انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

10 نصائح قبل أن تذهب للاستاد

ولاد البلدقراءة في ٤ دبقلم كريم يوسف

"يوم 14 نوفمبر محتاج رجالة يشجعوا في الاستاد زي رجالة سنة 89".. بهذه الجملة يبدأ السكندري أيمن الكيلاني، من كبار مشجعي نادي الاتحاد السكندري، نصائحه لكل من يفكر في الذهاب إلى الاستاد لتشجيع منتخب مصر بكل حماس، ولكن بدون تعصب.

ويقول: "لا تصطحب أختك أو ابنك أو أبيك إلى الاستاد.. فاستاد القاهرة يوم موقعة 14 نوفمبر الكروية بين مصر والجزائر لا يحتمل أن يشهد جماهير (الأيس كريم) وفتيات (أوووه مصراوي) وعواجيز شارفوا على سن الثمانين".

أيمن الكيلاني يعطينا 10 نصائح (في الجول)، وعلى كل شاب سيذهب إلى الاستاد يوم 14 نوفمبر أن يتبعها حتى تخرج المباراة جماهيرياً في أحسن صورة:

1- الذهاب مبكراً إلى الاستاد لا يعني بدء التشجيع مع الوصول، فالمدرجات من المتوقع أن تمتلئ عن آخرها قبل بداية المباراة بثلاث ساعات على الأقل، وإذا بدأت الجماهير في التشجيع قبل المباراة بفترة كبيرة، معناه أن تلك الجماهير ستفقد حماسها وطاقتها مع بدء المباراة، ولذلك يتطلب الأمر تنظيماً جيداً من قائدي المدرجات من كبار المشجعين لحث الجماهير على التروي قبل بداية التشجيع.

2- على قائدي المشجعين تحميس الجماهير قبل ساعة من المباراة، وذلك بعملية الـwarm-up أو التسخين بترديد عدد من الهتافات التي يجب أن يحفظها كل الجمهور. وتشهد هذه الفترة ضبط حركة "الموجة" حتى يعلم جميع من في الملعب من أي مدرج ستبدأ.

3- مع دخول أول لاعبي الفريقين لإجراء تمرينات الإحماء، ودائماً ما يدخل حراسا المرمى أولاً، يجب أن تبدأ الجماهير بتحية عصام الحضري أولاً حتى ولو دخل الجزائري لوناس جاواوي إلى الملعب قبل الحضري بخطوات، إذ لا يجب علينا مهاجمة أو معاداة لاعبي الجزائر؛ لأن أصوات الشاتمين ستختلط مع أصوات المشجعين، معناه ستضيع أصوات الجماهير التي ستحيي الحضري، فيحدث هرج ومرج داخل المدرجات. فلو نجحت الجماهير في تلجيم أعصابها ولم تقم بشتم لاعبي الجزائر أثناء تمرينات الإحماء، ستمر المباراة على خير.

4- لو حدث وأشاح أحد لاعبي الجزائر للجماهير المصرية، يجب أن ترد الجماهير بالتصفيق، فهذا سيثير عصبية الخصم أكثر.

5- لا يجب الانسياق وراء محاولة بعض الجماهير الجزائرية استفزاز الجماهير المصرية، فأي زجاجة مياه سيتم قذفها على الجزائريين قد تؤدي إلى عقوبات فورية من الفيفا.

6- يجب أن تتحد الجماهير وراء قائدي الجماهير ولا تنفصل كل "شلة" بمفردها وتشجع بدون اتفاق، فهذا سيصدر صوت ضجيج دون أن يسفر عن أي رهبة للاعبي فريق الجزائر.

7- لا يجب شتم أو سب أو الهجوم على أي لاعب من لاعبي الجزائر سواء بالألفاظ النابية أو بالزجاجات. هذه أولاً ليست أخلاقياتنا، كما أن مراقب المباراة (سعيد بلخياط) المغربي الجنسية، ، يعلم جيداً معنى الشتائم وسيقوم بتسجيلها في تقريره، وقد يؤدي هذا إلى عقوبات إذا رفع تقريره إلى الفيفا.

8- لكل مقام مقال: فمن المعروف أن هتاف "مدد مدد مدد مداااد.. شدي حيلك يا بلد" يتم ترديده عندما تكون مصر مضغوطة داخل ملعبها، أما هتاف: "هيلا هوب.. هيلا هوب" فنردده أثناء الكورنر أو الفاول القريب من منطقة الجزاء، ولذلك "اللي ملهمش فيها" يجب أن يتبعوا ما يردده الجميع.

