جوزي اتجوز عليا
الحقيقة أنني أكذب عليكم فزوجي ما زال مسالما لم يفكر بعد في الزواج من ثانية، والفضل لذلك لا يعود بالتأكيد لأنني من "حوريات الجنة" أو "كاملة الأوصاف" لكن لأنني أحاول إبعاده بكل الطرق عن مشاهدة التلفزيون وخاصة القنوات المتخصصة في المسلسلات.
وأنصح كل زوجة بأن تراقب زوجها فإذا لا سمح الله وجدته يمسك بـ"الريموت كنترول" ويجلس طويلا أمام قنوات المسلسلات ممسكا زجاجة المياه الغازية وواضعا أمامه على الطاولة أكواما من اللب والفول السوداني فمعني ذلك أنها وأبنائها في خطر.
فنحن يا معشر الزوجات نتعرض بلا شك لمؤامرة خطيرة من الفضائيات ومؤلفي الأعمال الدرامية وطبعا من المخرجين والمنتجين وأنا لا أبالغ فالجميع يحاول في أعماله أن يؤكد على فكرة واحدة هي: أهمية الزوجة الثانية للرجل بل ويظهرونها وكأنها الملاك الحارس الذي سيغير حياته الروتينية المملة مع زوجته الأولى مع العلم أنها قديما كانت توصف بأنها "خرابة البيوت".
فيوم أجازتي من العمل قررت أن أمضيه أمام التلفزيون شاهدت أكثر من 6 مسلسلات قديمة على حديثة والغريب أن محورها الأساسي كان "التعدد" أو "الخيانة الزوجية"، وأنا طبعا لا أحرم ما أحل الله فيما يتعلق بتعدد الزوجات، لكن الخيانة هنا تأتي من أن الزواج يأتي في السر دون علم السيدة الأولى المطعونة في حبها وفي عشرة السنين، مسلسلات أفزعتني ودقت ناقوس الخطر بداخلي كان من بينها:
- "قصة الأمس" بطولة إلهام شاهين الزوجة الأولي للنجم مصطفى حسين وميرنا وليد الزوجة الثانية.
-"صبيان وبنات" بطولة ماجد المصري ونبيل نور الدين والاثنين تزوجا على زوجتهما، واحد ارتبط بخادمته والآخر بالسكرتيرة.
-"الخيول تنام واقفة" بطولة أحمد راتب الذي تزوج هو الآخر واحدة من موظفيه على الفنانة عايدة رياض.
- "ذئاب الجبل" وزواج علوان أبو البكري من مهجة.
-"آن الآوان" حيث تعاني ابنة الفنانة وردة من خيانة زوجها لها والارتباط بأخرى.
-"رجل وامرأتان" فاروق الفيشاوي يتزوج على دلال عبد العزيز من خادمة أيضا هي وفاء عامر.
-"كلام نسوان" وفيه يتزوج حسين الإمام علي زوجته لوسي.
هل لكم أن تتخيلوا هذا العدد من الزيجات الثانية أو الخيانات التي يشاهدها الرجل يوميا وعلى مدى 30 حلقة، لا شك أنها ستؤثر فيه، هذا الكائن المظلوم-كما يتم تصويره- الذي يعيش من زوجة "نكدية، لا تفهمه، ينقصها الرومانسية".
أتخيل نظرات الرجل إلي زوجته بعد ساعات أمضها مع أبطال الخيانة على شاشة التلفزيون:
هي تخرج من باب المطبخ ممسكة بصينية البطاطس التي يحبها والمنثور فوقها قطع اللحم الشهية.
هو: من 10 سنوات زواج أراها ممسكة بهذه الصينية الواحد زهق لو الواحد متجوز واحدة تانية مش كان المينيو اتغير..(طيب لماذا لا تفكر في أن تقوم أنت بالطهي ولو مرة في الشهر لتشعر بحرقة البصل في عينيك أو لسعة الفرن في يديك أو تحاول أن تغير أنت المينيو وتصطحبها إلي مطعم فاخر أو حتى محل كشري يا راااجل).
هي تجري خلف ابنتها الصغيرة تحاول أن تلبسها الحفاضة وقد انفك شعرها قليلا.
هو: ربنا يتوب علينا من الغوريلا اللى متجوزها ليل نهار شعرها منعكش وبتجرى ورا العيال ناقص تاكلهم ..(طيب هناك حل أوفر من تكاليف الزواج بأخرى، أن تجري أنت خلف ابنتك ربما يهبط هذا الكرش المنتفخ الذي تتحمله زوجتك منذ بداية حياتكما صابرة راضية بما قسمه الله لها".
