انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

ضع سيناريو المباراة

ولاد البلدقراءة في ١ د

تخيل أنك الآن في الإستاد أو حتى أمام التليفزيون لتشجيع مصر أمام الجزائر.. تعتقد الماتش ح يمشي إزاي؟.. يعني السيناريو ممكن يكون إيه..

- واحد كله تفاؤل ح يقول: "أول خمس دقايق ح نجيب جول لعمرو زكي، وفي الدقيقة 40 أبو تريكة ح يجيب التاني ، ندخل الشوط التاني هما يجيبوا جول، بعدها حسني عبد ربه يجيب التالت والرابع.. وبعدين أخر ربع ساعة يقلب الماتش ضلمة اشي صواريخ واشي شماريخ".

- واحد مقضيها تشاؤم ح يقول: "رفيق صيفي ح يجيب جول للجزائر في نص الشوط الأول، هوب الماتش يتقلب.. نضغط ويدافعوا.. واستعباط من لاعيبه الجزائر، وعمرو زكي وسط الضغط يجيب جول تعادل بلاموطي في أخر ربع ساعة من الشوط التاني.. وهوب الحكم يصفر.. وسلملي ع المونديال".

وأنت.. ممكن تتوقع سيناريو المباراة؟!

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. عبد الجواد كُتب في
    ان شاء الله هانجيب جون ف اول 10 دقائق
    والتانى هايكون مع بدايه الشوط الثانى
    و الثالث هايكون فى اخر المباراه بتوقيع تريكه نجم الاهداف الاسطوريه
  2. Sensor كُتب في
    بامانه فى سيناريوهين …اول واحد ان الماتش يبقى مقفول لو العيبه رجاله هنكسب 3 لو هيستعبطوا هنفوز 1 بالكتير …السيناري و التانى ان منتخبنا يجيب جونين فى اول نص ساعه ساعنها الماتش هيتفتح وهنعبيهم اجوان
  3. معتز صالح كُتب في
    ياريت بس نقول إن شاء قبل مانتوقع اى كده
    انا من رأيى
    أن شاء الله زيدان هيجيب أول 10 دقائق جول … وفى الدقيقه ال44 أبو تريكه هيجيب جول
    والشوط التانى أحمد حسن هيجيب جول فى الدقيقة 60 … بس معتقدش إن الجزائر هيجيبوا جول خالص لآنهم هيلعبو دفاع
  4. khaled mohamed كُتب في
    ان شاء الله مصر في اول 15 دقيقه هتجيب الجون الاول مش مهم مين الي جابه المهم مصر هي الي جابت الجون الجون التاني ان شاء الله من اول الدقيقه 30 لحد اخر الشوط الاول الجون التالت ان شاء الله يجي في اي وقت وقالبي بيقول ان اولاد مصر رجاله وان شاء الله مصر في كاس العالم 2010
  5. berto كُتب في
    سيناريو الماتش ده هيبقي شبيه جدا لماتس مصر والكاميرون في اول مبارايات 2008 في غانا اللي خلص 4/1 لمصر
  6. مصطفي يحيي كُتب في
    هنجيب جون في وسط الشوط الاول و جون في اخر الشوط الاول و في بداية الشوط التاني الجزائر هتجيب جون و مصر هتجيب جون في منتصف الشوط التاني و بعد كده هنجيب اخر جون في نهاية المباراة
  7. محمد زكريا كُتب في
    أنا اعتقد مصر هتجيب جون فى الدقيقة 13 وبعدين هتهاجم وتجيب جون تانى فى الدقيقة 39 وبعدين قى الدقيقة 44 الجزائر هتجيب جون وينتهى الشوط الأول .
    وييجى الشوط التانى اول 5 دقايق مصر هتجيب جون … تيجى للجزائر ضربة جزاء وطبعاً الحضرى يصدها ولاعبى مصر يموتو على الدفاع وضغط فى نص الملعب مع هجمة مرتده لمصر الكورة تيجى فى العارضة وتيجى ركنيه ابو تريكة يلعبها يطير الطائر زيدان ويرشقها فى الجون ونكسب 4 -1
    وكتية الإعدام تصدر قرار باعدام مجيد بوقرة، وكريم زياني، ورفيق الصايفي، وعنتر يحيى، وكريم مطمور.
