تحب تكتب عن الريس؟!
لو فكرت تكتب كتاب عن الرئيس حسنى مبارك هتختار تكتب عن ايه؟..
احتارت دار النشر كثيراً .. وأعلنت أخيراً .. أن الدولة الصينية تستعد الآن لإصدار كتاب يحكى السيرة الذاتية للسيد الرئيس (بتاعنا ).. وباللغة الصينية طبعاً.
السيد ابن ال .. نيل
وا
26/03/2006
هايدى إبراهيم ـ ولاد البلد
لو فكرت تكتب كتاب عن الرئيس حسنى مبارك هتختار تكتب عن ايه؟..
احتارت دار النشر كثيراً .. وأعلنت أخيراً .. أن الدولة الصينية تستعد الآن لإصدار كتاب يحكى السيرة الذاتية للسيد الرئيس (بتاعنا ).. وباللغة الصينية طبعاً.
السيد ابن ال .. نيل
والسيرة الذاتية للرئيس تعنى (كما جاء في الإعلان المنشور بجريدة الأهرام) الإنجازات المباركة العديدة علي الصعيدين المدني والعسكري منذ توليه مهام الرئاسة.
وقد كلفت الصين بالفعل جمعية الصداقة الصينية العربية – أيوة فيه جمعية اسمها كده- و السفير شي يان تشون الذي عمل سفيراً للصين في العديد من الدول العربية بإعداد هذا الكتاب أملاً في الانتهاء منه ومراجعته من قبل المستشار الإعلامي المصري مروان رحال تمهيداً لطباعته ونشره قبل حلول الذكري الخمسين للتاريخ الرسمي لإقامة العلاقات الدبلوماسية بين البلدين في اليوم الثلاثين من مايو القادم.
وقد اختار السفير شي عنواناً أولياً للكتاب هو "مبارك...ابن النيل" ويتكون من 12فصلاً.
ماذا أكتب .. ماذا أقول
كان هذا هو موجز الخبر، وإليك الآن ما أثاره فينا من أسئلة وجودية ...
أولا: ما هو شعورك عندما يتصل بك المستشار مروان رحال ويقولك .. احنا اخترناك لكتابة الفصل الـ 12 من كتاب "ابن النيل" و(بمنتهى الحرية مع وعد بعدم الحذف) .. يا ترى هترد تقول ايه.
انتهى السؤال .. نصيحة أوعى تعتذر وأنت عارف ليه!! ، طبعاً لازم ترحب، بس المشكلة بعد ما تقفل سماعة التليفون ممكن تكتب تقول ايه.
وتأكد أنهم لن يتركوا لك مجالا للحيرة، فبعد الموافقة ستتبرع وزراة الإعلام بكل موظفيها لمساعدتك على الوصول لروح الكتابة المناسبة، كما سيمدونك ( مش نقصد هيضربوك ولكن هيدوك) بكل ما تحتاج إليه من بيانات تتكلم عن نزاهة انتخابات الرئاسة و مجلس الشعب.
وسيحكي لك أديب إعلامي عن دور الرئيس في الحفاظ على كرامة وحياة الإنسان المصري، اكتب عن العيشة المرفهة اللى احنا عايشينها، اكتب عن التعليم ..الصحة ..عن الحرية اللى احنا عمالين نتنفسها، ممكن كمان تكتب عن الحزب الوطنى اللى حكمنا بقاله ما يقرب من ربع قرن ، بس طبعاً فى الآخر لازم تشكر الرئيس إنه قادر يحكمنا كل الفترة ديه من غير ما ياخد أجازة إلا 3 شهور بس وتشكر كمان الصين عشان هتعمل الكتاب.
أما أهم ملاحظة سيتحفك بها السيد السفير أنك هتكتب بدون مقابل لأنه طبعا يكفيك فخراً الكتابة عن الرئيس، ثانياً الرئيس مش مخلينا محتاجين أى حاجة.
ثانياُ: كيف سيتم الإعلان عن هذا الكتاب عندما ينزل للأسواق، ولو حصل هيبقى ازاى؟.
في رأى بيقول أن الكتاب ده استحالة تلاقيه معروض للبيع، رأى تانى وضع الصيغة التالية للإعلان ..
"ابن النيل .. كتاب جديد حالياً بالأسواق بادر بحجز نسختك من الآن حفاظاً على هويتك، وانتهز الفرصة وأثبت كل ما يجيش به صدرك من مشاعر ولاء".