هي ترتدي قميصا قطنيا زاهيا وتضع قليل من مساحيق التجميل.
هو: لماذا لا ترتدي مثل فتيات الفيديو كليب ..(طيب ولماذا لا تشتري أنت لها ملابس تروق لك، هي اجتهدت وأنت لم تعترض علي شكلها، ولماذا لا تغير أنت بنطلون البيجامة هذا الذي لا يليق أبدا على الجاكيت المقلم المنتمي لبيجامة أخرى وقد ظهر عليه النقر، ألا يحق لها أن تنظر إليك فينشرح قلبها، لم تفكر يوما في أن مظهرك ورائحة عرق اليوم التي تبعث منك تضايقها ومع ذلك لم يسرح خيالها و لم تفكر يوما في الزواج من آخر).
لماذا يتناسى المؤلفون أنهم بأعمالهم يظلمون الزوجة الأولى التي تعاني هي الأخرى من زوجها المشغول دائما عنها بحجة "وأنا بشتغل ليه مش علشانك وعشان العيال"، ويتناسون أن الرجل يتخلى عن أغلب مسؤولياته المنزلية وعليها هي أن تتحمل تعليم وتربية الأولاد والأعمال المنزلية بالإضافة إلي ظروف عملها بما يقتضيه من ركوب مواصلات تنتهك أدميتها، تتحمل كل ذلك لأن زوجها "مشغول بلقمة العيش" أو ربما يكون "مشغول بغيرها".
يجب أن تخاف الزوجات من المسلسلات خاصة بعد أن تعرف بوجود 3 ملايين و773 فتاة تجاوزت سن ال35 ولم يتزوجن بعد، ربنا يسهل لكل بناتنا لكن هل الحل أن نفتح بيت جديد مع زوجة ثانية ونخرب القديم.
ولماذا ينسى الرجل دائما المثل المصري القائل "القديمة تحلى و لو كانت وحلة".
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
المشكلة الحقيقية بقى هي ثقافة مدعي التدين التي انتشرت بشكل مرعب بين شبابنا، فقد أصبح من العادي أن تجد أحدهم يروج ويؤمن بفكرة ضرورة الزواج الثاني للقضاء على أزمة العنوسة، أو لغرض الإنجاب أو حتى لمجرد إشباع الرغبات الجنسية، وينكرون على السيدات رفضهن للفكرة، متناسين أن الرسول الكريم رفض أن يتزوج علي بن أبي طالب على السيدة فاطمة، وتراجع سيدنا علي بالفعل عن عزمه الزواج بأخرى، يعني الست من حقها تضايق وترفض إن زوجها يتجوز عليها.
المهم يا أستاذة رضوى موضوع جميل جدا، وحقيقي جدا جدا.. برافو
الزوجة اكتشفت ذلك فطلبت الطلاق
احيانا فية زوجات فعلا بتحب تحول البيت لمعتقل وسين وجيم وكنت فين وجاى منين وقعدت مع مين وعملت اية فى الشغل وانت مكشر لية ولو غلط وقال لها يا ستى الرز ناقص ملح تنفجر فية ابقى روح كل عند امك
انت وسخت الملاية وبدل ما انت قاعد قدام التليفزيون روح المطبخ اغسل لك طبقين
فية ستات اساتذة فى العكننة وتطفيش الراجل من البيت
انما دلوقتى الرجالة رجالة منظر مهدود الحيل وبيتنفس بصعوبة ويطلع السلم ينهج ومقطوع النفس - لية - لان اكلة عبارة عن فراخ بيضاء وكلها هرمونات تربى لحم بس انما عضلات مفيش والخضار والفاكهة كلها هرمونات ومفيش حاجة طبيعية
اطمئنوا يا سيدات مفيش راجل يجرؤ يبص برة لانة مش هيقدر الا اذا كانت واحدة سقع وعندها فلوس وقرشين هيلهطهم
انما واحد يجوز واحدة تانية علشان متعة او اشباع رغبة فهذا مستحيل
اطمئنوا
ان يغفر لنا ذونبوبنا بعد زواجنا وان يلهمنا الصبر والسلوان على تلك الزيجة المصيبة والا يؤاخذنا بذنوب السفهاء ( الاب والام اللى جوزوة ) وارحما وخفف عنا واجعل كلامنا خفيف عليهم ( الزوجة )
جواز تانى
تانى
يا نهار اسود - تيجى تاخد اللى عندى
