جذوره، صورة الرئيس الحانية لا تستطيع أن تمحو صورة النظام الكئيبة.
عدد التعليقات : 16
• البرلمان يشتكي.. إسرائيل!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
مقارنه بسيطه:
مهاتير محمد حكم ماليزيا في نفس التوقيت اللي حكم فيه حزني مبارك مصر في زمن كانت ماليزيا لا تجد من طعامها إلا الأرز ومصر كانت بتاخد كل سنه غير دخلها القومي معونه أمريكيه أقل من المليارين سنويا ......
حاليا شوف ماليزا أين أصبحت ومصر أين أصبحت ........
أنا شخصيا أرفع قبعتي أحتراما لنظام علم الدنيا كيف يكون الفساد , كيف يكون عفن النظام بأقل رائحه وأشد تأثير
(( لعن الله قوما ضـــــــــــــاع الحــــــــق بينهـــــم ))
الحقيقه اللى دفعنى على التعليق اسم الدكتور حسن نافعه واللى كنت اظن انه اكتر جرأه يا دكتور مصر مش نا قصه يا تقول كلمة حق بجد يا تعرص بجد يا تسكت احسن
لازم المواقف تكون واضحه
نظام مبارك نظام مخبرين وعسكر وده شئ جلى جدا مش محتاج تدليل واللى بلغ عن الورقه مش المصصح الغلبان اللى خايف على اولاده انا اعرف وانت كمان تعرف وكل شخص له علاقه بالعمل العام يعرف
ان اللى بلغ شخص دى وظيفته يودى تقارير على كل اللى بيحصل لامن الدوله
والشخص ده موجود ف كل مدرسه ف مصر
وانت عارف كويس
انه موجود ف الكليه اللى انت بتدرس فيها
حدوتة التسلسل والافلام دى لما يقولها وزير ولا وكيل وزاره
اهوه الراجل بيعرص
انما انت يا دكتور
عيب عليك
بجد انا بتكلم لانى بحترمك وبحبك
وبعدين انت عايز الوزير ينجحها
احه
امال با با مبارك يبقىاب حنون ازاى
وميتاجرش على دين ابونا ليه
د انته الوحيد اللى وقفت للراجل ده ف معرض الكتاب وكلمته بجد
ارجو ان التعليق ده يوصلك
لان فيه ناس كتير اوى هاتتصدم فيك لو قرت المقاله الهزيله دى
وكلمة هزيله احسن من كلمه تانيه بيتهألى وصلتك
ارجو من اللي يقول ان المقال دفاع عن حزني مبارك أن يعيد قراءته مرة اخرى لإنه مقال يدين الرئيس وليس يدافع عنه ... فالنظام الذي تكون حكومته مجرد موظفين منفذين لأوامره هو نظام فاشل واستبدادي لان من المفروض ان الوزير هو رئيس جمهورية وزارته (ده لو كان وزير بجد) وبعد ذلك يكون قادرا علي الدفاع عن قراراته في مجلس الوزراء او مجلس الشعب ، أما الوزير الذي يتسلم كل ساعة ورقه بالقرارات المطلوب منه اعلانها فهذا لايعتبر وزير بل يعتبر سكرتير للنظام الحاكم
ورجائي يا استاذ هانيبال طالما تسترشد بألقرآن الكريم في عقاب المنافقين فأيضا السباب والكلام الإباحي ليس في الإسلام من شئ ولايجوز ان نأخذ من الدين مانريده ونترك مالانريده
اعتذر ان كنت مخطئا واشكركم على التوضيح .. بس بصراحة الواحد مش قادر يتحمل فكرة ان فيه بني ادم واحد يدافع عن اللي ما يتسمى ده .. او يوصفه بصفة واحدة كويسة مهما كانت .. عامة هانيبال رصد تفكير الناس وثقافتها اليومين دول .. تخيلو ان الكدب هو الصفة الوحيدة اللي بيشترك فيها وبيحافظ عليها جميع المواطنين .. والكفر بكل شيء جاد ( حتى الاديان ) بيخبط على ابواب كل البيوت .. طيب عارفين ايه اللي هايحصل بعد كده ؟؟؟ انا بقى عارف لان فيه تجربة زي كده بالظبط مرت بيها البلد دي ..
