انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

عمو فؤاد :محدش راضي يساعدني!

ولاد البلدقراءة في ٣ دبقلم محمد السويدي

يقف هناك بجلبابه البلدي المتسخ معظم الوقت، شارد الذهن، مشغول البال، صامت معظم الوقت على العكس ممن يمتهنون عمله كصانع للشاي بجوار مسجد..

"شاي المحاربين القدامى" جملة كتبت بخط يدوي عريض على واجهة عشته التي يتخذ منها مكان لعمله ومعيتشه، قبل أن تسأل عن سبب التسمية ندعوك للتعرف على عم فؤاد..

بطاقة :

الاسم : فؤاد حسن سالم.

تاريخ الميلاد : 1 / 9 / 1944.

المهنة الحالية : بائع شاي في شارع هارون الرشيد، بعزبة النخل، محافظة القاهرة.

الدخل الثابت : 48 جنيه، معاش حكومة.

محل الإقامة : غرفة مترين في ثلاثة أمتار و طرقة صغيرة و حمام و مطبخ ضيقين بالدور الأرضي في بيت قديم متهالك بعزبة النخل.

محطات:

عاصر عم فؤاد حربي الاستنزاف والسادس من أكتوبر وشارك فيهما، ويحكي عن تلك الفترة قائلا:"أيام الحرب لم تغب عن بالي يوم فلازلت أتذكر السير على الأقدام 23يوما أثناء الانسحاب من حرب 67 بدون طعام أو شراب، ولم أنس أبداً سعادتي وزملائي بعد أن قتلنا 181 جندي إسرائيلي بكتيبتنا وحدها"..

"ولاد البلد " التقت عم فؤاد في عشته الصغيرة، التي تقترب من المتحف حربي من كثرة الصور العسكرية بها، فهذه صورة لعم فؤاد و هو يمسك ببندقيته و أخرى في موقع القيادة أمام دبابة وثالثة مع زملائه بداحل عربة مصفحة و رابعة أثناء تدريبات الغوص بقناة السويس، هذا بخلاف صوره مع القادة العسكريين في تلك الفترة العصيبة بين حربي 67 و 73 ، ولكن الحالة المثالية لا تكتمل فبعدها مباشرة تجد قصاصات من الصحف و المجلات تحمل شكواه من تجاهل المسئولين له و رفضهم تكريمه و تحسين معاشه أو توفير مسكن آمن له ولأسرته المكونة من زوجته العجوز و سبعة من الأبناء و البنات.

سألنا عم فؤاد عن حكايته مع الشارع والإقامة فيه بعد أن عرفنا سنواته مع الحرب فقال و الدموع تبلل وجهه": أنا خدمت البلد دي بدمي و اشتركت في ثلاثة حروب من أجل التحرير و الكرامة و تعرضت للإصابة في قدماي و مررت بأيام صعبة رأيت فيها الموت أكثر من مرة و بعد عودتي من حرب العبور وجدت شقيقي الأكبر قد توفى تاركا ورائه زوجة و سبعة من الأبناء بدون دخل،فتحملت مسئوليتهم و قررت الزواج من أرملة أخي وتربي أبنائه وأنجبت منها 4 أبناء أخرين و نظراً للظروف المادية الصعبة لم يتعلم من جميع الأبناء غير واحد فقط."

المهنة ..بائع شاي

بائع الشاي الحالي والبطل السابق أخبرنا أنه طرق باب جميع المسئولين في وزارة التضامن الإجتماعي لكي يرفعوا قيمة معاشه، كما توجه لمحافظة القاهرة للحصول على رخصة كشك، وإلى وزارة البترول للحصول على مساعدة من وزير البترول، وبرغم كل محاولاته لم يحدث أي جديد فلم يستجب له ولا حتى مسئولوا الوحدة المحلية الذين رفضوا إنقاذ شقته من الغرق في مياه الصرف الصحي التي تطفح في شقته ليل نهار..