تلف لة هدومة كلها فى ملاية سرير وتعملها بؤجة وتفنعل معاة خناقة اى خناقة حاجة مفتعلة كدة وترمى لة هدومة برة الشقة وتقول لة روح عند امك
واللة اذا اخد هدومة ومشى يبقى ناوى على نية واذا استغاث وقال لا وبطلى هزار بايخ يبقى انتى نجحتى تقصقصى ريشة وتنتفى وبرة وخلتية على الحميد المجيد
جواز اية تانى
فية احد عايز يجيب لبيتة عقربة او يمسك سلك الكهربا زى ما بيقول الشاعر البحرينى عبد الرحمن
جواز تانى يا لهوى
ويفتح بيتين
انتى بتصدقى كلام المسلسلات العبيط اللى واحد اشتغل فى الكويت سنتين وبقى صاحب مجموعة شركات وصاحب فيلل وسيارات واتجوز اتنين دة كلام فارغ وهبل طيب ما احنا فى الكويت بقى لنا 30 سنة ودرجات عليا ويدوبك اللى جاى على قد الرايح وساكنين فى شقة ويدوبك بنعلم العيال تعليم خاص والسلام
الحرامية بتوع الحديد زى عز والواد بتاع هيفاء هما اللى ممكن يتجوزوا اتنين ويدفعوا ملايين
انما الغلابة الموظفين اللى ما بيصدق يلاقى واحدة تبقى سترة وغطاة ويخلف عيلين يعرف يربيهم ويشوف هى وهو المرار علشان تربية العيال
مسلسلات هابلة وكلها خبل
ولو الراجل افتكر ان الزوجة التانية هتسعده وتنسيه الاولى، طب ما يفكر انها ممكن لا بالتأكيد بعد شوية من الجواز هتبقى زي ضرتها ويمكن العن
إن كيدهن عظييييييييمم .. ربنا ينتقم منكم يا ظلمة
ثانيا - عندنا مشكلة 7 مليون عانس لم يتزوجوا بعد ولا يوجد هناك بصيص من امل فالشباب عاطل ولا توجد اى فرصة لا فى القطاع الخاص ولا فى الحكومة
طيب والحل
نصيع فى الشوارع ونمشى على حل شعرنا
و الا عقلاء المجتمع يشوفوا حل
ماذا لو تزوج الرجل القادر ماديا اتنين وتلاتة وحتى اربعة ؟
طالما قادر فلماذا لا ؟
يا من تتبنون الفكر الكاثوليكى نحن مسلمون ومسلمات ولنا حق
لماذا نظل عوانس طوال عمرنا ؟
لماذا لا نرى ذلك الجانب من الحياة ؟
كل قادر يتزوج اكثر من واحدة يصنع بالمجتمع خيرا فجزاة اللة خيرا
نحن مسلمات ولسنا كاثوليك نكررها للمرة العاشرة
هل احد عندة حل لمشاكلنا غير تعدد الزوجات - والا تريدوننا ان نعيش عذارى ونموت عذارى ؟
لا كلام اكثر
واللة اذا الغطاء مناسب للحلة وبيحبك كويس ومظبوط وعلى المقاس يبقى خلاص
انما لو غطاء الحلة صغير او كبير او مش مناسب فاكيد هيحصل مشاكل وطلاق وجواز تانى
من هنا الاسلام بيشترط التكافؤ فى الزواج
التكافؤ الثقافى والتعليمى والتكافؤ المادى والعائلى والطبقى
لو فية تكافؤ يبقى فية اتفاق وود ورحمة ومعاشرة بالحسنى والمعروف
المشكلة فى اختيار الزوجة او الزوج بدون عمل حساب للتكافؤ
والنبي محمد صلى الله عليه وسلم عدد الزوجات
فاللي عايز يعدد لازم يكون عنده اهداف النبي محمد صلى الله عليه وسلم
التعدد خير وبركة ونماء ومحبه
وليس كما يحدث الان غل وحقد وطلاق وشقاق والعياذ بالله
النبي محمد صلى الله عليه وسلم استوصا بالنساء خيرا
طب ما هي الرجالة كلها برضه عاوزة الستات تبقى شبه هيفا ولا نانسي ولا على الأقل حتى سمية الخشاب.. إشمعني يعني.. ولا حلال عليكو حرام علينا
أنا شايف إنك جاية أوي علي الراجل .. ومتناسية انه فيه ستات مابيعملوش أى حاجة فى حياتهم غير انهم يصحو من النوم ويتفرجوا على التلفزيون ويطلبوا أى حاجة تيك أواى وتيجى بالدلفيري وياكلوا ويناموا تانى علشان يصحوا من جديد .
