انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

أنا مش ها أتضرب!

ولاد البلدقراءة في ٥ د

أوعى حد يضربك على وشك.. أوعى تقع على الأرض.. أوعى تتعور.. أوعى حد يضربك في "الحتة اللي بتموت"..

11/09/2006

"اللي يضربك أوعى تضربه.. قل له ربنا يسامحك.. ربنا هيبعتله حد أقوى منه يعاقبه ويضربه.. أوعى حد يضربك على وشك.. أوعى تقع على الأرض.. أوعى تتعور.. أوعى حد يضربك في "الحتة اللي بتموت"..

هكذا كانت توصيني أمي في كل مرة أنزل فيها للشارع لألعب مع أطفال الجيران.. كان السؤال الذي يدور في ذهني وقتها.. بما أن الله سيرسل من يضرب الظالم الذي ضربني.. فهل هذا يعني أن الولد الذي ضربني هو الآخر أرسله الله ليعاقبني على ضربي لشخص آخر؟؟

لكني لم أضرب أحدهم أبدا يوما ما.. كنت مضروبا على طول الخط.. كانت بدانتي المبكرة تمنعني من أن أكون ضاربا إلا للذين يصغرونني بعشر سنوات على الأقل.. وحتى هؤلاء.. ضربني أحدهم يوما بشدة في المدرسة.. وبكيت في الحوش.. ووجدت أبي أمامي فجأة.. كان قادما للمدرسة ليحصل على ورقة معينة.. وبالصدفة شاهدني وأنا مضروب.. وكانت هذه هي المرة الأولى التي يقول فيها أبي.. "براء.. اللي يضربك اضربه"!!

لكن وقتها لم أستطع أن أسمع كلام أمي ولا كلام أبي.. لأني لم أكن أملك القوة لأضرب ولا المهانة لأتضرب..

ومشيت جنب الحائط، بعيدا عن كل المناسبات والملابسات التي قد تؤدي بي في النهاية لأن أصبح مضروبا تحت يد أمين شرطة أو رجل ضخم في السينما أو رجل أعمال في الشارع أو صاحب سيارة حديثة في إشارة مرور..

لكن أصبح المشي بجوار الحيط لا يمنع من الضرب.. بل هو سبب أقوى لأن يضربك أحدهم وهو يعلم جيدا أنك لن ترد..

وفي أسبوع واحد تتضح أمامك الحقيقة مرة.. كليبات تم تصويرها بالمحمول لظابط شرطة يضرب متهم 16 قلم دفعة واحدة، وكليب آخر لظابط آخر يتلذذ بضرب فتاة واضح إنها غير محترمة على مؤخرتها بخرزانة.. وأخيرا كليب ثالث لأسلوب مبتكر في التعذيب بضرب القفا بقوة في حين يكون صاحب القفا يحمل فوق رأسه أحمال ثقيلة تزيد من ألم الضربة..

ثم أمجد مختار حسين الذي تم ضربه هناك في الزعفرانة.. وشيرين مدرب السباحة الذي مات من الضرب فحول الظابط موته إلى انتحار بإلقائه (وهو ميت) من الدور الرابع..

ثم حكايات يرويها الجميع.. عن ضرب صاحب العمل للعاملين عنده.. وما أكثر أصحاب المحلات في مصر.. لكنهم على كل حال ليسوا أكثر من العمال في المحلات ذاتها.. لكنهم أقوى!

طيب نعمل إيه!!؟

نعلن أننا مش هنضرب..

نعلن أننا ضد الضرب عموما، لن يتم ضربنا لأننا لن نسكت ولن نقول ربنا يسامحكم.. ولن نقوم بالضرب لأننا محترمين.. ولأننا بصراحة.. منقدرش!

صعب جدا أن يتحول المضروب إلى ضارب.. لكن الممكن هو أن يتحول المضروب إلى شخص لا يمكن ضربه!

"أنا مش هضرب".. حملة ولاد البلد التي تبدأ يوم 15 -9 -2006.. والتي ننادي من خلالها منظمات المجتمع المدني والجمعيات الأهلية والتيارات السياسية لتحديد يوم مصري ضد الضرب.. نعلن فيه المصريين شعباً غير مضروب..

شاركونا بأفكاركم.. ماذا نفعل أمام الذين يضربونا.. كيف نشجع المضروبين في مصر على التقدم ببلاغات.. كيف يحافظ المضروب في مصر على حقه.. وكيف يلاحق ضاربه.. كيف ننشر فضائح الشرطة التي أصبح لا تقدم للشعب أي خدمة سوى خدمة الضرب..

أنا مش هضرب.. حملة تقوم على أفكاركم فقط.. وتستمر.. حتى نضع للضرب نهاية!

قام بإعداد الملف:

شيرين مجدي

البراء أشرف

شاركونا على:

weladelbald@yahoo.com

الظابط في السينما.. ملاك بدبورتين!

احنا بتوع المترو!

هاتوا لنا الواد ده !!

ضابط فى مدينة الذئاب !

خارجة .. الداخلية في شهر!!

إلهي ما تورد على "كمين"!!

أن تكون أمجد!!!

من جاور السجين يُسجن ...

عاجبني.. وهتضرب!

فضحية سرية للداخلية

يا حكومة لا تقرصيني ولا عايز عسل منك

آسفين يا أمجد !

عدد التعليقات : 82

• اعتقال طلاب جامعة حلوان!

• لا أخلاق في الرياضة!!

• أنا متحرش.. سابق!

• الكوسة تنتشر وتتوغل.. في جامعة حلوان!

