انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

إحنا رحنا الإستاد

ولاد البلدقراءة في ٤ دبقلم محمد جلال

هل تريد أن تعرف كواليس مباراة مصر والجزائر وكيف مرت الساعات على الجماهير الذين زاد عددهم عن 80 ألف مشجع؟

حسين، مهدي، وليد، مهاب، مؤمن، عمرو، هاشم.. 7 شباب كانوا بين الجماهير في الدرجات المختلفة، حكوا لنا تفاصيل وكواليس يوم 14 نوفمبر منذ فتح البوابات إلى نهاية المباراة..

أمام البوابات:

- "منذ العاشرة صباحا بدأت الجماهير في التجمع أمام البوابات التي لم تفتح قبل الواحدة ظهرا، امتلأت مدرجات الدرجة أولى ممتاز بالكامل ومنع الأمن بعض الجماهير الذين يحملون تذاكر من الدخول، فهاجت الجماهير وكسروا البوابات، وبعد أن دخلنا لم نجد غير السلم للجلوس عليه، كما أن العديد من المشجعين اضطروا إلى الجلوس في مدرجات مختلفة عن تذاكرهم بسبب الزحام".

- "في تمام الساعة الخامسة قبل المباراة بساعتين ونصف اكتمل الإستاد على آخره، وكان معنا بنات لم يستطعن الدخول واضطررن إلى العودة إلى منازلهن".

غنينا مع سعد: "قبل بداية المباراة نزل المطرب سعد الصغير إلى أرض الإستاد وشاركه الجمهور في غناء أغنية (يا أغلى اسم في الوجود يا مصر)".

عملية الإحماء: "الحضري أول من نزل من لاعبينا أرض الملعب، وقتها اشتعلت المدرجات، وهتفنا بشدة للاعبينا".

بداية المباراة: "وقفنا جميعا مع انطلاق صافرة الحكم، واتفق جميع المشجعين على تعمد الشوشرة على كل لاعب جزائري يلمس الكرة ونجحنا في إرباكهم".

الدرجة الثانية: "الشركات الإعلانية وزعت علينا شوكولاتة وعصائر وتيشيرتات منتخب مصر".

الدرجة الثالثة شمال: "جلسنا بجانب جماهير الجزائر، وحوالي الساعة 4 أشعلوا النار في العلم المصري، فردينا عليهم وقلنا لهم اطلعولنا بره".

الهدف الأول:

- "وجدنا أنفسنا في مكان غير مكاننا ونحضن أشخاص لا نعرفهم".

- "بعد هذا الهدف توقعنا جميعا أن مصر ستفوز بعدد أهداف كبير".

الاستراحة: "اشتعلت بعض الخناقات بين الجماهير على الكراسي، ومع بداية الشوط الثاني عاد الجميع للتشجيع ونسوا جميع خلافاتهم".

الدقيقة 80 بداية الإحباط: "بدأنا في الهتاف ضد اللاعبين المصريين وخاصة أحمد المحمدي، وبدأنا نجلس ونهدأ محبطين، بينما ارتفعت أصوات الجزائريين".

في الدقيقة الأخيرة من الوقت الأصلي: "كاس العااالم.. كاس العااالم.. تشجيع انطلق من مدرجات الثالثة شمال وانتشر بين جميع المدرجات في ثوان".

الدقيقة 50: "مع كرة عيد عبد الملك كنا خايفين من الحكم أنه يحسبها خارج الملعب، ذهبت الكرة لمتعب.. نحن شاهدنا الكرة بالتصوير البطيء.. مع دخول الكرة المرمى انفجرت الجماهير وانطلقت الشماريخ وإتهزت المدرجات كأنه زلزال".

الهدف الثاني: "محدش كان مصدق نفسه، وقفنا نهيص ومن شدة التشجيع أتكسرت بعض الكراسي، لم أر فرحة في حياتي مثل الهدف الثاني، لم أر مباراة بهذا الجمال، وكان الجميع في حماسة شديدة لمصر لم أقابلها في حياتي، وأحد المشجعين سجد لله شكرا وسط المدرجات.. فضلنا نشجع متعب وبعد كده وجهنا كل هتافنا نحو جماهير الجزائر".

الشماريخ: "بعض المشجعين دخلوا بالشماريخ ولم يظهروها إلا في نهاية المباراة حتى لا يتعرض لهم الأمن".

بعد الماتش: "خرجت الجماهير تحتفل، ولم تكن هناك فرصة للاحتكاك بجماهير الجزائر نظرا للحراسة الأمنية المشددة التي فرضت عليهم ولم يخرجوا إلا بعد ساعة من انتهاء اللقاء".

