يا داخلية مافيهاش...!!
تعالى نقف كلنا ونفكر.. ايه اللي ممكن نعمله.. نبعت لوزير الداخلية ولا رئاسة الجمهورية ولا مجلس الأمن ولا نكشف شعرنا ونروح ندعى عليه قدام مقام السيدة.
30/08/2006
منى سليم - ولاد البلد:
"وطي صوتك.. أصلها.. كعبها عالي.. وصوتها واصل.. وأيديها طايلة"
ما بنتكلمش عن معلمة مفترية في المذبح.. ولا عالمًةً درجة عاشرة في شارع محمد على.. لكن عن الوزارة المسئولة.. الداخلية المصونة.. ونحب نبلغها إنها دايما من شعبها (ملعونة).
ولكن إيه الجديد.. اللي هيخلينا دايما نعيد ونزيد عن شوية المحترمين بتوع الدبابير.
هي حاجة مش جديدة أوى .. ما تختلفش كتير عن الكلام اللي طفح من صفحات الجرائد وتقارير منظمات حقوق الإنسان عن وقائع اعتداء ضباط الشرطة على المدنيين وتعريضهم للتعذيب الجسدي والنفسي داخل أقسام الشرطة.. يمكن مرة عشان تطاولت بلسانك على السلطة ويمكن مرة عشان شغال سواق واتجرأت وسألت البيه اللي لابس ميرى عن بطاقته أو أي حاجة تقول انه ضابط شرطة.
الاختلاف المرة دى بس فى الأسلوب.. المرة دى دليل الإدانة بأيديهم (الطايلة) مش بأيدنا (المتكتفة).. مقطع فيديو الاحتمال الأكبر انه اتسجل بكاميرا موبايل لأحد شبيبة ظباط الداخلية اللي كانوا سهرانين فى يوم عادى تقليدى فى قسم الهرم.
(وسهرانين).. مش تريقة منا عليهم.. دى واحدة من كلماتهم الشهيرة اللي منها شبعونا.. وبها ربطونا بالحبال وضربونا بالهروات والعصى وكمان كهربونا.. ومش هنصادر على حقكم ونقول على ايه الضباط المحترمين كانوا سهرانين.. اتفرجوا انتوا وقولوا واستنتجوا والحكم منكم ولهم.
شفت؟.. وهتقدر تكمل.. ولا تعبت؟.. وهى يعنى هتيجى على الكام سطر اللي إحنا كتبناهم بعد ما التزمنا الصمت وإحنا بنتابع الظابط المحترم وهو ماسك الراجل الغلبان.. زنقه في وبكل أشكال قلة الأدب والاهانة ناوله وظبطه، وكل ده بيحصل لتلبية طلبات السيادة.. زمايل الظابط المحترم اللي مش لاقيين حاجة يعملوها فقرروا أن صاحبهم يعمل عرض صغير كده.. عشان يكرم الرجالة اللي جاية تسهر و تنبسط.
تعالى نقف كلنا ونفكر.. ايه اللي ممكن نعمله.. نبعت لوزير الداخلية ولا رئاسة الجمهورية ولا مجلس الأمن ولا نكشف شعرنا ونروح ندعى عليه قدام مقام السيدة.
وعندنا كام سؤال على ملحوظة .. هنفتح بهم لائحة المحاكمة.. وكل واحد منكم يزود عليهم.. و يحمل عريضته و يتحرك بها..
قالوا كما يقولوا في كل مرة المشكلة أن دى حالات فردية ولا يمكن تعميمها، ولا نعرف إلى متى سيستمر اتساع الدائرة الفردية اللي ضمت إلى الآن على اقل تقدير القائمة السوداء لضباط أمن الدولة في أحداث الانتخابات والقضاة الفترة الماضية، وقائمة مركز المساعدة القانونية لأحداث اعتداء ضباط الشرطة على مدنيين داخل الأقسام وزادت عن 30 ضابط مختلفي الرتب.
ويقولوا أيضا ولكن بصوت واطى فى بعض مكاتبهم.. لو عايز الحقيقة فهذه أسوأ مجموعة تشكلت في الوزارة، والسبب أن حبيب العادلى (اللي فى عصره اغتصبوا البنات في الشارع) ظابط أمن دولة.