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. واحد كُتب في
    ابن ادم الاول
    ولماذا يابراء لاتتبع مذهب ابن ادم الاول وتقدم لخصمك وردة ؟لماذا لاتكسر معادلة الضارب والمضروب ونتخلض من فيروس العنف وافكار عبس وذبيان ونغير الشعار انا لن اكره معذبي وضاربي؟ لماذا لااجعل الذي بيني وبينه عداوة كانه ولي حميم ؟هل مجتمعنا صعب ان يلقى هذه الثقافة ؟
  2. FMAW كُتب في
    I don't think so
    أعتقد - والله أعلم - إن الفكرة صعبة شويتين لأننا كده بنطلب من الحكومة تقعد يوم كامل تنش
  3. ممكن طبعا كُتب في
    مافيش مستحيل
    لا تنسوا ضرب الأزواج المبرح المؤذي والمرضي للزوجات ،،، والعكس كذلك ضرب الزوجات المفتريات للإزواج.
  4. ماجد كُتب في
    ألو يا براء
    بقولك يا براء باشا انا شغال في شركة الشركة دي بتاخد سياسة الضرب طريقة للتعامل فيها ،الشركة دي فيها حوالي 300 عامل العمال دول ممكن ينضربوا بالقفى أو بالشلاليط وأحيانا الشوم وفي فترات العقاب الشديد ممكن يمسكوا العامل يعلقوه على البوابة بتاعة الشركة ,,,أه والله ولاد كلب يعني بحق ربنا إيه رأيكم نعد ملف عن أسماء الشركات اللي بتعمل كده ونبعت بلاغ بأساميها لمنظمة حقوق الأنسان ووزارة القوى العاملة ؟؟؟!!! يلا
  5. egyptian كُتب في
    make sense ya baraa
    What a logic . instead of asking to hit whoever hit you . this how it should be i refused to give my right cheek to anybody hot my left cheek .
  6. ابومحسن المصري كُتب في
    مفيش غير منهج النبي محمد صلى الله عليه وسلم
    متقوليش وما تعدليش منهج النبي غيره مفيش
    أخي... أختي... اجعل النبي محمد صلى الله عليه وسلم نصب عينيك وضعه دائما عن يمينك فى سيرك وتصرفاتك وعامل الناس كما كان يعامل... واطلع على كتب السيرة وأنهل منها... وجاهد نفسك لتسير على خطه وخلقه ومطبق لسنته في أقواله و أفعاله عاملاً بمنهجه و اقرأ القرآن الكريم و كأنه أنزل عليك فأعمل بما فيه لأن رسولنا كأن قرآن يمشي على الأرض... وكان خلقه القرآن الكريم ...فهيا بناء ننهل من النبع الصافي القرآن والسنة... ونضع النبي على يميننا مرافق لنا في حياتنا ومقياس لأي تصرف نود أن نعمله... ومع ايماننا العميق والكبير أن الله بعلمه ورحمته يحيط بنا... ستتغير أحوالنا ... وستنظر للحياة بنظرة جديدة لاتنسينا أحداثها أننا نزرع فيها ما سنحصدها في الآخرة... وإن كل تعب يهون مادام الهدف سام والحفيظ لا تأخذه سنة ولا نوم ... والرفيق هو محمد عليه أفضل الصلاة و السلام.
  7. معاذ محمود عامر كُتب في
    كفااااااااااااااااااااااااااااااااااااااااااااااااااااااااااااااااااية
    يسقط مبارك ورجاله وابنه وكلابه الملاعين
    يسقط الظلم والظلمة
    يسقط كل الأنذال والكلاب والخنازير من اول الخنزير الكبير محمد حسني مبارك الى الى أصغر خنزير في رجاله وأجهزته المستبدة
    يا مبارك
    لعنك الله
    لعنك الله
    لعنك الله
    لعنك الله
    لعنك الله
    لعنك الله
    يارب لاتسامحهم ولاتجلعهم يردون على جنة الخنازير
    الأنجاس أبناء الأنجاس
    الفاجرين
    العاهرين
    الظالمين
    يا كلاب يا ابناء الكلاب يا مبارك ياحقير يا أحقر من وحيد القرن
    يا مستبد يا ظالم يا قاتل يا سارق الوطن حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
    حسبي الله ونعم الوكيل
  8. شيماء كُتب في
    فعلا مش حتضرب
    السلام عليكم
    يحضرني الان قصة قصها الدكتور علاء الاسواني في احدي مقالاته تعليقا علي حرب لبنان.
    يحكي الدكتور انه كان يعرف زوجة دبلوماسي يعيش في القدس و قد حكت له زوجة الدبلوماسي انها يوما ما كانت تقف في شرفة منزلها الذي كان يطل علي منطقة تفتيش اسرائيلية بها جنود اسرائليون يفتشون من يمر من الفلسطينين و كان فيهم جندي اسرائيلي يطلب من كل فلسطيني يمر ان يقبل حذائه تحت تهديد السلاح و كان اغلب الفلسطينين يفعلون ذلك خوفا من السلاح و ذات مرة كان المار شاب فلسطيني صغير السن , رفض هذا الشاب ان يقبل حذاء الجندي الاسرائيلي حاول معه الجندي و هدده فرفض الشاب رفض تام و عندما ايقن الجندي بانه سيفشل في مهمتة تظاهر بانة مشغول بمكالمة في تليفونة المحمول و اشار للشاب بالمرور.
    اذن فنحن من يئذن للاخرين باهانتنا بسكوتنا عن حقنا و الظالمون اخواني جبناء و ضعفاء النفس و لو انهم اقوياء حقا قوة حقيقية ما لجئوا لهذه الاساليب ليواروا ضعف نفوسهم و جبنهم.
    ان الرب واحد و العمر واحد و تعددت الاسباب و الموت واحد فلنموت بكرامة خيرا الف مرة من الموت بلا كرامة.
  9. الضرب للاسف لغه الحيوانات لانه اسهل لغه كُتب في
    روضه
    فى حين ان اللسان وفن لغته هو الاصعب
    اخ ابو محسن ميل حضرتك مش مظبوط لانى ضفته واترد لى اى ارسال
  10. لا حل الا العصيان المدني والخروج عن النظام كُتب في
    الفوضى هي الحل
    الفوضى هي الحل
  11. ناصح أمين كُتب في
    المشاركة يجب أن تكون فعالة
    يجب أن تكون المشاركة إيجابيةوفعالة في هذه الحملة التي أؤيدها على طول الخط.
    يجب توزيع الأدوار
    فالمضروب يجب ألا يحني رأسه لضاربه فليضرب وهو عزيز وليس ذليل. وكذلك لا يضع نفسه موضع يضرب فيه وأن يسبقه خلقه قبل يده.
