انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

يا ترى نهايتى هتبقى ازاى؟

ولاد البلدقراءة في ٢ دبقلم أحمد الصباغ

اليومين دول طول ما أنا ماشى فى شوارع مصر بنظر للأشياء وأتأمل فيها وأتخيل نهايتى هتبقى فين؟؟؟

أمشى فى الشارع أبص لأتوبيس النقل العام وأفتكر الأتوبيس اللى وقع قدامى من كام سنة من على كوبرى الجيزة على نافوخ الناس اللى تحت وكل البشر ماتت وميدان الجيزة اخر النهار كان غرقان دم ومية ورمل .. واحس ان نهايتى هتبقى فى اتوبيس

أمشى قرب المقطم اللى زمان كنت بحب عظمتة وشموخة .. وأبص للصخور العالية ..وأفتكر بتوع الدويقة.. وافتكر قسوتة علينا زية زى اللى بيحكمونا ..واحس ان نهايتى هتبقى تحت صخرة

امشى جنب كوبرى .. وافتكر حادثة الكوبرى السنوية .. كوبرى السيدة عائشة اللى كل سنة يقع من عليه اتوبيس او ملاكى او تاكسى او عربية جيش .. واخر مرة الأرض هبطت تحت الكوبرى

أروح أصيف وأبص للبحر .. وأحس بخيال جثث سارحة فى الأعماق .. وافتكر حادثة العبارة المجيدة .. أفتكر سالم إكسبريس وافتكر السلام .. وكمان بفتكر براءة ممدوح اسماعيل .. واحس ان نهايتى هتبقى فى بطن سمكة

أسمع صوت السكة الحديد وهى جاية من بعيد .. يرن فى ودانى أهات وصرخات قتلى حوادث القطارات .. من كفر الدوار لقطار الموت بمطروح .. واحس ان نهايتى هتبقى على قضبان سكة حديد

أشوف عربية جاية من بعيد .. أفتكر مطبات وحفر ومنحنيات شوارع بلدنا .. والاف الحوادث اللى بتحصل قدام عيوننا سنويا واخرها الحادث كمين مرور المعادى

