حلمت بماتش الجزائر؟
- "حلمت أن الشوط الأول خلص صفر/ صفر، والجزائر كانت مقطعانا، لكن الغريب جدا أن (بشير التابعي) كان ضمن تشكيلة مصر".
- "كل شوية أحلم بالماتش، وكل حلم ألاقي أحمد حسام ميدو بيجيب جول.. مع أنه بره المنتخب".
- "النهاردة حلمت بماتش مصر والجزائر.. وأننا فوزنا 3/ صفر ووصلنا كأس العالم".
.. لأننا كمصريين نعيش حلم التأهل لمونديال 2010، فليس من الغريب أن يحلم أي فرد منا في منامه بمباراة مصر والجزائر المرتقبة.
لو حلمت بالماتش.. احكي لنا عن حلمك.. ومتخفش محدش حيقولك: "أبقى أتغطى كويس" لأن كلنا عندنا نفس الحلم.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حلمت إني رحت استاد القاهرة الساعة 7 يوم الماتش… ومفيش لاعيبة نزلت.. وفجأة أعلنوا إن المباراة اتنقلت استاد الكلية الحربية وهايتلعب الساعة 10 بالليل…خرجت ركبت الموتسيكل… - وأنا اساساً أخرى أركب ميكروباص واقعد رابع ورا- ركبت موتوسيكل وطلعت كوبري أكتوبر والموتوسيكل وقع في النيل
looooooooool
انا بقى حلمت اننا بنلاعب كوتيفوار فى دور التمانيه فى كاس العالم وكسبانيين 2 صفر
كان فيها رقم 4
يعنى فى 4 فى الماتش
يا ترى لينا ولا علينا ولا ايه؟؟
حلمت اننا كسبنا بضربات الجزاء بعد ما انتهى الماتش 2 /0 لمصر وابو تريكة اخر واحد حط الجون
يارب انصر مصر
الشوط الاول خلص 2 - صفر للجزائر
و الشوط الثاني دخل فينا جون
من غيظه قام الحضري حاطط جون في نفسه
و فأجة و انا بتفرج عالماتش في القهوة الشيشة وقعت علي حجري و الولعة لسعتني فقمت مفزوع بقول اللهم اغزيك يا سعدان
انا الشوط الاول هيتنهى بجون لابو تريكه فى نهاية الشوط من شوطه من ناحية اليمين عند المنطقه هتسكن المقص واننا هنكون مضيعين اجوان بالجملة فى الشوط الاول والجزائر هيكونوا مرعوبين واعصابهم بايظه …
انا هروح دلوقتى عشان الحق الشوط التانى باااااااااااااا ااااااى
انا رجعتلكم
فى الشوط التانى متعب هيجيب جون فى بداية الشوط من عرضية لسيد معوض والماتش هيولع ومطور لاعب الجزائر هيضرب بركات وهيطرد والماتش هيولع والمدرجات هتشتعل وهتفضل النتيجه 2/0 لنهاية الماتش لحد ما احمد حسن هيجيب جون عالمى فى اخر دقيقتين
و فى اخر 5 دقايق من الماتش النتيجة بأت 4-3 لمصر
و الحضرى كان بيعط فى الاخر
حلمت ان زيدان كان بيجيب الجول الثانى وقبل نهاية المباراة بربع ساعة ولا تقريبًا كانت نهاية الشوط الاول مش فاكر
ابوتريكه حط فيهم جول مزيكا بجد ويكفى ان الحارس بتاعهم - كان الحارس الثالث- متسمر ف الارض وابوتريكه شايط الكورة وبتزغرذ وهى داخله المرمى
على فكره انا شفت الهدف بمنظور الكاميرا خلف المرمى !!!!!
يا رب نكسب
والله
عارف شاغل تفكيري وكل شويه اتفرج علي اجوان كاس افريقيا 2008 وكاس القارات واجوان المنتخب في التصفيات .. وبجد بيصعب عليا قوووي الاعيبه اما بيجيبوا جون ومن الفرحه بيعيطوا ودموع بتنزل والجهاز كمان بيبكي من الفرحه.
اما الحلم انا حلمت الحلم اللي عجبني وفاكرة انا المنخب كان بيلعب والجهاز كله واقف طول الماتش والجوهري وحسن شحاته مع بعض.