لقطات من المباراة

الدعاء وقت الأذان: "بعد كل أذان كان يتوقف التشجيع ونقرأ الفاتحة وندعو جميعا الله ونطلب منه النصر لمصر".

السيدة العجوز: "كانت تجلس في مدرجات الدرجة الثانية سيدة كبيرة في السن، ظلت طوال المباراة تقرأ في المصحف وتدعو الله، دون أن تهتف أو ترفع صوتها بالتشجيع".

العرب شجعوا مصر: "كان معانا جماهير من ليبيا والكويت والسودان وجاليات عربية كثيرة حضروا لتشجيع مصر، الكويتيون رسموا على وجههم علم مصر والكويت".

الصحفي الجزائري: "قبل بداية اللقاء، كان هناك صحفي جزائري يجلس في مدرجات الصحفيين، رفع علم الجزائر، فغضبت الجماهير، وتدخل الإعلاميين المصريين وأقنعوه بالجلوس على كرسيه والهدوء".

وأنت.. إذا كنت روحت الإستاد احكي لنا بعض ملاحظاتك.

شاهد الجماهير في الإستاد

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. Randa Khorshid كُتب في
    tab3an mabrook en masr kesbet ma7adesh 2al 7aga bas el ana 7asah fe3lan en el 7asal yom el match w abl el match w ba3d el match dah w avwaret el nas w el tashge3, ana ba2ol avwaret el nas 3shan bgd kano over than over, kol dah kan 7aga mostahdafa en el sha3b el masry ywsalaha w el 7a2a2o ahdafhom fena men ne7yten ney7ya karahona f sha3b kamel w ne7ya tanya 5alo awlawyetna kolena hya el kora ma3 e7tramy lahamyetha bas e7na msh hanetse2el f a5retna 3ala kam match ksebna bas hantse2el 3ala el wa2t w el 3omr el daya3na
  2. المايسترو كُتب في
    حقيقه انا من الناس اللي راحوا الاستاد احنا مشكلتنا بس كانت في اجراءات الامن كانت مشددة جدا وفي نفس الوقت كان المطلوب مننا كمان اننا منتعصبش ولا تنرفز وجمهور الجزائر الصراحة جمهور كان مستفز مووت يعني حرقوا العلم بتاع مصر في المدرجات قبل الماتش وكمان بعد الماتش كانوا بيشتموا
    ومع ذلك احنا ككماهير مصريه معملناش اي حاجه ليهم شجعنا وبس والحمد لله ربنا كافأنا وفزنا في ماتش بعتبره عصيب مووت
    انا بس من ملاحظاتي ان البنات اللي كانوا في الاستاد كان في منهم بنات رايحه عشان تتصور بس ومكنش في دماغها خالص طول الوقت بتدور على الكميرات
    بس عمتا رغم البهدله في الدخول والخروج من الاستاد لكن كل دا بيتنسي مع الفرحة بالفوز
  3. محمد عزوز كُتب في
    انا رحت الاستاد وكان يوم بجد جميل طبعا عشان الامل تجدد لمصر وكان الشعب المصري في قمة الرقي والروعة انا كان المفروض ادخل درجة أولي يمين فجأة لقيت نفسي في المقصورة مش عارف ازاي المهم ان احلي لحظات المباراة عند الدقيقة 45 جمهور مصر انتفض و قال كلمة هزت الملعب واللعيبة هي كلمة كأس عالم كانت كفيلة بتحريك الروح في اللعيبة وكانت الفرحة التي لن ولا انساها مادمت حيا بحبك يا مصر
  4. moshagb كُتب في
    اقتباس محمد عزوز:
    انا رحت الاستاد وكان يوم بجد جميل طبعا عشان الامل تجدد لمصر وكان الشعب المصري في قمة الرقي والروعة انا كان المفروض ادخل درجة أولي يمين فجأة لقيت نفسي في المقصورة مش عارف ازاي المهم ان احلي لحظات المباراة عند الدقيقة 45 جمهور مصر انتفض و قال كلمة هزت الملعب واللعيبة هي كلمة كأس عالم كانت كفيلة بتحريك الروح في اللعيبة وكانت الفرحة التي لن ولا انساها مادمت حيا بحبك يا مصر
    ,والله انا بحبك يا مصر
  5. عادل ديدو كُتب في
