قولي لماذا.. أخدت أجازة؟
والأمثلة كثيرة،.. لكن "ولاد البلد" فكروا إنهم يقدموا لك خارطة طريقة الأجازات في مصر، بحيث تكون مطمن وأنت رايح أي مشوار..
24/03/2006
محمد قرنة – ولاد البلد:
"وإنت يا هذا قولي لماذا أخدت أجازة"..
طبعا أكيد تعرف هذا المقطع من أغنية سعاد حسني في فيلم الزواج على الطريقة الحديثة، وهو طبعا السؤال الذي لم يستطع أي واحد من أصدقاءها الإجابة عنه.. لماذا أخدت أجازة..
ورغم إن السؤال كان عن الأجازة الصيفية، إلا أنه يتكرر مرة أخرى مع كل أجازات مصر.. لأننا اكتشفنا أنها غريبة جدا.. واحتمال كبير يكون ملهاش أي لازمة..
مثلا تكون عامل حسابك على غدوة في مطعم محترم، وتجهز نفسك وتعزم خطيبتك وتحضر فلوسك وتركب تاكسي العاصمة لحد المطعم، وهناك تكتشف إن المطعم مغلق، ليه.. لإنه أجازة يوم الثلاثاء.. طيب بذمتك.. حد ياخد أجازة يوم الثلاثاء..
والأمثلة كثيرة،.. لكن "ولاد البلد" فكروا إنهم يقدموا لك خارطة طريقة الأجازات في مصر، بحيث تكون مطمن وأنت رايح أي مشوار..
بعيدا عن يومي الجمعة والسبت اللذان أصبحا مؤخرا من الأجازات العامة في البلد، يتبقى لدينا 5 أيام أخرى نحاول أن نتعرف على نوعية الحرف والمؤسسات التي تتخذ من إحدى هذه الأيام أجازة لها، لعل وعسى نقلل من كمية استنشاق العادم في مشاوير بلا طائل..
الأحد:
هو يوم الأجازة الأسبوعية للمهن الحرفية الصغيرة، الميكانيكية والحدادين والخياطين (الترزية ) ... إلى آخره، لهذا قد تسمع في المسرح عندما يكون الجمهور أقل من المستوى أو يكون داخلا إما للضحك فقط أو للإثارة "جمهور سبت" (الليلة السابقة للأجازة)...
كما أنه يوم الأجازة لدى مدارس الراهبات أمثال سان جوزيف وسانت فاتيما، وكانت أغلب المحلات في وسط البلد تغلق أبوابها يوم الأحد من كل أسبوع وإن قل ذلك الآن كثيرا نتيجة لحالة الكساد المسيطرة على البلد.
الإثنين:
اشتهر يوم الإثنين على طول البلاد وعرضها بأنه اليوم الخاص بالحلاقين، مالا يعرفه الكثيرون أنه يوم خاص بوزارة الثقافة أيضا! فحاذر عزيزي الذهاب إلى أحد المتاحف التابعة لوزارة الثقافة مثل الجزيرة، محمد ناجي، محمود مختار، محمود خليل وحرمه، الفن المصري الحديث، بيت الأمة، مصطفى كامل، طه حسين..
يوم الإثنين، أيضا الأجازة الأسبوعية لمسرح "الهناجر" حيث تعرض مسرحية "البلكونة" بطولة نهى العمروسي، و"الغد" حيث تعرض مسرحية "رجل القلعة" بطولة توفيق عبد الحميد.
الثلاثاء:
هو يوم العطلة الإسبوعية لمكتبة مبارك العامة الموجودة في الجيزة، وهو أيضا يوم عطلة مسرح السلام في شارع القصر العيني والذي تعرض حاليا على خشبته مسرحية "الناس النُص نُص" بطولة أحمد راتب، أيضا مسرح الطيعة يأخذ يوم الثلاثاء من كل إسبوع عطلة له..
الأربعاء:
أما الأربعاء فهو يوم تغيير الأفلام في السينمات المختلفة، خاصة الأفلام الأجنبية، في حين تغير بعض السينمات الأفلام العربية يوم الاثنين، وهو أيضا أجازة المسرح القومي حيث تعرض مسرحية "الأميرة والصعلوك" بطولة نور الشريف ومنال سلامة على مسرح جورج أبيض..
الخميس:
الخميس تستطيع الخروج فيه دون خوف، فلأنه (صابح يومين أجازة).. ولأنه أيضا يوم مفترج كدة! فبإذن الله ستقضى حاجتك التي خرجت من أجلها..
لكن إذا كنت تتعامل مع وزارات أو هيئات حكومية، في هذه الحالة لا أضمن لك أي شيء، ولأن يوم الخميس هو يوم مفترج كما أسلفنا، فهناك عدد من المسارح تظل مغلقة أبوابها طوال الإسبوع ولا تفتحها إلا يوم الخميس، منها مسرح "نجيب الريحاني" حيث تعرض مسرحية سمير غانم وشعبان عبد الرحيم "دو ري مي فاصوليا"، ومسرح "فيصل ندا" حيث تعرض مسرحية "إن كبر ابنك ".
أيضا يعمل مسرح "الفن" حيث تعرض مسرحية " برهومة وكلاه البرومة " يومى الخميس والجمعة فقط، ومثله مسرح "نجم"
وهكذا ينتهي الإسبوع بنتيجة أن اليوم الوحيد الآمن للخروج فيه هو يوم الخميس، أما بقية الأيام فعلى المقيمين خارج حدود المكان مراعاة فروق الإجازات !