  8. محمد محسن كُتب في
    هيبدء الماتش بدايه هادئه من المنتخب : تسليم من رجل لرجل تنظيم في وسط الملعب والدفاع
    وبعد خمس دقايق بالتمام … هتبدء الهجمات زي موج البحر… وهيتالق قوووي محمد شوقي وسيد معوض وحسني عبد ربه ومن اوفر من سيد معوض في الدقيقه 17 هاني سعيد هيجيب اول هدف بالرأس - تسير المباره هجمه هنا وهجمه هنا وتضيع من الجزائر هجمة مأكده ينقذها الدفاع والحضري وقبل نهايه الماتش في الدقيق 43 عمرو زكي هيولع الاستاد بهدف صاروخي من تمريره ذكيه من زيدان اللي يريحه له علي حدود المنطقة ويتمكن زكي من احراز الهدف الثاني
    يحتسب الحكم 3 دقايق وقت بدل ضائع وتكون الجزائر هي اللي بتهاجم واحنا متمركزين
    ويخلص الشوط الاول
    الشوط الثاني هيلحب حمص مكان شوقي - وهتبقي المباره سيجال بين الفريقين لحد الدقيقه 27 من الشوط الثاني عندما يخترق زيدان من الجنب الشمال ويخش المنطقه ويتعرقل وتحتسب ضربه جزاء ويشوطها حسني ببراعه ويجيب الهدف الثاني
    الجزائر تعمل كل حاجه عشان تقلل الفارق
    ولكن من هجمة مرتده لمصر يلعبها احمد حسن لابوتريكة اللي يحطها ببراعه من لمسه واحده شمال الحارس المتقدم ويولع الاستاد ومصر كلها تقوم ترفع ايديها شكر لله
  9. النجم كُتب في
    اتوقع باذن الله ان منتخب مصر هيضغط من بداية المباراة وهيضيع فرص والجزائر هيعملوا هجمات مرتده والحضرى يتالق وفى اخر الشوط الاول ابو تريكه يجيب جون مجابش زيه من زمان حاجه كده من بتاعة ماتش الصفاقسى او النجم الساحلى 2005 وبعدين فى الشوط التانى متعب هيجيب جون بدماغه فى بداية الشوط من كورة عرضية من سيد معوض وبعدين الجزائر هيضغطونا ويضيعوا فرص لحد مهيجيبوا جون فى نص الشوط وبعدين عمرو ذكى المنقذ هيجيب جونين فى نهاية الماتش
  10. ahmed teto كُتب في
    ان شاء الله هنجيب جون في اول ربع ساعه وبعدين هنجيب التاني في اخر ربع ساعه من المباراه وانا اتوقع هيبقي في مطش فيصل
  11. أبو يحيي كُتب في
    المبارة باصرار المصريين ستكون لنا بعد 90 دقيقة
    الجزائر ستلعب في نصف الملعب الخاص به لمدة 90 دقيقة
    وان شاء الله سنكسب 3/0 ونصعد
    ام المبارة فستكون هجومية جدا من جانب المنتخب المصري
    وسعتمد المعلم حسن شحاتة علي اوراقه الرابح
    محمد بركات يمين
    سيد معوض شمال
    ابو تريكة وزيدان في الوسط
    عمرو ذكي في الهجوم
    ام المدفاعين فيجب ان يكونوا في اشد الحذر من الهجمات المرتدة والا يندفعوا لامام
