انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

علاء مبارك.. رئيساً لمصر؟

ولاد البلدقراءة في ٣ دبقلم علي عبد المنعم

بما أننا في موسم الهوس الكروي، فالخوف كل الخوف من (القادمون من الخلف).

و(القادمون من الخلف) هي نظرية المعلق الرياضي ميمي الشربيني لتحليل ظاهرة أن لاعبي خط الوسط قد يكونون هم من يحرزون الأهداف، بما أن مهاجمي الفريق مراقبون دوماً من دفاع الخصم.

فمن بعيد، جاءت مكالمة علاء مبارك في برنامج (الرياضة اليوم) تعليقاً على أحداث مباراة مصر والجزائر التي أقيمت بالسودان، لتؤكد أنه ربما "يتقدم من الخلف" إلى الأمام. فقد اكتسب نجل الرئيس الأكبر شعبية جارفة عقب المكالمة. شعبية جعلت إبراهيم عيسى على سبيل المثال يكتب عن 12 سبباً لحب علاء مبارك. رغم أنه –علاء- هو نفس الشخص الذي كان محور النكات السياسية للمصريين طوال عقد التسعينيات، بعد أن أشعنا نحن أنه سيستولى على مقدرات السلطة في مصر.

نعم يتمتع علاء مبارك بشعبية منذ انتشار شائعات عن أنه "استشيخ" تأثراً بدروس عمرو خالد. ثم زادت الشعبية بعد وفاة نجله الطفل "محمد" أوائل العام الحالي، لكن مكالمة علاء مبارك لبرنامج (الرياضة اليوم) جعلت أسهمه ترتفع بدرجة باتت تهدد جمال مبارك نفسه.

فقد تحدث علاء مبارك كرجل شارع عادي. تحدث عن وجه آخر لمصر. وجه القوة، ويمكنك أن تلحظ تلك الشعبية من كم الفيديوهات المرفوعة على يوتيوب للمكالمة، منها شاب وضع عنوان اللقطة: "مكالمة من الدكر علاء مبارك".

مثل هذه الجرأة جعلت كثيرين يعتقدون أنه قام بهذه المبادرة دون استشارة أي شخص في عائلة الرئيس. ولكن في نفس الوقت لماذا لا يستغل النظام هذه الشعبية لكي يصعد علاء مبارك على حساب شقيقه.

عودة لنظرية (القادمون من الخلف). احسبوها معي. ففي كرة القدم يقال أن الشوط الأول هو شوط اللاعبين ينفذون فيه خطة المدرب ويتفاجأون فيها بخطة الخصم فيتصرفون من أنفسهم. أما الشوط الثاني فهو شوط المدربين؛ لأن المدرب أثناء الاستراحة يبدأ في تفكيك خطة الخصم ويضع طريقة لعب جديدة حتى ينتصر.

إذا نقلنا ما سبق على الساحة السياسية، فقد دفع النظام في الشوط الأول (مطلع 2005) بجمال مبارك معتقداً أنه ورقة رابحة تصلح لأن تكون رأس النظام خلال سنوات. ولكن مع قوة المعارضة (الخصم) الذي (راقب) المهاجم (جمال مبارك) في كل تحركاته في الملعب (الساحة السياسية) التي يعتقد بعض المحللين أنها تحركات فردية لا تنبع من إرادة المدير الفني (الرئيس مبارك). إذن فقد حان الوقت لاستراحة شعبية قصيرة (مباراة الجزائر) لكي يدفع المدير الفني بلاعب من الخطوط الخلفية يتقدم بهدوء لإحراز الهدف.

انتهت فقرات (استوديو التحليل)، فاصل قصير.. شاهد فيه كليب مكالمة نجل الرئيس:

* ما رأيك؟.. هل توافق على أن يكون علاء مبارك رئيساً لمصر؟ لو كانت هناك انتخابات رئاسية ونزل فيها جمال في مواجهة علاء.. أيهما ستختار؟!

