سؤال ورد غطاه
هو ليه عندما سافر المصريون -أبناء الفراعنة والحضارة وحوض النيل والمدينة والمدنية والحداثة والتنوير- إلى السعودية الوهابية الصحراوية وعملوا في التدريس والهندسة والدكترة لم يأثروا في المجتمع السعودى بينما عادوا هم متأثرين بما عرف بعد ذلك بالثقافة الوهابية؟
بسم الله الرحمن الرحيم الإجابة ربما لأنه بينما السعودية لديها محددات ثابته عن الهوية تتمثل في الدين والملابس والعادات والافكار والمواقف الراسخة اتجاه السياسية والمرآة والعالم، لكن المصريين ليس لديهم محددات راسخة أو أساسية للهوية، ومفهوم الهوية المصرية ما هو إلا مجموعة من التصورات الذهنية الخرافية، وأن كان هناك محدد أساسي ما للهوية المصرية فهو "اربط الحمار مطرح ما صاحبه عايز". ومادامت الوهابية بتاكل عيش، يبقي ناكل عيش.
إذن بناء على ما سبق، ليه الاخوة الليبراليين واجعين دماغنا بموضوع محاربة الوهابية ومحاربة الإسدال وانقاذ الهوية المصرية والكلام دا؟
بسم الله الرحمن الرحيم الإجابة ربما هما كمان بياكلوا عيش من سكك تانية، ومادامت محاربة الهوية بتأكل عيش، فكل عيش يا ابنى، كل عيش.
إذن بناء على ما سبق، احنا ما لنا بالحوارات دى وليه كل ما اقابل حد يقعد يوجع دماغى بموضوع سيد القمنى بوسنى وحطينى هلى جمبي؟
بسم الله الرحمن الرحيم الإجابة جايز علشان انت مضيع عمرك هدر، ومش بتأكل عيش. شوف لك زاوية يا ابنى وكل عيش. وزى ما اقول نبراس من نباريس الليبرالية وأكل العيش "مفيش اختيار ثالث.. يا تعادى السامية، يا تعادى اللذين يعادونها".