    والمشاهد أدعوه أن يحمل كاميرا أو محمول بكاميرا ويكون جاهز ليرسل الصور فوراً إلى الموقع الذي يتولى بتخصيص مساحة لعرض تلك الصور على أن تكون واضحة بما فيها الكفاية.
    وعلى كل منا يعرف صاحب الصور أن لا يستحيي من ذكر اسمه وكل شخص معنوي أو طبيعي يقوم بهذه الأعمال المشينة بالتاريخ والمكان ليكون مستنداً يمكن أن يأخذ المضروب حقه.
    ولا يتكاسل المحامون بمساعدة المضروب لأخذ حقه
  12. وفاء &وليد كُتب في
    ليه
    ياجماعه بلاش نشتم في رموز الحكومه ده اسفاف واذا كنا بنعترض وعشان كده بنشتم يبقي نستحق الضرب زي ماعلمتنا اهلينا واحنا صغيرين ان الشتيمه عيب وحرام لازم نبقي متحضرين ومحترمين مع انفسنا حتي ننال احترام الأخرين لازم نعترض مع احترامنا لكل شئ حولنا واذا كان الله كرم النسان والأنسانيه رايح انت تقول ابن..... وده بأمارة ايه واذا كان علي الضرب من يتقي الله يجعل له مخرجا ولا نسمح لأحد ان يجعلنا نتتنازل عن ادميتنا مهما كان الثمن
  13. عجبني الأخ بتاع ابن آدم الأول كُتب في
    برضه هتتضرب
    يعني ايه اروح ادي خصمي وردة ..تخيل الظابط الجزمة ابن الكلب اللي بيضرب الولد ولا البنت في القسم بعد ما يضربك على قفاك تقوم انت بمنتهى الخنوع و المهانة تطلع من جيبك وردة !!
    طيب ده سبب ادعى لأنه يضربك تاني ..مش يمكن لون الوردة ميعجيوش..ولا الوردة تكون دبلانة شوية يبهدل أهلك علشانها ..ولا ممكن يفتكرك بتتريق عليه يقوم واخدك رميك من الرابع زي أي ظابط معقد
  14. مصراوي قديم كُتب في
    ببساطة
    احبائي الكرام
    احب ان اوضح شيئ بسيط,لكل من يقول ان نبدأ نحن بالسلم و المودة و الحب, نحن لم و لن نبدأ أبدا بالعنف, لأن الشعب المصرى بطبيعته مسالم و طيب و يحب العيش فى هدوء, لكن المشكلة فى هؤلاء الذين يتلذذون بضرب الناس و التفنن فى التعذيب, و السبب بسيط, لا يوجد رقيب او حسيب عليهم سوي الله سبحانه و تعالي, و بالتالي يفعلون ما يريدون, اتعلمون يا اصدقائي, و انا اقول هذا علي مسؤليتي الشخصية و من قريب لى يعمل برتبة كبيرة بمباحث امن الدولة, ان مصر و المغرب اصبحتا اولى دول العالم فى فنون التعذيب و اساليب استخراج الاعترافات, اتعلمون انه يتم ترحيل المتهمين من معظم سجون الدول العربية و الاوروبية الى مصر حتي يتم استجوابهم و هم تحت اشراف كامل من امن الدولة, ليس هذا افتراء و لا مبالغة, و السبب ان السجون الاوروبية اصبحت خالية من الظباط القادرين على القيام بمثل هذه الافعال و الله لانهم يخافون الله, هذا بالظبط ما قاله الظابط الاوروبى الذى كان مرافقا لاحد المسجونين لقريبي ظابط مباحث امن الدولة, اتعلمون ان من ضمن العهدة الرسمية لأقسام الشرطه فى مصر بطاريه مولدة للتيار الكهربائى للاستخدام فى التحقيقات و الاستجوابات, اذا الشرطة و ليست الحكومة و ليس الرئيس اصبحوا يكرهون الشعب المصري, يوجد محاضرات تلقى علي ضباط الامن المركزي, و قد حضرت احدى هذه المحاضرات خلسة مع قريبي هذا, يتم فيها تلقينهم عدة مفاهيم, والله لو ذاهبين لملاقاة العدو الصهيوني ما لقنوهم مثلها.
    اذا, نحن افراد الشعب المصري فى مواجهه عدو داخلي, عدو من نفس الجنسية و البلد و الدم, فلا تقولوا لى نبدأ بالسلم و المودة, نحن نرغب في ذلك و لكن هم لا يرغبون.
    لذلك يجب ان تكون هذه الحملة او الحركة جادة و نشيطة, و ان يتولى ادارتها من هم علي دراية كا
    اقرأ بقية التعليق ..
  15. نيفين نيفى نوفا كُتب في
    تعددت الاسباب و الضرب واحد
    فكرتك حلوه يا براء بس تفتكر هتجيب نتيجه مع حيوانات الداخليه
    عجبنى التعليق اللى حكى حكايه علاء الاسوانى اللى لما اتحدى الجندى الاسرائيلى عمل انه مشغول و بيتكلم ف التليفون و الطريقه دى ساعات بتنفع بس مش ف كل الاحيان
    انا معاك يت براء ف المشروع دا يمكن فعلا نقدر نعمل حاجه
  16. معتـــــز كُتب في
    نحترم بعض بداية
    السلام عليكم
    بالنسبة لموضوع الضرب
    إيه رأيكم نبدأ من تحت؟
    أنتم اتكلمتم عن ضرب أصحاب المحلات للعمال وغير ده كتير
    يعني الشعب نفسه بيضرب في بعضه
    طب ما نركز على الشعب الأول كمرحلة أولى لأن الشعب يقول أنا محترم مش هنضرب لازم يكون أصلا بيحترم بعضه
    نبدأ نبين كل حالات ضرب الشعب لبعضه
    ونتكلم بلغتين في آن واحد
    لغة غرس الاحترام والفرق بين إنك تجعل الآخر أو العامل عندك يحترمك حبا فيك وبين إنك تقهره ، ،،يمكن نصحي شوية رحمة في قلوب الناس ويمكن يكون في ناس مش فاهمة الفرق بين الاحترام والقهر
    اللغة التانية
    لغة التخويف من أثر ده أخرويا طبعا من الدرجة الأولى
    ثم فضح مثل هذه الأعمال قد تلحق بهؤلاء -اللي أغلبهم هيكونوا تجار ورجال اعمال- خسائر كثيرة على الأقل أدبية
    وتبين إن مثلا صاحب العمل عند ضربه العامل بيخسر ولاؤه ودي مصيبة في السوق لأن مهما كان كل مكان وله أسراره الاقتصادية واللي أكيد العامل المضروب مش هيحافظ عليها
    ده رأيي وأرجو أن يكون مفيد
    والسلام عليكم
    egypt-student.blogspot.com
  17. اضربني اديلك وردة كُتب في
    احمد
    الاخ بتاع لما يضربني اديلة وردة اسمحلي ممكن اشخرلك واحدة اسكندراني يا اخي احااااااااااااااااا
  18. زنوبه كُتب في
    اللى يضربك .... إضربه
    ربنا على الظالم والمفترى ... وإبن الحراام
