انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

الحلال والحرام × الماتش

ولاد البلدقراءة في ٥ دبقلم محمد جلال

"داخلين بيت ربنا ولابسين طراطير وملطخين خلقّكم بالألوان، قال إيه إحنا بنشجع بلدنا عشان عندها ماتش مهم .. عليكم اللعنة انتوا داخلين النار يعني داخلين النار مفيهاش كلام، وهناك هتقابلوا اللاعيبة اللي انتم لابسين فانلات عليها صورهم".

الحديث السابق كان جزءً من خطبة إمام أحد المساجد القريبة من إستاد القاهرة أثناء بطولة أمم أفريقيا 2006، وقتها لم يعارض الشيخ فكرة الذهاب إلى الإستاد لمشاهدة مباريات الكرة، إنما حذر من أخطاء عديدة يقع فيها الشباب المسلم في تلك الظروف بحجة الحماس والقلق على مستقبل المنتخب..

طرحنا بعض الأسئلة الفقهية الرياضية بما يتعلق بمباراة مصر والجزائر على د. رجب أبو مليح، مستشار القسم الشرعي بموقع "إسلام أون لاين".

س: الحرب النفسية على المنافسين، مثل دق الطبول وكلاكسات السيارات أسفل غرف نومهم في الفندق ليلة المباراة، هل يجوز؟

ج: قال رسول الله صلى الله عليه وسلم: "من كان يؤمن بالله واليوم الآخر فليكرم جاره، ومن كان يؤمن بالله واليوم الآخر فليكرم ضيفه" .. ولاعبو الفريق المنافس في حكم الضيوف والجيران ويطبق عليهم هذا الحديث، فيجب علينا احترامهم وحسن استقبالهم.

س: ما حكم الدين في ذهاب الفتيات إلى الإستاد لتشجيع المنتخب؟

ج: إذا حرصت المرأة على الآتي فيجوز لها الذهاب لمشاهدة المباراة:

- ارتداء ملابس واسعة "تمتنع عن الجينز الضيق"، وغير شفافة "البدي الاسترتش"، ولا يظهر منها إلا الوجه والكفين.

- عدم الاحتكاك بالجنس الآخر، وإذا جلس بجانبها رجل يجب أن تضع حاجزا بينها وبينه.

- تأمن على نفسها من عدم تعرضها للتحرش.

- الذهاب مع أخيها أو زوجها أو أبيها، ولا تذهب بمفردها أو مع مجموعة بنات فقط دون وجود رجل مسئول عنها.

ويفضل أن تبحث المرأة عن وسائل بديلة إذا كانت ترغب في متابعة الحدث الرياضي، إما من خلال مشاهدته في التليفزيون سواء في منزلها أو لدى مجموعة من صديقاتها وأقاربها.

س: ما حكم رقص البنات في المدرجات؟

ج: هل تضمن المرأة أن يغض الـ70 ألف متفرج الحاضرين نظرهم عنها؟.. لا يجوز طبعا.

س: هل يجوز أن ندعو للمنتخب في الصلوات أم ذلك يعد استخفافا في الدعاء؟

ج: نعم يجوز الدعاء، لأن الله يستجيب الدعاء طالما ليس به إيذاء، فالصحابة كانوا يدعون الله ويستخيرونه في جميع أمورهم.

س: شتيمة وسب الفريق المنافس.. حلال أم حرام؟

ج: لا يجوز شتيمة لاعبي الفريق المنافس.

س: شتيمة الدولة التي نواجه منتخبها.. هل عقابه مماثل لشتيمة اللاعبين؟

ج: لا يجوز وله نفس الجزاء.

س: ما حكم سب الحكم الأجنبي؟

ج: ليس لك علاقة بالحكم، ولا يجوز الاعتداء عليه بالسب أو الضرب، ومن آداب الإسلام قبول الحق حتى إذا كان ثقيلا علينا.. إذا اتخذ الحكم قرارا باطلا فلنترك الأمر لمسئولي الاتحاد والفيفا فليس بيدك فعل شيء.

س: خلع "التيشيرتات" في المدرجات.. هل يجوز؟

ج: لا يوجد نص يحّرم هذا الفعل، لكن هل تجلس بهذا المنظر أمام ضيوفك في المنزل، أو في الطريق العام؟.

س: الغش في اللعب، مثل محاولة اللاعب إيهام الحكم بأنه تعرض للعرقلة من خصمه؟

ج: لا يجوز.

س: تشجيع اللاعبين ومطالبتهم بالرقص.. مثل "ارقص يا حضري"؟

ج: لا تعليق.. من الأفضل أن نشكر ربنا وندعوه، كنوع من التعبير عن فرحتنا، وليس بالرقص.

س: دعاء الفوز للفريق.. ماذا نقول؟

ج: الأصل في الدعاء بالتوفيق والفوز لفريقنا، والابتعاد عن الدعاء على الفريق المنافس، مثال: "اللهم اكسر رقبة ..."، "اللهم زلزل شبكة مرماهم"، "يا رب يموتوا قبل ما ينزلوا الملعب".

