نداء للداخلية.. عاوزين نبقى ضابطات !
"نفسي أطلع ظابط".. كلمة نسمعها من أغلب أطفالنا عندما نسألهم عن حلمهم للمستقبل.. يبدو أن حتى الأطفال يحلمون بهيبة وهيلمان الشرطة في مصر من أصغر أمين شرطة لأكبر لواء.. لكن يظل هذا الحلم حكراً على الذكور، فالشرطة في مصر تغلق أبوابها أمام الإناث إلا في بعض الأعمال الإدارية فقط.
جهاد، خريجة كلية السياحة والفنادق، قررت التمرد على هذا الوضع لأنها لم تنس حلمها في أن تكون واحده من سيدات الشرطة في مصر، فلجأت إلى إنشاء جروب على الفيس بوك مطالبة فية وزارة الداخلية بالسماح للفتيات للعمل كضابطات شرطة، ويحمل اسم "وزارة الداخلية المصريه لازم تفتح شرطة بنات "
وعن هدفها من الجروب الذي تخطى عدد أعضاؤه 1500 عضو تقول جهاد على الصفحة الرئيسية للجروب": أكيد حتتريق و حترفض الموضوع و حتقول أنه ماينفعشى أن البنات تتعامل مع مجرمين وأن مفيش أي سبب أنهم يفتحوا شرطه بنات طيب ممكن ننظر للموضوع بطريقه عميقة "
هكذا بدأت شرحها لأهمية فكرتها موضحه أهمية وجود ضابطة "ست" وخصوصا في بعض القضايا الحساسة مثل التحرش الجنسي، وأكملت: "القضايا الحساسة مثل ظاهرة التحرش الجنسي المنتشرة بصورة كبيرة جداً، وتتعرض لها البنات يومياً في الشارع وقلما تأخذ الفتاة حقها من المتحرش، إزاى تقول لضابط الولد ده اتحرش بيه إذا كان البنت بتخاف أو بتخجل من أنها تقول لأهلها أو حتى صاحبتها فما بالك إنها تقول لراجل غريب و كمان ضابط، طيب إفرض التحرش ده فى منطقه حساسة بالجسم أو كلمة خارجة لما الضابط يسألها هو أتحرش بيكى ازاى ! غير أن نسبة كبيرة من الرجالة بيبصوا للبنت اللى حصلها التحرش أو اغتصاب بنظره سيئة"".
وتضيف جهاد : "ومن الأفضل أيضا أن تستجوب المرأة "بنات الآداب" لأن الضابط فى النهاية رجل، يمكن أن يتأثر بالفتاة وخاصة إذا كانت فتاة لعوب متهمة فى قضية دعارة"
ضابطة أطفال !
ومن أهم الأدوار التي ذكرتها جهاد في مجموعتها للضابطات هو التعامل مع الأطفال المتهمين أو أطفال الشوارع والمفقودين، فالمرأة في رأيها تستطيع التعامل مع هذا السن، فالطفل يحتاج لطريقة عقاب مختلفة بها نوع من الرأفة والحزم، وتشرح فكرتها قائلة : "كيف نعاقب طفل صغير غير مكلف أمام الله بأي فعل أرتكبه مهما كان نوعه، نفس الشيء ينطبق على التعامل مع أطفال الشوارع، وهناك حادثة لمقتل الطفل محمد ممدوح عبد الرحمن البالغ من العمر 11سنة بمركز شرطة المنصورة الذي راح ضحية التعذيب والإهمال"
وتضيف: "كل دول العالم لديها شرطة نسائية، حتى أن بعض الدول العربية والإسلامية لديها ضابطات نساء متميزات كإيران والعراق والأردن والإمارات وغيرها".
وأخيراً تؤكد جهاد أن لديها في الجروب مجموعة كبيرة من البنات يؤيدن الفكرة وتشجعنها، وبرغم تأييد عدد كبير من الضباط الرجال لها وللفكرة خاصة فيما يتعلق بالأمور النسائية الحساسة، إلا أنها لاقت استهزاء من آخرون.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
انما لو وحشة فالاعدام احسنلي
التحية العسكرية بتاع البنت مش صح اصابع اليد مضمومة وامام الحاجب ب 2 بوصة من الامام ولكن فى الصورة صوابعها عند اذينها ودى اسمها رقاعة عسكرية
مفيش صف ضابط معلم يعلمها العسكرية الصح زى ما تعلمناها زمان اثناء التجنيد
وبعدين بتلاقى فى الدول العربية زى الامارات ضابطات شرطة فى المطار وفى مراكز الشرطة للتعامل مع الستات والحريم وسجون الحريم ومحترمات جدا واخلاقهم عالية
وعلى فكرة مرة ضابط فى قطر ضرب مسجون بالقلم على وشة فتمت محاكمة الضابط وطرد من الخدمة
الدول دى اللى تاريخها كلة كدولة لا يزيد عن 40 سنة محترمة جدا
انما احنا عندنا سبعة الاف سنة حقارة
ده أحنا هنلاقى الشباب هتروح لغاية عندها وتقولها .. ممش عايزة تشوفي بطاقتى يا حضرة الظابطة .
وياسلام لو موزة بقى … هتلاقى الشباب هارينها تلقيح كلام ومعاكسات .. لإن كونها ست فده بيعمل صورة ذهنية عند الواحد بانها ضعيفة … وهى مش كدة وممكن تضرب 100 زيه .. بس للأسف هى دى الصورة الذهنية .
تاني هام :- انتى كدة عايزة يبقي في عسكري ست او بنت زيك وعايزه وكيل نيابة من الجنس الناعم وعايزه وعايزة كمان القاضي يكون من الجنس الناعم صح كدة بصراحة فكرة مش كويس بالنسبة ليكي ولو نجحتى يبقى حلمك اتحقق
tab welbanat te7kelhom 3an el ta7arosh mashy…welmotah am haye3mel a isa ?!
akeed hwa bardo mogrem abl ay 7aga..
w atfal el shaware3 dool law enty fahma en el 7okoma 3andaha lihom makan akeed kanet lamethom men zaman..laken el nas dy malhash makan 3ashan keda enty hatefshaly ya benty…
batalo ba2a el sazaga dy…
ento mestargleen ok laken ma3takedsh en el banat el bgad 3ayza keda…