دسوق يا سواق
قالوا المواطن المصري سلبي ولازم يتغير.. وإنه لا يضاع حق وراءه مطالب .. و شرف التجربة يكفيك، والناس قالت ماشى.. وأخذت تفكر.. مرة تتحرك وعشرة تتفرج..
لكن ولأن ضغط الحياة مش سايب لحد مخرج.. أصبح العادي أن نسمع.. عمال مصنع الحديد في اعتصام مفتوح، وغر
23/03/2006
مروة جابر ـ ولاد البلد:
قالوا المواطن المصري سلبي ولازم يتغير.. وإنه لا يضاع حق وراءه مطالب .. و شرف التجربة يكفيك، والناس قالت ماشى.. وأخذت تفكر.. مرة تتحرك وعشرة تتفرج..
لكن ولأن ضغط الحياة مش سايب لحد مخرج.. أصبح العادي أن نسمع.. عمال مصنع الحديد في اعتصام مفتوح، وغرقى العبارة في مظاهرة صامتة أمام النائب العام، والآن تشهد مدينه دسوق في محافظة كفر الشيخ إضراب مفتوح لسبعه سائقين وأسرهم عن الطعام احتجاجاً على سحب ورق تجديد الرخصة ومنع سياراتهم من دخول موقف عبود بالقاهرة..
الحكاية مشيت إزاى؟ ..
يحكى السائقين المعتصمين عن ما أصابهم، وقالوا بدايةً أنهم وقعوا في فخ أن تكون على حق وينكره الجميع..
"كل ما فعلناه إننا قمنا بمشاركة آخرين بالربع او النصف في ملكية السيارة الأجرة، وهم أشخاص وأقارب لنا من نفس المنطقة، وما نعرفه طوال عملنا أن اللوائح المنظمة لمواقف الأجرة تجيز هذا التصرف.
ولكن المسئولين عن خط السير بالموقف تجاهلوا كل ذلك ورفعوا الرخصة وتجاهلوا كل نداءاتنا ومطالبنا.. والأمر لا يحمل غير تفسير واحد اسمه الفساد والرشوة، وأن بيوتنا خربت لأننا لم ندفع مبلغ عشرة آلاف أو أن غيرنا دفعها مقابل الحصول على تصريحنا لان الخط يسمح بعدد محدد من السيارات".
خط سير ورقة
توجه السائقين بعد أن استبعدت سياراتهم إلي وحدة مرور المحافظة وحرروا محضر رقم 1051 لسنة 2006 بقسم دسوق، وبعدها إلى مكتب رئيس مجلس مدينة دسوق للتراجع عن هذا القرار، إلا أن رئيس مجلس المدينة أصر على قراره مما دفعهم إلى اصطحاب أسرهم والاعتصام أمام مكتبه لحل مشكلتهم، وقد تدخل رئيس مباحث دسوق وفض الاعتصام فما كان من هؤلاء إلا أن أضربوا عن الطعام بمستشفى دسوق العام وذلك من يوم 5/3/2006 وقد أبلغوا رئيس مجلس المدينة والجهات المختصة بذلك لكن دون جدوى فلم يحضر أحد إليهم لسماع شكواهم وفك إضرابهم.
القرار في الأصل مالوش ..
ولأن القانون طوق نجاة تحول في بلدنا إلى كلبشات شرح لنا أ /إسماعيل أبو اليزيد المحامى الموكل عنهم وعضو المنظمة المصرية لحقوق الإنسان كيف يتم تفصيل هذه المشاكل وتمريرها.
قال إن المشكلة بدأت بالقرار رقم 10 لسنه 2002 وينص على أن تستبعد أي سياره وتنقل لصفوف الاحتياطي إذا تم نقل ملكيتها أو بيعها بيعا نهائيا أو التصرف فيها بأي تصرف ناقل للملكيه .
وحالتنا لا ينطبق عليها هذا القرار لأنها حاله شراكة مع آخرين وليس بيع أو نقل ملكية، ولقد أثبت هذا في محضر رسمي، ولو جئنا لمضمون القرار سنجده معيب بشكل عام، فالمشترى بموجب عملية البيع تنتقل إليه كل الحقوق والواجبات الواردة على السيارة كما تنتقل إليه الملكية بالاضافه إلى أن القرار لم يعمم في تطبيقه.
و الرشوة أمر محتمل بنسبة 90% طالما ذلك يطبق على عشر سيارات وتبقى أكثر من 50 حالة لهم نفس الظروف تعمل في آمان على الطريق، وهذا يعنى أن القانون تجرد من صفته ومصداقيته.