س: وما حكم سجدة الشكر؟

ج: في حالة الفوز، لا مانع من تجمع الجماهير عقب المباراة والسجود سجدة شكر جماعية لله تعبيرا عن فرحتهم بالنتيجة، ويمكن سجودها في أي اتجاه دون التقيد بالقبلة، وممكن سجودها بدون وضوء، ويجوز للاعبين السجود شكرا لله وهم يرتدون شورتات، وهي ليست صلاة إنما سجدة.

س: هل يجوز جمع الصلوات في الإستاد؟

ج: نعم يجوز جمع الصلوات إنما بقواعد حددها الإسلام:

- تجمع صلاتي الظهر والعصر معا سواء جمع "تقديم" بصلاتهما وقت الظهر، أو جمع "تأخير" وقت العصر، ونفس الأمر لصلاتي المغرب والعشاء.

- إذا كنت من غير سكان القاهرة وعلى سفر، فيجوز لك أن "تقصر" في الركعات، بمعنى أن تصلي الظهر ركعتين، والعصر ركعتين، والمغرب ثلاثة، والعشاء ركعتين.

- إذا كنت مقيما في القاهرة، فعليك تأدية الصلاة كاملة دون تقصير.

- لا يجوز التيمم بدلا من الوضوء، لأن الإستاد منطقة متوافر بها الماء، حتى إذا كانت هناك صعوبة في الوصول إليه بسبب الزحام.. ممكن تحمل معك زجاجة مياه لتتوضأ بها.

س: في حالة الهزيمة (لا قدر الله) .. ماذا نفعل؟

ج: قال رسول الله صلى الله عليه وسلم: "عجبا لأمر المؤمن إن أمره كله له خيرا وليس ذلك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيراً له" علينا التحكم بأعصابنا وعدم التهور، الأمر في الأول والآخر مباراة كرة.

س: وماذا عن تكسير السيارات وإيذاء الآخرين بعد المباراة؟

ج: لا يجوز التعبير عن حالة الغضب بهذا الشكل، ومن أتلف شيئا يجب عليه أن يدفع ثمن تصليحه.. تذكر أنك قد تتسبب في تعطيل مريض عن الوصول إلى المستشفى أو غير ذلك.