ياااااااااااااااااااااااارب

اموت موتة كويسة

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. ابو صياح كُتب في
    كل يوم تسمع اخبار شرارة
    وتطالعك صور عائلتة فى الجرايد ويجيلك اكتئاب وانفصام فى الشخصية
    وهو يتخن ويبقى زى البغل
    وفى النهاية ستموت مقهور ومقهور ومغمور
    وجائع وحالتك كرب
  2. كُتب في
    العنوان عاليه
    صنائع المعروف تقي مصارع السوء
  3. http://www.islamadvice.com/nas كُتب في
    نائع المعروف تقي مصارع السوء
    "لا يذهب الفضل بين الله والناس"
    من توفيق الله عز وجل لرسوله قبل البعثة، زواجه من خديجة رضي الله عنها، وذلك لرجاحة عقلها، وحسن خلقها، وكمال تدبيرها، وقد ظهر ذلك جلياً عندما رجع إليها رسول الله صلى الله عليه وسلم من غار حراء عندما بدئ بالوحي: "ترجف بوادره، حتى دخل على خديجة فقال: زملوني زملوني؛ فزملوه حتى ذهب عنه الروع.. فأخبرها الخبر، قال: وقد خشيتُ عليَّ، فقالت: لا، أبشر، فوالله لا يخزيك الله أبداً، إنك لتصل الرَّحم، وتصدق الحديث، وتحمل الكَلَّ1، وتقري الضيف، وتعين على نوائب الحق".2
    لقد استدلت خديجة رضي الله عنها بأن الله لن يخزيه بهذه الأعمال الجليلة التي عرفت عنه قبل بعثته صلى الله عليه وسلم، وهي:
    1. صلته للرحم.
    2. صدقه في القول، حتى كان يلقب في الجاهلية بالصادق الأمين.
    3. إحسانه وإنفاقه على الفقراء، والأيتام، والأرامل.
    4. اقراؤه الضيف وإكرامه له.
    5. إعانته لمن أصابتهم جائحة أوحلت بهم مصيبة.
    لقد جمعت هذه الصفات أمهات صنائع المعروف، ولم ترد خديجة رضي الله عنها أن تصفه بكل ما كان يتصف به من تلك الصفات، ولكنها أشارت إلى أهمها، ولا شك أن هناك صفات كثيرة غيرها، كان متحلياً بها صلى الله عليه وسلم.
    قال الإمام النووي: (قال العلماء: معنى كلام خديجة رضي الله عنها: أنك لا يصيبك مكروه لما جعل الله فيك من مكارم الأخلاق وكرم الشمائل، وذكرت ضروباً من ذلك، وفي هذا دلالة على أن مكارم الأخلاق وخصال الخير سبب للسلامة من مصارع السوء).
    بجانب ما ذكرت خديجة فمن صنائع المعروف التي تقي مصارع السوء ما يأتي:
    1. الشفاعة الحسنة.
    2. الحلم، والعفو، وكظم الغيظ عن الجاهلين.
    3. تعليم الناس وإرشادهم.
    4. القيام بالخدمات العامة التي يحتاجها الناس في أمور دينهم ودنياهم.
    5. إنظار المعسرين، وقضاء الدين عن المدينين.
    6. التنفيس عن المكروبين.
    7. الأمر بالمعروف والنهي عن المنكر.
    فمن أراد أن يقيه الله مصارع السوء فعليه القيام ببعض هذه الأعمال، فكل ميسر لما خلق له، ومن وفقه الله للقيام بها كلها أوجلها فذلك فضل الله يؤتيه من يشاء.
    يزداد ثواب وفضل أعمال الخير بفضل الزمان والمكان، وليس هناك زمان أفضل من رمضان، ولا عمل أزكى من الصيام، فمن زاد فالله أزيد وأكرم.
  4. نهال كُتب في
    احنا لو فكرنا كده وبالشكل ده مش هنعرف نعيش لازم نتقي ربنا في كل حاجه واكيد هيبقي معانا ديما في اى وقت والمفروض نفكر في الله سبحانه وتعالي ديما عشان هو يفتكرنا وبعدين الموت ده بايد ربنا ومحدش عارف هيموت ازاى وامته وبعدين اول لما تفكر في كده حاول تنسي ده وتفتكر ربنا وتدعي وتقول يارب وهو اكيد مش هيسيبك ان شاء الله
  5. اكتب اسمك هنا كُتب في
    مش مهم اموت ازاى وفين، المهم اموت وربنا راضى عنى ولو ربنا رضى عنى مش هاتفرق معايا لان رحمته واسعة ومش هاحس لا بقطر ولا مركب ولا اتوبيس
    ربنا يحسن ختامنا ويرضى عنا
    قولوا آمين
  6. ممدوح زكى زخارى جرجس_الاسكندري كُتب في
    بالذمة دة كلام
    ما انت ميت يا ميت
    روح منك للة !؟؟؟
    ضحكت اموات عينا
    اللة يسامحك اخرة و دنيا؟!
  7. ممدوح زكى زخارى جرجس_الاسكندري كُتب في
    انت اكيد ياهبل يا عبيط و غالبا متخلف
    ما انت و الحمد لله ميت و ميت موتة و شخة و العياذ باللة
    انت موش حاسس بالموت اللى احنا فية
    جاتك نيلة دنيا و اخرة
  8. مش لاوى بوزى كُتب في
    تعددت الاسباب والموت واحد
    " ولو كنتم فى بروج مشيدة"
    بس أحب أقولك إنك هاتموت هاتموت
    البقاء لله كنت راجل طيب
    بس حسيت بحاجه
العودة إلى الأعلى