أمام هذا الوضع لم نجد أمامنا حل سوى الاعتصام.. ابلغنا الجهات المختصة بالاضطراب عن الطعام قبلها بأربع وعشرين ساعة ولم يحضر أي مسئول، وبالطبع الاعتصام حل لا يمكن أن يستمر ومن الطبيعي أن يترتب عليه اتخاذ تصرف ما في صالح هؤلاء، ولكن ما حدث أن المسئولين لم يتحركوا إلى المستشفى لسماع هؤلاء أو على الأقل رؤيتهم، وقد امتنع الطبيب على تركيب الجلوكوز لأحد السائقين بعد أن واغشي عليه من قلة الطعام.
انتهى المشهد و لا نعرف ما يمكن أن نفهم منه، ترى ماذا يمكن أن تفعله الحكومة الرشيدة..
تتجه تحليلات اغلب المراقبين أن الحكومة ستقوم بـ"فك" الإضراب وذلك بعد باستخراج شهادات وفاة للمضربين لان ببساطة كده (كفاية) فهؤلاء الخارجين عن القانون (السائقين اللي انقطع عشهم) حالتهم الصحية بدأت في التدهور ومعظمهم سنهم فوق الخمسين وأي حد بعد كده في البلاد دى فوق الخمسين أو تحت الثلاثين لازم يقعد في بيته، وتستثنى من تلك القواعد كل من هم فوق السبعين او في أوائل الأربعين.. وذلك لظروف غير غامضة يعرفها كل مواطن في البلد دي.
عدد التعليقات : 14
• فلتر الرئيس!
• دخان المعلمين!
• ماتيجي نعمل CRUZ..
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
سلام عليكم
انا معجب بالموضوع ده عشان ده حاجات موجوده فعلا مش بس في دسوق لكن في مصر كلها فيه استغلال في والسواقين بيستغلوا الناس وبيرفعوا الاجره لما يبقي فيه زحمه والمستشفيات الحكوميه الناس مرميه بالكوم ومحدش بيسال فيهم يظهر الشعب كتر وعايزين يخفوا الحمل شويه عشان الحاله الاقتصاديه صعب جدا
انا مبسوط بان فيه ناس بهتم بامرنا جدا وبتشوف امور الناس وبتعيش معاهم
اولا بشكر الاخت مروه على مجهودها ف التغطيه المتميزه والصور المهمه دي.
بس موضوع الرشوه ده سوسه بتنخر في قوام المجتمع
وبقت الوظايف برشوه والمصالح برشوه
انا خايف الهوا يكون برشوه ف المستقبل
ومش ف المجال اللي انتي كاتبه فيه بس يا مروه اللي لازم الناس تحس بي..
بس عشان نقدر ان احنا نكون حاجه لازم اغلب نشاططتنا تنضف من الرشوه
ميرسي على موضوعك ومستنين جديدك
بصراحه يا انسه مروه الموضوع جامد وبالنسبه لبلد صغيره زى دسوق دى حاجه حلوه خالص يعنى وربنايكرمك ويوفقك فى طريقك
بجد الموضوع فعلا محتاج لوقفه من جانب الحكومه
علشان كده كفايه بقه اوي وحرام
حرام اللي بيحصل للمواطن المصري
المواطن المطحون زي ما بيقوله عليه في دول الخليج ومعظم دول العالم كله
ولازم يبقي فيه تغير
والتغير ده مش هيجي غير الا اذا كل واحد من الحكومه عرف شغله كويس
وكل واحد من المواطنين عرف اد ايه القانون بيكفله حقوق كتير
بس للاسف المواطن المصري مش عارف القانون كويس ومش هيعرف حقوقه الا اذا عرف قانونه الاول
يا رب نفهم
يا رب نتغير بقه
لاحسن كده خلاص احنا تعبنا اوي
ملحوظه .