    هناك 6 لاعبين في الهجوم وهو عدد كافي ومع مساندة خط الوسط حمص و احمد حسن
    ان شاء الله سيكون لنا الغلابة علي منتخب كان يحلم بالصعود لبطولة افريقية وهو يلعب الان مبارة علي نهائيات كاس العالم
  12. mohamed aly كُتب في
    انتم لسة بتفكروا في السيناريو
    دة نتيجة الماتش طلعت وانا جيبتها من الكنترول يا جماعه حتى من غير ما اتصل بزيرو تسعمية
    مصر كسبت خمسة واحد
    الف مبروك يا جماعة والله
  13. هانى ابو شوشه كُتب في
    انشاء الله طول ما ربنا معانا اخنا هنكون قد المسؤليه اللى منتخبنا عمله ما فيش منتخب افريقى هيعمله لذلك اتوقع ان نفوز بلا سيناريو فقد وضع السيناريو من رب العالمين فلنا ان نأمل فقط انشاء الله مصر فوق … اى أخريـــــــــــ ـــــن
  14. mido كُتب في
    :ان شاء الله هنجيب احلي اجوال من توقيع ابو تريكة وزيزؤ وشوقى وان شاء الله هنوصل
  15. ahmed elfeel كُتب في
    مباراه زى دبت ملهاش توقعات
  16. Dola كُتب في
    يا جماعه هو ده السيناريو المتوقع وان شاء الله ربنا يخالف ظنى
    المنتخب هاينزل ضاغط من اول الماتش وبعدين فى اخر الشوط الاول هيدخل فينا جون من كره عرضيه
    الشوط التانى هننزل سخنيين وهندخل جون التعادل وبعدين الماتش هينام مننا ولاعيبه الجزائر هتموت الماتش لغايه اخر ربع ساعه هنفوق تانى وأحتمال ندخل جون تانى وبعديها نسمع صفاره الحكم بتنهى الماتش والجماهير تقلب على لاعبتنا وتبقى فضيحه
    وسلملى علىالمونديال
  17. الفرعون المرعب كُتب في
    انشاء الله احنا هنكسب تلاته ومش بصعوبه ومش بسهوله برضوه
  18. MOHEMED كُتب في
    اول5 دقايق ابو تريكه هيهدف
    اؤ
  19. محسن كُتب في
    يبدأ الماتش بهجوم ضاري شاري فاري ناري من منتخب مصر يسفر عن هدف في الدقائق الأولى ، يتواصل الهجوم من مصر و دفاع ضاري شاري فاري ناري من الجزائر إلى أن يتم إحراز الهدف الثاني لمصر .. يتسرب الإحساس بالارتياح للاعبينا و نفاجأ جميعاً بهدف جزائري في نهاية الشوط الأول الذي ينتهي 21 لمصر
    يبدأ الشوط الثاني بهجوم ضاري شاري فاري ناري مصراوي فيحتسب لمصر ضربة جزاء يسددها حسني عبد ربه على يمين الحارس ..
    و يستمر تبادل الهجمات و تحرز الحزائر هدفها الثاني وسط غفلة من مدافعينا
    ثم نرد بتسديدة مباغتة تنهي المباراة على نتيجة 42 للمنتخب المصري
    ثم نتقابل في السودان و عليكم خير ..