استنكر عم فؤاد ماحدث له معتبراً تضحياته من أجل الوطن راحت هدر، فلم تشفع له لدى كل هؤلاء ولا حتى طلقة قتل بها عدو غادر، لذا فكر في البحث عن حل لمشكلته بنفسه عبر تقديم الشاي بجوار مسجد كبير بمنطقة هارون الرشيد بعزبة النخل، و لم يجد فرصة للتعبير عن نفسه و تعريف الناس بقصته سوى تعليق علم مصر وصوره في الحرب بداخل هذه العشة التي يقيم فيها معظم الوقت و لا يذهب إلى شقته إلا عند النوم..

أنهي عم فؤاد حديثه و آثار الدموع لا تزال تظهر على وجهه قائلا ( مكنتش أنتظر رد الجميل للأبطال اللي خدموا مصر بالشكل ده )..

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. جتك ستين خيبة كُتب في
    حاربت يا خويا فى 67 والاستنزاف وحرب اكتوبر واخرتها معاش ب 48 جنية وبتبيع شاى والبلد كلها سرقوها
    كنت بتحارب علشان تحرر سيناء علشان يعملوا فى شرم الشيخ صالات قمار ومواخير
    كنت بتحارب لحساب مين
    واخرتها
    قسموا ارض البلد على بعض فى الساحل الشمالى واعطوا اسرائيل الغاز وانت اخذت خازوق
  2. تستحق ضرب الجزمة كُتب في
    كلما شاهدت نتنياهو و ولمرت وغيرة ياخذهم المسئولين الكلاب عندنا بالاحضان فى الشرم كلما ندمت على السنين الهدر التى ضاعت على جبهة القتال وبكيت على ارواح الشهداء التى ذهبت عبثا
    لو كان اليهود دخلوا القاهرة وحكمها شارون لم يكن يخرب الدولة مثلما خربها قيادات الحزب الوطنى والجالسين على الكراسى
  3. مواطن مطحون اكيد كُتب في
    والله حرام بقا الناس اللى حربت وشالت الطين يبقا ده حاله والناس التانية يجعل كلامنا خفيف عليهم عاملين يسرقوا التاريخ واحد راح لحالة وده طبعا رجل الحرب والسلام وكلنا عارفينو والتانى اللى كابس على نفس اللى جابونا صاحب اول ضربة جوية سرقوا البلد وتاريخه والناس اللى حربت بجد مش لاقيه تاكل حسبى الله ونعم الوكيل
  4. الغلط كُتب في
    احنا غلطنا لاننا لما الحرب خلصت واللى مات فى الرمل مات واللى رجع من غير ايد واللى رجع من غير رجل - سلمنا سلاحنا ورجعنا
    رجعنا بلادنا وقرانا
    كنا فاكرين نفسنا منتصرين
    لما رجعنا لقينا السادات جاب اليهود ورانا فى الغيطان فى القرى وجايين ومعهم المبيدات المسرطنة والبذور الفاسدة
    ولقيناهم فى الفنادق والمتاحف والوزرات
    كنا فاكرين نفسنا انتصرنا
    انما الواقع اننا بعد الانتصار استسلمنا وركعنا
    ولم نحمل السلاح تانى
    قلنا واحنا مالنا
    لما البلد راحت
  5. حروب اية كُتب في
    فى حرب العدوان الثلاثى سنة 1956 كان الشهداء من العسكريين والمدنيين 950 قتيلا
    وفى حرب سنة 1967 النكسة بلغ عدد الشهداء 7 الاف شهيد
    وفى حرب 1973 بلغ عدد الشهداء 12 الف شهيد
    اما عدد القتلى فى حوادث الطرق سنة 2008 فقط فى مصر فهم 63 الف قتيل وهم فى سنة واحدة يعادلوا 3 اضعاف ضحايا جميع الحروب
    فى ذمتك دى مش مسخرة
  6. مساعدة من مين ؟ كُتب في
    اذا كان العدو اللى كنت بتحاربة هم الحكام الان عن طريق اعوانهم
    انت عايز اعدائك يساعدوك
    كفاية انهم سايبينك عايش
  7. شفت اليهود كُتب في
    هيساعدوك بمناسبة اية
