سلم لى على المترو!
غضب الناس بسبب ربع جنيه زيادة، مثلما غضبوا من قبل عدة مرات منذ أن كان زمن التذكرة خمسين قرشاً فقط، وقتها كانت المحطات مقسمة إلى مراحل، الآن الحكومة لم تعد تتفاوض، الكل يدفع نفس السعر
16/07/2006
مشكلة الشعب المصري للأسف أنه ينظر للأمور دائما من زاوية واحدة، تكون مادية غالباً، طالما الأمر متعلق بقرار جديد للحكومة – أي حكومة - لهذا غضب الناس وثاروا عندما علموا يوم الجمعة أن قرار رفع سعر تذكرة المترو تم تطبيقه بالفعل وأصبح ركوب قطارات المترو خط "المرج - حلوان" أو "شبرا - المنيب" بسعر واحد، هو جنيه دون أن تحدد الحكومة لأنها مرنة للغاية، هل يكون الجنيه ورق أم معدن أم الدفع ببطاقة الإئتمان.
غضب الناس بسبب ربع جنيه زيادة، مثلما غضبوا من قبل عدة مرات منذ أن كان زمن التذكرة خمسين قرشاً فقط، وقتها كانت المحطات مقسمة إلى مراحل، الآن الحكومة لم تعد تتفاوض، الكل يدفع نفس السعر، سواء ركبت من سعد زغلول إلى السادات، أو من شبرا إلى المنيب، المهم انك نزلت إلى النفق.
غضب الناس – مرة أخرى - متعلق بالربع جنيه، فالموظف الذي يستخدم المترو في الذهاب والعودة سيدفع 60 جنيهاً في الشهر، والاشتراك لن يجدي فأسعاره ارتفعت أيضاً حسب ما ذكرته صحيفة الوفد بنسبة تزيد عن الـ 33 %، وكان الاشتراك حلم الكثيرين عندما كان أسمه "أبونيه" لكن كل شئ تغير، والكل يسعى على ما يبدو ليصل إلى مستوي تاكسي العاصمة.
وكما هي عادتنا يأتي الغضب غير موجه فلا يفيد شيئاً، لسبب بسيط أن الركاب المستاءون من الربع جنيه الزيادة، عليهم أولا أن يتخذوا موقفاً حاسماً، ضد هيئة المترو التي لم تعد تقدم الخدمة التي بشرونا بها قبل 10 سنوات وأكثر عندما كان المترو في عز شبابه وكان وسيلة انتقال مميزة للطبقة المتوسطة التي وجدت أخيرا وسيلة نظيفة وسريعة ورخيصة تحميها من بهدلة الأتوبيسات، بينما كانت الطبقة الأقل تخاف المترو لعدة أسباب، أبرزها القلق من استخدام السلالم الكهربائية، ثم الخوف من الأبواب الأوتوماتيكية، والتعود على الأتوبيس الذي يمكن القفز منه في أي وقت ومكان.
الآن المترو يتعطل بالساعات، ويموت تحت أقدامه راغبي الانتحار أو المجازفين بعبور الخطوط، المترو الآن يشهد اضرابات السائقين الذين يدركون أهميتهم الأمنية فيحتجزون مئات الأرواح في النفق أو يمتنعون عن العمل لما تعرض لهم شخص مهم – قاضي أو ضابط أو وكيل نيابة - بالأذى أيا كان نوعه.
لهذا كله لم يعد المترو هو الوسيلة رقم واحد في نقل الركاب باحترام، بل لم تعد هناك وسيلة أخرى تقوم بهذا الدور، ومع ذلك يغضب الناس من الربع جنيه، ولا يهتمون بحياتهم المهددة كل ثانية تحت الأرض وفوقها.
وبالتالي وحتى يكون لنا دور ايجابي في التصدي لرفع الأسعار دون ضمان تحسن الخدمة، نوجه عناية السادة الركاب لأهمية اتخاذ التدابير اللازمة للمقاومة، لا لا، مش هنرمي الزبالة ولا نبوظ الأبواب، بل نوصي بالتكشير في وجه موظف التذاكر، صحيح هو مننا مش علينا، لكنه يمثل الجهة التي تجمع أموالنا ولا تقدم لنا شيئا، دون ان نعرف كيف لا تربح هذه المشروعات وهي تعمل ليل نهار، بعد التكشير يمكن الدعاء أمام الموظف على الهيئة وكل من سيستفيد من الربع الزيادة خصوصا لو كان مخروم، دة بعد الحصول على التذكرة طبعاً .