  20. abdo كُتب في
    kl 5 d2ae2 el gzaer td5l goal onshel kosh obtngan
  21. محمد المصرى كُتب في
    فى الشوط الاول هانجيب جون وبعد كدة اللعيبة المصرية تتعب و الجزائر تجيب 4
  22. محمد يوسف كُتب في
    باذن الله اتوقع ان المبارة ستكون قوية من جانب المنتخب المصرى
    الهدف الاول فى الدقيقة 15 زيدان والتانى فى الدقيقة 40 احمد حسن من الشوط الاول
    والثالث امضاء ابو تريكة فى الدقية الاولى من الشوط الثانى
    والرابع من ركلة جزاء لمحمد بركات
    والخامس من تسديدة قوية جدا من عمر ذكى
    وسيلعب عماد متعب وبركات الدور الاساسى فى صناعة الاهداف بجانب ابو تريكة
  23. محمد يوسف كُتب في
    ان شاء الله
    اتوقع خمس اهداف للفريق المصرى
    الاول زيدان 15 والتانى احمد حسن 40 من الشوط الاول
    والثالث فى الدقيقة 7 محمد ابو تريكة من الشوط التانى
    والرابع من ضربة جزاء لمحمد بركات
    والخامس تسديد صاروخية من عمر ذكى
    وسيلعب عماد متعب وبركات صناع لعب بجانب ايو تريكة ( الساحر )
  24. shadybhy كُتب في
    على ما اعتقد ان انه هيكون فية ماتش فاصل لأن صعب ان مصر تكسب فرق تلاتة.بس ممكن جدا تكسب فرق اتنين ونلعب ماتش فاصل .بس كدة
  25. محمود مرسى سلامه كُتب في
    انشاء الله مصر تفوز على الجزائر والكل يهبط من الجزائريين وهنوصل كأس العالم بأذن الله لان لاعبتنا رجاله ومصر كلها رجاله
  26. ميمو كُتب في
    عندى احساس غريب بالسيناريو ده ( متعب فى اول ربع ساعه و بعد كده عمر زكى التانى فى اول دقيقه من الشوط التانى و بعدين ابوتريكه فاول او احمد حسن بلن فى الدقيقه 25 و بعدين نزير بلحاج شوطه و يقلش عبد الظاهر و تدخل جون فى الدقيقه 30 و فى الدقيقه 41 عمرو زكى او متعب ينهى الليله 4-1 قولوا يا رب
  27. kabalooo كُتب في
    في اول 24 عمرذكي /الدقيقة40ذيدان /75ابوتريكه/84السقا انشاءالله
  28. محمد فتحي MaNsHi كُتب في
    ان شاء الله الماتش هيحلص 4/1
    اللي هيحصل ان شاء الله كالاتي
    هنجيب جون ف اول الماتش غالبا ف ال20 دقيقة الاولي غالبا ذكي
    والجون التاني تريكة ف اخر الشوط الاول
    الشوط التاني اولة جون للجزائر لللاسف
    المبارة هتبقي عصيبة جدا جدا جدا جدا
    لحد ما زيدان هيرقص وهيشوط شووووووووطة جامدة جدا ف الدقيقة 65 او 70
    وفي اخر الماتش خالص زيدان هيحط التاني والدنيا كلها هتوووووووووووول ع
    وان شاء الله دة هيجصل وهنوصل وهنكسب 4/1
  29. يارب كُتب في
    عندى توقعين
    الاول ان فى اول ربع ساعة زيدان يجيب جون وفى اول الشوط التانى احمد حسن يجب التانى وبعدين زيدان يجيب 3 وبعدين تريكا يخلصها
    التانى يخلص الشوط الاول من غير اجوان وى اخر ربع ساعة عمراو زيدان يجبو جون وفى الدقيقة 41 تريكا يجب التانى ونكسب فى السودان انشاء الله
    كارسة لو هما البداءو بالتهديف
  30. mohamed soliman كُتب في
    انا فالحقيقه مش متفائل بسبب غياب وائل جمعه من ناحيه والمدفعجي حسني عبد ربه من ناحيه الاتنين لاغنى عنهم وملهمش بديل فعلي ..بس انشاء الله الامور تسير لصالحنا..اتوقع ان الماتش حيبتدي باندفاع شديد جدا من كلا الفريقين خصوصا منتخبنا لانهم منتظرين الماتش من شهور طويله ده حيكون عامل ايجابي وسلبي ممكن فالدقايق الاولى نجيب جون ممكن اتنين زي محصل مع تنزانيا بعد كده الجزائر حتظغط لما تلاقي ثغراتنا الدفاعيه المعهوده واللتي لم تعالج حتى الان وكل الحذر من الركنيات والضربات الثابته بيجيدوها ومن اللاعب كريم زياني اتوقع الماتش يبتهي بفارق هدفين لصالحنا انشاء واهدافنا حتكون موزعه على زمن المباره ومش مركزه فتايم او اتنين واتوقع العكس بالنسبه للجزائر لو جابت اجوان
  31. maged كُتب في