* لمتابعة صفحة (عايزنها تبقى حمرا) لتشجيع منتخب مصر اضغط هنا

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. جيمي كُتب في
    انا شخصياً بكره الى بيكسروا دول
    دول عالم فوضوبة .. لا ليهم فى التشجيع ولا بتاع
    دول جايين يعملوا اى هبل فى هبل
    بس أنا زعلان من عمنا الشيخ … لما البنات ماترقصشي فى المدرجات
    أومال احنا نشوف الماتش ليه ؟؟؟
  2. د خالد هشام كُتب في
    لما الاستاذ جيمي رد وحسم مشكلة السبعين ألف متفرج
    بانه طبعا مينفعش ان البنات ترقص
    لازم كل بنت تعرف اللي فيها وتترك الحياء يحكم ترقص ولا لأ
  3. احمد كُتب في
    بالنسبة لخطيب المسجد اللي قال ان البنات و اللعيبه داخلين النار احب اسأله من القران و اقوله " ءأتخذت مع الله عهدا " , ربنا وحده بيده الهداية و الضلاله و المفروض انك تدعيلهم بالهداية مش تدعي عليهم …
    فضيلة الدكتور رجب : يا تري لو النبي صلي الله عليه و سلم كان قاعد جنبك و السائل بيسألك عن جواز ذهاب البنات للاستاد … يا تري كان هايبقي جوابك كده برضه ؟؟ و يا تري لو بنتك راحت و طلعت ف الكاميرا و الناس سألت " مين دي يا ولاد ؟؟ " الحقوا دي بنت الدكتور رجب .. هل الكلام ده يرضيك ؟؟ ..
    يا شباب مصر ما تشغلوش نفسكم بأمر احنا فيه مصيرين و مكتوب علي اللعيبه انهم هايكسبوا و لا لأ … اينعم انا نفسي ان منتخب الجزاير ( يتلب ) 9 صفر و يرجعوا بلدهم قفاهم يقمر عيش … بس برضه ياريت نخلي للدين النصيب الاكبر من حياتنا …
  4. agstriker كُتب في
    بقول للأستاذ أحمد إللي بتكلم عن خطيب المسجد.. كلامه صحيح مش ينفع البنات يروحوا كده الأستاد …يا راجل والله مببقاش قادر أتفرج علي الماتش ..ز ببقي مستني أي هجمه.. علشان تقوم تهيج.. وأنا أتفرج علي البدي والجينز عادي يعني ..
  5. anas كُتب في
    هي ده المقالات ولا بلاش
    المقال ممتاز جدا ..
    بس تعالي بص بقي لكل الكلام اللي اتقال فوق مش بيطبق منه اي اي حاجة خالص
    و اوله البنات اللي رايحين الماتش
    كمية السلاح المهولة المجهزة للماتش من دلوقتي من الجماهير الهمجية المتخلفة ..
    كمية الاضرار و الشغب المتوقع من دلوقتي ..
    ثانيا الحماسة الزيادة الملهاش اي لازمة لمجرد ماتش هيدخلنا تصفيات كاس عالم
    اظن ان احنا اخدنا كاس العالم في حاجات كتييرة
  6. sameh Elzamley كُتب في
    الحقيقة جزاكم الله خيرا كنا فعلا محتاجين اننا نوعي الناس بالحاجات دي
  7. s كُتب في
    هو ده الكلام الصح
  8. التراس جرين ماجيك كُتب في
    من الاخر كدة لا سلام مع اللى شتونا وحرقوا تى شيرت بلدنا ولو انتوا معندكمش كرامة فاحنا عندنا كرامة ومن الاخر فى 500 شمروخ طالعين من الاسكندرية وهيكونوا
    جاهزين قبل الماتش بيوم عند فندق الجزائر ولحسن الحظ اننا يوم الجمعة عندنا ماتش باسكت مع الجزيرة فى القاهرة يعنى هنبات قدام الفندق بعد الماتش ومعانا مكبرات الصوت والشماريخ
    ولا عزاء لاصحاب القلوب الضعيفة اللى معندهمش كرامة
    احنا سواحلية احنا نحكمهم
  9. عمرو كُتب في
    أنا بوافق أحمد في رأيه أن الدكتور اللي قال الفتوة دي بينافق نفسو اودام الدنيا واودام ربنا ولازم يراعي ربنا ف اهل بيته قبل ما يراعيها في غيرو , مش موضوعنا ربنا اللي بيحاسب مش البشر , بس انا بحبذ لو الموضوع بقي فيه تشجيع محترم مش رايحين ديسكوهات احنا ولا رايحين كباريهات . وكمان الأخ التراس ده ايه نبرة الإحتقان اللي طالعه منك دي احنا طول عمرنا شعب الكرم والاخلاق وعمرنا ما كنا شعب همجي وكمان متاخدش ذنب ملايين أبرياء كل ذنبهم انهم يشوفوا بلدهم زي ما انت نفسك تشوف بلدك في المونديال , صحيح انت حلمك اقرب ليك منهم , بس اتقي الله ف اهلك يجعل لك مخرجا ً , وياريت كلنا ندعي بقلوب مخلصة ان ربنا ينصفنا ف اليوم ده عشان نقدر نجتاز الموقف ده علي خير , وربنا يوفق المنتخب المصري وأسف علي الإطاله ,
  10. احمد الاسكندرانى كُتب في
    العب ياعم الشيخ ده انت شيخ مسخره
  11. عماد كُتب في
    اهى الفتاوى دى اللى جايبانا ورا . احنا عمرنا مسمعنا ان حصلت حالة تحرش واحدة فاى استاد فيكى يا مصر .لية. لان ببساطة شعبنا وطنى ولما بيجتمع على شئ واحد ويكون لة هدف واحد بيحققة وبيلتزم بالاخلاق . الشيخ وامثالةو عاوزين البنات المحترمين اللى بيحبو بلدهم يقعدو فبيوتهم او يلبسو خيمة ميبانش منها غير كفهم ووشهم . صح النوم يا فضيلة الشيخ اجنا سنة 2009 مش سنة 1009 . سيبو الناس تشجع بلدها وسبونا نفرح . وخليك فاهل بيتك امنعهم زى منت عاوز وربنا يكون فعونهم.
  12. مش ناقصة قلة حياء كُتب في
    يااااااااارب بئا البنات تفهم انا مرواح الاستاد مش مستحب…وبالاخص لما يكون متش اكثر حماسا زى دا..افهمو بئا..افهمـــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ و
  13. احمد كُتب في
    صاحب التعليق رقم 11
    لو انت مسمعتش ان فيه حاله تحرش واحده يبقي العيب ف ( ودانك ) ..
    اما بالنسبة لموضوع اننا ف سنه 2009 موش 1009 ف انت بتفكرني بالموجه الرياضيات اللي دخل علي مدرس بيقول للتلاميذ ان الزاوية القايمة 90 درجه فراح قايله " 90 درجه دي كانت من زمان دلوقتي الزمن اتغير و بقة 560 درجه …
    اتق الله يا اخ عماد …
    اما شعب الاخلاق اللي انت بتتكلم عليه … فموش هارد عليك لاني عارف انك موش مقتنع باللي انت بتقوله و شوارعنا و كافيهاتنا و المولات و النوادي هي اللي هاتتكلم عني .. و ربنا يهدينا و اياك
العودة إلى الأعلى