    مقالتك آثرت فى بجد خاصة جزئية إنك ما كنتش بتقدر تدافع عن نفسك وإنت صغير ـ الحاجه الوحيده اللى آنا معترضه عليها إنك قلت عن البنت اللى الضابط بيضربها إن شكلها مش محترمه .. طب والله حرام عليك مش حيبقى الضابط وإحنا عليها ، البنت كان شكلها حقيقى يوجع القلب وهى بتتهان بالمنظر ده مهما كان جرمها فهى لها حقوق ويجب آن يحافظ على إنسانيتها!!
    آقترح الآتى:
    كل آب وآم يجب آن يلحقوا آولادهم بتدريبات دفاع عن نفس
    من تعدوا مرحلة الطفوله يجب عليهم آن يلتحقوا بالمراكز الصحيه التى تقدم هذه التدريبات
    البنات بقى اللى مصممين يحضروا المظاهرات ـ آنصحكم بإرتداء بادى زى بادى الآيروبك الملتصق بالجسم تحت الملابس حتى إذا قام آى من آفراد الامن بتقطيع ملابسها لآهانتها ، لا يتعرى جسدها آمام الملاء كده!!
    ولو حد هاجم بنت فى الشارع قدامك حل من إثنين 1. رشى زجاجة البرفان فى عينه بس خليكى عارفة إنه ممكن يتعمى بسبب السبرتو اللى فى البارفان 2. إديلوا شلوت بعزم ما عندك فى المنطقة الحساسه آو آعملى الاتنين مع بعض وإطلعى إجرى بآقصى ما عندك
    والله العظيم باتكلم جد
    وآنا صغيره كنت بآلعب تايكوندو وكان تدريب البطولات يختلف طبعا عن الإستريت فايتينج Street-fighting
    من الاماكن المؤثره فى الجسم * بوكس فى المنطقه بين العينين يؤدى لعمى مؤقت * إمساك جزء الحنجرة آو مايسمى بتفاحة آدم مثل مسكة "كآس الشمبانيا" وجذبها للخارج يؤدى للوفاة * شلوت فى المنطقه الحساسه آو الضرب بمقدمة الركبه آعتقد النتيجة معروفة
    فى البلد دى الواحد لازم يآخذ جقة بإيده لآن ولى الامر مشغول بجواز إبنه وتوريثه العزبه ـ لكن اللى عايز يصفح من باب الاحسان له الآجر والثواب إنشاء الله
    بإختصار علموا ولادكم وإنتم كمان
    اقرأ بقية التعليق ..
  19. ايمن امام/المنظمه العربيه لحقوق الانسان كُتب في
    العيب فى المضروب
    السلام عليكم/ بأختصار المضروب يتنازل عن حقه ويكتفى بالشكوى والدعاء ولايفعل شىء حتى محرد تقديم شكوى ضد الشخص ايا كانت صفته لاتحدث الجبان هو الذى يتعرض للضرب ولايكون له رد فعل وانا لااقول عنف بعنف ولكن اقول - لو ان المضروب يعلم حقوقه ويعلم ان هماك محاكم دوليه تقتص لهلكان قد لجاء اليها ولكن عدم العلم هوالعيب يرجى الرجوع الى منظمات حقوق الانسان
  20. المسؤول كُتب في
    من مسؤول
    شعب ما يجيش الا بالجزمه ههههههههه
  21. حاجة تقرف كُتب في
    عيب اوى ردود البعض
    اولا انا مع الخت زنوبه اللى يضربنى ح اضربه وبعدين انا عصبية جدا يعنى معنديش صبر اسكت كمان عاوزننى اديله وردة والاخ مسؤل اللى بيقول (شعب ميجيش الا بالجزمة ) للاسف مضطرة اكون فظة جدا واقول له الجزمة دى بكرة تتضرب بيها
  22. ناقد فني كُتب في
    عيب ميصحش كده
    اقتباس :
    "يا كلاب يا ابناء الكلاب يا مبارك ياحقير يا أحقر من وحيد القرن "
    عيب ميصحش كده..
    الأخ اللي بيشتم في وحيد القرن عيب ميصحش كده..
    وحيد القرن حيوان محترم..
  23. أحمد أبو القاسم كُتب في
    حملة جريئة
    أسجل إعجابي الشديد بفكرة هذه الحملة الجريئة والتي تنم عن تزايد الوعي بشكل مطرود بين أوساط الشباب المصري وهو ما يبشر بمستقبل واعد .. فقبل خمس سنوات فقط لم يكن يجرؤ أحد على مجرد التفكير في المواجهة .. أما ألان وفي ظل هذه الصحوة الشبابية المصرية والتي بث الروح فيها تزايد الشهور بالظلم والقهر والإذلال .. وغذى هذا الشعور الانتهاكات الصارخة المنهجية والمنظمة التي ارتكبها عدد غير قليل من المرضى والمعقدين النفسيين بحق المواطنين الشرفاء الأبرياء .. ونالت وزارة الداخلية التي من المفترض أنها تصون الأمن والحريات نصيب الأسد من هذه الانتهاكات الصارخة والتي تجاوزت في بعض الأحيان كل حدود التعبيرات والتوصيفات الممكنة من جراء البشاعة والقذارة والتدني في أسلوب ارتكاب هذه الجرائم النكراء وهو ما يوجب استقالة وزير الداخلية فوراً ومحاكمة مرتكبي هذه الجرائم محاكمة علنية حتى يكونوا عبره لكل من تسول له نفسه أن يفكر في التعدي بالقول أو الفعل على مواطن أو يفكر في استخدام السلطة كاداه للبطش والتنكيل دون أدنى مراعاة لأبسط حقوق الإنسان التي كفلها ديننا الإسلامي الحنيف منذ 1400 سنه والتي أيدتها كل الدساتير والتشريعات والقوانين حول العالم .
    من أجل ذلك يتوجب علينا أن نستمر في إيجابيتنا وأن نتحمل مسئولياتنا ونقوم بخطوات فاعله من أجل هذا الهدف النبيل والغاية السامية ألا وهو حماية المواطنين البسطاء من بطش هؤلاء المجرمين الساديين المرضى النفسيين .
    لذا أقترح :-
    أولا :- تبني مطالبة وزير الداخلية بالاستقالة كما يحدث في أي دولة صغيرة كانت أو كبيرة بل إن بشاعة هذه الجرائم تحتم على حكومة "الكوارث" كلها الرحيل .. مع تقديم المسئولين عن هذه الجرائم للمحاكمة الجنائية العلنية .
    ثانياً :- جمع توقيعات إليكترونيه
    اقرأ بقية التعليق ..
  24. واحد من الناس كُتب في
    اممممم
    انا مبدئيا ضد مبدأ الضرب خالص , لكن انا مرة شفت ضابط بيضرب راجل فى الشارع وسجلتها فيديو , بس مش عارف عندى ولا لأ , لكن اللى عايز اقوله فى الموقف ده , انا كنت مؤيد ان الظابط يضرب الراجل ده , لانه كان غبى ويبستغبى كمان , راكن العربية فى ميدان , والضابط يقوله امشى , وهو مش راضى , ولما الضابط راح علشان ياخد المفتاح جرى وراه , وبعدها لما سابه لقاه واقف تانى , فراح على العربية تانى فالراجل شتمه , باختصار الراجل كان بيعمل غبى وبيستعبط على الضابط وهو الغلطان , لكن انا عامة ضد مبدأ الضرب اطلاقا وشكرا
