يعني إيه كلمة.. وطن!!
يقسم الوطن إلى وطنين وطن الحلم ووطن الواقع قائلا "وطن الحلم هو حدود مصانة.. أسره تعمل و تشارك.. مستقبل آمن بلا قلق، أما وطن الواقع فهو حدود مخترقة.. أسره مهانة مقموعة.. مستقبل ضبابي العلم به لا نملكه ولكن يملكه المستعمرون و الطامعون
13/07/2006
احمد بلال – ولاد البلد:
إني اخترتك يا وطني
حبا وطواعية
إني اخترتك يا وطني
سرا وعلانية
إني اخترتك يا وطني
فليتنكر لي زمني
يا وطني الرائع يا وطني
بهذه الكلمات التي كتبها الشاعر الفلسطيني محمود درويش تغنى مارسيل خليفة، وهي ليست الأغنية أو القصيدة الوحيدة في تراثنا وفننا العربي التي تتغنى للوطن أو لأمجاد الوطن، فالوطن كلمة عزيزة على قلب كل إنسان، يتغنى له الفنانون، ويتبارى السياسيون في الدفاع عنه في خطبهم السياسية، ويدفع الكثيرين من حياتهم ثمنا لحريته في سجون ومعتقلات النظام، ويدفع آخرون حياتهم كلها ثمنا لحريته فتهون دمائهم في سبيل حرية الوطن، ولكن هل سأل أحدنا نفسه من قبل.. يعني إيه كلمة وطن !!.
لكل منا تعريفه الخاص للوطن.. والذي إن دل على شيء فإنما يدل على أن لكل منا وطنه، ففي وجهة نظر البعض الوطن هو اللغة وآخرون يرونه في الحبيب أو الحبيبة وغيرهم يرونه في الأهل أو التاريخ أو الجغرافيا أو الثروة أو .. أو .. أو .. إلخ، و يختلف تعريف الوطن من شخص لآخر.. فالوطن من وجهة نظر الثائر يعرفه جيفارا في مقولته "أينما وجد الظلم فذاك هو وطني" ومن وجهة نظر الشاعر يعرفه محمود درويش قائلا "الوطن ليس صنما يعبد لذاته . و لكنه يعشق على قدر ما يعطي من كرامة وحرية وأمان".
الفقراء والغلابة
عندما طرحنا السؤال.. يعني إيه كلمة وطن؟.. كانت هذه التعريفات التي قد تتفق أو تتشارك أو تختلف مع التعريفات السابقة، محمد عبد الرؤوف الطالب في كلية الآداب بكفر الشيخ، عرف لنا الوطن قائلا "هو المكان اللي بنعيش فيه.. و أتولدنا وتربينا فيه.. يعني أنا أول ما بسمع كلمة وطن، بييجي في خيالي الفقراء والغلابة والحياة البسيطة الصورة اللي في ذهني من وأنا صغير اللي مشفتش غيرها.. اسمع خطب الرئيس جمال عبد الناصر وأنت تلاقي معنى للكلمة دي".
وطني ..ميلادي
أما صديق شلبي فيعرف لنا الوطن قائلا "مكان ولدت فيه و أنتمي إليه.. له حدود.. وشعب له لغة وعادات وتقاليد .. ودستور بينظم العلاقة بين الشعب والسلطة وقوانين يجب أن تحترم"، و هناك من يرى أن مكان الميلاد ليس وطنا بالضرورة مثل محمد شريف المعيد بكلية العلوم بجامعة طنطا فيقول عن الوطن" هو المكان الذي تشربت بعاداته وتقاليده وانتميت إليه وعشت فيه، مش شرط أكون ولدت فيه أو أحمل جنسيته"، أما محمود سمير بكارليوس تجارة فيشترط في الوطن الميلاد والنشأة والانتماء "الأرض التي ولدت بها ونشأت فيها وأنتمي إليها.. لها حدودها الطبيعية وحدود داخلية في خيالي، لم أختاره ولم يختاره لي أحد.. أجد فيه كياني وأتمنى تحقيق ذاتي وطموحاتي فيه ومن أجله.. وطني وجودي وحياتي ودمي وانتمائي".
