انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

طالبات الإخوان .. ديجتال

ولاد البلدقراءة في ٤ د

زى ما كلنا عارفين.. الحركة داخل الجامعة السنة دى والحمد لله مختلفة..

أسباب الاختلاف مش كتير.. فحالنا هو حالنا من 100 عام تقريباً.. ولكن "كفاية" وتعديل 76 وغيرها كلها كانت بشاير للتغيير.

ولكن التجديد الحقيقي كان في أشكال التغبير.. وآخرها وأكث

30/03/2006

سارة جمال ـ ولاد البلد:

زى ما كلنا عارفين.. الحركة داخل الجامعة السنة دى والحمد لله مختلفة..

أسباب الاختلاف مش كتير.. فحالنا هو حالنا من 100 عام تقريباً.. ولكن "كفاية" وتعديل 76 وغيرها كلها كانت بشاير للتغيير.

ولكن التجديد الحقيقي كان في أشكال التغبير.. وآخرها وأكثرها أثارة للاستغراب والفرح وكل الحاجات.. هو إن بنات الإخوان (بيعملوا فن).. خبر مهم لوحده من غير اى إضافات، ولكن ندخل فيها الآن .. اقرأ وشاهد تقرير (سارة جمال) ثم أرسل بتعليقك.

طالبات الإخوان.. كلمتين ارتبطوا دائماً بالدوائر المستديرة من البنات الملتزمات في جناين الجامعة ودروس الدين في المسجد بعد صلاة العصر وتنظيم زيارات للجمعيات الخيرية.

وصاحبت الكلمتين دائما لائحة اتهامات.. فين المشاركة السياسية ؟.. مافيش تجديد ولا رؤية خاصة .. القدرة على التحاور والانتقاد ولا كلها معاني خارج الكادر.

ولكن هذا العام جاء بـnew look بنات الإخوان، فأصبح نشاطهن جزء أساسي في قلب الأحداث، نظمن عدة مسيرات وشاركن بإعداد ندوة عن الإعلام البديل في مؤتمر القاهرة لمساندة العراق في نقابة الصحفيين .. والجديد إنتاج فيلم وثائقي عن الرسول الحبيب كنوع من التفاعل مع الأزمة الدنماركية.

البداية ربانية

بدأت الحملة بما اسمته الطالبات (بداية ربانية)، وكان مقصود صيام يوم عاشوراء والإفطار في الجامعة.

(وبعدين) .. تنظيم مسيرة سلمية للاحتجاج على الإساءة للمصطفى، ورفع شعارات "معا لنصرة الحبيب"، وكان الختام سلام مع فيلم تسجيلي بسيط بكاميرا ديجتال مستعارة ومن إنتاج بعض طالبات كلية إعلام وسياسة واقتصاد، واسمه "علي خطاك يا رسول الله".

عن محتوى الفيلم تقول إسراء محمد إحدى المشاركات في إنتاجه، أن الفيلم يضم أربع أقسام الأول: "وقفات مع الحبيب" ويتناول محطات في السيرة النبوية كنزول الوحي والجهر بالدعوة والهجرة من خلال لقطات من برنامج علي خطي الحبيب ومن أفلام عن السيرة النبوية.

والثاني يعرض بشكل ساخر لقضية الرسوم، والثالث يتناول مشاهد من أفلام شهيرة مثل "الرسالة" مصحوبة بمجموعة أناشيد منتشرة بين شباب الإخوان.

والرابع يعرض للوسائل العملية للدفاع عن النبي، وكان بطل الأخوات في هذا الجزء بالطبع كما هو متوقع "عمرو خالد" ومشاهد من برنامجه "على خطى الحبيب"، وفى النهاية دعاء بمرافقة النبي في الجنة .. انتهى الفيلم.

اكتسبت الطالبات مهارات أخرى تنذر بالخطر، فقد نزلت الآنسات لمجال التسويق، فتباع الآن cd للفيلم وبـ(خمسة جنيه)، ونوع من الترويج نزلت مقتطفات من الفيلم على موقع شباب الإخوان "كل الطلبة" .. شاهدها الآن.

إحنا ولاد البلد، انتهى التقرير .. بس يعنى، أكيد في كلام لازم يتقال..

(أسماء) واحدة من اللي عملوا الفيلم بتقول.. "بالطبع نحاول أن نحقق المزيد من الابتكار والإبداع في رسائلنا الدعوية لتصل إلى أكبر جمهور ممكن، ولتعكس صورة الإسلام الحقيقية التي تحث علي مواكبة العصر والاستفادة من المستجدات الحديثة في خدمة الإنسانية وخدمة الدعوة.