  25. واحد من اهل البلد كُتب في
    هى دى بلدنا
    على فكرة بلدنا مش كده الفكرة هى الغلط وللاسف شعبنا مش هيعرف يغير فكرة بس نعمل ايه دى بلدنا نسبها ولا نخلينا رضييتن بالامر الوقع بدل ما الغريب يدخلها ويضربنا ولا ايه يا بلد ولا ايه يا ريس
  26. أحمد كُتب في
    أنا مش هتضرب من وزارة الملاكمه
    السلام عليكم ورحمة الله وبركاته
    طيب يا جماعه بمناسبة مؤتمر الحزب الوطني مش نعمل حملة ....
  27. نوران من طالبات الاخوان بجامعه عين شمس كُتب في
    الحرة موافقاكو
    سلام عليكم بارك الله فيكو اظن ان اكترناس هيستفادو من الحمله ده السياسيين والمواطن المطحون واكتر ناس هتتضر الحكومه والمخبرين ربنا معانا الموضوع محتاج شويه مجهود كفايانا اجيال مهانه شايفه الذل وراضيه وبتتسلب حقوقها وهاديه بس بعد كده نشوف كل انواع الذل مش الضرب بس ونوفر الدم اللي بيسيل في الضرب ليوم ندافع فيه عن بلدنا علي فكره يا بن ادم فكرتك رائعه بس جربناهافي كليتنا مع الامن وجت علي دماغنا الوضع اختلف لاختلاف نوعيه الضارب ده الكوووووووووووووووووووووومه انت بتهزر ورده ايهيلا ننطلق في الحمله بسرعه
  28. نوران من طالبات الاخوان بجامعه عين شمس كُتب في
    الحرة موافقاكو
    علي فكره كنت اقصد الحكومه يا مسئول زي مااحنا مبنجيش غير بالجزمه اكيد يا هتاخدبيها ده ان ما كنتش اصلا انت اللي مبتمشيش غير بيهاده اسلامنا مقالش الضرب الا علي الصلاه فاهم يلبتاع الجزمه
  29. ahmed most كُتب في
    يمكن يكون الدور عليا او عليك فكر فيها كدة
    والله ليكم حق مش يمكن يكون الدور عليا او عليك فكر فيها كدة والله مش بعيدة يعنى الراجل بتاع الزعفران دة دة كان مع مراتة وعيالة ومعاه لاب توب شغال علية يعنى واضح جدا انه محترم ما بالك بينا الشعب الغلابان اللى ممكن يقف فى كمين والخ
    انا معاكم ان شاء الله من 15/9/2006
    انا ان شاء الله مش هتضرب
    انا مش هتضرب
    انا مش هتضرب
    انا مش هتضرب
    انا مش هتضرب
    المشكلة بقى لو اتضربنا..
    ربنا الوحيد اللى هيسترها معانا ..
  30. برعى كُتب في
    موت
    تعمل اية لو كنت مطرح الواد الغلبان الى انضرب فى الاسم؟
    كنت حتديلو وردة.
    حتقلو اللة يسمحك.
    حتقتلو
    انا عن نفسة كنت هقتلو طبع كنت هسكت لغاية مطلع من الاسم لاكن بعدها وشرف ابوية لهقتلو قتل بمعنى الكلمة
    المواطن الى يضربك ممكن تضربو زى ما ضربك لاكن الشرطى لو ضربك افقع عنية
  31. رنا حسام كُتب في
    نبدأ من الداخلية
    انا راي نبدأ بالداخلية و كلية الشرطة عشان يشلوا مادة طول الطالب في الشرطة كرامته في جزمته.و يشلوا مادة الناس دول كلهم عبيدك عشان لما يتخرجوا يفهموا ان كلنا مصريين. لازم نعامل الظباط على اننا من غيرهم مينفعش نعيش و همه لازم يفهموا انهم اتوجدوا علشانا مش عشان مصالحهم.. دول مش أعداء.و احنا نكرة. لازم نفسية الظباط تتغير. بس هل كلامنا ده بيوصلهم؟؟؟
  32. مصرية كُتب في
    ابدا بنفسك
    ابدا بنفسك عندما يكف الماطن اللي برة البيت غلبان عن ضرب زوجتة ام العيال علشان اتفة الاسباب و لما الاخ يبطل ضرب في اختة اللي اضعف منه علشان يثبت انه راجل و لما الاب يبطل يضرب عياله لمجرد انه بينفث عن غضبه فيهم و لما المدرسة تحرم الضرب علشان الانسان يتعلم جنب العلم الكرامة و لما العيال يبطلوا ضرب بالحجارة في القطط الصغيرة لمجرد انهم يلعبوا لما كل واحد يتعلم بحترم اللي اضعف منه تبقي الحكومة تحترم الشعب و تبطل ضربة و تبطل امريكا هي كمان تضرب في الاضعف و هلم جرا تقدر تبدا بنفسك
  33. سى سيد كُتب في
    ماذل المللك عياش
    هذ الضرب ثنا عند العرب وكان ايام المللك والباشا الضرب حتى الان كل فراد يقول لامن الشرطة او ضبابط الشرطة يا باشا وهذ الاحترام لازم ان يضرب لان هى عقدة نفسية وهو ابن باواب او امة غس ,’؟؟؟؟؟؟؟؟؟ افتكر انة باشا صح وانتم يا ايها ؟؟؟؟ الاحترام الذايدة غلط لان هو لة عمل خاص الحراسة والامن بس وارجو ان تنظار الى بلاد اروبة كيف يعمل المواطن وكيف حراس الامن .. وكما قرات من قبل اللة يعطية الصحة الاخت شيماء هذ هو الصح ولكن من يقول الرسول صلية اللة علية وكما يعمل الان ليس هذ اقراء القران الكريم وشوف الجار والصديق بس ليس من الحق ان تسيب حقاق لازام ولبود ننظر الى البلاد المتقدمة لان كل عام وانتم فى التاخير الى عشرين عام من قلات الاحترام الى بعض وعمل الفوحش وليس فى دين ولا اسلام من شعب الى الشرطة والان هى الفلوس بس هى المعملة الوحيد فى اى بلد عربية ليس مصر بس لا لابود كل شى يتغير حتى نفسية الانسان وارجو من الاخوة ان تعلم ان من الحق لرئيس الجمهورية ان يتغير كل خمس سنوات وهو الصح وهى اول نظرية لشعب مصر لان ما هو الفرق بين الرئيس والمللك وعدم كترات الاحزاب وكل هذ نظيم غلط فى غلط,, ولا فرق بين عربى وعجمى او سعبى وشرطى ولبود من الاستقالا ويجب على كل انسان ان يفكر صح واللة معكم
  34. محمد ابو طالب كُتب في
    تذكر وقوفك امام الجبار
    يامن تتجبر تذكروقوفك امام الواحد الجبار يوم الموقف العظيم ماذا تقول لةيوم تشهدعليك نفسك انك ظالم لعبادة اتقى اللة فى نفسك وفى عباداللةوقصاص اللةالحكم العدل منك لعبادة
  35. طنطاوي كُتب في
    فكره كويسه
