انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

الـرئيس (جيمــي)

ولاد البلدقراءة في ٣ دبقلم دعاء الشامي

اختلفت مع صديق قبل عدة أسابيع حول فكرة ترشح د.محمد البرادعي لرئاسة مصر والخلاف لم يكن على حمله لجنسية أخرى أو عدم المامه بأحوال مصر بعد سنوات الغربة ولكن كان أبسط من ذلك بكثير، حول اسمه "البرادعي"، لأن أخينا يرفض أن يكون الريس "برادعي"، وقتها تركته واعتبرته واد طري بيتدلع.

أمس ومع الفرحة القوية والنصر المثالي للمنتخب بفوزه بالكأس غيرت رأيي في الموضوع، لذات نفس المنطق "الأسمي"، فإذا كان أخينا قد رفض أن يكون الرئيس برادعي فأنا أرفض أن يكون رئيسي "جيمي"!

"جيمي" هو الاسم الذي أطلقه المذيع وعضو مجلس الشعب وعضو الحزب الوطني وحارس مرمى النادي الأهلي السابق ومقدم برامج "ملعب الحياة" و"الكورة والملاعب" و"أحلى صباح"، والمتهم في قضية الـ"سي دي" الفاضح، أحمد شوبير -أعتذر عن الإطالة- ولكنه تعريف لابد منه، على جمال مبارك أو رئيس مصر القادم "جيمي".. من باب اللي يتجوز أمي يبقى "جيمي".

إذا حدث وأصبح جمال مبارك رئيساً لجمهورية مصر العربية، سيكون هو أول رئيس مصري يحصل على اسم دلع عبر تاريخنا الرئاسي المليء بالحروب والنياشين، فكل من سبقوه لم يحدث وسمحوا لأحد أن أطلق عليهم اسم دلع، يعني مثلا محمد أنور السادات لم يجرؤ أحدهم على تلقيبه بأبو حميد برغم كونه دلع مقبول في مصر على شاكلة أبو حنفي لإبراهيم ويا درش لمصطفى، وبالطبع لم يخاطب أحد الإعلاميين الرئيس الأسبق جمال عبد الناصر، باسم "جيمي".

وها قد جاء اليوم الذي يصبح الرئيس "جيمي".. وبذلك يثبت جمال مبارك أنه رئيس شاب فريش.. فانكي.. روش آخر حاجة، يستحق تشجيع شباب الفيس بوك ومناداتهم بتنصيبه رئيساً لمصر عبر الموقع الأكثر شهرة بين كل من يحملون أسماء دلع، فقد ظهر على الشاشة وعبر عن فرحته قفزاً في الهواء ورقص وهتف: "زي ما قال الريس.. منتخبنا كويس"، كما أذاعت قناة الحياة في رسالة من أنجولا عقب المباراة النهائية.

وللحق، الرجل لديه إمكانيات أخرى كثيرة غير الدلع، فهو الرئيس المصري الأول الذي يمتلك جنسية أخرى غير المصرية، كما أنه ليس من قاع المجتمع ولا من الريف مثل ما حدث مع الرؤساء السابقين فهو عاش وتربى بين مصر الجديدة والولايات المتحدة الأمريكية.

هذا على الصعيد المعنوي، أما بقى على الصعيد المادي، فبالتاكيد هو أغنى رئيس مصري قبل أن يصل للرئاسة، فما بالك ببعد وصوله، طبعا البعض يعتبر هذه ميزة كبرى؛ لأن الرجل شبعان، لكن هذا الرأي لا يرضي البعض الآخر، الذي يؤمن بالمثل المصري: "البحر يحب الزيادة".

الأستاذ جمال مبارك، السيد جمال مبارك، مستر جمال مبارك، كلها ألقاب سأنساها تماماً لأن الحقيقة اللقب الأكثر بريقاً هو "الرئيس جيمي"!

إحقاقاً للحق، عندما خيرت صديقي بين أن يصبح رئيسه برادعي أو جيمي، اختار... البرادعي؛ لأنه اسم له هيبة كده.. مش كده ولا إيه؟!