الف مبروك يا انسه مروه علي اول تحقيق صحفي ليكي
محمود
وبجد ده ممتاز بالنسبه ليكي كمبتدئه
يارب الي الامام علطول والي النجاح دائما
والله الموضوع ده جامد جدا وفعلا كا عايز وقفه رجاله لان الاسر دى كلها كانت هتعيش منين اصل دخل السواق مش بيكفىمتطلبات الاسره هيجب منين 10 الاف جنيه والله ده ظلم
السلام عليكم
للآسف يا مروة أنتى موضوعك جميل جدا ويستحض الاهتمام بس أى حد دلوقتى بيعمل حاجة غلط أو حاجة ميقدرش يصححها يلعن فى الزمن اللى أحنا فية مع أن العيب فينا أحنا بجد (نهجو الزمان بغير ذنب ولو نطق الزمان لهجانا)
يارب يا مروة تكونى فهمانى
ويارب تكون بداية سعيدة عليكى
قالوا القلم عمره مايكدب ومن حق الشعب انه يعيش ويعيش الحر وقلمه مايكدب ولو حتى كان مضطر 0فكان لازم للقلم انه ينطق ويعبر على لسان مروة او محمد او جرجس اوسمر ولازم للبركان انه ينفجر ولازم للشعب انه يعيش لوحتى على الظلم سنين صبر وشكرا لاجمل قلم عن مشاكلنا عبر00((مروة))
عجبك يابلدى صورة رجالك عجبك يابلدى تشرد عيالك عجبك يابلدى عويل نسائك عجبك يابلدى حرق ولادك عجبك يابلدى غرق عيالك عجبك يابلدى سرقةونصب عجبك يابلدى جوع وعرى عجبك يابلدى باعوا ترابك عجبك يابلدى ابضوا التمن من دم ولادك عجبك يابلدى سرقةونصب عجبك يابلدى جوع وعرى عجبك يابلدى هروب عيالك عجبك يابلدى ظلم ولادك عجبك يابلدى صورتك عجبك يابلدى صورتك
لابد من تغير النظام الموجود وان يراعى العامل ضميرة انيكون العمل وانهاء المصالح خالى من الرشوة لان هذة هى الحياة الموجوة
الله يكون بعون الناس اللى من عزبه دسوق دول هى كدا مصر ديما
الحمد لله انى موش من دسوق
وربنا يكون فى عونهم
شكرا على موضوعك
اولا شكرا لللانسة مروة على شرحها للموضوع .
ثانيا انا من دسوق وعايش كل المقاسى اللى بتعيشها الناس فى دسوق ودة لسبب بسيط ان الحكومة لسة على فكرها القديم ان دسوق بلد صغيرة واهلها غلابة ومش فاهمين الحكومة .. بالعكس الناس واعيين جدا ومتحضرين ومتمدنين وعارفين الحكومة عاوزة اية ..
الله يكون فى عونك يامصر .
دائما نتحدث عن التغيير ونلوم غيرنا ولكني اجد ان التغيير لم ياتي من أعلى ولك التغيير يأتي من أسفل لايغير الله بقوم حتى يغيروا ما بأنفسهم ولو كل اسان أصلح نفسه من الرشوة وأصلح ذات البين مع اسرته مع اخوته مع ابوه وامه مع ابنائه من هنا يبدا التغيير عندما نكون يد واحدة وعندما نكون قادرين على حب بعضنا وعندما نكون قادرين على تكوين اسرة حقيقية تخاف على بعضا البعض عندما يكون هناك انسان يضحي من اجل اسرته فالبتالي يكون هناك انسان يضحي من اجل بلده نقول ان هناك تغير في كل شئ وعلى جميع المستويات وعندما يكون هناك انتماء للوطن وللبلد من هنا يبدا التغييرفهذه نصيحة لكل انسان يقرأ هذه الرسالة ان يبحث عن عيوبه قبل عيوب الاخرين ولا يصنع شماعة يعلق عليها اخطاؤه ومشاكله فكلنا عيوب وكلنا أخطاء ويجب علينا مراجعة أنفسنا واصلاح انفسنا أولا حتى يعينا الله على التغيير وحتى يكون هناك هدف واضح لنا نبحث عنه في كل مكان فالمجتمع يتكون من الاسر والاسر تتكون من الافراد فعندما يصلح كل فرد نفسه يصبح المجتمع مجتمع صالح ينتج لنا قادة صالحين قادرين على التغيير 0
اشكركم علي الهتمام بهذا الموضوع لان هزه بلدي المحبوب انا منها وبحبها قوي ولكن هناك الكثير من المواضيع مثل هزا ارجو ان تهتمو اكثر وشكرا اختم ميوش 20 سنه