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. انس باشا كُتب في
    طب انت ما سمعتش اتصاله بالبيت بيتك الصبح امبارح 9-10 صباحا
    و اول امبارح الجمعة بالليل اتصاله بالبيت بيتك و اتصال جمال مبارك بالبيت بيتك
    ماهو انت لو كنت سمعت بقية المكالمات كنت هتشرحه رئيس للامم المتحدة مش رئيس لمصر بس
    تاني نقطة : انا استغربت قوي لما قال انه بيحترم ابراهيم عيسي ..
    لان اخوه لا يحترم اي حد خصوصا منافسيه و عنده استعداد يسلخهم احياء المهم يوصل
  2. الخدمة العسكرية كُتب في
    لماذا لم يقم جمال ولا علاء بتأدية الخدمة العسكرية ؟
    هم مش مواطنين مصريين زى ما بيقولوا
  3. miri كُتب في
    يا جماعة حاجة كويسة ان ابن الريس يحسس الناس العاديين انه زيه زيهم …انسان بيحس و يغضب و يثور و يكون له ردة فعل و غيرة على كرامته و كرامة بلده… لان ببساطة هو ده رد فعل اى مصرى سواء كان ابن الريس او ابن غفير… من الاخر مصرى … و منكرش ان شعبيته و محبته فى قللوب الناس زادت بعض موقفه الاخير…انا من الاخر مبسوطة بجد.
  4. hoss كُتب في
    ياجدعان اية الكلام الفاضى اللى بتقولوة دة ارحمونا بقى من الحاجات دى احنا زهقنا كل ما نقول عايزين نطلع بالبلد لقدام ترجعونا ميت خطوة لورة خلاص خليتوا علاء وجمال ينزلوا اصاد بعض حسبى الله ونعم الوكيل فيكم
  5. مفروس كُتب في
    علاء مبارك قال اللى كان نقسى اقولة وبجد انا حبيت الراجل دة لانة بيتكلم من قلبة
  6. مش ححبك كُتب في
    والله يا اخونا احنا في بلد ديمقراطي صرف
    الانتخابات الجاية حينزل الانتخابات
    علاء مبارك وجمال مبارك
    وانتو تختاروا اللي انتوا عايزينه بحرية تامه وبدون ضعط وبدون تزوير
    احنا في بلد ديمقراطي
    اختاروا اللي انتو عايزينه
    يا علاء يا جمال
  7. مصري صميم كُتب في
    أيه الكلام إل مالوش طعم ده … يعني واحد بمكالمة تلفونية لبرنامج تلفزيوني نرشحة لرأسة مصر؟؟ !!! عجيب والله … صحيح الرأسة رخصت ومبقلهاش قيمة زي العمدية دلوقت مقارنة بزمان … بس مش للدرجة دي … على كده أطلب من كل من يريد أن يكون رئيس لمصر بأن يتصل على البرامج التلفزيونية ويسجل أكبر عدد ممكن من التعليقات ويقول رأيه ي الأحداث الساخنة … طبعاً بعد التدريب على دموع التمسيح وكيفية اللعب بنبرات الصوت… وبالمره أكون أول الممثلين … أسف أقصد المرشحين … وعجبي على سذاجتنا المفرطة … وفي النهاية أحب أن أوجه سؤال واحد وجيه او وقح … من هو جمال حسني مبارك؟ ومن هو علاء حسن مبارك ؟ومارصيدهم كي يكونوا مرشحين لرأسة مصر؟ بل من هو أبوهم حسني مبارك ؟ فهل يتوازى مافعله مع حكم لمدة … هو بقاله قد أيه في الحكم أصلي تعبت من العد…!! متفوقوا بقه.
  8. فاروق كُتب في
    علاء مين ياعم! هو يعني لازم يفضل مبارك وأولاده راكبين غلي ضهورنا؟ ايه التخريف و التخلف اللي احنا فيه؟؟؟؟؟!!!! يا ريت كان عند مبارك و الجوقه بتاعته نفس الحماس و النخوه لما تأكدوا ان اسرائيل أعدمت الجنود المصريين بعد أن أسرتهم سنه1967 اوقامت بدفنهم أحياءز فين كن النظام؟ مين حباخد بتار الشهداء؟ اصحى يا شعب!!!!!
  9. سبحان الله كُتب في