    ان شاء الله هانجيب جون ف اول 10 دقائق
    والتانى هايكون مع بدايه الشوط الثانى
    و الثالث هايكون فى اخر المباراه بتوقيع تريكه نجم الاهداف الاسطوريه
  32. sherief كُتب في
    ابوتريكه يا فنان عايزين تلات اجوال وسلام لو يبقو اربعه وبنحبك يا مصر
    يلا الهمه هى دى الخطوه المهمه
    يلا اعملوها عشان تولعوها
    نورونا عشان تفرحونا
    يلا الهمه دي اصعب مهمه
    واعملوها يا مصريين
  33. رامى كُتب في
    اتوقع مصر تجيب جول فى اول ربع ساعة عمرو زكى وبعدين الماتش يهداء والجزائر تحاول تضيع الوقت والشوط ينتهى كدة وفى الشوط التانى مصر تجيب الجول التانى فى النص الساعة الاولى والجزائر تحاول تضغط والناتش يخلص كدة ونلجاء للمبارة الفاصلة
  34. admiralvega كُتب في
    ببساطه الهدف المبكر شبه مستحيل
    لكنه وارد جدا ف الشوط الاول في الدقيقة بين 35 و 45
    و غالبا هيكون من كره ثابته او ركنيه
    في الشوط الثاني يجي الهدف الثاني في الدقيقه 25-30 من بلانتي او تسديده من خارج ال 18
    ويليها هدف جزائري من هجمه مرتده او بلانتي
    وف اخر دقايق المباراه ابو تريكه هيحط هدف الفرحه زي كل مره من دويتو مع زيدان
  35. د.وائل نبيل كُتب في
    مش عاوز ابقى زى اخينا المتشائم بس لازم نبقى على مستوى الحدث ونفكر بعقلانيه منتخب الجزائر مش منتخب اى كلام ولازم نحترم كفاءته اتمنى ربنا ينصرنا خصوصا انى اعتقد ان منتخبنا المصرى فى احس حالاته يارب يتمها بالنجاح
  36. bassam كُتب في
    بصراحه انا توقعت ان المطش هيمشى ضغط من منتخب مصر والجوان هتيجى فى اخر ربع ساعه ويااااااااااااا ااااارب نكسب
  37. Anarchy كُتب في
    الماتش هايخلص 2 - 1 لصالح مصر
    و هتحصل مهزلة فى الملعب و الأمن مش هايقدر يسيطر على الناس
    و هاتحصل أزمة سياسيـــة بين البلدين بسبب الماتش
  38. حوده كُتب في
    ان شاء الله مصر لو جابت جون فى اول ربع ساعه هنخلص الماتش حاجه تنيه
    ابو تريكه فى احسن حالاته يبقى مصر اكيد اكيد فايزه
    بنا يخليك يا ابو تريكه لمصر
  39. thelord70 كُتب في
    واحد صاحبي اتوقع 3 جوان في الدقايق 7 / 12 / 27
    لو حصل توقعة دة ادام الناس كلها اهة لية عزومة عشاء جامدة عندي
  40. scarabio كُتب في
    ان شاء الله الماتش هيكون صعب اكيد
    انا بتوقع ان هنجيب جون فى الشوط الاول
    وبعدين الجزائر هيجيبو جون بعده
    وبعدين لحنا نجيب جون والجزائر يجيبوا التانى
    وبعدين هنجيب جونين ورا بعض
    وفى اخر الماتش ابو تريكه يجيب كمان جون
  41. dino كُتب في
    isa 3-0 l masr
    1- 3amr zaki 79
    2- zidan 83
    3- abou trika 88
  42. محمود سعيد كُتب في
    بالطووووول بالعرض حتي لو ممسكناش الكوره كتير بس هانمسكها 3 مرات وهنجيب 3 اجوان ومفيش حد غيرنا هيروح المونديال …ان شاء الله
  43. محمود عمر بودا كُتب في
    هوبا إيه.. هوبا آه.. إن شاء الله هانوصل وهو ده اللى اقدر اقوله يااااااااارب نوصل
  44. bebo كُتب في
    احنا لموخذة هنتظط جون فى الاول بعد كدة هنجيب جونين ويخلص الشوط الاول وهيبدء الشوط التانى هم هيجيبو جون واحنا 3
    وتبقى النتيجة مصر 5 الجزائر2
    انشاء اللة
    وهتشوفو ان الى انا قولتو دة هيحصل بس ابقو افتكرونى
  45. a,abogendya كُتب في
    i saw in my dream we will win 1st half (2-0) and didn't know what happened second time cause suddenly i waked up from my dreams and sorry my dream is not complete but i hope we win
  46. ALQUTB كُتب في
    ان شاء الله هنكسب 5 صفر 3شوط اول و2 شوط تاني
  47. a,abogendya كُتب في
    2/0 for Egypt 1st half
    second half i don't know cause i waked up and finished my dream??