تحبو اقول ولا بلاش .. انا بقى مش هاقول غير لما حد يطلب مني
عمكم هانيبال
ميت يا جماعه شاف برنامج الحقيقه امبارح
البرنامج جاب الصحفيه ندى القصاص و الصحفى احمد صلاح اللى افرج عنهم من الاعتقال مؤخرا
اللى شاف البرنامج هيحس بالظلم و القهرو بجد كلمه االتاريخ البلد دى رايحه ف داهيه
العمليه مش الاء
لا دا نظام فاسد من اوله لاخره
كنتو تشوفو الناس بيحكو عن اللى حصللهم و تبكو
مش هعيد الى قالوه لان كلنا عارفينه و بيوجعنا
انا بس هقول انى شفت فى يحيى وهدان العقيد المحترم اللى كان مستضيفه وائل الابراشى النظام
شفت كلب مستقيل من كلاب الداخليه
شفت رغبه ف قلب الباطل حق
شفت النظام متجسد فى شخص حقير وضيع اسمه يحيى وهدان و سالت نفسى سوال
الناس دى بتقدر تنام ازاى
الناس دى بتحس بايه لما تبص ف المرايه
اااااه يا بلد رايحه ف داهيه
انا لا اصف النظام المصري بانه بائس لأته سعيد جدااااااااا, ولكن الصفة الأهم هي الذكاء في التصرف وقلب الأمور, وأريد فقط أن أذكركم بأن النظام عدل المادة 76 لتكون على مقاسه بالظبط, وترك نعمان جمعة وأيمن نور يقولان كل ما يرغبان فيه فنحن في دولة حرة طبعا, والآن أين جمعة ونور؟؟
حسيت ان النظام بيدافع عنه كفتجيه و ناس فاهمه و مقتنعه ان البلد بلدها و معاهم و رق بكده و الي مش عجبه يسيب البلد و يمشي
و سلملي علي العباره و الطياره و القطر و العساكر الي علي الحدود
الي فاكر ان مصر دولة مستقلة او حرة ذات سيادية يبقي مغفل لان مصر هي مبارك مصر هي سوزان مصر هي جمال وبس
مصر اصبحت العزبة بتاعتهم والشعب المصري خدم فيها ولا صوت الي صوت مبارك وزبانيته الكلاب وحرسه من خنازير امن الدولة
أنا عاوز حد يجاوبنى يا جماعة بقى كم المشاكل اللى بتحصل فى مصر دى كلها و الراجل ما طلعش حتى على شاشة التلفزيون و جاوب الناس عن الاسئلة و على القضايا و عن المشاكل اللى بتؤرقها صبح و الليل و البلد بتغلى و مشاكل مع الكل من قضاة لصحفيين لمهندسين لضحايا عبارة لأساتذة جامعة لكل كل الشعب المصرى و الراجل ودن من طين و ودن من عجين و لا بنشوف وشه خالص و المهم انه قاعد فى شرم الشيخ و عمال يطلع فى تصريحات و يقابل فى ناس و كلها مشاكل متعلقة بحماس و الفلسطينين و كأن مشاكلنا كلها الخارجية أختذلها فى مشكلة حماس و الضعط على راس ام حماس علشان تنصاع للمطالب اليهودية و الامريكية و طبعا