ولكن.. كيف يمكن أن تصدق هذا.. فالأمر ـ وبعد أن شاهدت ـ لا يقتصر على العمل بالسياسة ولا الدعارة ولا المخدرات حتى تكون تحت طائلة اليد الكريمة.
وبالعكس فالمعروف بين كل أوساط الشرطة والمجرمين.. أن العائلات المشهورة بتجارة المخدرات أو السرقة كام مرة يدخلها نقيب يعمل كمين ويخرج منها حافى ومن غير البدلة أم دبابير.
ولو فكرت وزارة الداخلية أن شاء الله فى تطوير شعارها فى عيد الشرطة الجاى.. ممكن يكون ايه.. مثلا "اضرب المربوط يخاف السايب".. لكن ده شعار أصبح غير قادر على ملاحقة الأحداث، فالشعب كله مربوط وجاهز للضرب.
الأحسن أن يقف كل ضابط أمام القسم بتاعه فى عيده.. ويقول لكل واحد معدى فى الشارع.. امشي جنب الحيط.. ثم يرفع حاجب ويلوح بيديه ويقول.. ولو جواها يبقى أحسن.
ورسالة أخيرة للضابط المتربى صاحب االظاهر في الفيديو.. هي أقذر حركة عرفها تاريخ القباحة المصرى اللي أنت بتعملها بأديك فى الشريط دى.. يا ترى عرفتها فين.. في كلية الشرطة.. ولا في سهرة في الكازينو اللي جنب القسم.. على ايد رقاصة شارع الهرم.
عدد التعليقات : 31
• عملاق الرواية.. فوق المدفع
• أول قرية مصرية.. على الإنترنت!!
• عندما يتحول لاعب إلى .. افيهات!!
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
نتمتنتنتنتنتنتن
رايي؟؟ مقال مضافش جديد
salamat ya shorta
انتوا منتظرين ايه من واحد ابوه دفع له رشوه علشان يدخله كليه الشرطه لان المحروس من الاساس فاشل و جايب مجموع زى وشه فى الثانويه و فى كليته يفهموه انه مبعوث العنايه الالهيه و ان الشعب اللى المفروض انه يخدمه مجرد رعاع و حشرات مالهاش قيمه
ده غير انه مش ممكن حته عيل صغير بينادوا له بالباشا انه يتعب نفس او يشغل بال اللى خلفته بالبحث علشان يحل قضيه فيمسك اى واحد يعذبه علشان يعترف بحاجه ماعملهاش
دول شويه كلاب سعرانه تخيلهم بعيد عن اوكارهم اقصد اقسامهم حتلاقى اتخن ما فيهم
فرخه
لما شفت المقطع ده
قعدت عشان اكتب بس مقدرتش
على العموم لو في راجل في وزارة الداخليه عنده ضمير يحاسب المخلوق ده
لانه منحط جدا وخسارة فيه بني آدم
انا عايز اشوف راجل في الوزارة اللي المفروض بتحمينا
لو وزارة الداخليه كلها فيها راجل انا عايز اشوف الظابط ده بيتحاكم
يا وزارة الداخليه وروني كده راجل فيكم وبني ادم فيكم وحاسبوا الكائن ده
لعن الله قوما ضاع الحق بينهم
إن الله يرفه دولة العدل ولو كانت كافره ويضع دولة الظلم ولو كانت مسلمه
طول ما حسني وأنصاره بيولو الرعاع دول علينا عمرنا ما حنشوف نور
وبتقولوا مصر مستقبلنا ومصر إيه بلا خيبه
الواحد يروح يشتغل كلب في ماليزيا ولا يكون أمير في ممكلة ظلم مبارك
ربنا يجحم الظلمه واللي بيولوا الرعاع دول علينا
بقى حاميها حراميها
إيه الظلم ده
ربنا يقسم ظهرهم
من ظلام إلى ظلام في ممكله مبارك و الأسره الطاغيه والحاشيه الظالمه الكافره
لا تعليق
؟لسه فى امل...ما تيأسوووش
يا جماعة لا داعى للحزن فيوجد اكثر من ذلك بكثير . و اللة ايام الانجليز و ايام اليهود ما حصل فينا كدة . و اللة حرام عليك يا شعب مصر الشريف تسيب شوية كلاب ينهشوا فينا بالشكل دة . و اتمنى ان ارى هذا الكلب الذى بالفديو على انفراد و انا اعرفة معنى الرجولة .