    حصار اسرائيل للجيش الثالث وحصار السويس وتوقف دبابتهم على طريق السويس القاهرة
    شوية نجاحات فى الاول انتهت بخيبة تقيلة
  8. حرب المغفلين كُتب في
    يا مغفل دى حرب كانت مسرحية باتفاق السادات مع كيسنجر اليهودى لتحريك القضية
    وعمل مفاوضات الاستسلام وانسحاب اسرائيل الصورى
  9. انت بتعمل شاى كُتب في
    انت بتعمل شاى فى الشارع ومشرد
    والملازم اللى كان معاك اترقى وبقى لواء واخر خدمتة عينوة محافظ علشان ينشر الزبالة فى كل مكان
  10. مش لوحدك كُتب في
    فاكر مصر ايامها
    كان الجيش مليون وربع المليون عسكرى
    كان منهم 126 الف من خريجى الكليات والمعاهد العليا وكان فية 40 الف ضابط احتياط من الجامعيين
    هما دول اللى صنعوا النصر فى البداية
    ضباط الاحتياط الابطال والجامعيين
    انما بتوع ال 50 ثانوية عامة والبصمجية فدول اللى جابونا وراء
  11. المنوفى كُتب في
    يا عم فؤاد
    روح اتفرج على نتائج حربك فى شرم الشيخ
    واتفرج على المايوهات البكينى وصالات القمار وشواطىء الغطس للعراة وممارسة الجنس تحت الماء
    روح اتفرج على فندق الفور سيسونز بتاع هشام مصطفى
    حرب اية يا راجل نص كم
    مش كانوا بيضحكوا علينا ويقولوا انهم هيعمروا سيناء بعد التحرير بتسكينها خمسة ملايين مصرى يبقوا سد بشرى امام اعادة غزو اسرائيل لسيناء تانى
    كان كلام
    كانوا بيضحكوا علينا
  12. فى العشة صور كُتب في
    صور لعم فؤاد وهو قدام الدبابة او مع القادة
    ازاى
    وهناك اوامر عسكرية بحظر التصوير فى الوحدات العسكرية وعدم اصطحاب كاميرات
    انت ازاى اتصورت وقت الحرب والعمليات وازاى كاميرا دخلت المعسكر
    اسكت يا راجل انت ليحاكموك عسكريا وشيل الصور دى
  13. ابعت شكوى كُتب في
    ابعت شكوى وعريظة استرحام للباب العالى فى قصر عابدين يمكن ينظروا فى حالك ويعطوك علاوة 3 جنية ولفت نظر
  14. معاش 48 جنية كُتب في
    معاش 48 جنية يا مفترى
    يا ترى بتصرفهم ازاى دا انت تلاقيك بنيت من وراهم عمارات وعقارات
    هيص يا عم
    48 جنية
    اية الهنا دة
  15. فى الحرم المكى كُتب في
    فى الحرم المكى الشريف جلست بجوار اتنين مصريين زى عمو فؤاد بيتكلموا عن احوال البلد
    ويظهر انهم كانوا محاربين قدماء امثال عم فؤاد
    قال احدهم للتانى
    يظهر انة بعد فترة وبعد ان نمشى على عكاكيز البلد هتحتل مرة تانية
    الجيل الجديد مفيش فية اى انتماء او نخوة
  16. نتيجة الحرب كُتب في
    12 الف شهيد على الجبهة المصرية
    6 الاف شهيد على الجبهة السورية
    الفين 2000 قتيل اسرائيلى
    حررنا 12 كيلوا شرق القناة واحتل اليهود السويس و20 كيلو غرب القناة وتم حصار الجيش الثالث
    من اجل هذا السادات عرف ان مفيش فايدة
    فوقع اتفاقية كامب ديفيد للاستسلام
  17. كنت بتحارب كُتب في
    كنت بتحارب علشان ام البلد تتورث
    فيها اية لو شارون دخل البلد مش كان بقى احسن من اننا نشعر اننا حضيرة مواشى بتتورث
  18. كداب كُتب في
    اولا كل من شارك فى حرب اكتوبر حصل على وظيفة حكومية بقرار من السادات بعد الحرب مباشرة فانت وظفوك فين ولية تركت الشغل والمفروض لك معاش محترم
العودة إلى الأعلى