    انا يا جماعة روحت الاستاد وكنت اعد فى الدرجه الثالثه شمال وانا جتلى تذكرة 2 بس بصراحه انا مختهاش لانى من مشجعى الدرجه الثالثه شمال وبصراحه هو التشجيع والاغانى كان قبل المبارة وكان فى الشوط التانى ومافيش حد فينا اعد خالص حتى حصلت خناقه بسبب الوقوف بس بعد ما جيه الجون الاول لقيت حاجة غيربه جدا الاتنين الى كانو بيتخنقو لقيتهم بيحضنو بعض فعرفت كويس جدا انها مش مجرد كورة ولعيبه دى حاجه بتجمع الشعب على قلب واحد وحب واحد واخيرا انا بعتزر ان ماكنش فى تشجيع كتير لان الخوف ان الماتش يضيع مننا وكنا مش بنقول غير يا رب وانا قولت يا رب ماتنيمش البلد دى حزينه
  6. hady mohamed كُتب في
    ana sooty rah men kootr el tashgee3 we regly mesh ader a2f 3aliha bas kol dah 3ashanek ya masr weisa hanksab fel sudan we f3lan ehna a3dna nhdon ba3d gamed awy ba3d el goon el tany we akenena sohab men zaman
  7. Mo7ammed 3ly كُتب في
    انا روحت الاستاد انا و3 اصحابي وكنا في تالتة يمين وطبعا كنت هناك من 10 الصبح ودخلت الساعة 3 بعد ما كنا بنموت واحنا داخلين من الزحام الشديد و مكنش في تفتيش
    ودخلنا وقعدنا نشتم في الجزائرين وخصوصا ان احنا كنا جنبهم وشجعنا ودعينا وعملنا كل حاجة باعلي صوت عندنا لحد ما صوتي رااااااح …واول ما الماتش بدأ والجون المفاجئ الغير متوقع وهيستريا الجنون التي اصابت المدرجات بأكملها وتوقعنا ان يدخل بعده عدة اهداف وهذا لم يحدث … واحبط الجميع في اخر 5 دقائق ولكن لم نهدأ وكنا ندعوا ونشجع وكان عندنا امل في الله … وفعلا حدث ما لم يكن متوقع وانا لا استطيع ان اوصف ما حدث بعد هذا الهدف' فانه الصدمة الكهربية التي اعادت لنا دقااات قلوبنا'
  8. حسن كُتب في
    انا روحت الاستاد مفيش احلى من كدة
  9. ziko كُتب في
    عندى ملاحظة ان البوابات فتحت من الساعة 11 مش 1
    و الصراحة مشفتش حد بيحرق علم مصر مع العلم انا كنت ف 3 شمال , و كان فى 5 شماريخ ف 3 شمال لوحدها
    ريعو الكابو بتاع ألتراس أهلاوى , كان موجود ف 3 شمال و قام بوظيفته و ساعد الجماهير فى تنظيم التشجيع , و طلع وقف على السماعات و الأمن كان هينزله بس كل الجمهور ف صوت واحد " سيبة سيبة " و لحظة الهدف التانى بجد لقيت نفسى واقف ف صف تانى و فعلا بحضن ناس معرفهاش
    الحمد لله على كل شئ و البقية تأتى فى السودان
  10. اWise كُتب في
    بسم الله الرحمن الرحيم
    انا من السويس مكنش ليا نصيب اني احضر الماتطش في الاستاد مع ان اصدقائي في القاهره كان معاهم تذاكر ليا بس ظروف شغلي منعتني
    فقررت اني اتفرج عليه مع اصدقائي في السويس في مكان بجوار استاد السويس في مجموعه كافياهات كتير
    قولت اكيد هنلاقي مكان اقسم لبيكم بالله من الساعه 3 الضهر وانا بدور علي مكان في اي كافية ما لاقي
    ده الكلام قبل الماطش بي 4 ساعات
    المهم في الاخر لقيت ليكم تتخيليو ان كل المنطقة بكل الكافياهات الي فيها في وقت واحد بتقول كلمة واحدة من اول دقيقة لي اخر دقيقة
    يــــــــــــــ ـــــــــــــــ ـــــــــــــــ ـــــــــــــــ ـــــــــــــــ ــــا رب
    في وقت واحد طول الماطش
    كلمة ليها سر عظيم
    واتحققت علي ايد اولادنا وانشاء الله هتتحقق تاني بكرة
    بكرة يوم بيتوحد فية 85 مليون واحد في وقت واحد يا رب
    نفسي اسمعها مع بداية صفارة الحكم مصر كلها بتقولها بي اقوي ما عندها
    يــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــا رب
    اشوفكم بكرة بعد الماطش وانشاء الله فايزين
العودة إلى الأعلى