تيجي نلعب.. موديلز؟
والنموذج هو فكرة محاكاة جميلة أو غير جميلة (ده يرجع لرأيك) تقدمها الجامعة الأمريكية وكلية سياسة واقتصاد جامعة القاهرة وغيرهم من الجامعات.
24/03/2006
مي كامل ـ ولاد البلد:
بروتوكولات سياسية.. حلقات نقاش.. الكاونسل council.. نقطة اعتراض.. و مصطلحات أخرى ستقابلها وتضطر لتناولها إذا اشتركت في النموذج.
والنموذج هو فكرة محاكاة جميلة أو غير جميلة (ده يرجع لرأيك) تقدمها الجامعة الأمريكية وكلية سياسة واقتصاد جامعة القاهرة وغيرهم من الجامعات.
لم تتضح الصورة بعد؟! ..
باختصار نتحدث عن فرصة متوافرة الآن في الجامعات المصرية، ويمكنك من خلالها أن تصبح عضو بمجلس الأمن وغيره من المنظمات الدولية، كما يسمح لك بالتحول من مجرد شخص إلى دولة كاملة وذلك في مؤتمر عاجل لجامعة الدول العربية.
فبمرور الأعوام اكتسبت هذه النماذج شهرة واسعة، وأصبح هناك منافسة عالية، وداخلها نشأت خلافات اشد وأعنف كلمات القذافى.. وأطلق أحدهم قرار أكثر رعونة وقوة من قرارات السيد جورج بوش مجتمعة.. اقرأ معنا لتعرف المزيد عن النماذج السياسية، واكتسب خبرة.
.. ولكن وقبل أن تأخذك الأحلام تذكر دائماً أن كل هذا بصورة افتراضية.. ولا يمكنك التحرك بهذا الكارنيه خارج الأسوار الجامعية...
موديلز أمريكانلى
تقدم الجماعة الأمريكية ثلاثة نماذج دائمة على مدار العام لتلبيه اهتمامات الطلبة، أولها يدعى الـ CIMAL وكلمة السايمل هي اختصار لـCairo International Model Arab League اى نموذج جامعة الدول العربية.
وهذا المجلس يقام على غرار جامعة الدول العربية الحقيقة، وفي الجلسة الافتتاحية للنموذج يحضر الأمين العام لجامعة الدول العربية (عمرو موسى حالياً) كضيف شرف ويقدم كلمة افتتاحيه للنموذج، واهم أسباب تميزه أن الدورة الأولى منه جاءت للنظر والتحليل واتخاذ قرارات دون تهويل في حرب الخليج مرة عام.
يختص السايمل بكل الشئون العربية ويعمل على تطوير الاهتمامات السياسية لدى المشاركين، يقول أحد المشاركين بصفة دائمة في المجلس أعتقد أن الفائدة من السايمل تكمن في بحث مدى إمكانية تطوير الجامعة العربية وتعويض الشباب عن عدم المشاركة الفعلية في مؤتمرات القمة العربية، والتي في الأغلب لا نرضى عن أدائها.
فنحن نتوصل إلى حلول ترضينا نحن الشباب ولكن ما يحبطنا أن تلك الحلول من الصعب تنفيذها على أرض الواقع فكلنا نعرف أنه يجب إزالة الخلافات بين سوريا ولبنان ولكن كيف ذلك وكل منهم تعاند الأخرى.
النموذج الثاني وهو الـ CIMUN أو السايمن وهو اختصار لـ Cairo International Model united nations أى مجلس الأمم المتحدة وقد أقيم لأول مرة في، الثالث هو Model Egyptian Parliament (MEP) وهو نموذج من النوع الثقيل لأنه يحاكى مجلس الشعب المصري (تصور بقي)، وبدا تنفيذه مع بشائر الفكر الجديد في 2004.
ولا يخلو الأمر من نماذج مثيرة للغم مثل مجلس الشؤون الإسرائيلية ويهتم بدراسة أحوال إسرائيل والسياسة الإسرائيلية وكأنك تحيى داخلها بأحزابها وبرلمانها.. وإرهابها وعدم شرعيتها.
تخضع كل تلك النماذج لإشراف كلية اقتصاد وعلوم سياسية بالجامعة الأمريكية، أما المشتركين فهم تشكيلة عجيبة من كافة الجامعات والكليات.