9- عدم اصطحاب الأطفال والزوجات والبنات، كذلك لا ينصح لكبار السن ومرضى الضغط والقلب بالتواجد في المدرجات، فالمباراة عصبية وحماسية وقد تشهد أوقات ضغط، قد لا يتحملها كثيرون.

10- لا يجب ممارسة أي أعمال شغب عقب المباراة، سواء فازت مصر أو خسرت، فلو فازت مصر، ستحسب أعمال الشغب ضدنا، وسوف يتم تضمين ما حدث في تقرير الحكم الرابع، وهو أمر ليس في مصلحتنا، أما لو خسرت مصر، فالشغب لن يعيدنا إلى كأس العالم، بالعكس سيعطي عنا صورة سلبية، وسوف تفرض علينا عقوبات، فضلاً عن أن الشغب يعني خسائر في ممتلكاتنا، وهي كلها أمور لا نرغب في أن تحدث بسبب مباراة.

و"هوووووبا إيه... هووووووبا آه... إن شاء الله هانكسب"

* لمتابعة صفحة (عايزنها تبقى حمرا) لتشجيع منتخب مصر اضغط هنا

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. CipherZone 1 كُتب في
    الكلام ده وصلني رسالة من جمهور رابطة الزمالك:::
    يوم مباراة الجزائر لو سألنا أى واحد رايح أستاد القاهرة هو رايح ليه هيرد بمنتهى القوة رايح أشجع مصر
    لكن لو سألناه إزاى مش هيرد بسرعة هيفكر شوية ويقول هنهز الملعب من صوت التشجيع وبس
    يعنى هيروح الملعب ويزعق ويرج الملعب وبس كلنا عارفين ده ومدرب الجزائر عارف ده وأكيد عنده الخطة المضادة ولو حطيت نفسك مكان مدرب الجزائر مفيش غير حل وحيد وده غالبا اللى هيحصل
    قبل المباراة بساعتين أو ساعة ينزل لاعيبة الجزائر تسخن فى الملعب وتستفز الجمهور لدرجة كبيرة والطبيعى إن الجمهور المصرى يسخن جدا واللى نفسة يشتم هيشتم واللى هيحدف بحاجة هيحدف والكل سيتفانى فى أن يجعل المنتخب الجزائرى يندم على اليوم اللى شاف فيه الجمهور المصرى بكده المدرب الجزائرى يضرب عصفورين بحجر واحد
    أولا يجهد الجمهور المصرى فى غير ما يفيد منتخب مصر
    ثانيا يتعود لاعبى منتخب الجزائر على صوت وطريقة تشجيع الجمهور المصرى وتقل
    NEXT
  2. CipherZone 2 كُتب في
    و أول ماحكم المباراة يصفر للبداية
    عارفين زى بداية الحروب زمان كدة هجووووم عايزيين زلزال يقوم فى استاد القاهرة ومهما حصل فى المباراه أحنا لازم نكون مع منتخب مصرإحنا جاييين عشان مصر عشان المنتخب نقف جنبه غالب مغلوب إحنا مع المنتخب إحنا جايين نشجع ولاد مصر مش نشمت الجزائرين فينا أكيد يا جماعة منتخب مصر نفسه يكسب ويفرح لأن مكسب وفرحة اللاعبين أضعاف أضعاف الجمهور وكمان فى الخسارة ربنا يكفينا الشر حزنهم أكبر بكتيير من زعلنا إحنا لازم نقف جنب المنتخب طول شوطين المباراه وإحنا متأكدين إن كل لاعب بيعمل اللى عليه والتوفيق من عند الله
    طب ليه كل ده ؟؟؟؟؟؟؟؟؟؟
    أقولك !!!
    أكثر من سبب
    - تخيلوا معايا المشهد أكيد لاعبى الجزائر هيضربوا لخمة وهيكون من الصعوبة تركيزهم فى المباراة حتى يتعودوا على ما يحدث وحلنى بقى
    -توفير مجهودنا كمشجعين لوقت المباراة وده أهم وقت
    -لو حدث رد فعل الجمهور على إستفزازات الجزائريين هيجرى الجزائريين على طقم
  3. CipherZone 3 كُتب في
    الحكام ويقولوا شوف المصريين بيعملوا فينا إيه فيغيب تأثير الارض والجمهور على الحكام ويحدث تعاطف مع الجزائرين
    -لازم نقف ونشجع بس إزاى هو ده المهم والتشجيع لما يطلع فى وقته هيكون أقوى بكتيير