    فكره كويسه .. حلها الوحيد من وجهة نظري بعيدا عن الجعجعة و كتر الكلام اننا نعرف حقوقنا
    امجد اخد حقه لأنه طالب بيه .. بكل صراحه .. و الناس اللي قلت عليهم في الفيديو محدش عبرهم لأنهم همه محاولوش .. مالآخر .. لو الجمعيات الاهليه و الحقوقيه تتبرع بالمطالبات الحقوقيه و القضائيه لملاحقه كل من يهين مواطن .. اعتقد الموضوع هيتحدد اوي .. و مش هيبقى ضرب مواطن بالساهل .. اكيد الفكره في اولها صعبه لكن لو وصلت لتعميم قوي .. هتلاقي كل مواطن بيتعرض للضرب في الطريق بيطلب بوليس النجده علشان يحرر محضر للضابظ اللي ضربه .. هتقولي ضباط في بعضيهم .. هقولك لو اللي جاي عارف انك عايز تاخد حقك .. و انك مستعد توصل الموضوع لاعلى مستوى .. هيضطر اسفا يسمع شكواك و يسجل محضر بطلباتك دي
    ربنا يكرمنا جميعا
  36. حسام الدين على كُتب في
    الفكرة جميلة
    بسم اللة الرحمن الرحيم
    واللة الفكرة جميلة اوى بس المشكلة علشات تتنفذ دى عاوزة عقود من الزمن لازم نغير فكرنا شوية و نربى الاجيال الجاية على الافكار الجميلة اللى زى دة يعنى الموضوع عايز وقت و امكانيات هايلة علشان ننفذ صح و لا رايكم اية
  37. عاشق الفراعنه كُتب في
    عاش الزعيم مبارك
    عاش الزعيم مبارك وعاشت مصر لمبارك وهنيالك يافاعل الخير والثواب وكل عام وانتم بخير
  38. حودة كُتب في
    حتى المعلمين
    لو كل انسان صمم انه يأخذ حقه سيحصل عليه
    حتى لو كان اللي واخد حقه مفتري
    وربنا علي الظالم
    وربنا دائما بيورينا ما يفعل في الظالمين
  39. فية وظيفة اسمها مفتش داخلية وهو غالب لواء ابن ناس ومحترم جدا غالبا لو كان الضرب مش فى قضية سياسية ممكن يساعد المضروب كُتب في
    واحد عادى
    ملحوظة اللى اتكلم عن فقع العنين لو الموضوع
    دخل فى العرض او مهانة جسدية يبقى اقل واجب وبدل مايكسر عنيك افقعلة عنيو شعار حلو اعتقد وياريت نعمل ملف منشور بالأسماء والتواريخ بالجلادين بداية منى
    مدير مباحث قسم تانى سوهاج
    مقدم اشرف نصحى التاريخ 2001 ضرب وتعذيب شاب فى القسم افضى للموت العقوبة نقل من موقعة
    لااسف لايوجد له صورة وانا خلاص سبت المحافظة ولا اعلم اخر اخباره
  40. أمالي سودة كُتب في
    موضوع رائع
    السلام عليكم
    بارك الله فيكم
    الموضوع رائع بجد وعندي كام اقتراح كده
    ان احنا نعمل حصر لمكاتب حقوق الانسان في مصر ولجان الحريات في النقابات ويجب التركيز في الشكوي والمعارضه علي شخص معين او هيئه بعين حتي نحصل علي نتائج قوية وهي سياسة اضرب المربوط يخاف السايب يعني الضابط الله لا يسامحه اللي بيضرب المواطن في الكليب لما يتحاكم زملائه الضباط هيفكرو الف مرة قبل اما يعتدو علي اي مواطن
    وشكرا .
  41. الحرس الجامعى بجامعة جنوب الوادى بقنا باجبار الطالبات المنقبات على خلهع النقاب بصورة نهائية لا لمجرد الكشف عن هويتها عند البوابة كما هو متبع كُتب في
    ضربة بناتى
    واصيبت العديدات بحالات اغماء ومن تماسكت بحثت عن مسئول وحتى رئيس الجامعة قال " اوامر عليا " اما قائد الحرس فرد على طالبة سالت : واذا لبست استرتش وبدى " بانها فى هذه الحالة هايشيلوها ف عنيهم
    وبعد هذا نلوم على البابا!!
  42. بسلة مصرية مسلمة كُتب في
    الشواذ اولاد ال......
    حقول اية بس الموضوع ممتاز والله انا اتفرجت على الكليبات وبحى الى عرف يعد عدد ال 16 الم على وش الرجل لان بصراحة انا كنت ضعيفة ومستحملتش اتفرج بس حقول اية؟ لو يقدر رجال وسيدات الحزب الوطنى يتفرجوا فى التليفزيون على بناتهم او ولادهم وهما بيتهتك اعراضهم فى الشوارع على شاشات التليفزيون زى يوم الاستفتاء الملعون ولا على ضرب وموت ولادهم على النت فى الاقسام يبقى يا رب نشوف ولادهم بيتعزبو ويدبهدلو زى ولاد الناس الى اتبهدلوا. وبعدين الضرب مبقاش سياسة من اجل الاعتراف لا دة بقى من اجل التسلية دول كانوا الظباط بيهزروا وبيتسلوا على الراجل فى قسم الهرم ( اضرب يا مصطفى ؛ وكلاكيت تانى مرة ) والله دول شواذ
  43. حاقد علي مبارك كُتب في
    الوووووووووووو يا حكوووووومه
    اذا اراد الله ان يذل شعبا ارسل الله من يذله العيب علينا مش علي مبااااااااااارك
  44. أسامة راسم كُتب في
    ههههههههههه
    أنتوا بتحلموا
    مش ممكن يحصل طبعا
    طب لو حصل كيف سيمارس السادة الضباط هيمنتهم على الشارع , وكيف سيمارس الأب هيمنته على المنزل من ألى بيشوفه فى الشارع , وكيف سيمارس ريس الشلة هيمنته على الشلة من ألى بيشوفه فى البيت , وهكذاااااااااا
  45. اروى الطويل كُتب في
    ايوه كده
    ايوه كده يا براء ارجع زى زمان
  46. عمدة كُتب في
    كفاية حرام
    كفااااية بقى ذل وهوان
  47. مصري بيحب بلده كُتب في
    حسبي الله ونعم الوكيل
    والله انا تعبت فعلا من التعليقات وقلبي وجعني اوي على بلدي اللي باحبها لكن مطلوب التحرك على عدة مستويات
    اولا : لابد من عمل لجنة من النشطاء تتولى الاتي
    1- اعداد الملف بصورة جيدة جدا واستقدام اي ملفات شبيهه
    2- مخاطبة رؤساء تحرير جميع الجرائد المعارضة بعمل حملة اعلامية صحفية ضخمة جدا جدا
    3- مخاطبة القنوات الفضائية لعمل حملة اخرى بها ومقابلة رؤسائها ( الجزيرة - العربية - المحور ....الخ )