و اللة جزمة اصغر واحد فيكى يا مصر . اشرف من وزير الداخلية بتاعكو اللى سمح لشوية كلاب زيكوا بهذا . و احب اعرفكم ان الشعب كلة قرف منكم و من شكلكم و مستنى فى اول فرصة عشان يتف و يدوس عليكم .
عنوان التعليق تكملة عنوان المقال اللى انا مستغرب هوا ليه متكتبش المهم انا مش عارف هوا الحل ايه هنفضل نكتب ونقول لا للظلم لا للواسطة لا للرشوة لا للعنف لا للسرقة وبعدين اخرة لآ ايه
ياناس البهايم ديه عاوزه حد يوقفها عند حدها مافيش فى مصر شوية رجالة يقدروا يغيروا الوضع لو كان فيه انا بناديهم
الحقووووونا .... الحقووووونا
ياعالم ارحمونا الناس الى بتهاجم كاتب المقال لانة جاب الكليب دة من مدونة لية واية يعنى اولا قراء عشرينيات اكبر من كل قراء المدونات الموجودين واكيد فية ناس ماشافتش الكليب دة غير هنا وانا مش شايف فيها حاجة خلونا فى خيبتنا انتم فكرتونى بواحد قاعد وسط اتنين واحد منهم عمال يضربو على قفاة والتانى بيضحك قام ساب الى بيضربوه واتخانق مع الى بيضحك علية
صدقونى حلال الى بيحصل فينا دة
وانت ياكاتب المقال وحياة ابوك بعد كدة ابقى اكتب انك مستعير موضوعك او فكرتة او اى حاجة من مكانها الحقيقى وارحمنا
طيب متقولى ايه اللى مقريفك يللى شعبك كيفك
www.cazanoova.bolgspot.com
شوفوا الهيافة يا ناس ، يعني لأن كاتب المقال ما كتبش انه جاب الكليب من موقع الوعي المصري بتاع عاشق الشهرة وائل عباس يبقى معناها الكاتب لص وفاشل!!
ايه الهيافة دي؟ الناس في ايه وصاحبنا بتاع الوعي في إيه ؟ وده ان دل على شيء فإنما يدل ان الهدف ليس القضية الخطيرة بحد ذاتها وإنما المهم ان يشتهر ابو شهرة والكل يتكلم عنه ، فعلا حاجة تقرف.
يا ولاد الكلب اول حاجة قولتها بعد ما شفت اللى بيحصل لشاب ممكن يكون اخويا او قريبى شاب يمثل شباب مصر المقهور وهى دى الصورة الحقبقبة لمن يحكمونا فالشعب عندهم
هو لاشىء ولا اعتبار اوشاءن الا لمن معه المال والكلب اللى فى الشريط ده ما هو الا
صورة معكوسة لمن يعمل لديهم فهم لا يعملون من اجل الشعب بل من اجل حماية مجموعة من الحرامية يحكمونا بالحديد والنار اناس بلا رحمة او دين او كرامة اين انت يا شعب مصر ايرضيك هذا الذل .
انا قررت اقتل الظابط الحقير ده. انا بدات اتقص على مكان بيته و ذنبه على جنبه و خليه يورينا رجولته او فحولته في جهنم هذا السادي الوضيع سيعرف معنى الالم الحقيقي ليكون عبره لا عسكري يمد ايده على الناس
ودعوا الكلب ده مقدما
لكن انت واحد نكرة او موتور عاوز تشوه سمعة الراجل او انت ببساطة انسان مريض نفسيا وغيران منه
الهدم اسهل من البناء ووائل بنى جريدته من الصفر بدون مال او مساعدة من احد واعتقد انه بناها على اساس وعلشان كده اعتقد ان من الصعب حد نكرة يهدمه
ومن الطبيعي حد ناجح ومؤثر زى وائل عباس يكون مشهور غصب عن نفسه حتى لو لم يرد الشهرة ويكفى ان تجرى الفضائيات وراه بدلا من ان يجرى هو وراها كما يفعل كثير من النكرات
لكن هذه الشهرة يبدو انها تحرق قلوب البعض من الغيرة
خفت اكتب اسمي ...........................................................................................................................................................................................................................................................................................................