والجديد في الفترة القادمة، أن لدينا عدد من الأخوات الموهوبات في التمثيل المسرحي، ويوكل إليهن تمثيل اسكتشات تقدم المعاني الإسلامية التي نود التأكيد عليها في قالب فكاهي".

وبنقول لأسماء ولكل الناس اللي لهم في الفن والدين السياسة ومصر كمان ..

اللي تعمل ده بجد حاجة تفرح .. أكيد في ناس هتكلم عن مستوى العمل الفني .. وناس تانية هتقول برضه لسه الطالبات بيتحركوا في نطاق محدد أتحركوا في أزمة الرسوم و لكن مين عمل فيلم عن غرقى العبارة ؟..

الأسئلة كتير ومش بتخلص المهم إن دلوقتى بينتج عنها حركة .. والحركة بركة .. وكل حركة وانتوا طيبين.

• ضابط فى مدينة الذئاب !

• خارجة .. الداخلية في شهر!!

• عبد الظاهر السقا.. ناقل الحرب!!

• دستور جديد.. من الألف للياء!!

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. اخوانجى مخنوق من الاخوان كُتب في
    خير جدا
    يا جماعه ده خبر رائع جدا ان الاخوان ينزلوا للشارع بس يارب يكون الموضوع ده ممنهج وتطلع فرق فنيه تقدم قصص هادفه مش للمعسكرات بس او جلسات السمربل للمجتمع كله
  2. ياء كُتب في
    مخنوق
    والاخ المخنوق من الاخوان مخنوق ليه ؟
    ؟؟؟؟
    مجرد سؤال ؟
    yehia2784@hotmail.com
  3. طماطم كُتب في
    اه .............فعلا
    فعلا سءال وجيه جدا لية مخنوق من الاخوان؟
    عموما لو مفيش هوا يعنى ممكن تفتح الشباك
    لو فى شباك اصلا
  4. اخوانجى بس بجد كُتب في
    قولتلى ليه مخنوق؟؟
    هو فيه اخوانجى بس اخوانجى بجد يبقى مخنوق من الاخوان مش عارف ليه مش قادر اصدق ؟؟
    وانا برده مش عارف ايه اللى جاب القلعة جنب البحر
  5. محمد حبيب كُتب في
    وايه المشكلة؟:)
    جماعة الإخوان ماشاء الله فيها تقدم على كل الأصعدة بطريقة مبشرة جداً..
    بس مش عارف.. ايه المشكلة يعني؟ حضرتك متضايق من كده؟:)
  6. ابو محجن كُتب في
    اخوانجى مخنوق من الاخوان
    السلام عليكم ... انا شايف ان الجماعه فيها مشاكل مزمنه من الداخل ولازم نعالجها وظهرت مشاكلها دى للناس اللى بتقرا وبتفكر .....(المناهج بتعانى من قلة الافق وعدم الشموليه فيها اصلا ) الافراد يتعاملون داخل الصف وكأنهم ماكينه_ كنا سلبيين فى مواضيع لابد ان نتحرك من أجلها مثل (حادثة العباره _موت السودانيين_موت 8 فى الانتخابات_ قطار البحيره_الاعتقالات لافراد السعب سواء كانو اخوان او غير اخوان )الاخوان كمعارضه سياسيه فهى ضعيفه تحتاج لتطوير (السؤال خرجت مظاهرات ضخمه السنه الماضيه وتم اعتقال1500 فرد من اجل الاصلاح) فكم محاضره اعطت داخل الصف لتفهيم الفرد المسلم ما هو الاصلاح السياسى _.......ننادى بالديقراطيه فهل نحن بالفعل عندنا ديقراطيه ؟؟؟؟؟......يا جماعه انظروا الى انفسكم وانظروا الى المجتمع وانظروا الى كلمة الامام البنا (عالمية الدعوه)فهل نحن على الطريق لا اريد منكم غير التفكير والله الموفق
  7. مراد كُتب في
    جيل النصر
    العالم يشهد بأن الإخوان المسلمين هم أفضل جماعة على الإطلاق وهم الوحيدون الذين يصلحوا أن يستلموا دفة القيادة وسيكون قريبا بإذن الله العزيز ليحققوا آخر أهدافنا كمسلمين وهو (( أستاذية العالم )) وأكرر أنتم طلاب وطالبات الإخوان الحاليين أنتم جيل النصر .
  8. عاشق الإخوان 17 سنة كُتب في
    شكر وتقدير
    تتقدم جماعة الإخوان المسلمين في الأردن بالشكر والتقدير من طلاب مصر الأشاوس الذين رفعوا رؤوسنا نحن الإخوان عاليا
  9. مايا محمد كُتب في
    لاهل لبنان
    الله يكون معكوا دايما
العودة إلى الأعلى