قطيعة...ع الاتصالات وسنينها
هذا هو الشعار الجديد الذي رفعته الشركة المصرية للاتصالات، فبعد المرحلة المنتهية بهامش أرباح مليار جنيه على الأقل، قررت الشركة وفجأة وبدون مقدمات رفع سعر المكالمات المحلية بزيادة تسعيرتها وزيادة الاشتراك وتقليل عدد الدقائق
23/03/2006
دعاء الشامي - بنت البلد:
"شبكة واحد بتقشطنا كلنا"
هذا هو الشعار الجديد الذي رفعته الشركة المصرية للاتصالات، فبعد المرحلة المنتهية بهامش أرباح مليار جنيه على الأقل، قررت الشركة وفجأة وبدون مقدمات رفع سعر المكالمات المحلية بزيادة تسعيرتها وزيادة الاشتراك وتقليل عدد الدقائق المجانية.
وقد يبدو هذا طبيعيا لأن "الفلوس بتغير النفوس" زى ما بيقولوا جاء القرار الرشيد من الشركة التي تنتهج وللمرة الأولى على مستوى العالم إتجاه قومي برفع الأسعار مع زيادة الأرباح بدلا من تقليلها كما يحدث في كل بلاد العالم وطبعا انتووا عارفين ليه لأننا مختلفين...!
أرباح من دم الناس
وكانت الشركة المصرية للإتصالات - المشغل الوحيد في مصر لخطوط الهاتف الثابت - قد أصدرت فيتو الخميس الماضي برفع أسعار بعض الخدمات بنسب تصل إلى 25% لخفض خسائر قطاع الاتصالات المحلية.
وأهم تلك الخدمات رسوم الاشتراك الشهري لخط التليفون المنزلي إلى 10 جنيهات بدلا من 8، وإلى 16 جنيها بالنسبة لخط التليفون التجاري، ومع وجود 10.4 ملايين مشترك في البلاد فإن هذه الزيادة وحدها ستحقق دخلا إضافيا يقدر بنحو 250 مليون جنيه سنويا.
ليست هذه كل الإجراءات ولكن هناك الكثير، ستخفض الشركة عدد الدقائق المجانية الممنوحة لخطوط التليفون المنزلية إلى 50 دقيقة بدلا من 166 دقيقة، كما سترفع قيمة أول دقيقة من الاتصال التليفوني المحلي إلى 6 قروش بدلا من 5 قروش، لكن تعريفة الدقائق التالية ستبقى كما هي عند قرشين يا سلام يشكروا اهو برضه عشان تكون المكالمات والدقائق في متناول المواطن الشحات.
فهلوة المصرية للاتصالات
واستنادا إلى قدرة العقول المصرية على استثمار الفهلوة والنصاحة على كل شيء وعلى غرار خدماتها الجليلة السابقة من خاصية المؤتمرات عن بعد وإظهار رقم الطالب والانتظار، أدخلت الشركة خدمة جديدة من نوعها وهي زيادة أسعار المكالمات بأثر رجعي..! الحق بسرعة العرض ساري فقط على المصرية للاتصالات ولمدة محدودة...!.
أما عن كيفية تحقيق ذلك لا تقلق فكل شيء محسوب، بحسبة بسيطة جدا كل فواتير التليفون منذ يناير المنقضي سيتم حسابها وفقا للزيادة المقررة منذ بضعة أيام وأدفع وأنت مبسوط لأن أنت أكيد في مصر.
قطيعة ما حدش بيقاطع بالساهل
لكن يبدو أيضا أن الشعب المصري أو بالتحديد بعض أفراده قرروا أن يعترضوا على كل هذه القرارات، فدعت منظمات المجتمع المدني وبعض الحركات الشعبية وعلى رأسها كل من كفاية وشايفينكم إلى حملة مقاطعة عامة للشركة اليوم الخميس 23-3-2006، على غرار حملة مقاطعة شركتي المحمول موبينيل وفودافون والتي نجحت في القضاء على ارتفاع أسعار دقائق المحمول، وتمت الدعوة إلى المقاطعة عبر رسائل الهاتف المحمول والبريد الإلكتروني وهي الوسائل الأكثر انتشارا بين الشباب.
