فاكر أخر علقة أكلتها؟
كلنا إنضربنا وإحنا صغيرين أو حتى كبار.. والأسباب كثيرة منها الشقاوة والتنطيط والعفرتة والمعاكسات وقلة المذاكرة وغيرها.. أما الأدوات فقد كانت كثيرة أيضا منها الشباشب, المنافض، الخرازانات, المساطر, الخراطيم، وبالطبع الأيدي والأرجل..
وأيا كانت الأسباب والوسيلة؛ تحمل كل علقة ذكرى خاصة مازلنا نتداولها حتى الآن.. فهل لسه فاكر أخر علقة أو أجمد علقة أخدتها؟
الاسم: محمد عبده
الوظيفة: ترزي ملابس
العلقة: أخر علقة فاكرها كانت من أهل مراتي لما كانت غضبانة وطفشت من شقتنا على بيت أهلها، ولما حاولت أهدى الأمور "وأرجع الميه لمجاريها" اتصلت بأهلها واتفقت على الحضور لإحضارها، وأثناء ذهابي وجدت البلد كلها في استقبالي خاصة أنها كانت من أكبر العائلات ببلدتها ويومها اخدت علقة "ما خدهاش حمار في مطلع" ومن يومها حرمت أزعّل مراتى! .
الاسم: أحمد كمال محمد
الوظيفة: محامي
العلقة: أنا أخدت علقات زمان من خلق الله كلهم "وعلقة تفوت ولأحد يموت" وأخرها كانت في المرحلة الإعدادية لما كنت بالعب مع ابن عمي، ومن حظي الحلو إن كان فيه بيت قديم عبارة عن غرفتين جنبنا فيهم عشة طيور، فكنت بنط معاة على البيت ده، وفي أحد تلك المرات تحول البيت إلى كومة من الإطلال فوق رؤوسنا وكل الطيور طبعا ماتت ويومها أخدت علقة ما خدهاش حرامي في مولد.
الاسم:السيد عبد المنعم
الوظيفة: سائق أجرة
العلقة: كان الضرب زمان زى السلام عليكم، وكان الواحد بيتضرب أكتر ما كان بيستحمى!، وأنا افتكر أخر علقة اخدتها من والدتي اللي كانت خبيرة في رمي الشباشب عن بُعد، فكانت أحسن واحدة ترمي الشبشب على بعد 150 متر، وأكتر علقة لا يمكن أنساها بسبب كسري لذراع ابن الجيران وأنا في المدرسة أثناء الفسحة ويومها اتنفضّت زي السجادة واكتر.
الاسم: خالد محمد احمد
الوظيفة: مهندس كمبيوتر
العلقة: العلقة الوحيدة اللي اخدتها في حياتي كانت من مدرس الفيزياء الأستاذ عصام في أولى ثانوي في أول يوم من الدراسة، المدرس كان حرف الراء عنده مش مظبوط شوية "الراء بينطقها ياء"، وكان بيملّي جدول الحصص فقال"يوم الأربع الحصة الرابعة"، وطبعا أنا فطست من الضحك عليه، وفجأة لقيت قلم بينزل على وجهي ويسقطني على الأرض شبه مغمى عليّ، ومن يومها وأنا بكرة المدرسة الثانوي ومادة الفيزياء.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
حلو اوى الموضوع
دماغ يعنى
آخر علقه
عامة هو بابا وماما مش بيضربونا يعنى
ديمقراطيين ..
لكن أعتقد وعلى ما أتذكر إن أخر حاجه كان قلم محترم …
ولسبب غير معلوم أو بالأحرى غير حقيقى
ما علينا حاجه وعدت خلاص هتفيد بإيه ..
ههههههههههههههه هههههههه
اهم حاجه انك تذكر المكان الي انتا خدت فيه العلقه
يا لهوى
هى المواضيع خلصت
طيب اخر مرة قصيت ظوافرك حسيت ب اية
واكتشفت انها اخدت دورة جودو وتايكندو فى النادى ايام ما كانت فى الكلية ومعاها الحزام الاسود - وفى ساعة رواقة قالت لى اعمل اللى انت عايزة فيا اشتمنى هزأنى كل طلباتك مجابة الا حاجة واحدة بس انك تمد ايدك عليا
والحمد للة مش عايز منها حاجة تركت لها البلد وسافرت للخارج وابعت مصاريفها وانا بعيد
لكن المصيبة اننى احبها ولكن خايف من ايديها
هل كل الناس فكرين اخر علقه خدوها ولالالالالالالا
ههههههههههههههه هههههههه
اهم حاجه انك تذكر المكان الي انتا خدت فيه العلقه
طبعا فاكرها و كانها حدثت الان؟
يوم ما ضبطتنى المدرسة بتاعت التاريخ و انا بأقبل مدرسة اللغة الفرنسية الفرنسية الجنسية؟
كنت على علاقة غير مشروعة معها و حقا كانت تستاهل كل يوم مليون علقة؟
علشان شفايفها و صدرها و هى كلها تستاهل اى حاجة تحصلى؟
المهم كانت أيام و زكريات و مغامرات عاطفية جميلة