انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

أنواع الخروف .. تعرفها ؟

ولاد البلدقراءة في ٢ دبقلم ضياء الدين فتحي

الأوسيمي، والرصاني، والبرقي.. أنواع مختلفة من الخراف المصرية، لكل نوع منها سمات وصفات تميز كل منهم عن الآخر..

فالأوسيمي يتميز بالحجم الكبير فقد يصل وزنه إلي 70 كيلو جراما، والجسم لونه أبيض، والرأس قد تكون بنية أو سوداء أو بيضاء، وله "لية" كبيرة ذات شكل دائري مستديرة في نهايتها، وتعد له لحومه ممتازة.

أما الرصمانى، فهو يتميز بكبر حجمه ولونه بني، والأذن قصيرة ومختزله.

بينما يتميز البرقى باللون الأبيض الناصع والرأس بنية أو سوداء، ولا يزيد حجمه ووزنه عن 60 كيلو جراما ويتوزع الدهن في جميع أنحاء جسمه.

فهل تهتم أن تفرّق بين هذه الأنواع عند شراء الخروف؟

أول مرة

تؤكد الحاجة زينب، ربة منزل، رغم أنها كل عام تقوم بشراء الأضحية، إلا إنها لا تعلم عن أنواعه شيئا وأن لكل نوع صفات مميزة!.

بينما ترى منة وزميلتها داليا، أن "الشعب بياكل اللحمة وخلاص، من غير تفريق، فالناس همها على بطنها وبس، والمشترى لا يهتم بالأنواع، ولكن أول سؤال يسأله سعر الكيلو كام؟".

إسماعيل، طالب بكلية الزراعة، يوضح أن والده يكون أول سؤال يطرحه على البائع هو "ما نوع هذا الخروف؟"، موضحا أنه يجب على المضحي أن يكون له القدرة على التذوق ولا يأكل فقط.

أميرة، موظفة، توضح أنها على علم بأنواع الخراف، ولكن لا يوجد وقت عند لديها للتفريق وفهم مميزات كل الأنواع "وأهو كله لحمة وخلاص".

ورغم سماع محمد حلمي، محاسب، أن للخروف أنواع كثيرة، إلا أنه لا يهتم بأن يعرفها لأنه لا يقوم بالتضحية من الأساس!.

قلة الدهن أفضل

الحاج "سامى" صاحب محلات جزاره، يوضح أن العديد من المشترين يسألونه قبل الشراء عن الأنواع وأيهم أفضل، مشيرا إلى أن أفضل الأنواع هو البرقي نظرا لقلة الدهن في جسمه، موضحا أنه يجب عند الشراء ملاحظة عدم وجود "كرش" للخروف ويفضل الوزن الذي يتراوح بين 40 إلى 50 كيلو جراما لضمان عدم زيادة الدهن في جسم الخروف.

وأنت..هل يفرق معاك نوع الخروف، ولا بتاكل اللحمة وخلاص؟!

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. مش كاتب كُتب في
    يا عم ضياء بس فيه طايفه في مصر بعيد عند وعن السامعين
    بياكلوا الحمير والفراخ الميته
    الفرخة الميته بخمسة جنيه دلوقتي
    غليت كانت 3 جنيه بس
    يلا بقا نصيبنا كده ناس تاكل خرفان وناس تاكل حمير وفراخ ميته
  2. مش ححبك كُتب في
    فاكرين صدام لما امريكا دبحته على العيد
    الله يرحمك يا صدام يا سني يا اصيل
    لك الجنة ان شاء الله فاخر كلامك كان لا اله الا الله
  3. شعبان كُتب في
    العيال الى هربوا لاوروبا وركبوا السفن ونزلوا الشواطىء هناك احياء هم اللى فيهم الخير وبيفكروا فى اهليهم
    يعنى واحد راح فرنسا ارسا فلوس لاختة تشترى عجل جاموس ب 10 الاف جنية وتدبحة وتوزعة على الناس
    واخر مقاول فى الخليج فعل نفس الشىء
    ومن ايطاليا 3 او اربعة ارسلوا لاهليهم ليذبحوا عجولا لتوزيع لحومها على الناس
    شايفين
    بيخاطروا بحياتهم وبيركبوا البحر ولما يمسكوا قرش لا ينسون اهليهم الغلابة
    هم دول اللى جناب المفتى قال عليهم انهم طماعين
  4. زعبلا القلة كُتب في
    مشكلتي في الكم مش الكيف…إديني 2 كيلو بقي ياعسل
  5. مش لازم كُتب في
    اي والله العظيم المذيع مفيد فوزي على الفضائية المصرية الاولى شايفه امبارك بعد العصر معاه واحد مدرس تكنولوجيا معلومات في الريف واقسمله انه بياخد 105 جنيه في الشهر وهو متجوز
    اسألوا مفيد فوزي
    حتى بالامارة قالوا تعالى نقف نص دقيقة حداد على حالته التعيسة
    مدرس في الريف بياخد 150 جنيه في الشهر واسالوا مفيد فوزي بتاع الفضائية المصرية
    حتى سألوا المذيع قالوا انت بتاكل لحمة ازاي
    سلام
  6. ام بهلول الليبرالية كُتب في
    السنة اللى فاتت اشتريت جدى فى العيد ب 700 جنية والجزار دبحة وسلخة وشفى اللحمة واخد 50 جنية ولما وزنت اللحمة طلعت 9 كيلوجرام - يعنى الكيلو لحمة من الجدى دخل فى 80 جنية وهو عند الجزار حاليا ب 36 جنية
    اسعار الخرفان السنة دى فى سوق بشتيل الخروف ب 1800 جنية يبقى الكيلو لحمة مشفى بكام ؟
    قلت يا بت ام بهلول بلاش
    اشتريت دكر وز وزغطتة فول وذرة وبسم اللة ما شاء اللة بيمشى يتبختر وكانة عنترة شايل سيفة ويوم العيد هنعمل حلة كسكسى وصينية رقاق باللحمة المفرومة مدهونة بالقشطة وندخلها الفرن وشوية شوربة لسان العصفور من مرقة دكر الوز
    وبهلول وابو بهلول هيتغدوا
    وربنا يفرح المسلمين ويجعل عيدهم طيب وبخير ويفك اسرى السجون وربنا ينكد على الظالم والمفترى وابن الحرام ويخللى عيدهم فى عيادة الدكاترة
    خالتكم ام بهلول من بشتيل
  7. samir 3alaa كُتب في
    howa wlahy hya l7ma we 5alas ahy 7aga bttakl we 5las
العودة إلى الأعلى