خبر هام .. تقدم الجامعة الأمريكية النماذج السياسية المتعددة نظير أجر رمزي هو 100 جنيه (ده كل اللي هتدفعه) بالإضافة إلى شنط ملياانة كتب.. إبسط ياعم.
ولكن هناك بعض المشاركين أفضوا لنا بسر وهو أن النماذج الأمريكية تتحول نهايةً إلى نوع من الإدمان.. (تفتكروا ليه؟).
شغل محلاوى
أما بقى .. في كلية اقتصاد وعلوم سياسية بجامعة القاهرة فيمكن أن نقول أنها تشبه الجامعة الأمريكية في كل شيء تقريبا ما عدا (التمويل).
ومجالس كلية اقتصاد وعلوم سياسية جامعة القاهرة متعددة أبرزها MAC وهو نموذج الكونجرس الأمريكي،وهناك نموذج للأمم المتحدة ونموذج جامعة الدول العربية ومجلس الشعب المصري ومجلس الإتحاد الأوروبي.
أحدث ما بدعه الطلبة من مجالس هو اجتماع منظمة المؤتمر الإسلامي وذلك عقب أزمة الرسوم المعروفة، وفى محاولة لقول بأن في بلدنا اقتصاد (قال يعنى فيها سياسة) بدأت الكلية في تنفيذ نموذج البورصة المصرية.
حاجة كده
بعيدأً عن التمويل والإدمان، أجمع أغلب المشاركين أن الهدف الأول كان دائماً "حب التجربة".
وأنت.. جربت ولا هتحب ولا ملكش في هذه التجربة؟
عدد التعليقات : 25
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
والله الفكرة حيويه جدا تعالوا نعملها مع بعض والله بتكلم بجد واحنا مش اقل من اللي عملوها بس احنا بقا نعمل مجمع البحوث الاسلاميه او جامعة الدول العربيه ونضمله ناس من برة
يعني مثلا اكرم يدي جدا على محمد صبحي (فنان ومثقف) ده اهملنا في ميوله البن لادنيه
ودبدوب يدي على خالد يوسف
اما هبهوب تدي علي شاهيناز النجار عضو مجلس الشعب(دائرة المنيل)
اما نيفين تدي على د.زينب رضوان عضو مجلس الشعب بردو(معينه من الريس)
اما البنت اللي بتشجع فادي فدي تمثل ايناس الدغيدي
حد بقا يقلول انا ادي على مين.
فكروا كده وعايزين نعمل الموضوع ده
نسيت sweet_princess
ممكن نعتبرها الكاتبه نعم الباز
وعابر القارات ممكن نعتبره الشيخ سيد البدري
وانا وانا وانا...ماليش نصيب في الموضوع ده واللا اييه?
كده يا اخ عبدالله تفتكر الكل حتى اللي بتشجع فادي و انا لا..مقبولة منك يا عم
عموما انت مادام بدات في التشكيل كده يبقى مفيش غير اننا نعتبرك فتحي سرور ...ياللا يا عم الف مبروك فيها بتاع عشر سنين مش هتتحتح من مكانك..او عشر سنين سجن.انت و نصيبك
سوسه انتي في التشكيل الاساسي ومتهيالي ممكن تكوني د/ماجي الحلواني
اولا يا بشر اللي يمسك علاقات الشرق بالغرب
" دبدوب "
اللي يمسك القواعد النحويه ولاملايه للحزب
"مفتاح "
اللي يمسك "طاحونه " الحزب كرمله
اللي يمسك علاقات الحزب " البت سويت " عشان راغيه
اللي تمسك قسم المخبوزات " سوسه المفروسه " عشان عقده النقص للي عندها
" فسم الموده والمصالحه " البت نفين
"عابر القارات " لما يبقي يستقر في قاره ابقي احدد
يا حزب اهبل بكره الاجتماع الساعه " فاي "
عند عزبه النخل " اوعي البلح "
مادمت انا خالد يوسف
يبقي عبد الله مفتاح ينفع يكون محمد حسين يعقوب او ابو اسحق الحويني (شيخ سلفي لدرجة تبا لك) واهي فرصة يا عم تزعق لك شوية وتقول علي كل الناس يساريين براحتك وتحرم لك حاجتين تلاتة (ماتنساش تحرم الفول لانه بيتعب لي بطني مع اني باحبه)
اكرم باه ينفع فعلا محمد صبحي ده حتي رفيع زيه
هبهوب تنفع تكون اقبال بركة
قبل ما اخلص كلامي احب اقولكم اني حاولت العب كورة يوم الجمعة وفششششششششلت
ااااااااااااااااااااااااه
س ل ا م
Dabdoob
سا
دبدوب مفيش فايده فيك انا مش كلمتك كتير على المسنجر وحاولت اقنعك مفيش فايده يا قلبي.