ما حدش ينكر ان احنا لازم نتدخل لصالح اخونا فى الدين و نقف جنبهم (مش نقف على نفسهم) و الراجل يا عينى عمر سليمان رايح من غزة و جى من غزة و ما بقاش ليه وظيفة و هوه المفروض اهم راجل فى الدولة الا الواسطة يطبطب و يدلع اليهود و يدى حماس على دماغها علشان فى الاخر مهمته تنجح .... خلاص بقت مشكلة مصر مشاكل خارجية !!! طيب ما يجيى يقعد شوية فى وسطنا و يحللنا مشاكلنا اذا كان هوه رئيس مش سايبها لشوية وزرا متخلفين و معاهم شوية حيتان مبهدلين ام البلد لغاية لما طوب الارض عاوز يهج و يشوفله بلد تانية و لا داهية تانية تاخده ..... يا ريس حسنى إنت سمعت عن الحديث الشريف اللى بيقول فيه الرسول عليه افضل الصلاة و السلام "كلكم راع و كلكم مسئول عن رعيته" ربنا يكرمك و الله نصيحة لله تعالى أهه برضه بينى عيش و كفيار (طبعا انا اللى كنت بأكل العيش حاف و هو اللى بياكل الكفيار حاف برضه) الله يخليك إفضلنا شوية و راعينا يا راعينا و يمكن الايام اللى جاية ربنا بسببها يغفرلك اللى عملته فينا طول السنين دى كلها و يمكن بسبب دعوة مظلوم راجعتله حقه و لا شاب ع
اقرأ بقية التعليق ..
يا شباب .. يا شباب .. يا شباب ..
من فضلكم دقيقة واحدة معايا كده ..
كلنا عارفين ان مبارك حرامي وخاين وحقير وفيه ما في الخمر .. وعارفين ان كل اللي حواليه واللي بيشجعوه احقر منه وانتن .. كلنا عارفين كل حاجة .. كلنا من اول رؤساء الجامعات لحد بياعين الطماطم والجرجير .. من فضلكم كفاية بقى نتكلم في عيوب واحد كله عيوب وبلاوي زرقا على دماغه و دماغ اللي خلفوه .. واهو المثل بيقول الضرب في الميت حرام .. هانيبال النهاردة بيقولكم تعالو نتفق كلنا على حاجة واحدة .. ايه هي الحاجة دي بقى ؟؟
كل واحد فينا يكتب هو عايز ايه بالظبط وباختصار .. ( باختصار يعني مش عايزين شعر وزجل وحاجات من دي اللي مش جايبة همها ) .. او يحدد الحل من وجهة نظره الشخصية .. بس بشرط .. انه يكون مقتنع مية في المية باللي هو كاتبه .. يعني يكون صادق مع نفسه قبل مايكون صادق معانا .. هانيبال شخصيا شايف ان الحل الوحيد هو ثورة شعبية منظمة تخلع صاحبنا من الكرسي وتحاكمه محاكمة معتبرة وتخوذقه وتحط مكانه نادي القضاة لمدة سنتين وبعدها الناس ينتخبو رئيس جديد .. هانيبال متاكد ان مصر بعد كده هاتدخل السبق من جديد والحال هايبقى معدن وكل واحد هاياخد حقه ..