ثالثاً: تفتكر لو كنت من بلد أخرى غير مصر وطلب منك أن تختار أي رئيس من أي دولة ثانية برضه غير مصر .. يا ترى هتكتب عن مين؟
الخبر مفتوح، ويقبل أي إضافات.
عدد التعليقات : 17
• فاكر 11 سبتمبر؟
• من جاور السجين يُسجن ...
• جاري عنده تمساح!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حأقول حبيب قلبىىىىىىى
تعالالى يا ريس
بصى يا ست الكل أنا هأقول ببساطه حاجتين أول حاجه إن من ساعة الثورة الميمونه و اللى عمرها يزيد عن 54 سنة نصفهم عكها إثنين واحد إسمه عبد الناصر و التنى السادات أما الثالث فده عكها عك يفوق ما حققه سابقيه لأنه ببساطه قعد و رنخ و فخد حوالى نصف عمر الثورة اللى الهى يتقصف عمر اللى قاموا بيها و من سار على دربهم يا قادر يا كريم فأنا طبعا ما عشتش من أول الثورة الميمونة لما قامت بس أنا مش محتاج أعيش من أولها لأنى شايف أخرها و الحمد لله و أخرها طبعا و إنتم سيد العارفين التى: إذلال كرامة المصريين-سيادة قانون الطوارئ و لا غير سواه-فساد نخر فى عضم النظام و السلطه حتى نخاع النخاع و بتبجح- الانسان المصرى الغلبان ديته سمكة فك مفترس فى وسط البحر- بيع الاصول الثابته اللى الشعب بياكل منها عيش بحجه توفير السيوله بدل ما يبدوأ بالتنمية للموارد المتاحة بيبيعوا الشعب هدومه زى بالظبط العواطلى اللى بيبيع لا مؤاخذه ملابسه الداخليه و الناس تشوف عدم المؤاخذه عورته و بيقول ده أفضلى من الشغل و البهدله جاتكم سيوله فى دمكم يا بعده - الوزارة الوحيد الى شهدت إزدهار مطرد و مشجع و يفخر بيه كل مصرى هى وزارة الداخلية و ذلك لأنها بتقول بدور الفنان الشامل فمشكلة سياسية تلاقى الوزارة متواجده بقوة و هاتك يا طيخ و طيخ و تكسير عضم و قتل زى ما حصل فى الانتخابات من تشجيع البلطجية .. كارثة إجتماعية زى بتاعة العبارة تلاقى الوزارة متواجده بنفس القوة و الامن المركزى بيعزق فى أسر الضحايا كأنه أول بينفض سجادة - أما فساد العائلة و الاصدقاء و المحاسيب فحدث و لا حرج - أما الفقر المدقع و اللى خلا الحكومة نفسها تعترف بإن 16 مليون تحت خط الفقر و اللى أقطع دراعى و من اللى بشوفه كل يوم فى الشوارع و الحوارى بتوعنا أن الخط ده كبس على الاقل
اقرأ بقية التعليق ..
يمهشتكنا وماشتكناوماشطنا يا ريس
على رأي جدتي واحد اكلنا المش و واحد علمنا الغش و واحد لا بيهش و لا بينش
ده رأي جدتي ( غير المتعلمة في مدارس ) عن الحقبة التاريخية التي عاشتها مصر ( و ستظل تعيشها ) مادام الاحوال هيا هيا
و على رأي منير في رائعته ساح يا بداح شريط قلب الوطن مجروح
طول العمر العسكر عسكر
بس الناس
الناس كانت ناس
الحمد لله عيشين فى رفهايه مطلقه ...
الفلووووس كتير اوى ...
المواصلات فاضيه جدا ....
الشباب بيجوز عند 40 سنه بس .....
الناس كلها شغاله وبتقبض على قلبها ...
متسيبوا الراجل فى حاله..
دا الراجل يا عين امه ... مجوز ابنه لغايه دلوقتى ....علشان هم مفيفكرش غير فى شعبه ....
ولا انتوا والله شعب ميستحق.....