    4- مخاطبة الكتلة البرلمانية للاخوان المسلمين والاحزاب المعارضة والمستقلين لاثارة القضية بشكل قوي جدا تحت قبة المجلس واقتراح قانون بتجريم ضرب الشرطة للمواطنين وانشاء مركز متخصص يتم انشاء فروع منه على مستوى جميع محافظات مصر لتلقى شكاوى المواطنين بهذا الشان والبت فيها وكذلك عمل خط ساخن لاستقبال مثل هذا النوع من الشكاوي
    5- مخاطبة وزير الداخلية وارسال نسخة من الملف له مع اقتراح بتدريس مادة داخل كليات الشرطة عن حقوق الانسان واهمية احترامها
    في حال فشل هذا يتم مخاطبة الامم المتحدة بعد استئذان اعضاء مجلس الشعب من كتلة الاخوان والمستقلين والمعارضة
    واخيرا اقول لصاحب الورده الذي استفذني جدا تعليقه ما تحكي عنه لا يكون مع انتزاع الحريات من حكومات مستبدة ومتسلطة ما تحكي عنه عندما اكون قادرا على رد الاهانة ولا افعل ذلك ما تحكي عنه يكون عندما اكون الاقوى ليتفهم الاخر ان الورده ليست عن ضعف ولكن عن مودة
    وانا على استعداد تام للاشتراك مع تلك اللجنة في حال تكوينها ومساعتهم بكل طاقتي وهذا ايميلي للمخاطبة eng_m.s.a@hotmail.com
  48. هند كُتب في
    كلامك صح بس فيه اعتراض
    كلامك كويس اوى بس احنا منقدرش نعمل اي حاجه من دي الا لما يكون في رغبه من دي داخل كل انسان مش عاوز الموضوع ده الانسان بيغير نفسه من نفسه انا منكرش انه لازم في حد يساعده بس لازم وحتما ان يكون في رغبه وحب لكده وعموما انا اتضامن معاكوا واقول انـــــــــا مــــــــش هـــــتـــــضـــــــرب والقوي عليه ربنا لانه اسمه القوي
  49. مصري كُتب في
    مصري
    اولاا احب ان اشكر جميع المشار كين وربنا معانا
  50. نعيمة كُتب في
    أنا ضدضبر
    سلام عليكم
    هدووحوش الرجال شرطة يضربوالناس هم موش مربين يعرفو العنف أنا من المغرب تعليق على الوزير الداخليي حرام عليه الشباب بي روح ضحيي وسلام الجواب في الحين
  51. والله انا تعبت فعلا من التعليقات وقلبي وجعني اوي على بلدي اللي باحبها لكن مطلوب التحرك على عدة مستويات كُتب في
    هافضل لحبك يا بلدي مهما يقول الخاينين
    اولا : لابد من عمل لجنة من النشطاء تتولى الاتي
    1- اعداد الملف بصورة جيدة جدا واستقدام اي ملفات شبيهه
    2- مخاطبة رؤساء تحرير جميع الجرائد المعارضة بعمل حملة اعلامية صحفية ضخمة جدا جدا
    3- مخاطبة القنوات الفضائية لعمل حملة اخرى بها ومقابلة رؤسائها ( الجزيرة - العربية - المحور ....الخ )
    4- مخاطبة الكتلة البرلمانية للاخوان المسلمين والاحزاب المعارضة والمستقلين لاثارة القضية بشكل قوي جدا تحت قبة المجلس واقتراح قانون بتجريم ضرب الشرطة للمواطنين وانشاء مركز متخصص يتم انشاء فروع منه على مستوى جميع محافظات مصر لتلقى شكاوى المواطنين بهذا الشان والبت فيها وكذلك عمل خط ساخن لاستقبال مثل هذا النوع من الشكاوي
    5- مخاطبة وزير الداخلية وارسال نسخة من الملف له مع اقتراح بتدريس مادة داخل كليات الشرطة عن حقوق الانسان واهمية احترامها
    في حال فشل هذا يتم مخاطبة الامم المتحدة بعد استئذان اعضاء مجلس الشعب من كتلة الاخوان والمستقلين والمعارضة
    واخيرا اقول لصاحب الورده الذي استفذني جدا تعليقه ما تحكي عنه لا يكون مع انتزاع الحريات من حكومات مستبدة ومتسلطة ما تحكي عنه عندما اكون قادرا على رد الاهانة ولا افعل ذلك ما تحكي عنه يكون عندما اكون الاقوى ليتفهم الاخر ان الورده ليست عن ضعف ولكن عن مودة
    وانا على استعداد تام للاشتراك مع تلك اللجنة في حال تكوينها ومساعتهم بكل طاقتي وهذا ايميلي للمخاطبة eng_m.s.a@hotmail.com
  52. مصراوي قديم كُتب في
    نحن الخراف
    نحن الخراف
    الموقعون أدناه
    نعلنكم
    أننا مازلنا أحياء
    وأن لنا صوتآ
    يقول ماء ، ماء
    ونطالبكم
    بأن يكون
    المرعى للجميع
    وهو ما يعني
    كل أفراد القطيع
    فليس من النخوة
    والجدعنة
    أن تستولوا على
    كل ما تركه لنا جدنا
    فأنتم نهبتم
    كل الحشيش
    وزعمتم
    أنه لغيركم مافيش
    فإن يكن لديكم ألفآ
    من القرون
    فإن لنا آلافآ
    من البطون
    فإن تبقرون
    فبعضنا سيموتون
    وتحيا بقيتنا
    وتهلكون
    فلابد أن يكون
    المرعى للجميع
    وهو ما يعني
    كل أفراد القطيع
    فنحن الخراف
    المذكورون أعلاه
    نعلنكم
    أننا مازلنا أحياء
    وأن لنا صوتآ
    يقول ماء ، ماء
    توقيع: الخراف الصاحية
  53. ؟ كُتب في
    الخليفة حسني مبارك
    ولد حسني مبارك (لعنة الله عليه) في الاسكندرية عام 1896 وخلع سنة 2001 بويع حسني مبارك بالخلافة سنة 1899م ومن اهم اعماله تاسيس جمهورية مصر الجديدة ومقاومة اسرائيل حتى فتحت مصر على يده عام1988م وفي سنة 1993م تصدى للاسماعلية والشيعة وكانت اهم معاركه معركة سينا حين تصدى للحركة الصهيونية وانتصر عليهم وتسمى هذه المعركة معركة1999م وفي عام 2001م خلع من منصب الخلافة وفي عام 2002 لقي حسني المبارك حتفه على ايدي الثوار عليه كان لمقتله اسباب عديدة اهمها انه اعتمد في حكمه على الرذيلة والمنكرات وبرغم من اعمل عديدة التي قام بها الا انه كان يفتقر الى العدل وخبرة السياسة.
  54. K.S.A كُتب في
    ياللهول !
    لا إله إلا الله
    الله يكون بعونكم احبتي في مصر
    انا عارفه إن كثير دول عربيه و حكوماتهاعندهم هوايه وهي "التعذيب"
    بس إن المسأله تكون في في المعتقلات و غير منشوره, بس الضرب يكون بالمصانع وبين الناس على المكشوف كذه !!