وتستمر التعريفات المختلفة للوطن.. فيقول مجمد جمعه الطالب بكلية التربية "الوطن مكان يحس فيه الفرد بالراحة والطمأنينة والسعادة والأمان من خلال علاقاته بأفراد المجتمع أو بالسلطة.. مكان ينتمي إليه الفرد سواء أكان داخل الوطن أو خارجه"، أما هند الحريري فترسم لنا الوطن في لوحة جميلة قائلة "الوطن روح وأرض وسكن.. ريحة الهوا ولون التراب والشارع.. وملوحة العرق على جلدك والشمس "لافحاك".. و حضن حنين يضمك ساعة الألم.. و إيد "جدعه" تسندك وتوقفك تاني على حيلك لما تقع.. مكان تلاقي نفسك فيه وتحن إليه.. ويديلك وتديله".
أشجان وطن
داليا شعير.. وحديث ذو شجون عن الوطن.. أو بمعنى أدق الوطنين.. وطن الميلاد.. و وطن النشأة "الوطن يعني أنت إيه ومين وفين.. كل اللي بعمله يكون له تقديره وقيمته.. الوطن يعني إنسان بنبض قلب حي.. فيه الوفاء والإخلاص والتضحية الحقيقية لأنه بيديلنا من غير حدود زي ما بنوهب له دمنا لو بس شاور لنا".
و ترى داليا التي قضت 17 عاما من عمرها في الكويت، أنها أتعس إنسانه في الدنيا بسبب الوطن فتقول "أنا اتحرمت من حضن وطني الأصلي بدون ما يتاخد رأيي وأنا صغيرة فكبرت غريبة عنه واتحرمت من حضن وطني التاني كبيرة وبرضه غصب عني.. العيب مش في المكان ولا الأرض ولا الزمان .. لكن العيب في أيادي بتحدد فين، ازاي، امتى ومين".
وطن الحلم والواقع.. والتكية.
"الوطن يعني تكية.. كل واحد يدخلها يشفط اللي هو عايزة ويمشي" بهذه الكلمات القليلة عرف لنا محمد النجار بكارليوس هندسة الوطن من وجهة نظره، وقد يكون هذا التعريف الذي قاله محمد هو تعريف عن وطن "الواقع"، ويتفق معه في ذلك محمد حسن، مدرس، فيقسم الوطن إلى وطنين وطن الحلم ووطن الواقع قائلا "وطن الحلم هو حدود مصانة.. أسره تعمل و تشارك.. مستقبل آمن بلا قلق، أما وطن الواقع فهو حدود مخترقة.. أسره مهانة مقموعة.. مستقبل ضبابي العلم به لا نملكه ولكن يملكه المستعمرون و الطامعون".
وتتواصل التعريفات المختلفة أو المتفقة أو المتشابهة للوطن دون انقطاع.. فهناك من يرى الوطن الذي يحلم به ويتمناه، وهناك من يرى الوطن "التكية" الذي يعيشه واقعا.. وهناك يرى وطن الحلم والواقع معا.. وأنت!!.. هل سألت نفسك يوما هذا السؤال ؟. يعني إيه كلمة وطن !!!؟
استمع إلى أغنية ( يعني أيه كلمة وطن )
• حصريا لـ"ولاد البلد".. ماكسيموس: بلاش توقعني في الأمريكان
• جواب تنسيق.. بالحزب الوطني!!