وكلنا نطلب من ادارة الموقع انها ترفع رغباتنا لاي حركة او منظمة او حزب او جريدة محترمة على اساس ان الكلام ده مش مدهون بزبدة وانه مش مجرد كلام .. لا .. ده حلم .. وامل .. ومستقبل ناس ضايعة .. تعالو كلنا نعمل ده النهاردة .. التلات يعني .. هاااا مين قال انا اهو .. ؟؟؟؟
عمكم هانيبال
للاسف يا هانيبال انتا بتنفخ فى قربة مقطوعة لأنك لو تشوف المظاهرات اللى حصلت فى الايام الماضية هتلاقى بضع عشرات من شعب تعداده 75 مليون !! موضوع يدعوا للتفكير هل الشعب مات و لا ماتت فيه النخوه و لا الدولة موتت فيه حتى التفكير فى بكره و بقى التفكير فى لقمة عيش يومه هيه شغله الشاغل و بقى الشعب "بق" على الفاضى يعنى تقعد على القهوة و لا فى البيوت تلاقى الشعب بيسب و يلعن سلسفيل أم الدولة و الحكومة و اللى بتعمله فيه الحكومة تيجى تقول الناس طيب ما لازم نعمل حاجه إيجابية علشان على الاقل نوقف الظلم ده مش حتى ننقلب عليه الناس تقولك هاه هاه و يعملوا نفسهم عبده الاهبل و تقولى ثورة و إنقلاب !! يا هانيبال يا أخويا الشعب ده مات بعد ما عرفوا يتعبوه و يدوخوه لغاية لما داخ من الامراض و الجرى ورا لقمة العيش و فقروه لغاية لما بيدور على اكله فى صفايح الزبالة و بعد كده تقولى انقلاب ... ده يا راجل لبنان اللى هيه لبنان و بتصدر للعالم العربى كله لا مؤاخذه نانسى عجرم و هيفاء وهبى و دومينيك لما الاحزاب قالت يا مظاهرات طلع حوالى اكتر من نصف مليون بنى ادم فى مظاهرة واحدة من شعب تعداد سكانه حوالى خمس ملايين يعنى اللبنانيين اللى دماغهم اصلا فى الطراوة طلعوا ارجل مننا اللى الواحد مننا عامل السبع رجاله
يا اخي غلط الكلام اللي انت بتقوله ده .. انت هاتخسر حاجة لما تقول انت عايز ايه ( وباختصار ) ولا لما تشغل دماغك شوية وتفكر في حل .. ولا حاجة .. عارف يا اخ .. الاطباء لما واحد يكون عيان اوي بينصحوه بايه ؟؟؟ بينصحوه بانه ما يفكرش في الوجع .. وبينصحوه بانه يخلي عنده امل في ربنا .. مش ده اللي بيحصل ولا انا بهجص ؟؟ اهو حنا عاملين زي العيان ده .. وعلاجنا اننا نبطل نغني ظلموه وننسى الوجع ونخلى عندنا امل في ربنا .. اكتب حلمك مش هاتخسر حاجة .. اكتب حلمك في كل مكان .. وخليك فاكر انهم لما ضربو الاعمى على عينه قال خسرانة خسرانة .. كلنا خسرانين كل حاجة ببركة مبارك .. اكتب حلمك .. فكر شوية واقترح حل تكون انت نفسك مقتنع بيه .. طول ماانت بتفكر في وجعك عمرك ما تخف .. وهاتعيش ايامك في عذاب ومرار ووجع قلب .. هانيبال مش احسن من حد هنا .. هانيبال ظروفه العن من ظروفكم كلكم .. ومع ذلك هانيبال بيكتب حلمه وبيفكر في حل .. هانيبال عنده امل في ربنا ومستحيل هايخلي حيوان زي صفوت عزيزة يهزمه وياكل دماغه .. هاااا جاي في القصة دي ولا لسه ناوي تغني ظلموه .. القلب الخالي ظلموه ..
عمكم هانيبال
مش بيبدلو المدارس في اسكندريه لما يجلهم تفتيش من بتوع المعونه و لا بيبلغو عن الطلبه لما بيكتبو موضوع تعبير
بحلم بكليات فيها دكاتره فهمين مش بيعين كتب
بحلم بشغل في بلدي بمرتب مناسب
بحلم بشوارع نضيفه و ناس نضيفه
كفايه كده لما نعمل دول نشوف الباقي
بحلم بيك يبكره بحلم بالف فكرة بكره يلى جى عطشان وانت المى ببكره يلى جى نور انادتل الضى بحلم الايد فى الايد ونبدء من جديد الكرسى مش هو المشكلة المشكلة فينا جوانا وربنا ويانا الايمان هو الحل