تحت القبة...اعتراض
ولم يقتصر الرفض على الناشطين السياسيين ومنظمات المجتمع المدني فقط بل امتد إلى قبة مجلس الشعب حيث طالب النائب حمدي الطحان رئيس لجنة النقل والمواصلات بالمجلس الحكومةبضرورة توضيح الامر ووقف هذه الزيادة فورا، ورفض بذلك تحصيل مليار جنيه "من دم الشعب" بعد تطبيق الزيادة الجديدة التي وصفها بأنها "غير المبررة ، والتي لا يمكن قبولها في ظل هذه الأوضاع".
وبعد عرض ما حدث ندعوكم إلى المقاطعة ليس ليوم واحد فقط ولكن إلى عدة أيام حتى تتم الاستجابة إلى مطالبنا، ويمكن نقدر نقضى على الصورة السلبية للمواطن المصري المطحون على كل المستويات حتى فضفضة التليفونات بيرفعوا سعرها حتى الكلام ممنوع وهنا يحضرني-حلوة يحضرني دي- كلمات المبدع نجم "كل يوم في حبك تزيد الممنوعات" وأضيف من عندي إليها.. "وتغلى الإتصالات"..
عدد التعليقات : 94
• الأهلي يداعب لقب الدوري
• في انتظار جودة
• أمام الشمس
• إضرابات العمال بين أمين العالم ودار الخدمات
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
اهو ده اللي ناقص يغلو التليفونات كمان على راي الللي قال ولا بيرحموا ولا بيسيبو رحمة ربنا تنزل والله البلد دي عايزة راجل، موت ورشوة وكوسة وفقر ومفيش فلوس
ربنا يرحمنا من الناس دي وياخدهم ويورينا فيهم اربعين يوم
موضوع حلو يا دعاء ، ياريت فعلاً محدش يستعمل التليفونات شهر !!!!
يعني هيجرى لنا إيه
والبركة × أم نبيل ، وفودافون
ممكن نكتفي بالميسدات
هههههه
بجد حرام كده همه ليه مش بيحسوا بالشعب ودفع الفواتير ده مين الى لازم يدخل ويحلها ارجو ان حد واصل ويكلمهم ويقنعهم ان كده حرام الشعب هيلاقيها من ايه ولا لايه ارحمو الناس ارحمونا ارحمونا الرجاء ان حد يتتدخل فى هذا الموضوع احنا كنا بندفع 25 كل 6 شهور دلوقتى الفتوره جتلنا 60 فى 3 شهور ليه و من فين الزياده ده كلها مش حرام بالله عليكم للدخل فى الاسعار ده استحلفكم بالله و
السلام عليكم الرحمه
ماهولو انا قاطعت غيرى مش هايقاطع لانة هو معاة فلوس والحدق يفهمها انا هاقاطع اية ولا اية ولاايةمن الاخر الحكومة عاوزة اية عاوزة تخرسنا عن الكلام فى اى حاجة وتلهينا---- مع الشركة المصريةانت دايما فلسان
ايييييييييييييييه شعبى الحبيب المهاود المطرمخ قرار دكتاتور رقم2155465774
قررنا برفع اسعار التليفونات عشان متكلموش بعض وكلها شهر واغلى الكهربا عشان كمان متشفوش بعض
واحتمال كبير احاسبكم على الهوا اللى بتتنفسوه
حسبى الله ونعم الوكيل مليون مررررررررررة
إية هو الإحساس إنعدم أوى كدة
دول 70 مليون
ربنة يدي الحكومة على أد نوياها
ويدي الشعب على أد صبرة
فعلا أنا مش شايف أي مبرر للاحتجاجات الغير مبررة دي! احنا -كاعادة- أحسن من غيرنا كتييير. مثلا في النيجر الناس مش لاقية تاكل وانتو زعلانين عشان فاتورة التليفون! وللا زماااان أيام هيركليز حصل زلزال مات في ناس كتيييير وانتو بتقولو فاتورة تليفون! وللا القنبلة الذرية على راس هيروشيما واللي خلفو هيروشيما وبتقولو فاتورة تليفون