يا سيدي الفاضل انت بتقول (فرص تحرم لك) زي ميكون الشيخ اللي بيحرم حاجه بيرمها من دماغه او بمزاجه من غير ميكون عنده سبب للتحريم.
وبعدين محمد حسين يعقوب بيزعق اه بس دمه خفيف وابو اسحق الحويني مش بيزعق الا قليل اوي
وابو اسحق بقا ايك تقول عليه حاجه لانه من اكبر علماء الحديث اللي في العالم
وبعدين يا سيدي الفاضل ان الشيخ يكون بيزعق دي مش ازمه ولا مصيبه ولا حاجه تؤخذ عليه ونعتبرها سلبيه كبير لدرجه اننا نقول نسمع لاي حد الا اللي بيزعقو
هقلك بقا على حاجه لازم تكون عارفها قبل ما تتريق على الشيوخ اللي بيزعقوا
النبي صلى الله عليه وسلم لما كان بيخطب كانت تحمر وجنتاه
لازم يا حبيبي دبدوب متقلش كلام اليساريين قبل ما تعرف صح ولا غلط
وبحبك يا دبدوب
يا بني ارحمني من حكاية اليساريين دي
انت عليك عفريت اسمه شمال
انا مش يساري (لاني بالعب باليمين)
والرسول كان بيخطب كده لان طريقة الخطابة كانت ساعتها كده ليه بيزعقوا دلوقتي
انا ضد الصراخ والزعيق عموما سواء كان اللي بيزعق شيخ او شرم الشيخ
اما اسحق الحويني ومحمد حسين يعقوب فهم علي عيني وراسي وعلمهم لا شك فيه لكنهم للاسف يودون لو يطلبون منا ان نرجع الي البادية لان الرسول كان يعيش فيها!!!!
اما بالنسبة لموضوع التحريم فانا قلت لك برضه انهم بيدوروا علي الشبهات مش بيتجنبوها وانا اعرف واحد كان محرم المحشي لان (لا مؤاخذه يعني ) كان فيه ايحاءات وحشة!!!!!!!!!
والناس اللي قالت علي الاسلام اشتراكي مثلا كان عندها ادلة برضه من الدين !!!!
الموضوع موضوع تفسير وفهم مش موضوع مزايده
و
و
و....سلام
Dabdoob
تعرفوا ليه حزب الغد فشل ؟؟؟
لان ايمن نور كان عايز يعمل حزب و خلاص جمعلوه حبة يساريين على حبة ناصريين على حبة ليبراليين على اسلاميين على شوية مثقفين و سطيين يعني عمل مقلوبة
قامت مقلوبة فوق دماغه
اما انا بقا فاحب العب كورة ( شراب )
حارس المرمى : واحد معدي ( واحد تاني )
الليبرو : مصري
خط الظهرمن اليمين للشمال
كرميلينو ونج يمين
دبدوب ونج شمال ( يساري بقا )
عبد الله مفتاح مساك ( الله يكون في عون المهاجم اللي هيمسكه )
عابر القارات مساك
خط النص بقا كله جنس لطيف
هبهوب نص يمين
نيفين نص شمال
سويت برنسس صانع العاب
المهاجمين او الفراوده
سوسه المفروسه
مينا ( عشان الوحدة الوطنيه )
الاحتياطيين : كل اللي نسيت اسمائهم
و الوداع
ايه رايكن نرزح الحفله ايها التنكريه
ولون انا مش حابه اكون " اقبال بركه "
بس ممكن نغيرها
اول ما اخش الحقله تقولوا " اقبال "
وانا اقول " بركه يا جامع "
وبكدا اكون خلصت منها اوف
دبدوب يمسك الكره وكل اللي يتخانق معاه
يقوله " مفيش فايده ويبقي كدا هو " الفايده "
اشفكوا هناك يا بشر
واللي عايز يلبسني حاجه تاني يقول " الاكسسورات عليه "
انا فعلا مشترك فى هذة النماذج وياريت تشاركونا لانها مفيدة جدا وتزيد من الوعى السياسى للشباب
moi wissal de kénitra j'étudiante dans l'école de ouad adahabe