المهم ان الجماهير كانت مش بتشجع لا كانت بتغني ومسكتتش ولكهم بنفس واحد يارب انصرنا
ومصر كانت جايبه جونين والجزائر كانت بدافع بالفريق كله
وفي اخر دقيقتين عمرو زكي يباصي الكوره لاحمد فتحي اللي يضم لجوه ويسند لابو تريكه اللي يحطها جوه الجون علي الارض جنب القائم والجماهير كلها تبكي من الفرحه ويتعالي الدواعات يا رب يا رب لحد الماتش ما ينتهي 3/ صفر لمنتخب مصر ان شاء الله
معرفش مكنتش الجزائر ليه بس المهم اننا نوصل لكأس العالم ان شاء الله
دعواتكوا يا مصريييييييييين
يارب الحلم يتحقق
ونصعد لكاس العالم 2010 ان شاء الله
يوميا بحلم بالماتش
مره احلم اننا كسبنا 5 /2 والماتش التغى
مره احلم اننا جبنا جونين فى اول خمس دقايق
وطول الماتش هما يجيبوا جون واحنا نرد
لغاية ماحسنى عبد ربه جاب جون فى اخر ثانيه وصعدنا
وده التفاصيل
للمرة الثالثة فى حياتى التى أعلق فيها على موضوع او منتدى أو ما شابه منذ 6 سنوات
ولكنى بالفعل أعجبت بالموضوع
غير انى - بالفعل أيضا- حلمت بالماتش
بس حلم من نوع تانى
حلمت إنى بصور فيلم اسمه (مصر تتأهل لكأس العالم )
فيلم وثائقى يحكى قصى يوم فى حياة جمهور كرة قدم فائز وأخر منهزم
ولأول مرة فى حياتى اذهب إلى الإستاد
بس فى هذه المرة كان ستاد خماسى فى المانيا الشرقية - وطبعا معرفش أصلاً فين ألمانيا الشرقية ولا ليه ولا إزاى
اكتر حلم فرحنى وبتمنه انه يحصل لانها هتكون فرحه ما بعدها فرحه
حلمت ان الماتش كان متنشن اوى والشوط الاول خلص 1/0 لمصر والجزائر ضيعت واحنا ضيعنا كتير
وفى اول الشوط التانى اخذنا بلنتى وزيدان حطها بحرفنه عليا اوى
والجزائريين خلاص مقتنعين بالماتش الفيصل والاستاد والع وبيرددو كلمه يارب فى نفس واحد وفى اخر دقيقه صانع الفرحه محمد ابوتريكه بيحط جول نسخه من جول الصفاقسى بس بيمينه و الاستاد بجد ولع وكل لعيبه مصر بكت من الفرحه
وصحيت من احلى حلم حلمته فى حياتى
ياااااااااااااا ااااااااااااااا ااااااارب
وحلمت بضربة جزاء لمصر فى الدقيق الخامسة وربنا يكرمنا ان شاء الله وحنفوز
كنت بجيب اهلي من المطار ووانا داخل بسال كام كام قالوا 2-0 لمصر قلت كويس ودا كان في اخر دقيقة في الشوط الاولاني ووانا جي امشي الجزاير جابت جون
وبعد ما جبت اهلي وانا خارج بسال كام كام دلوقتي قالوا 4 - 1 لمصر وانا لسة بقول الحمد لله الحكم صفر
ان شاء الله هنكسب
ى التوالى ,وسئذكركم
لكن اليومين دول مش بحلم لانى مش بنام من القلق ياااااااااااااا رب نصعد
ان شاء الله هنكسب
بس انا مش عارف لا قدر الله اذا حصل اللي مش عاوز اقوله ايه اللي ممكن يحصل لينا؟
ولعيبة الجزاير عمالين يجروا في الملعب فراحنين واحنا بنشتم في منتخبنا
ربنا يستر
ياااااااااااااا ااااااااااااااا ااااااااااااااا ااااارب
بس كل أللي فاكرة هي فرحة المصرين أللي بقالهم زمن ما فرحوش
الكابوس كان ان الجزاير حطط جون ف اول المتش ، الزفت اللي اسمو زياني ده ، واحنا كنا اللي بنلعب طوووول المتش بس جينا ف الشوط التاني معرفش ايه اللي حصل المهم كسكسنا وبقينا احنا اللي بنداااافع ، وف الدقيقة 88 حمص جاب جون من مرتده بس الحكم وهو بيشوف الجون وقع عالارض فمشفهوش وحسب الكوره تسلل!! وانا بقول ف نفسي يا ساتر حتى ده محسبهوش (شكل الحكم هيبقي زفتتتتتت)
وياريت جت على كده وبس لا دنا لقيت جماهير الجزاير الللي ف الاستاد (القله) حطين ايديهم ف ايدين بعض وبيلفو الاستاد كلو واحنا بنهرب منهم لبرا الستاد!!
يااااااارب يكون زي ما يقوقلو الحلم يجي بعكسو ونكسب 3 يااااارب
yalla rabenna satttar
مرة الشوط الاول خلص 2-1 لمصر و بقى فيه امل ان مصر تعمل حاجة الشوط التانى
ومرة ان الماتش خلص 1-0 لمصر
ربنا يستر