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. جمال مبارك كُتب في
    جمال مبارك ليس اقل من
    ابن ملك المغرب الذي تولى بعد وفاة ابوه
    ابن ملك الاردن الذي تولى بعد وفاة ابوه
    ابن ملك البحرين الذي تولى بعد وفاة ابوه
    ابن ملك الامارات الذي تولى بعد وفاة ابوه
    ومصر طول عمرها منذ 7000 سنه الحكم فيها وراثي
    حتى ايام جمال عبدالناصر جاب السادات وفرضه على الناس كولي عهدـ
    والسادات جاب حسني مبارك كولي عهد
    اكبروا بقا وبلاش شغل عيال
    ـــــــــــــــ ـــــــــــــــ ـــــــــــــــ ـــــــــــــــ ــــــ
    مش دعاء الشامي ولا دعاء حسن
    بلاش المرادي مش شريف الدواخلي ولا البراء اشرف
  2. عيب يا دودى كُتب في
    مين اللى قال ان جيمى هيمسك البلد
    انتى هتفولى فى وش البلد
    عايزة خراب تانى اية
    البلد كلها فى حالة غم وقرف مزمن
    انا سمعت يا دودى تعبير فى اليومين اللى فاتو ان الناس عايزة تفرح او حسن شحاتة جاب الفرح للناس - معنى هذا ان الناس فى غم وحزن وطنى شامل وعميق ونفسها اى حاجة تفرحها
    كفاية يا دودى
    اتكلمى زى ما اتكلم عمرو اديب عن الخروج الامن للناس دى برة البلد
    مش ممكن مصر تستحمل تانى اكتر من كدة
    ما هو يا يأتى البرادعى يا ا اما الانفجار
    وربنا يستر
  3. من غير شنب كُتب في
    وتانى حاكم لمصر بعد ابوة من غير شنب - فى تاريخ مصر كلها
  4. اين اللواءات كُتب في
    هو مش حسنى لواء زى عشرات اللواءات فى الجيش المصرى
    لية لواء واحد يحكم طول عمرة وبقية اللواءات على الرف
    ما يتبادلوا الحكم - يمكن لواء فيهم يطلع بيفهم وخايف على مصلحة البلد
    اى لواء تانى
    موافقين
    بس غيروا الحالة دى
  5. انجازات الكرة كُتب في
    فى الوقت اللى كان سيادتة بيكرم اللعيبة - كنت اعمل كانون فوق السطح - كانون بلدى فلاحى - رصيت اربعة قوالب طوب على كل صف بوسع يكفى حلة طبيخ وجمعت الخشب القديم وقعدت مراتى جنب الحلة ومسكت حتة ورقة كرتون وقعدت اهف لها على الولعة - احة يا بلد - مفيش انابيب بوتاجاز - والغاز بيصدرة بكسم امة لاسرائيل
    وبيكرم كل لعيب بمليون جنية
    وعايزين يورثوا الحكم بعد ما خربوها
  6. للاسف امريكا واسرائ كُتب في
    مصطفى الفقى مستشار اللواءحسنى مبارك قال ان امريكا واسرائيل هما اللى هيختاروا رئيس مصر - وطبعا اختاروة واختاروا ابن رجلهم جمال مبارك
    لان حسنى مبارك عمل تجريف لمصر زى تجريف الارض الزراعية وخلاها دولة من الدرجة اللى تحت الارض
    نجح حسنى مبارك فى القضاء على الزراعة المصرية وعلى محصول القطن واصبحت الزراعة المصرية زراعة السلطة لانتاج الطماطم والخيار والفلفل واقتلعزراعة القطن الموجودة منذ محمد على
    نجح حسنى مبارك فى القضاء على صناعة الغزل والنسيج من جذورها منذ اسسها المصرى الوطنى طلعت باشا حرب
    نجح حسنى مبارك فى القضاء على التعليم نجاحا باهرا واصبح الخريجون لا يستطيعون كتابة جملة مفيدة ويجلسون على المقاهى وفى البيوت بعد تخرجهم
    نجح حسنى مبارك فى القضاء على مستشفيات الحكومة المبنية من عصر السلطان فؤاد زالملك فاروق والنحاس باشا واصبح مصير من يلجأ الى المستشفى الحكومى هو الموت - لان القطن والشاش عملة نادرة فى المستشفيات فما بالك بالدواء
    تم تجريف مصر
    ولا بد من مكافئتة
    بتعيين ابنة رئيسا على المخروصة
    وابقوا قابلونى لو قعد على راسها شهرين
  7. 25 مليون جنيه كُتب في
    متفوقة على روبى وماريا وميس
    25 مليون جنيه أجر هيفاء فى فوازير رمضان القادم
    هيفاء وهبي
    الفن اونلاين - خالد الصالح