ده مش طريقة نقد و لا طريقة كلام واضح من كلامكم ان الموقع من اجل التحدث عن الحكومة و مسيرات الحكومة مثل العديد من الاقلام و العديد من الشخصيات و التى وجدت ان ذلك الاسلوب و ذلك الطريق سيدر عليها اما شهرة او دخل او ماشابه
ان كنتم تتحدثون عن الحقوق و عن الادب و الاخلاق .... هل يجب لنا ان نتطرق الى تعريفة الركوب و بالله عليكم لتطلبوا من السائقين بموقف دسوق و المعتصمين ان يجيبوا على بعض الاسئلة ؟
1- لماذا يتم تحميل الركاب يوم الجمعة لسفر الطلبة و الموظفين ب 10 جنيها ؟
2- لماذا يتم تحصيل الاجرة فى الايام العادية ب 7.5 جنيه في حين انها 6.5 فقط
3- و اسئلة كثيرة و كثيرة
ام انكم وجدتكم ان ذلك الجانب سيرضى راى الكثيرين
ارجو الاهتام بدسوق لان بلدى تجارى وارجو ان تهتم من حيث انها مدنية جميلةوسياحيةوارجو من السيد رئيس مجلس دسوقالاهتمام بنطافة و الاشغالتة والبائعوين المتجولين وشكر
شكر الى كل من ساهمة فى البلدة يقول ان فى دسوق نادى رياضةيشربون فى المخدرات لان امن مكان فى البلد دسوق وشكرا
الشرطة عبير عن غفر يمشون ليل مع اصاحبهم واقاربهم يسرقون بعض العربيات البائع الا على الرصيف اما بنسبة الى الاخت فاتن عن النادى الرياضة فهم يشربون المخدرات مع بعض اغضاء النادى المهمين فى مجلس الادارة الفاشون
العنب العنب 0 اول كلامة كل مجلس مدنية دسوق من اصغر الى اكبر واحد حرامى 0000 اما للبلد دى حرام عليلكم كدا 0000 اما للشرطة فنحنو فى امن الحمد اللة اما المستشفيات ارجو من السيد / المحافطة ان يمر با نفسى فى دسوق الجملية شكرا
المولد قرب اقفيف البلد
انا صاحب زوجاج كل حاجة فى البلدة جميلة والحكومة حلوة شكرا
أرجو من السيد المحافظ بزيارة مفاجئه وغير مرتبه
الى مستشفى دسوق العام ليرى الحقيقه بعينه.....
الغائبه عن الساده المسؤلين....؟
مستشفى دسوق العام....
دسوق بلد جميل ارجومن السيدالفاضل- رئيس مركزدسوق اهتمام بنظافةالطرق والشورع
بسم الله الرحمن الرحيم انا من دسوق وبحبها جدا وموت بس لاكن الموضيع فى الفساد كتيره وفى كل شى فى البلديه وفى مجلس المدينه والنادى الرياضى واستاد دسوق الرياضى والاداره التعليميه وفى المركز اولا البلديه من حيث الزباله وماء المجارى الطفحه اللى بتقعد بالاسبيع من غير حتى ما يعبروها ومن جهه اخرى مجلس المدينه اللى نازل مناقصات على الفاضى وعلى المليان فى حاجات هايفه زى دهن عواميد النور وحاجات هايفه زى دى ولا يهتموا بالناس الاول وبعدين يهتموا بالعواميدمن الااخر دول حراميه ومنهم لله لان دسوق بلد ليه شهرته فى باقى انحاء الجمهوريه لسيدى ابراهيم الدسوقى والبلطجيه اللى مش لاقيين اللى يلمهم والحكومه اللى بتلمماشيه تعبط فى الناس على الفاضى وع المليان والمخبرين اللى عيزين يخدمو البلد فى الشتاء زباله لان البشوات الكناسين نايمين فى بيوتهم واللى قاعد ع القهوه حرام واللهى الجوكر عاشق دسوق
انا لو مسئول عن التراخيص اسحب كل التراخيص من السائقين بتوع دسوق واراهن اى حد بيركب من موقف عبود او دسوق يقول حاجة غير كدة السائقين الى عاملين اعتصام شفوهم بيعملو اية فى الركاب معاملة حيوانات لما الاجرة 7.5 ج يركبو ب 10ج وفى الاخر يعملو اعتصام كمان (ومن اعمالكم سلاط عليكم ) هو دة الواقع ما تتجدعوش.
نفسى دسوق تنضف من الحكومة البايظة
لايغيراللةما بقوم حتى يغيرومابابفسهم نحن نقول-عتاب الندل اجتنابة-اوعتاب الندل محاربته-"مصر" فيهاخيركثيربس أصحاب الكراسي الله على الظالم منهم.
انت مجرم في حق نفسك لو عاوز تكلامني دة اميلي تعالي نكلام سوي ماشي