    واحد يسألنى!!! يقوللى ياسلام طيب ماهو أى حد يقرأ الكلام ده هيعرف ناويين على إيه وهنعمل إيه أقوله وفيها إيه ليس من سمع كمن رأى ومهما قلت عن الجمهور المصرى لايساوى عشر ماسوف يراه منتخب الجزائر مع بداية المباراة دى خطة التشجيع ويجب أن ننشرها حتى نواجه منتخب الجزائر بكل قوات الكرة المصرية بشكل منظم ومخطط وفعال شكرا
  4. AnyWho211 كُتب في
    والله انت عندك حق يا CipherZone 3
    يا جماعة لازم منستفزش
    ونعمل اللى عاوزينه بعد ما نكسب
    على فكره الكلام اللى ف المقاله ده مهم جدًا ولازم يتطبق بحزفيره
    والله كان نفسى ابقى ف الاستاد بس انا من الناس اللى عندهم ضغط عالى ومش بستحمل
    اعتقد ان الناس كلها يوم المباراة ف بيوتها بتشترى لب وانا هشترى دوا الضغط
    اصل احنا عارفين الفصول البايخه بتاعة المنتخب وخايف والله منه
    وعلى فكره انا اول ما سمعت بمجموعتنا انا قلت الجزائر هتصعد بفرق الاهداف - لا قدر الله - بس اهو كلامى بيتحقق بنسبه 90% على الرغم من ان مباراة الجزائر الاولى فى رواندا كانت زى الزفت وقلنا احنا اللى هنصعد
    بس الفصل البايخ بتاع مباراة زامبيا والابوخ منه بتاع مباراة البليده…
    ياااااااااااااا ااااااااااااااا ااااااااااااااا ااااااااا رب نكسب
    نسنا نفرح
    نفس الجيل ده يشوف منتخب بلاده ف كأس العالم وانتوا عارفين هنعمل حاجه والله ف كأس العالم لو تأهلانا بأذنك انت يا رب
    عاوزين نشوف هدف لمصر ف كأس العالم غير ضربة الجزاء لمجدى عبدالغنى
    واحد جزائرى اشترى كيكة … طلعلوا فيها ابوتريكة
    يا رب ابوتريكة يطلع لكل جزائرى
  5. gizawy كُتب في
    خبر عاجل لقد اكدت بعض مصادر عن منظمة الصحة العالمية ظهور مرض جديد يسمى بأنفلونزا الجزائريين واكدت انا سبب هذا المرض هو مايحمله المنتخب الجزائرى من رعب بسبب لقائهم مع اسيادهم منتخب مصر ومن اعراض المرض زغللة فى العينين بسبب رؤية الجمهور المصرى طرش فى الودان بسبب صوت تشجيع الجمهور المصرى رعشة فى الاعصاب بسبب هز شباكهم فى اول خمس دقائق شلل نصفى بسبب دخول الهدف الثانى حدوث حالة جنان بسبب دخول الهدف الثالث
  6. Abd Elgwad كُتب في
    ابووووووووس ايديكم اللي يعرف تذاكر المتش بتتباع فين يقولي ونبي
    الفراعنه هما الاصل
    شكرا
  7. معتصم كُتب في
    بوابة نادي الزمالك و النادي الأهلي مدينة نصر و الجزيرة بس لسه روح بعد بكره هتنزل انشاء الله
  8. مصري كُتب في
    الكلااااااااااا اااااااااام ده كويس جدا
    وان شاء الله هنكسب
  9. مصري كُتب في
    الكلام ده كويس جدااااااااااااا ااااااااااا
    ,إن شاء الله هنكسب
  10. ali كُتب في
    المتش صعب بس إن شاء الله رجالتنا ادها
    على 0182820092
  11. gaaaaaaaaaaaad كُتب في
    el kalam dah fel hendddddd kos om el gazayr 3aly menhaaa keda keda law et3'lbna hanw2a3 el tayara ely hayrwa7o behaaa bas isaa haneksaab we mat2olesh eny fe wa7ed masr hayb2a shyf masr betet3'leb we hayshel ham soora salbyaa 5alek enta fe betak we etfrga 3ala ely hay7saaal
  12. omar كُتب في
    انا شاء الله هنكسب هنكسب هنكسب
  13. حليم كُتب في
    ان شاء الله هتكون حمرا من كل حتة الماتش هيكون حمرا والتيشرت هيكون حمرا واليلة حمرا والى انتو عارفينة هيكون احمر شايط