لا بقولكواهو الا حماي مش كفايه جوزتوني ليه بالعافيه
وقبلت مش عايزه اقولكم ابنوه مجنني قد ايه روح ياشيخ
الهي وانت جاهي تتفسح انت وحماتي اللي تشل في عباره
نضيفه كدا وتقع بيكوا
ياباي انا حلحقها منك ولا من ابنك اوووووف
انا عايزه اطلق "وكل مصر" منك يااخي
mona_mohamad10@yahoo.com
RAIS.KOUAD
اكتر حاجه بتعجبتى فيه فعلا انه بجح بجاحه
ريسنا المعتق رئيس من الطراز الأول فى كل شيء ..بداية من التصاقه المرضى فى كرسى الرآسة..ومرورا بالفسادوالأستبداد والقمع والقهر والسرقة..والأقتصاد الذى يلفظ
أنفاسه الأخيرة..وتحويل مصر من دولة منتجة ومصدره الى دولة مستهلكة ومستوردة وانهيار مؤسسات الدولة من السرقة والفساد ..وافساد التعليم بجعله تحت هيمنه شلة الجهله من أقاربه والمقربين اليه..البطاله ..عدد أصحاب الملايين ..وعدد أصحاب الملاليم ...تزييف الانتخابات للبقاء فى الحكم حتى النفس الأخير ..التطاول على القضاة شرفاء مصر..كل هذا يسجل فيه أرقام قياسية تؤهله للتسجيل فى موسوعة جينيس.. ..25عاما وهو يسير بخطى واثقة وثابته..لأمتصاص آخر نقطه من دم الشعب المصرى...تحت حماية قانون الطوارىء...وكلاب الشرطةمن أعوانه...لا أعرف رئيس دوله نجح هذا النجاح الباهر طوال هذه المده فى هذا العصر..انه فى حالة حرب مع شعبه..وفى حالة تحدى مع الزمن..ممايجعله مثيرا للشفقة والضحك والاشمئزاز..78عاما ولا نرى ولو شعرة واحدة بيضاء ..أو بوادر للصلع فى رأسه العبقرى ..العجوز المتصابى يذكرنى بالممثلات المتصابيات وحتى هن لهن العذر لأن رأس مالهن التمثيل ..فما عذر هذا القبيح ( ولا أقصد الخلقة ولكن الخلق) ماعذره .. فى أن يصرف مال الشعب أيضا على ترميم شكله ومظهره ..المانيا من أجل عظامه وسمعه.. أسبانيا من أجل نظره..وفرنسا من أجل دمه وأحشائه..هل مرتب رئيس جمهورية شريف يكفى لكل ذلك .. والله لا يكفى لطاقم make up من اللىبيحطه على وجهه كل يوم وباين زى الشمس ..عشان يحاول يظهر بيه.. ومحاولات التصابى وال new look ..وعدم لبس الكرافه ..ومن ورائه شله الفسده الوزراء يقلدوه لأن معظمهم عمره الأفتراضى خلص والباقى أنتهى تاريخ صلا حيته والأصغر منهم يحلم بالبقاء حتى الموت..فعلا انهم
اقرأ بقية التعليق ..
علشان انت بتحب مصر نقف ونقول انك ابن مصر ياولاد البلد مشوفتوش الشعب قال ايه
لزعيم البلد تاريخك يشرف شعب هذا البلد
بدله ميرى وطيران وعبور وسياسه وقتصاد حريه لمجتمعات سلام تجنولوجيا اوعو تكونو مفكرين ان دى اوهام بلادنا حره ونزيهه
وبنشكر كاتب الصين مع انه مسبقناش يامصريين دحنا صحيين وعرفين مبارك يبقه مين دهوه ده زعيم البلد ووراه جمهور البلد
لو خدو حقا الضربه الطيران الاوله في اكتبر من حقوق الشعب فكفايه حرام
اكتب عن ابويا
ما الفرق بين حسنى مبارك وحسنى عبد ربه؟؟ فقط سؤال برىء هههههههه
مبارك عليكم مبارك مبارك
باصبح عليكم فى يومكوا المبارك
وفى عيد ميلادك حاقوللك مبارك
وفى يوم جوازك حاقوللك مبارك
ولو يخطبوكى حاقوللك مبارك
ولو عينوكى حاقوللك مبارك
مبارك مبارك برأيك تشارك
يلون سنينك ويسعد نهارك
مبارك مبارك مبارك ياعين
مبارك خليفه لصدام حسين
مبارك وربك يبارك خطاك
وياخدك وياخد اميركا معاك
وابنك وصفوت ومن كان وراك
لأن احنا بيك او معاك موكوسين
مبارك مبارك مبارك ياعين
يامبارك ياعظيم ناقص تغلى البرسيم
انا مش هاطول الى عايز يشوف فضايح الريس يخش على الموقع دة www.rakm1.jeeran.com
الرئيس ومراته وجمال وعلاء :كفايه حرام ناك الشعب المصرى كله
اطالب الرئيس بحلق شعره لاسرافه فى استخدام الصبغةو او يلجأ لاستخدام ورنيش الجزم