وفيه ستات مش بتهتم بمظهرها .. وفيه ستات جالها هوس بمهند (السمج) وأمثاله .. وعايزين الرجالة كلها تبقى عنيها خضر …
يعنى كان فيه خبر منشور أن واحد راح عمل عملية تجميل بتوصية من المدام علشان تبقى عيونه زرقا وأبيضانى وشعره مصفر علشان يبقى شبه مهند .
طب بالذمة ده كلام برده .
بشأن التعدد ضرورة اباحها الشرع
بكل تأكيد التعدد ضرورة اباحها الشرح
لماذا؟
لان الرجل قبل الزواج يريد ان يتزوج لكي يعف نفسه من الشهوه
وبعد الزواج
بينتقل الاخ المتزوج من شهوه الى شهوه من نوع اخر
يعني قبل الزواج هناك شهوه
وبعد الزواج هناك شهوه اخرى
الا وهي شهوة التغيير
يريد ان يغير وهي شهوة قوية جدا
ولذلك تجد رجال متزوجين وكأنهم غير متزوجين
يجرون وراء النساء والبنات
وكأنهم غير متزوجين
- محرر مصراوى -
رفض موظفو ادارة الحاسب الألى بمكتب بريد منفلوط بمحافظة أسيوط رشوة قدرها 10 ملايين جنيه من أحد المحامين نظير قيامهم بتسهيل اختراق شبكة الحاسب الألى للهيئة العامة للبريد والاستيلاء على مبلغ 40 مليون جنيه .
وكان عبدالرحمن فتحي محمد صفوت معاون مكتب بريد منفلوط قد فوجئ بزيارة من المحامي رمضان محمد شلبي رئيس جمعية تنمية شباب الخريجين بعزبة عبدالله محبوب, يعرض خلالها عليه صفقة تتضمن إبلاغ المحامي بالشفرة السرية الخاصة بإيداع أموال البريد في البنوك, علي أن يستغل المحامي ذلك في عمل إيداعات وهمية باسم الجمعية بمبلغ40 مليون جنيه, ويقوم بسحبها بعد ذلك مقابل حصول المعاون علي عشرة ملايين جنيه.
_______________ __________
اتفوووووووووووو ووووووووووووووو و على المحامين هما اللي ضيعوا البلد
متزوجين ويفعلون افعال المراهقين تماما
ومتدينين
ومن اجل هذا يؤكد صحة فرضية التعدد
ولكن يجب ان يكون التعدد بالرضى والمحبه والخير
تماما كما فعل النبي محمد صلى الله عليه وسلم
لما عدد النبي كانت عائشة وحفصه وام حبيبه وام سلمه
تعدد محبه وخير وبركة ونماء
وليس كما يحدث الان
يتزوج الثانية لكي يغيظ الاولى
ويتزوج الثالثة لكي يهجر الثانية
واشياء عجيبة الاسلام بريء منها ومن الذي يفعلها
يا معشر الرال
التعدد خير وبركة وحب ونماء
ومن لم يستطع ذلك فواحدة
والتعدد بالرضا والحب وليس بالكره والبغض والحقد
مش كل واحد معاه شوية فلوس وشاف واحدة و عجبته يروح يتجوزها
اهم حاجة الــعــــدل و طبعا ده موضوع صعب اوي اوي اوي
لان في ظروف الحياة دلوقتي الراجل المتجوز واحدة ممكن في احيان كتير ميكونش عادل معاها
فحيعمل ايه مع اتنين. ده طبعا بجانب القدرة الصحيه و العقليه الكافية لتحمل مسؤليه بيتين
الي شايف نفسه يقدر, يتفضل يتجوز تاني بعد ما يقول لزوجته الاولي و يحاول انه يهون عليها علي قد ما يقدر..
في المسلسلات كل واحد اتجوز علي مراته اتجوز بسبب سوا كانت مراته السبب او لانه بتاع ستات
فالمشكله انهم بيخبوا كانهم عاملين جريمه و من هنا الغلط لان الجواز اصلا اساسه الاشهار و ثانيا بيترتب علي الموضوع ده الكثير من الكدب و الصدمة للزوجة الاولي بتكون اكبر بكتير.
انت عايز تتجوز تاني و قادر علي ده بجد, قول لمراتك الاولي و اشرح اسبابك عسي انها تقدر تعوضك الي انت بتدور عليه ولو لا بيقي انت عملت الصح في النور.