  14. karim_yousef2002@yah كُتب في
    wallahy ana ba2ol b3ad el match norehom gad3net el masreen mesh b el darb laken b el sadaka la2enahom 7ay a2lo adabhom nedehom b el gazma
  15. fouad كُتب في
    بجد يشباب لما بشوف المنتخب والضغط الاعلامى بحس بالوطنية الى اتنسيت من زمان من ديكتاروية وبلد بتنهار بس الاحلى بجد الامل وده من خلال منتخب بلدنا و حنروح ونشجع مصر وهوووبا اية … هووووبا اة ان شاء الله حنكسب
  16. الشيف اجرام كُتب في
    ميه ميه هتولع انشاء الله
    وقبل ما تروح تشجع اسمع الاغنيه دى علشان تسخن اكتر واكتر
    http://alshef.yoo7.com/montada-f35/topic-t232.htm
  17. عمر كُتب في
    شكرا علي النصائح الجمبلة دي و يا رب نكسب
  18. 3abdoo كُتب في
    هوووووبا إيه… هووووووبا آه… إن شاء الله هانكسب"
    2l tzaker youm 2l 2rb3
    ooooooooooooooo ooo
    masraweeeeee
  19. ahmed shawkey كُتب في
    ياجماعة فى واحد الجمهور المصرى كله ناسيه ولازم الجماهير تهتف باسمه محمد عبد الوهاب الله يرحمه ودة هيكون حافز كبير للعيبة علشان زميلهم اللى افتقدوه وهيكونوا عايزين يعملوا اى حاجة علشان يهدوه لروحه وياريت الجماهير تهتف وتقول…وحياة عبد الوهاب…النصر ياشباب… وانشاء الله هنصعد وانا اول واحد هيبقى موجود فى الاستاد
  20. على البنهاوى كُتب في
    مش عايزين فرافير ولا عايزين شباب بسكوت ولا عواجيز ولا بنات ولا عائلات عايزين شباب مصر المحروسه تشجعيهم شغال طول الماتش املنا فى ربنا وفيكم بحبك يا مصر
  21. LION كُتب في
    انا اايدكم فى زال بس نلاقى تزاكر المتش الاول وبعديين نشجع لو فى تزكره رياده ياريت تكلمونى فورا وشكر انشاأ الله هنكسب 3
  22. مصراوى جدااااااااااا كُتب في
    كان نفسي اتفرج على الماتش ف الملعب
  23. مشجع مصري كُتب في
    انا بشوف ان احنا منشجعش الا لما الماتش يبدء عشان نرعب منتخب الجزائر بصوت رهيب يرعبهم بيحيس يحسوا ان اكتر من 100 الف بيلعبوا امامهم مش 11 لعب اما لو بدأنا التشجيع قبل المباره هيكسروا حاجز الخوف واحنا ده الي مش عاوزينوه
  24. BATISTA كُتب في
    كتر خيرك ربنا يقوينا ويوفق الرجاله وان شاء الله هنكسب
  25. hosam كُتب في
    يوم مباراة الجزائر لو سألنا أى واحد رايح أستاد القاهرة هو رايح ليه هيرد بمنتهى القوة رايح أشجع مصر
    لكن لو سألناه إزاى مش هيرد بسرعة هيفكر شوية ويقول هنهز الملعب من صوت التشجيع وبس
    يعنى هيروح الملعب ويزعق ويرج الملعب وبس كلنا عارفين ده ومدرب الجزائر عارف ده وأكيد عنده الخطة المضادة ولو حطيت نفسك مكان مدرب الجزائر مفيش غير حل وحيد وده غالبا اللى هيحصل
    قبل المباراة بساعتين أو ساعة ينزل لاعيبة الجزائر تسخن فى الملعب وتستفز الجمهور لدرجة كبيرة والطبيعى إن الجمهور المصرى يسخن جدا واللى نفسة يشتم هيشتم واللى هيحدف بحاجة هيحدف والكل سيتفانى فى أن يجعل المنتخب الجزائرى يندم على اليوم اللى شاف فيه الجمهور المصرى بكده المدرب الجزائرى يضرب عصفورين بحجر واحد
    أولا يجهد الجمهور المصرى فى غير ما يفيد منتخب مصر
    ثانيا يتعود لاعبى منتخب الجزائر على صوت وطريقة تشجيع الجمهور المصرى وتقل
    NEXT
العودة إلى الأعلى