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
في مصر كنت با خد الاحد اجازه مش عشان اروح الكنسيه لاه اصل الشوراع بتبقي فاضيه ومفيش بشر
نقعد انا وبنت عمي في الشوراع وشراء الايس كريم من "عبدو" اقصد عبد فتاح مروزق" واللي يرزقه يرزقنا
دلوقتي بقي يا بشر طلع عيني في السبت ولاحد بالدات
والجمعه تاكل كلب بدمعه " واحده صاحبتي كانت بتقوليهالي "
الخميس تاكل فار بخانفيس "يع "
الناس خبتها السبت والاحد وانا خبتي ماوردت علي حد
بالحق هو النهارده ايه ؟؟
ازيك يا هبهوب انا سبقتك قبل كده في التعليق على كبشة موضوعات بس الظاهر انك بتصحي بدري اليومين دول تعلقي و تمشي
خليكي قاعده يا شيخه ممكن حد يعلق على شاي و لا حاجة و يبقا ليكي نصيب في كوبايه
اما عن الاجازة فيعني ايه اجازة ؟؟؟
من ساة ما خلصت دراسة و اشتغلت مخدش اجازة ( هو بصراحه كله بتمنه ) بس انا ايه مكنه
يا ريت تغيروا الموضوع ده و صورة المركب دي
عشان انا خلاص شكلي هقدم على اجازة اسبوع اروح دمياط اخدلي فلوكه و سنارة و اعيش مع نفسي و مع السمك الاسبوع الجاي ده
و سلام يا منطقه
على رأي الشاعر سبت وحد واتنين وتلات واربع وخميس والجمعة اجازة
هييييييييه دنيا !!
و الله عندك حق يا اكرم حتى لما خلصنا و اشتغلنا مش لاقيين يوم راحه لا و المجستير طلعلنا ف البخت
المهمشكلى انا كمان هقوم بانقلاب و اروح راس البر و اضربها طناش
هبهوب انهرداالسبت
انا بحب الاجازة عشان الاسترخاء لاني عادة مش بحب الصخب
بس مفيش مانع قعدة مناقشه سخنة مع واحد ماركسي نطلع عين بعض
او جلسة هلس وضحك بسبب ومن غير سبب
الاجازة حلوة بس البطاله وحشه
والله الايام بقت شبه بعض..لانو ايام الاسبوع كلها روتين والاجازه بتجي وبتخلص قبل ما تستمتع بيها..بس حقيقةً هي بتخلي الواحد يرجع لدوامه وشغلو وهو مرتاح شويه...الله يعيييين دنيا!!!!!!!!!!!ما دايم فيها الا الله.
لية اجازه اذا كان احنا مخلصين دراسة بقالنا اربع سنين ووخدين اجازة من ساعتها وفى قبلنا مخلصين من عشر سنين وفى اجازه مفتوحه . وبعدين انا شايفة ان موظفين الحكومة بيدوهم اجازة السبت طب لية هما اصلا كدا كدا فى اجازة نوم فى الشغل والبيت
بجد البلد دى الواحد قرف منها خاااااااالص والله الواحد بيقول الكلام دا وقلبة بتقطع كان نفسى بلدى تكون احسن من كده
حسبى الله ونعم الوكيل فى اللى كان السبب
انا النهاردة بس دخلت السايت ده صدفة وعجبني كلامكو وقولت اكتب هنا هو الكلام عليه جمرك
عايزة اقولكو يا بختكو بجد في حياتكو . كل دي ايام فاضية وخروجات وفسح. انا صحيح لسه في سنة تانية جامعة وعندي نص الاسبوع وقت فاضي بس المشكلة هروح فين؟
اصل غزة دي نسخة عن كوكب المريخ متلقاش فيها غير البيوت والشوارع اما بقية مستلزمات الحضارة بعتنا نجيبها من الدول المانحة بس طبعا نصها صادرته اسرائيل لدواعي امنية والنص التاني حولته السلطة على بنوك سويسرا واذا تبقى بقية باقية تروح للحرامية الصغيرة وكلاب الاسياد . بس ان شاء الله في 2020 القادم ممكن تحصل مفاوضات لاقامة دار سينما او احتفال بيوم الارض او حتى يعملولناجنينة صغيرة يطلعونا نشم هوا فيها كل شهر ( طبعا حسب حسن السير والسلوك)
وعلى رأي محمد منير " طفي النور يا بهية كل العسكر حرامية"
والله مش كل أجازة حلوة إلا لما يكون ليها معنى بجد يعنني تخرج مع صحابك ولا مع العيلة ولا مع مين؟؟؟
مين فضللك؟؟
طيب إزا خرجت هروح فين ؟؟ والفلوس إل معايا هتكفي ؟؟
الأجازة مش كل حاجة أنا عندي أدي الفقير ربع جنية وشوف الإبتسامة على وشو تكون أحلى أجازة؟؟
أشوف واحد بيشرب سجاير أألو أي حاجة ياوم رميهه تكو أروع أجازة ؟
يا جماعة الفسحو والخروج بيروحو عن النفس معنديش مانع بس إنك تعد على النيل وتبص للأمر نص الليل وتفكر في حالك وحال ناسك وبلدك فدي أحلى أجازة .......هيه آه كتيرة وتملا خزانات بس لازم تفكر في غيرك مش في نفسك بس علشان تعيش ؟؟
وأنا شعاري في الحياة ......طنش ، هوي،إديلو صبونة ، أو زحلأ بكبشة ملوخية ......
لازم متملاش ألبك وتكتم علية فضفض لغيرك هتحس بالراحة وتعيش مرتاح