    but i hope we will be winner
  48. اودعك كُتب في
    مصر قادرة على هزيمة الجزائر بفارق 4 اهداف ما احنا كسبناهم 5 قبل كده
    بس يوم 14 … للاسف لا
    المنتخب المصرى قيل عنه فى كاس العالم للقارات انه منتخب ( ماتضمنهوش لاخر الشارع) يعنى كان مطلوب من مصر جون فى امريكا جون واحد يا بشر وتصعد لكن…
    ماتش الجزائر مصر هتجيب جونين فى الشوط الاول و الجزائر هتجيب جون فى اخر المباراه وتصعد
    بس اهم حاجة عندى واهم من كاس العالم لاننا خلاص متعودين
    المشجعين بتوع الجزائر يترنو علقة موز اه موز وبقشره كمان
  49. عصام كُتب في
    المبارة مقفولة حتى اول 15 دقيقة ومن كرة ثابتة هنجيب الاول انشاء اللة وبعد كدة نضغط عليهم عن طريق زيدان وهنجيب الثانى وبس وهنلعب مبارة فاصلة فى السودان
    وهنكسب ضربات جزاء
    واشوفكم واحنا فى مجموعة
    1 المانيا
    2 التشيك
    3 كروتيا
  50. abdelra7man7 كُتب في
    اتوقع واحنا مهاجمين بكل خطوطنا الجزائر هتعمل هجمه مرتده وهتجيب جول وبعد ذللك يقع على الجزائريين لعنه الفراعنه بالفوز عليهم برباعيه ويسيطرون الفراعنه على المتش بكامله
  51. سعودي_قلوبنا مع مصر كُتب في
    ان شاء الله مصر تفووووز وتزرع الفرحه بقلوب الخليج
    وانا من محبي الفريق المصري ومحبي الاعبين المصريين الكبااار
    ومصر عودتنا على الفوز والانتصار
    وشكرا…
    محبكم : سعودي_قلوبنا مع مصر
  52. احمد رضوان كُتب في
    ان اشاء الله هنجيب جون فى الدقيقة 12
    وبعد10 دقائق هنجيب التانى
    هنربك حسابتهم
    هيبدئوا يفكم الدفاع بتعهم
    وباذن اله فى اخر دقائق الشوط الاول هنجيب التالت
    ومعا بداية الشوط التانى وضغط منهم
    هيتفجئوا بالمرتدة
    والجون الربع
    وفى الاخر هيبدئم يستعبطم هلعشان يحولوا الضحك على الجمهور
    علشان الماتش يتلغى
    ولكن الحم والجمهور والعيبة مش هيعبروهم
    فيضروا للعب الصحيح
    ويجيبوا جون فى الدقيقة 88
    ويولع الماتش
    وندعى ربنا يخلصها على خير وميجبوش التانى
    اذا بالحكم يحسب 5 دقاقق وقت بدل ضايع
    وفى الدقيقة الرابعة يضيعوا جون
    ويصغر الحكم
    ونفرح ان شاء الله
    ياااااااااارب
    وهما يروحوا بخيبتهم
    ان شاء الله
    ياااااااااااااا اااااااارب
    الكلام ده يتحقق
    ياااااااااااااا ااااااااااااااا اااااارب
    مصر فى جنوب افرقيا 2010
    ياااااااااااااا ااااااااااااااا اااارب
  53. محمود كُتب في