"الحلوة في مشوار وصاحبها على نار"
كلام مكتوب على شباك ميكروباص، بيمشي في صفط اللبن.. وبيروح الجامعة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
كلمة وطن جاية من التوطن اى المكان الذى اعيش فيه بارضه وبناسه احن ليه لما ابعد عنه واحس ان جذورى مزروعة فيه فيه ابوية وامى وجدودى واهلى الى بحبهم ودى الصورة الجميلة الرومانسية الى بنعشها لمدة معينة
بتختلف من شخص لأخر عندى انا انتهت بعد مرحلة التعليم زى كتير من الشباب حسيت
بمعنى تانى للكلمة زى ما كنت محتاج لحنان ابوية وامى وانا صغير علشان اشوف الصورة الرومانسية للوطن محتاج لحنان الوطن علشان
يفضل انطباعى عن الكلمة زى ما هو مايتغيرش
محتاج احس بامان المستقبل محتاج احس ان ده
وطنى محتاجنى علمنى علشان افيده بعلمى
وكبرت علشان اقول الراءى الى يخليه احسن وطن فى الدنيالكن للأسف لقيت ناس تانية وخداه منى وبيقولولى ملكش حق فى الوطن ده
ملكشى انك تتكلم فيه وملكشى حتى مكانة فيه
ده وطن ملكية خاصة للبهوات والبشوات ولكل
الى يقدر يقطع منه حته ويخدها ولخوفى على الوطن مقدرتش اعمل زيهم وبعد ما راح ابوية وامى كمان ملقتليش وطن وبقيت فى
غربة فى قلب الوطن واقف مستنى كل الى زى
يقوم يرجع حقه من البهوات والبشوات الى عملوه ملكية خاصة وافسدوه وقطعوه بينهم
لازم نرجع الوطن ملكية عامة للجميع
علشان الكل يحس يعنى ايه كلمة وطنوميبقاش
وطن لناس وناس لأ علشان كده.
لا ..........لبيع الوطن
لا ..........لتوريث الوطن
من غير فلسفه...الوطن والحب..لماتحب شخض او زمن اومكان وتتعلق به روحك تروح لما تبعد عنه الوطن بيعيش فيك وبتعيش فيه..احيانا بنزهق لكن مش من الوطن ؟
اشكر الاخ اسامة جدآ وانا مثلوة صح كل كلمة بس يا خاسرة على الية فوق انا ماشيت من 30 عاممن مصر ولكن هى على طول فى قلبى لان فعلا فية كل شىحلو من ذكرايات بس وكل مدة انزل خمسة سنين او اكثر ولكن اخر مرة فعلا الوطن حلو او البلد بس حلوة لكن الانسان هو الية مش حلو واللة بكيت كثيرآ على اهل البلد الغلبة الفقراء وقلبى حزين وانظر الى الطابقة الاخرة الناس الي فوق فوق قلبى ياحزان كثر حرم حرم الظلم دة واللة رايت كذة عائلة نئامة على الارض الارض واطفال صغر والاخر ولا هنا ضرير لا يارء وهذ المنظر لم انسة ابدان وشوفت ظلم كتير من البولس وماذا يفعل امين الشرطة وانا حربت فى عام 67 و و73 علشان مين وكل اصدقاء شهداء علشان مين هذة والة الية فوق فوق وشوفت اصحاب المرسيدس وهو يضرب امراء فقيرة ماذآ اقول ,,,, اة اة اة يابلد ولكن هو وطنى ولم انسة وممكن يتغير فى يوم او فى شهر او فو سنة بعد ما اموت وانتم ايضآ مثلى ولم يتغير الظلم والفساد لان الانسان مش كويس طماع فى طماع وليس فى ايمان باللة وللعلم مش مصر بس لا لا كل البلاد العربية واللة مش انتم بس لا ولكن ما هو الحل هل هو وطن الحلم ولية وطن الواقع ؟؟؟؟؟؟ ,,, اللة معكم وهو القدر وارجو منكم قراءت الكتاب الكريم صح صح ولهم يوم قول يا رب .......يارب
وطني هو ديني..وطني هو اسلامي..وطني هو عقيدتي..بانتمى للاسلام وبتكلم بلغة الاسلام وبطريقة الاسلام واسلوب الاسلام..انتمى للاسلام وادافع عن الاسلام واحارب فى سبيل الاسلام وابيع روحي وكل ما املك فى سبيل الاسلام..ان الله اشترى من المؤمنين انفسهم واموالهم بان لهم الجنة..وطني مش مجرد ريحة عرق او حتى ريحة مسك..وطني هو رسالة عايش عشانها وهوصلها لكل اللى اقدر اوصلها له وهاحفر فى الصخر بايدي عشان اعلي رايتها للسماء فوق كل شىء..وطني اسلامي
انا بالنسبالي كلمة وطن الدنيا بحالها و لو كان بايدي لخليت كل الناس وطنها فلسطين اللي هو وطني حبيبي
اية الكلام الفارغ دة يعنى اية انا بلدى هية الاسلام صحيح ان احنا كلنا مسلمين لكن لازم يكون ولاء الانسان لبلدة اولا و لاهل بلدةثم للمناطق المحيطة ببلدة صحيح ان الدين هو اول واخر حاجة لازم الانسان يهتم بيها و المسلمين كلهم لازم يحبوا بعض ويخافوا على بعض لكن الاهتمام بالوطن دة اهم شىء
يااااااااه يا كابتن , بردو حقول كابتن عارفه المونديال خلص غتاته ...