يمكن كذلك مقاطعة اعلانات المترو التي تستفيد الهيئة من دخلها وتسبب لنا التلوث البصري والسمعي حيث تقدم أردأ السلع في كافة الإتجاهات.
أما في حالة المشوار البسيط نوصي بتجنب ركوب المترو وتحمل الاتوبيس العادي قدر الإمكان، وإذا كان البعض يطلب منك وانت بجوار ماكينة التذاكر أن يخرج ملتصقاً بك لأن ليس معه تذكرة، لا مانع هنا من القيام بهذا الأمر بشكل متعمد بين الأصدقاء بشرط الحرص من المراقب وسلامة النية لدى القادم من الخلف.
طبعا هناك وسائل أخرى للمواجهة والاعتراض لهذا نتمنى أن تفتح عزيزي راكب المترو هذا الموضوع مع جيرانك الركاب داخل العربات لعلكم تخرجون بوسائل جديدة تقنع السادة المسئولين على العودة للحق وعدم رفع الأسعار مرة أخرى.
ولا يمكن انهاء المقال دون الإشادة بذكاء ودهاء الحكومة الخارق حيث اختارت يوم الجمعة لتطبيق الزيادة، حيث الجميع في إجازة والكل مشغول بحرب اسرائيل وحزب الله... ربنا ينتقم منهم.. اليهود طبعا!!
• أهل الفن.. نظرة فابتسامة فطلاق!!
• شيخ الأزهر.. وابن المغتصبة!!
• شرقاوي..بره الزنزانة
• كلنا شيعيون.. من أجل لبنان!!
"الحلوة في مشوار وصاحبها على نار"
كلام مكتوب على شباك ميكروباص، بيمشي في صفط اللبن.. وبيروح الجامعة
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
الجمله من اولها لاخرها الله ينور يعنى... اولا اما نرمى زباله و لا نبوظ ابواب مهو ده هيعود علينا احنا فى النهايه احنا اللى هنمشى فى الزباله و هنركب عربيات ابوابها خربانه و ممكن تعمل مصايب ، هو انت كده بتنتقم من الحكومه و لا من نفسك و لا من العيشه و اللى عيشينها و لا من مين بالظبط ؟؟؟ مهو الذكاء ده هو اللى جايبنا ورا ، ما تقول واحد يروح تعمل قنبله و يرميها قدام المترو احسن ، هيبقى الضرر اكبر!! وربنا يرحمنا جميعا
ثانيا تعالى شوف الناس بتعمل ايه فى موظف التذاكر من غير ما تتوصى : انت يا بنى ادم الفلوس دى وحشه هات غيرها يخرب بيت اللى شغلك الشغلانه دى ، و كأن الراجل جاى بالفلوس دى من بيتهم مش دى فلوس الركاب اللى من عارفين حتى يحافظوا على شويه ورق فى جيوبهم.... مثال اخر مشهور: انت مش عارف انت بتكلم مين يا ابن(....) ( ضع اى شتيمه تفضلها بين القوسين) ده انا ممكن ارميك بره الشغلانه دى يا حيوان...... ومن جهته طبعا يقوم موظف التذاكر برد التحيه بافضل منها فيشتبك مع الراكب و النتيجه هى مزيد من الخناق و البلطجه و العطله لباقى الناس المحترمه الى عاوزه تقطع تذكره بدل ما تنط من فوق البوابه او يرخموا على اى حد معاه تذكره و يدخلوا وراه و ياويل لو قلت لهم لا و كان ده حق طبيعى لهم ( ما عندك الاتوبيس يا اخى ) ، يا سيدى يا ريت كل واحد يبتدى يصلح نفسه الاول وبعد كده يبقى يدور على اصلاح شركه مترو الانفاق.