    الماتش يمشي دفاعي من الجزائر ويعتمد علي الهجمه المرتده لكن المصريين في وسط 80ألف متفرج يعني حماسهم يبقي عالي اي ممكن اللاعب يشوط الكورة من الجون تدخل في الجون الجزائري لان المصري حماسة عالي
  54. أمين شرطة كُتب في
    الماتش هيبقي في سكنة عسكرية مكونة من 3400 عسكري أمن مركزي و 500ضابط 1200 أمين شرطة يعني لو اللعيبة مكسبتش يبقي الجمهور مش هيضربهم يعني أحنا اللي عملنا في نفسنا كدة
  55. مجدى عبدالله كُتب في
    يارب نكسب 3 بس انا مش عارف ليه حاسس اننا هنكسب 2 بس واحد فى الاول والتانى فى التانى
  56. كريم57 01091210 كُتب في
    باذن الله في اول ربع ساعه عماد متعب يحرز الهدف الاول وقبل نهايه الشوط الاول يحرز احمد حسن الهدف التاني وفي النصف ساعه يحرز عمرو زكي الهدف التات ويهجم المنتخب الجزائري علي المنتخب المصري بغرض احراز هدف التعادل ويتحقق له ما اراد يغلطه مدافعنا ويحرزها في نفسه ومع اخر دقيقه وتكلمله لاهدافه التاريخيه والاسطوريه يحرز ابوتريكه هدف التاهل ليتحول استاد القاهره الي جمره نار ويطلق الحكم صافره النهايه معلنا تاهل مصر للمونديال بعد غياب 20سنه ليكون هذا الجيل هو احسن ما انجبت الكره المصريه علي مر التاريخ ويكون حسن شحاته احسن مدرب في تاريخ الكره المصريه و الافريقيه
  57. هاني صبحي كُتب في
    اللي انا عاوز اقوله ان مفيش مستحيل في الكورة
    ثانيا انا اتوقع ان الماتش مش هيكون فيه كورة جميلة بسبب شدة الاعصاب طبعا.
    ثالثا هيكون في حظر من الفرقتين في اول ربع ساعة يعنى هيكون في تحفظ في الهجمات
    والاهداف اللى هتدخل هتكون من اخطاء دفاعية او من تسديدات من خارج المنطقة + الكور الثابتههيكون ليها عامل كبير في احراز الاهداف.
    ربنا يكون معانا ونكسب حتى بفارق 2
    انا باتوقع نتيجة الماتش ان شاء الله 2 - 0 لمصر
  58. ayman كُتب في
    lw gebna goal fi el half time el awwal haneksab en shaa Allah
    easy geddan
  59. حسام ماندو كُتب في
    انا اولا اتوقع فوز مصر 6-2
    اولا الجزائر هتجيب جون فينا
    وبعد كده احنا هنتعادل براس زيدان
    وهنجيب الجون التانى بقدم متعب
    وهيتم طرد لاعب من الجزائر
    ثم ابو تريكه سيحرز الهدف الثالث والرابع
    والجزائر هتجيب جون
    وحسنى هيجيب جون وعمرو ذكى جون
    وتنتهى المباراه بفوز منتخب مصر وتاهله لكاس العالم باذن الله تعالى
  60. بلال كُتب في
    والله والله انا حلمت انهرده ان مصر جابت تلات اجوان ف اول نص ساعه وصاحي فرحاااااااااااا ااااااان وعلى فكره والله ان شاء الله ممكن
    نجيب جول ف اول عشر دقايق بعد كده بنالتى وطرد بعد كده التالت
العودة إلى الأعلى