    نظرية المؤامرة كلت دماغنا خلاص!
  10. مصري كُتب في
    علاء أكيد
  11. البلد ماتت كُتب في
    هو مفيش فى السامر الا عامر
    يعنى مصر مفيش فيها رجالة غير علاء وجمال اولاد امير المؤمنين سيدنا الخليفة مبارك
    بطلوا هوس بقى
    لا دة ينفع ولا دة ينفع
    لانة دستوريا لا يجوز
  12. هذا المتوقع ؟ كُتب في
    بعد احتراق اوراق الاخ الاصغر والكراهية المتزايدة لة بدأوا فى تقديم الاكبر البالغ العاقل الرشيد
    ولكن شكلة ينفع كرجل المانى او رجل انجليزى انما مصرى يعنى
    وكلها تخمينات وما فى الغيب سيكون
    وامر اللة هو الغالب
  13. هروب البرنس كُتب في
    والبرنس هرب مع قيادات الوطنى الى القاهرة لية وترك الجماهير والمشجعين هناك يعانون فى الخرطوم لية
  14. مواطن من البلد دي كُتب في
    قالوا : مصر الحضارة والحضارة هي 7000 سنة !! … وقالوا : مصر التاريخ ، ومصر مقبرة الغزاة !!! ، وقالوا : مصر هبة النيل … ؟؟ .. ثم قالوا : مصر الشقيقة الكبرى ، ومصر أم الدنيا !!!! … ثم قالوا : مصر بلد الأزهر الشريف ، وبلد العلم والعلماء ، مصر بلد الخمس والثمانين مليون نسمة ، وقالوا : مصر قلب الأمة النابض والوامض ، ومصر العروبة ، ومصر هي العرب ؟؟؟ … هكذا قالوا … !!
  15. عبدالنور جزائري كُتب في
    هيفاء وهبي
    و قديفة عنتر يحيى في طيز يسرا ستقضي على ازمة الخبز في مصر و تجنون الفراخ. ولاتنسوا ان ترسلوا الينا خمسة الاف (5000) عاهرة الى الجزائر (الحراش) كما ارسلتموها الى الامريكيين في العراق المحتلة بسببكم
  16. احمد كُتب في
    ليه لأ ؟؟
    اصل مين تاني ممكن يمسك ؟؟؟
  17. ابو علاء كُتب في
    كان فية نكتة زمان متداولة بتقول
    ان فية سايح امريكى نزل مصر واخد تاكسى من المطار الى الفندق ولاحظ السائح ان سائق التاكسى معلق 3 صور فى التاكسى فسال السائق من هذا ؟
    فقال لة الاول دة صورة جمال عبد الناصر صاحب ثورة 23 يوليو
    والثانى دة صورة الرئيس انور السادات بطل العبور وحرب 73
    وسال السائح —— والصورة الثالتة لمين
    فقال سائق التاكسى
    دى صورة ابوعلاء شريكى فى التاكسى
    رئاسة اية يا عم دة راجل مشارك كل واحد فى البلد دى على نص رزقة
  18. لور دكاش كُتب في
    مبدع بجد يا علي.. بس معتقدش الموضوع يوصل للرياسة ده جمال يتاويه في الحال.. يا سيدي كفاية عليه الاستثمارات والسمسرة والسرقة في أموال البلد.. بلاش يا جدعان نتخدع بشوية كلام أهبل وننسى بلاوينا
  19. اللواء حسنى واولادة كُتب في
    البلد فيها مليون لواء احسن من حسنى
    اشمعنى بقى حسنى واولادة هى بقت وكالة من غير بواب وكالة حسنى واولادة
  20. مفروس كُتب في
    بعد المداخلة التلقزيونية ظهر الاستاذ علاء مبارك على الساحة الشعبية بدون اى دعاية حزبية اوسياسية ودخل قلوب معظم الناس بدون برنامج انتخابى ووعود بالعبور الى المستقبل وخفف علينا شوى من وقع المهزلة اللى حصلت فى السودان انا فى رايى الشخصى بااشوف انة علاء مبارك اصدق فى الاحساس والمشاعر من اخوة الاستاد جمال اللى كان بيتهيئلى انة بيمثل وعايش الدور
  21. مصرية قوى كُتب في