يااااااااااااااه، هو حضرتك سبت الشقة كلها وقعدت انت والاسرة في اوضة واحدة/ يا راجل سايب الموضوع كله وزعلان من جملة، ومضايق اوي من شوية اقتراحات، المقال بيقول مش هنرمي زبالة، دة على اعتبار ان محدش بيرمي اصلا، وبيقول نكشر على سبيل الاعتراض الصامت، ليه بنيجي في الهايفة ونصدر، ما هو حاجة من 2 يا اما حضرتك - من غير زعل- ليك أسهم في شركة المترو، يا اما موظف في شباك التذاكر، ممكن بقى نص تذكرة
للأسف احنا معندناش في مصر فكرة الاضراب المنظم او الاحتجاج العام اللي بتشيل وزرات برة اصلا ..
وياريت مثلا بنتكلم في احتجاج علي حاجة متخصناش .. لا .. علي حاجة هي من صميم حقنا ..
وزي ما سكتنا علي زيادة اشتراكات التليفونات .. والغاء المكالمات المجانية وزيادة اسعار الخواص وتحصيل الأشتراكات كل 3 اشهر وزيادة سعر الدقيقة وتحصيل الفواتير بأثر رجعي ..
وزي ما سكتنا علي تحصيل ايصال النظافة مع ايصال الكهرباء ..
وزي ما سكتنا علي غلاء اسعار المحمول واحتكاره .. وزي ما سكتنا علي احتكار الحديد وغلاء سعره ..وزي ما سكتنا علي ضرب فلسطين والتحرش بسوريا وغزو العراق وضرب لبنان ..
حنسكت علي الربع جنيه بتاع المترو.. يعني هيجت علي دي .. واهو علي رأي البشمهندس مدير جهاز تشغيل مترو الانفاق : ايه يعني ربع جنيه ؟؟
بس احب اتساءل ياتري فلوس التذاكر دي كلها حتروح فين ؟؟ ايه الخدمة اللي جهاز تشغيل المترو حيعملها ؟؟ ياتري حيشتري عربيات جديدة تخلي زمن التقاطر أقل ؟؟ ياتري حيركبوا تكييفات داخل القطارات تشتغل بجد بدل المراوح اللي مش بتعمل حاجة غير انها تطلع سخونة من المواتير بتاعتها ؟؟ طلباتنا بسيطة قوي وياريتها بتتنفذ ..
ويقولك اصل المترو مفيهوش موارد .. امال يعني توحيد التذكرة اللي حصل من فترة .. مش دخل ؟؟ بلاش .. المحطات بقا فيها من جوة ناس بتبيع اكسسوارات محمول وعطور وشيبسي وورد وميت الف حاجة .. الارضية دي مش بفلوس وده دخل ؟؟
بلاش .. اعلانات فودافون اللي مغرقة من برة .. ولا عصام الحضري وهو بيمسك جيرسي .. مش دخل ؟؟
اعلانات مستشفي المغربي اللي بتضلم لنا المترو زيادة ما هو ... مش دخل ؟؟؟؟؟؟؟
بلاااااااااااااااش .. الا مش المترو ده تبع الحكومة مباشرة .. مش قطاع خاص يعني .. يعني مدعوم م الدولة .. فين ال
اقرأ بقية التعليق ..
وبعدين تكشير ايه هى ناقصه تكشير ، وبعدين اصلا احنا كلنا بنيجى فى الهايفه و نتصدر كل اللى تعرف تقاطعه البيبسى و كنتاكى (قبل الانفلوانزا) و بكده تنام مرتاح البال انت ساهمت فى حل المشكله الفلسطينيه ، طب ما دى منتجات ملهاش لزوم اولا و ليها بدائل كثيره ثانيا ،ومش هتاثر على اقتصاد امريكا ولا حتى اقتصاد كفر البطيخ. لكن تيجى تقول نقاطع حاجه مؤثره كله بيقول ياللا نفسى..مثال بسيط بعد ما اتشتم الشعب المصرى كله لو عندك دش و اشتراك ترضى تضحى بيهم فى سبيل مقاطعه الاى ار تى تضامنا مع شعب بلدك انت ؟؟؟؟؟؟؟؟؟