انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

تيجوا نطنش!

ولاد البلدقراءة في ٣ د

شوبير ومرتضى، حديث الوسط الصحفي والإعلامي والمصري مؤخراً.. تقارير يومية في برامج "التوك شو"، مانشيتات صحفية يومية، برامج مفتوحة "للردح" الإعلامي إن جاز التعبير، لنتحول من مشاهدين ومواطنين محترمين إلى شركاء في قضية لا ناقة لنا فيها ولامعزة..

هذه القضية ليست الأولى ولن تكون الخيرة؛ فكل هؤلاء الذين يصرون على شغلنا بأشياء تخصهم وحدهم وتفرسنا نحن...أزمة النقاب، قضية سوزان تميم..اتهام نور الشريف بالشذوذ...الخ

الجديد في هذه المباراة هو أننا وصفحات الإنترنت نلعب دورا البطولة فيها، فهم يخططون لشهرة أو يقومون بتصفية حساباتهم الشخصية ونحن نهتم ونشاهد ونتورط معهم..

معلومات تغيظك:

- مكالمة شوبير مع الصحفية هبه غريب نشر على موقع (YouTube ) نشرت أكثر من 10 مرات بأسماء مختلفة مرة فضحية شوبير، ومرة مكالمة شوبير، ومرة شتيمة شوبير، وشوهدت أكثر من ربع مليون مرة..

- مئات المجموعات على موقع face book) (، منقسمة بين مرتضى منصور وأحمد شوبير.

- يوميا يطل علينا شوبير على قناة الحياة ليتحدث عن قضيةCD ومؤخرا المكالمة، السيد مرتضى يظهر هو الآخر في واحد أو أكثر من برامج التوك شو على قنواتنا المفتوحة لكل شيء وأي شيء..

تفتكروا ايه الحل؟؟

مارأيك أن نتقدم بحل مثالي في تلك الفترة..الطناااااااااااااااااااش، وإذا اقتنعت بفكرة الطناش فتعالى نعدد معاً فائدة ذلك..

- فكك من برنامج شوبير، عندك إختيارات أخرى للتسليه الممتعه كالكلمات المتقاطعه والسودوكو..ولو طالبة معاك كورة العب فيفا 2010

- ممكن ترجع تاني لروايات رجل المستحيل وعبير والمغامرون الخمسه

- ادخل علي الفيس بوك وشوف حظك اليوم واطمئن على أصحابك واكتب جمله جديده عن حالتك اليوم.

- ممكن تستعمل جوجل وتدور على حاجات عايز تعرفها، أشيك سماعة بلوتوث، أسعار الموبايلات النهارده، حالة الجو، كلمة سمعتها ومش عارف معناها.

- اقرأ كتاب في الساعة التي ستمنحها رغما عنك للسيد شوبير لتستمع منه لشتائم خارجة لوالدة السيد مرتضى منصور..

- قم بزيارة أحد أقاربك منها تقوي علاقتك بالناس ومنها تاخد ثواب.

- كن إيجابيا وكون مجموعة على الفيس بوك عن موضوع مهم أو بتحبه، يارب تكون حتى آخر نكتة سمعتها.

- شاهد فيلم أجنبي على mbc2 ، ربما ينفعك في حياتك الخاصة أو العامة ..

- استمع إلى أغنية جميله أو موسيقى مفضلة، أهو منها تريح أعصابك ومنها تتسرخي.

- اتصل بصديق لم تتحدث إليه منذ فتره وحاسس انك مفتقده.

- نام وارتاح أحسن من وقتك اللي ضاع ولما تصحى اعمل حاجه مفيده

طبعاً دي مقترحات مبدئية لو عندك أي اقتراحات ابعثها لنا..

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. جيمـي كُتب في
    الحل مش متجسد فى تصرفات الناس على قد مهو متجسد في إن الإعلامي يفهم دوره كويس
    وأنه صاحب رسالة قبل ما يبقى صاحب السبق فى الفضايح
    وأنه يفرق بين اللعب علي الأحداث الساخنة وقواعد اللعب عليها وبين الفضائح
    وأنه يتعلم يعنى أيه مهنية إعلامية وميثاق شرف إعلامي .
    وانه يعرف انه المفروض أنه محطوط فى مكانه ده علشان يقدم برنامج يخدم بيه الناس مش يعرض مشكلة بين اتنين ويتابعها وكل كام حلقة نلاقيه جايب حد من الأتنين الى بيتخانقوا … طب واحنا مالنا
    برغم أن كل الإعلاميين الى فردوا مساحة جامدة جداً للموضوع ده .. هم من الإعلامين الكبار ( المفروض ) لكنهم للأسف معرفوش يتجنبوا الفخ ووقعوا فيه .
  2. القدرة كُتب في
    المشكلة انه مافيش حاجة تتشاف غير البرامج دى للأسف
    أحنا التلفزيون بتاعنا لو بصحته دلوقتى مش كنا عرفنا نهرب من الفضائيات دى
  3. اوعى تطنش كُتب في
    فية حاجات ممكن تطنش فيها
    انما يوم الخميس على الغداء الست زوجتى دايما تذكرنى الليلة دى ليلة الجمعة واوعى تطنش
    وطبعا بيبقى يوم جمعة اسود لو طنشت - من الساعة 6 صباحا المراتب لازم تطلع تتشمس والتنفيض يشتغل ومتعرفش تنام ساعة الصبح على بعضها
  4. طنش وابتسم كُتب في
    الناس فاضية
    فية ركود حاد فى الحياة المصرية والناس تتنفس تحت الماء
    ومفيش واحد بيعمل اى حاجة فى اى حاجة ولا فية مشروع بيتبنى علشان يجيب دخل بكرة ويحسن وضع البلد
    سكوت المقابر
    لو رحت المقابر هتلاقى نفس السكوت
    يبقى لو شوبير ضرب جيص ورد علية مرتضى بحزقة جامدة او واحد من الاخوان كح او عطس او واحد شاذ قعد فى فندق يبقى نهار ابيض الفضائيات تشتغل وبرامج الشو تشتغل والف صفحة فى الف جريدة تنكب ومليون واحد يتناقشوا والبرامج فى كل مكان
    هيصة
    البلد فى هيصة
    زفة يا ابا الحاج
    مولد وصاحبة غايب
    يبقى طنش
    وفى اقسى ايام الشدة كنا نقول
    انظر الى الجبل وطنش وابتسم
العودة إلى الأعلى