الوطن , الوطـــــــــن , اغنيه بكار المقدمه والنهايه ...
الوطن عندي مشاهد في افلام السيما وافيهات بلوجرز ...
المشهد االاول : لمحمود المليجي في فيلم الارض وماسك فيها بايده وسنانه ومش سيبها ..
المشهد التاني : احمد السقا ومصطفي شعبان ومين اللي وسخ البلد ورما الزباله
المشهد التالت : جائنا البيان التالي وهنيدي بسال الناس اللي لسه متجوزش واللي لسه بيسلك البالعه واللي والللي
المشهد الرابع : مدبولي ورمزي وعايز حقي , وهو بيقوله انا ابني مات في 73 عشان اللي زيك يعيشوا ورمزي يرد اصل انت راجل عجووووز مش شايف البلد والفقر روح موت احسنلك , ومدبولي يقول كان فيه واحد اسمه عواد ساب البلد وبعها ولما رجع ملقاشهاش والعيال في القريه اتريقه عليه عوووووواد باع ارضه يا عيال , وينتهي المشهد وتيجي النهايه ورمزي يفتكر المشهد ويقول عووواد باع ارضه اوعي تبيع يا عووووووواد
المشهد الخامس : المعتقلين في السجون الاخوان الشرقاوي بردو عايز حقي , وغيرهم لا فض الله فاهم
باحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
وهي بردوووو
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا أم كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
وافهيات بلوجرز
" بنت من البلد دي ونفسي اشوفها فرحانه " حلوى قوي
" وطني لو شغلت بالخلدد عنه هيتسرق " جامعه حيوان
" مصر التي في خاطري و في بقي .. أحبها من كل روحي و اللي بيجري في عرقي" ورك البلد
" كلام من القلب و العقل واحيانا.المرارة" براحتي
"لعمل مركب من ورق علي المي لرخي وسلامي لاحلي وطن ..."
صبــــــــــــــارة
ركبت احد الاتوبيسات وبدا الكمسرى يقول اللى مادفعش يبعت فرد احد الركاب وقال هو فى حد من المصريين هيقولك ما دفعتش لم اتمالك نفسى وبدا بسيل من الشتائم فى البلد فما كان منى الا ان قلت له انت قاعد فيها ليه اللى مش عاجباه البلد يسيبها و يمشى اللى مش عاجبه البلد يغير جنسيته و جواز سفره و يفارقنا. يا نحبها زى ماهى يا نحاول نغير فيها بالايجابيات و ليس بالشتائم يا ريت نحاول نبنى مانهدش. الوطن فى القلب زيه زى الاب و الام مهما كان بهما من عيوب و اخطاء فعلينا نحن الاصلاح حتى نعيش. و قد امر الله الانسان بالهجرة ان لم يستطع التكيف مع وطنه. بحبك يا مصر مهما كان
" الفقر فى الوطن غربة ... و الغنى فى الغربة وطن ... لو كان الفقر رجلا لقتلته"
سيدنا على كرم الله وجهه