لا يستطيع اى كان ان ينكر الدور الرائع الذى يلعبه وائل عباس كأحد رموز الحريه فى الوقت الحالى و دوره التنويرى و يتحمله من مخاطر فى سبيل هذا الوطن
ربنا يحميك من ولاد ال.......
انا بتجنن كل ماقرأ كمية التعليقات السياسية في الموقع ده؟؟؟؟؟؟؟؟ يعنى لما البلد مليانه ثورجيه و عالم فاهمه و ناس بتدور علي حقها و الرجاله لسه ما خلصوش من البلد.. ليه الواحد كل اما ينزل مظاهره مايلاقيش معاه غير يالاخوان يابتوع كفاية. وياما فى الجامعة نحاول نقنع الناس بالمشاركه وانها متخافش وانها تدور على حقها.مانلاقيش غير الخوف ..ثم ..الخوف..وكمان الخوف.
ولما تيجى الانتخابات نقول للناس رشحوا نفسكم ولاحتى روحوا انتخبوا ماتلاقيش غير الخوف..ثم الخوف..والمزيد من الخوف
وللي يشلك انك تبقى ماشى في مظاهره وتلاقي واحد خروف ساحب معزه ومعديين يضحكوا علي المظاهرة وتروح تكلمهم وتقلهم انا بطالب بحقي وحقكم تلاقيه عمل فيها غاندي وهي عملت فيها جميله ابوحريد .
لا وبقيت تلاقي الشباب عايزه تبرر سلبيتها بانهاتتهم الشرفاء من الاخوان وغيرهم من كفاية بسوء النوايا واكلاشيهات التهم الجاهزه
صدقوني احنا نستاهل اللى بيحصلنا. طول مااحنا بنخاف من الخوف وبنخاف على زبالتنا (اققصد حياتنا) اكتر من خوفنا من ربنا.
وللي مش مصدق يتفرج علي شباب مصر فى الجامعه فى المولات فى الشوارع حتى الجوامع عشان يعرف اننا نستاهل اكتر من كده.
عايز تقول رايك اققف قدام الظالم وقول رايك .عايز حقك روح للى اخده وطالب بيه.
انا معرفكمش ولا انتو تعرافونى لكن اكيد هنتفق ان البلد دي محتاجه مننا اكتر من اننا نشتم مبارك وابنه عن طريق اسم مستعار واحنا قاعدين قدام الكمبيوتر تحت التكييف
طب فسرولي الإبقاء عليه رغم كل الفشل اللي عامله
يا سلام على وائل وهو الناس بتقول عليه شريف ومناضل
والله ده احنا شعب غلبان وفينا كم كبير من العبط
وائل عباس ده في مرة قال على محمد بن عبدالوهاب صنيعه الانجليزلما دخلت عشان اناقشه في الكلام ده طردني ومسح كلامي وتعليقاتي عشان خالفته ومكنتش اول مرة يمسح كلامي
هو ده اللي قرفنا بالكلام عن الديمقراطيه؟
كفاية تطاوله عليا من غير ما اغلط فيه
وتطاوله على العلماء الافاضل
مناضل وشريف
بلا خيييييييييييييييبه
اللي انا شفته في الكليب ده اصبح عادي جدا عند ضباط الشرطة . اللي مش عادي انه ممكن يعمل كده مع واحدة ست او مع راجل امام زوجته واولادة والله العظيم انا شفت افظع من كده. بس العيب على اللي بتضرب انه فضل ساكت كان لازم يرد عليه الصفعه بصفعة ويحصل زي ما يحصل يعني هيعملوا فيه ايه اكتر من كده.
حسبى الله ونعم الوكيل