    عاشت مصر الامنة المؤمنة والمصريين خير جند اللة عاشت مصر الجنود والزعماء والائمة والدعاة والعلماء والاطباء والمهندسين والمدرسين والموظفين والفنانين والادباء والمفكريين والرياضيين اللى علموا الدنيا قبل الزمان بزمان
  22. مصرية قوى كُتب في
    وقت مكالمتة مع خالد الغندور لقينا نفسنا بنصفق لية ولينا اتكلم ببساطة وتلقائية وقال كل اللى كان فى نفسنا وفى قلبنا موضوع ترشيحة للرئاسة مش وارد حتى بفكرة هو شخصيا بذلك مكالمتة رفعت اسهمه واسهم والدة بصوره كبيرة ربنا يحفظ مصر والمصريين رغم كيد العدا
  23. علاء ام بلاء كُتب في
    الوباء دة بمكالمتة عمل اية
    الجزائر كشت
    خافت
    ماتت فى جلدها
    قالت يا مامى
    وابوة نفسة يقدر يعمل اية للجزائر
    وقيمة مصر اية دلوقتى
    دا احنا بنبوس ايدين السودان وليبيا علشان يروحوا يصالحونا على الجزائر
    بطلوا هبل
    واللى بيقول خير اجناد الارض دة جاب الكلام دة من اين
    ما احنا كل معركة بنجرى ونقول يا فكيك
  24. احمد ببيتو كُتب في
    يا ريت علاء البيتكلم ده يكون رئيس لمصر
  25. توت كُتب في
    أنا لسه بقول إتكم شعب جاهل ومتخلف بعد ما كنتم بتقولوا لا للتوريث ، دلوقتى بتقولوا نرشح مين ، جمال ولا علاء 0 مصيركم أصبح معلق بكرة القدم شعب مقرف بجد.
  26. مفروس كُتب في
    الاستا علاء قال انة مالوش فى السياسة اما جمال بية اكيد عارف انة مصر خلعت الملكية من زمان والتورسث اللى حصل فى الاردن والمغرب طبيعى لان نظام حكمهم ملكى اما سوريا فدى حاجة تانية خالص منقدرش ناخدها مثال راييى الشخصى انة الرئيس الجاى يبقى مش عسكرى مع حبى واحترامى وتقديرى لقواتنا المسلحة اللى هى درع مصر وصمام الامان لكل رئيس حيحكم مصر لخمسين سنة جاية
  27. وائل كُتب في
    أنا معرفش إن كان بجد هو مشارك نص البلد و لا لأه
    معرفش مين أبن مين معرفش مرتبى كام كل إيلى أعرفة أسمى و أسم ولادى يمكن يكون فى العمر و العقل بقية أعرف حاجة و لاكن إيلى عارفة أكتر من أسمى أننا كدابين أووووووووووى و كل حياتنا وهم خيال سراب مين هيمسك الحكم هم ماسبوش فرصة تقول أو تعبر و كل إيلى أنته عايزة فى البلد دى بيحصل عكسه تماما وشكرا لكل من قراء أو توقف عند تعليقى …
  28. tounsi+masri كُتب في
    اقتباس مصرية قوى:
    عاشت مصر الامنة المؤمنة والمصريين خير جند اللة عاشت مصر الجنود والزعماء والائمة والدعاة والعلماء والاطباء والمهندسين والمدرسين والموظفين والفنانين والادباء والمفكريين والرياضيين اللى علموا الدنيا قبل الزمان بزمان
    ya 7mara asl enti keda hansamiki 7mara 3achan enti matefhamich ay haga fi syasa ala mobarek etkalem 3achan ye2oul ana hena w 3achan tehebouh awi whwa keda faz 3alekm wtracha7ouh lel enti5abet ghasb 3anekom
  29. ممدوح زكى زخارى جرجس كُتب في
    اقتباس مصري:
    علاء أكيد
    و لم لا ؟
    أليس علاء مبارك مواطن مصرى ام لا؟
    مصر تحتاج الى كل وطنى من أبنائها؟
    و يا ريت يكون علاء!!!!!!!!!!! !!!!!!!!!!!!!!! !!!!!!!!!!!!!!! !!!!!!!!!!!!
العودة إلى الأعلى