    حكم القوي على الضعيف,, ولكن ممكن تتغير الموازين و التغيير بإيدكم, الله معاكم
    حسبي الله عليهم
    حسبي الله عليهم
  55. واحد بيحب الشعب كُتب في
    كويس
    يا ريت يا براء تقول للناس إية إلى بيكرهوه فى البلد الحكومة ولا الشعب ولا إية بالضبط لحسن أنا سمعت واحد بقول وهوه ماشى فى الشارع "شعب أبن كلب" هوة ما فكرش مرة إنه من الشعب ولا إية
    أه ومروك رجوعك للكتابه بعد الغيبه الطويله دى
  56. خالد كُتب في
    لا تتردد
    الانسان المصرى العادى
    ولد .. ليشقى ... ليموت
    يستاهل
  57. مهتمه كُتب في
    يا فرعون
    قالوا يا فرعون ايه فرعنك ...... قال ملقتش حد يلمني ، فرعون ما يقدرش يبقى فرعون من غير هامان ومن غير جنوده ومن غير حاشية فاسدة حواليه ، والاهم من كل ده ، ما يقدرش يبقى فرعون من غير شعب مطحون مقهور مغلوب على امره ومحدش عامله حساب .
    تخيلوا فرعون كده من غير شعب ...... ايه قيمته ؟ طيب ايه لازمه الجنود اذا كان مفيش شعب يطحنوه ؟
    طب تخيلوا لو الشعب ده رغم الضعف .... والفقر .... وطول القهر والاذلال ، فجأة انتفض وقال لا stoooooop
    تحول المسكين الضعيف المقهور .... لمارد متمرد قوي وجبار وقاهر ، مستعين بالله حتى لو كان معندوش اي حاجة تانية يستعين بيها
    "وكفى بالله وكيلا"
    تخيلوا هؤلاء الظلمة الجبناء كيف سيكون حالهم ؟ كيف سيدافعون عن انفسهم ؟ بمزيد من الظلم والقهر؟ طاب وماله ماهي خربانه خربانه ، بس الانسان يموت بكرامة ، ويبقى عنده امل ان جثته تبقى سلمه يصعد فوقها الآخرون ليصعدوا ويرتقوا ويُوقفوا الظلم والظلام ، يعيشوا بكرامة ويربوا ولادهم انهم يعيشوا بكرامة .
    لا يوجد ما يستحق ان تحتمل قتل كرامتك من اجله .... لتعيش ميت يتنفس .
  58. يوسف كُتب في
    معاك يا نور
    معاك يا نور
  59. يوسف المصرى كُتب في
    ايمن نور فى قلوبنا
    بمناسبه الموضوع ده انا كان ليا تعليق بسيط اولا انا مصرى وبحب بلدى واكيد كلنا بنحب بلدنا واسالكم لمازا ايمن نور فى السجن هل لان تقدير الاصوات اللى حصل عليها كانت عاليا على مستواه ام ان الرئيس كان خايف على المحروس ولده من المنافسه القادمه والله ده حرام وافتراء على العموم انا بطلب من كل الناس الحره ان تضم صوتها لصوتى ونقول معاك يا نور
  60. أبو سليمان كُتب في
    الإعلام السبب.. وجهة نظر
    السلام عليكم أولا، أنا أعتقد أن تفشي ظاهرة العنف سببها الرئيسي الإعلام، وذلك من خلال الأفلام والمسلسلات التي تعتمد هذا الأسلوب وتظهر أن الذي يضرب هو الأقوى.. والذي يسامح ويتنازل عن حقه هو الأضعف.. بالإضافة إلى التدني الخلقي في الأفلام بحيث تبرز بعض السلوكيات الخاطئة على أنها فهولة.. ونصاحة.. وأسلوب عصري متحضر.. وفي المقابل التهكم والسخرية من السلوكيات المحترمة والجميلة، ووسمها على أنها عقلية متحجرة ورجعية..
    طبعا الشرطة من نسيج المجتمع فهو يتأثر بما يشاهده في الإعلام،
    الأمر الآخر: أن بعضهم من بيئة غيرة سوية، أو تربى تربية غير معتدلة فيعوض هذا النقص بالاحتماء في وظيفته..
    فالحل:::....................
    والله نفكر سويا لأنها مشكلة مش سهلة.. تربى فيها الآباء والأجداد منذ زمن...
    الله المستعان...
  61. ahdaf كُتب في
    لست حيوانا لأضرب
    سلام عليكم
    لا بد أن وراء الصمت عن الاعتداء سبب قاهر أهمه التربية كما تفضلت وقلت .. لذا حل المشكلة لا تعالج إلا في الصغر
    عودوا فتكاثفوا للتوعية .. والله خير ميسر
    سلام عليكم
  62. مصري أصيل كُتب في
    الاخ بتاع الوردة
    انت فعلا رفعت ضغط دمي على الصبح واسف جدا لو قلت انك ورمت ( ؟؟؟؟؟؟ )وبقوا قد (؟؟؟؟؟؟ ) الفيل
    الحق اروح اشتري وردة احتياطي اصلي رايح استخرج جواز سفر من القسم
  63. F كُتب في
    اه فعلا
    انا فعلا مع الاخ اللى بيقول ان الشعب لازم يتعمل يحترم بعضه الاول ...لأن كله مش بيحترم بعضه و لو حد قال للتانى شكرا فى الشارع و لا المحلات و لا الصيدليات بتبقى حاجه غريييييبه ...و قليل اللى بيحترم مراته ادام الناس ... لدرجه ان واحد ضرب مراته لأنها مرقصتش ادام اهله .... بقى الموضوع بايظ خالص ... و لو اتعلمنا دينا الاول صح هاتنتهى كل هذه المشاكل لأن دا فى الاخر بيرجع برده لسطحية معرفتنا بالدين .. لان اللى بيضرب و اللى بيلعن دا من غير وجه حق لى جزاء فى الدنيا او فى الاخرة
  64. احمد اللي ما انضربش ومش ناوي ينضرب كُتب في
    هو ليه محدش من الساده الظباط بيقري الكلام ده؟؟؟؟؟
    انا متفق مع كلام شيماء عن حكاية الاستاذ علاء الاسواني بس انا مستغرب من ظباط الشرطة ازاي بيفسروا الضرب هل علي انه تهذيب واصلاح؟؟؟
  65. عصام ابو طالب كُتب في
    هى دى بلدنا
    لومفيش ذل ماتبقاش دى مصرواذاغضب الله على شعب حكم عليهم ملك ظالم والله يسامح وزير الداخليه المصرى
  66. مرمر كُتب في
    العبى يا دنيا العبى بينا امتى ها
    بص وحاسب على نفسك من الدنيا والبلد الغدارةدى هتكلينا يا بلد قيب جدا
  67. ميرهان الجوجرى كُتب في
    استعراض جديد
    امتى تتصلح البلد دى **
    امتى نرتاح من اللى احنا فيه**
  68. مسلمة كُتب في
    يا رب
    يا رب عليهم
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
  69. محسن صالح كُتب في
    سكران
    انته بطران
    هاي اجوز امسوينه بيك
العودة إلى الأعلى