وديني دانا حايش أمريكا عنكم يا حبة رعاع ، أنا غلطان .. بكرة هخلي أمريكا تحتلكو وابقوا اطلعو في مظاهرات عشان فاتروة التليفون يا شعب جهوول
انتو لسة شفتو حاجة! الايام اللي جايو اسوو وأسود من الجزمة اللميع
كم هي حكومتناالرشيدة غائبة عن الوعي وعن نبض الجماهير.الناس تئن وتصرخ والسيد عقيل عاوزها فاتورة شهرية..فعلا انا علي يقين ان اهتمامات الناس ومشاكلهم ليست علي اجندة الحزب الأوحد
ياجماعة اصل انتو مش عارفين حاجةواللى ميعرفش يقول قطيعة...ع الاتصالات وصحابهاالموضوع انه الناس دى عايزه تعيش وتتفسح وتروح تصيف فى شرم الشيخ وتشتى فىالاقصر واسوان وبعدين هما غلابة مش عارفين يجيبوا فلوس منين وعندهم تلت اختيارات يس كانت حكومتنا ناصحة وقدرت شعبها فاستعانت بالجمهور فيها حاجه دى؟
لك الله يا شعب مصر الكل تكالب عليك عصابات منظمه تأكل في جسد شعب منهك جريح ليس له حامي إلا الله سبحانه وتعالي عزبة ومات صاحبها والكل وقسموها كل حسب سلطته وإلي هيتكلم من الشعب بالجزمة على رأي الأستاذ وائل الإبراشي اسمعوا الكلام ولا الأمن المركزي موجود وأمن الدولة
انتم عارفين ، إحمدو ربنا إن التعليم مجاني وإن انتم عايشين في البلد شوفوا أمثالكم في الصومال وبنجلادش وأفغانستان وفلسطين إحمدوا ربنا ده شعار حكومتنا العبور للمستقبل وأي واحد هيتكلم عن أحمد عز أو ممدوح عباس أو التوريث بالجزمة البلد بلدنا وإلي مش عاجبه يشوف له بلد تانية إحنا ناقصي قرف شوية رعاع على موظفين معفننين بقولكم بالجزمه يا شعب حسالة ولمامة فرعون قبل كده إنتم عارفين عمل فيكم ايه وربنا يخلي لنا أمريكا حميانا إحنا ورجالتنا با جزم
اغرب حاجه فى الاتصالات تشترى الكارت بى 100 ج بى 117 ج والاغرب تلقى الرصيد 92 ج طب ازاى دى يااخوانا دى تبقى سرقه علنى ولا ايه ياشباب مصر دول بمصو دمكم
اغرب حاجه فى الاتصالات المصريه تشترى الكارت ابو100 ج بى 117 ج والاغرب تلقى الرصيد 92 ج طب ازاى دى يااخوانا دى تبقى سرقه علنى ولا ايه ياشباب مصر دول بمصو دمكم
هما بتوع المصرية للاتصالات مبسووووو طين كدة قوووي , مالهم المصريين بيهم,ابعدوا عنهم وقطعـــــــــــــــوهمز.
أنتو اللى جايبينه لنفسكم
حسبي اله و نعم الوكيل بصراحه انا مش لاقي كلمه محترمه او حتي غسر محترمه اعلق بيها علي الشركه دي؟ طب اقول ايه انا......... انا اتكلم ب 16 جنيه ادفع 50 جنيه؟؟؟
في شرع مين ده ده انا لو ساكن في تل ابيب هادفع ارخص
معنديش غير حسبي الله و نعم الوكيل
ابو العيال راح يلاقيها منين ولا منين دروس خصوصيه ومصارف البيت والعلاج ووووو
وبعدين مصاربف التليفونات ثابته اومحموله ومنين نجيب الصبر يهل الله يدوينا
حسبى الله عليك يا حسنى انت وحكومتك
رافئة بالشعب المصرى هيعملو فية اية اكتير من كدة اللة يكون فى عوانى الشعب