مفيش تفاهم .. صيف 2006!!
فعلا البلوج الاختراع الجديد اللي معمول عشان الناس تكتب عن نفسها، فجأة أتحول لوسيلة للتجارة والتسويق
04/07/2006
هما المصريين كدة.. يقلبوا من الفسيخ شربات، ويجيبوا في كل حارة سبوبة.. حتى البلوجات..
فعلا البلوج الاختراع الجديد اللي معمول عشان الناس تكتب عن نفسها، فجأة أتحول لوسيلة للتجارة والتسويق..
بلوج جديد، متخصص في الترويج لمجموعة جديدة ومطرقعة جدا من التيشيرتات لصيف 2006 تحت عنوان.. (مفيش تفاهم)..
أتفرجوا عليها.. وقولوا لنا رأيكم.. تقبلوا تلبسوها.. وإيه رأيكم في فكرة الترويج بالبلوج..
* الصور من بلوج missfitwear.blogspot.com
• حصريا لـ"ولاد البلد".. ماكسيموس: بلاش توقعني في الأمريكان
• جواب تنسيق.. بالحزب الوطني!!
"الحلوة في مشوار وصاحبها على نار"
كلام مكتوب على شباك ميكروباص، بيمشي في صفط اللبن.. وبيروح الجامعة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
بجد تجنن موت
مين الفنان اللي مصمم الرسومات دي
يا عم انتا تجى تكتب موضوع و لا تعمل اعلان عن التيشيرتات و تقولى ايه رأيكم ... راينا تنزل العتبة تكتب الموضوع ده
بصراحة تشيرتات عادية يعنى سعرها يتراوح من 15- 20 جنية غير كدا حرام .. وبعدين التصميم اللى هو عمله يمشر اكتر فى المصايف .. good التصميم كويس جداً بس راعوا الناس فى الأسعار ..
حضرتك ياللي بتتكلم عن السبوبه ماخدتش إذن منا بنشر شغلنا ، و من الآخر ايوه هيا سبوبه و رزق للعاوز يشتغل، مش للقاعد مش لاقي حاجه يعملها غير إنه يستنفع علي قفا غيره ...
و ياريت تخللي عندك دم و تشيل شغلنا من علي الموقع بتاعك فورا ، و إنت حر تكتب إللي إنت عاوز تكتبه ... أو تحط لينك ... بس كده...
جديدة T-Shirts و احسن من اللى يلبس عليها علم امريكاو لا بريطانياو لا حتى كلام صاحب ال T-shirt نفسة مش فاهم معناة! عقبال ما نشوف علم مصر بس بلاش يبقى مكتوب جهينة على الظهر!