    أربعة ملايين ونصف المليون دولار اى ما يوازى 25 مليون جنيه بالعملة المصرية .. هذا هو الأجر الذي تعاقدت عليه النجمة اللبنانية هيفاء وهبى مع قناة الحياة مقابل القيام ببطولة فوازير رمضان القادم والتي سيتم عرضها حصريا على شاشة القناة وتتعاون فيها مع المخرج سامح عبدالعزيز .
    ـــــــــــــــ ـــــــــــــــ ـــــــــــــــ ــــــــــ
    يلا بينا نلطم يا جماعة زي الشيعة كده ما هم بيلطموا على الحسين
    يلا بينا نلطم على خبيتنا التقيله
    كل المصريين يلطموا على وشهم
  8. مليون جنيه كُتب في
    جمال مبارك يحكم مصر مش دي المشكلة
    المشكلة ان كل لاعب في المنتخب المصري حيلهف مليون جنيه
    مليون جنيه في بلد ما فيهاش علاج اصلا اي واحد ما عندوش فلوس بيموت
    مليون جنيه لكل للاعب في بلد السكان بتوعها ما عندهمش فلوس يشتروا بيها دوا
    مليون جنيه لكل لاعب
    مليون جنيه
    مليون جنيه
    مليون جنيه لكل لاعب
    مليون جنيه للكورة من مال الشعب المطحون المضروب بالجذمه
    ويا ترى حسن شحاته حيلهف كام
  9. CIVIL SERVENT كُتب في
    امارة اية بس اللى بتتكلم عليها فى الزمن دة
    رئيس الدولة موظف حكومى وفى انجلترا بيسمى خادم مدنى civil servent
    يعنى رئيس الدولة خادم مدنى للشعب مش ديكتاتور ولا رب الارباب ولا رئيس مزمن واحد متوحد بتزل علية الحكمة
    افهموها بقى civil servent
    وصدق سيدى رسول اللة
    سيد القوم خادمهم
  10. الا من عدل كُتب في
    ستحرصون على الإمارة وستكون ندامة يوم القيامة
    قال رسول الله صلى الله عليه وسلم: إنكم ستحرصون على الإمارة وستكون ندامة يوم القيامة فنعمت المرضعة وبئست الفاطمة رواه البخاري.
    وهذا يشمل جميع أنواع الإمارات والولايات، ستحرصون على الإمارة وإنها خزي وندامة فنعمت المرضعة وبئست الفاطمة في حديث بن… مالك: أولها ملامة وثانيها ندامة وآخرها خزي يوم القيامة إلا من عدل حديث صحيح،
  11. إنها أمانة كُتب في
    إنها أمانة وإنها يوم القيامة خزي وندامة
    عن رسول الله صلى الله عليه وسلم قوله (( كلكم راع وكلكم مسؤال عن رعيته ))
    وقال صلى الله عليه وسلم لابي ذر الغفاري رضي الله عنه عندما طلب منه ان يكون اميرا على احد مقاطعات الدولة الاسلامية
    قال صلى الله عليه وسلم (( إنها أمانة وإنها يوم القيامة خزي وندامة إلا من أخذها بحقها وأدى الذي عليه فيها ))
    اي والله انها خزي وندامه
  12. عماد كُتب في
    واللة انا رأئى مش مشكلة اسم الريس جيمى او بيكى او حتى ابو حفيظة المهم ان يكون متحمل المسئولية اللى على عاتقه من هموم شعب فاض بيه الكيل وخلاص مبقتش تفرق معاه سينا من سونياعايزين حد ياخد حقهم من اللي بيحصل فى العالم من حواليهم واعتداءات سياسية وفكرية واقتصادية واجتماعيةحتى كمان بقت رياضية يعنى الناس من الأخر عايزين واحد فى جرأة جمال عبد الناصر وقوة ودهاء وذكاء السادات وحكمة وسياسة خارجية زى مبارك يكون جيمى يكون مودى مش مهم الاسم المهم الفكر لان طبعا لما هيبقا ريس الاسم هيبقى ليه هيبته حتى لو دودى
  13. رئيس يعمل اية ؟ كُتب في
    احنا عايزين رئيس يعمل اية ؟
    ما هى الواجبات الوظيفية لرئيس الدولة ؟ بمعنى يصحى من النوم يعمل اية ويشتغل كم ساعة ويشتغل فى اية ومين يحاسبة ومن هى الجهة المخولة بالرقابة علية ؟
    نفترض اننا اخترنا رئيس منظر واختار احد البلاجات وقعد هناك يصطاد سمك وياكل جمبرى ويضحك ويناغش فى الحاشية بتاعتة
    مين اللى هيسألة - انت بتعمل اية - انت سايب شغلك لية
    مطلوب لجنة من 100 شخصية كبيرة تكتب الواجبات الوظيفية لرئيس الدولة وتكتب لة البرنامج التنفيذى اللى هيعملة واللى هينفذة - مش برنامج يحطة هو من دماغة وبمزاجة
    تماما زى المانيا او انجلترا
    ميركل بتعمل اية
    ماشية على برنامج مكتوب بالمسطرة وبتنفذة حرفيا
    وبيغيروا المستشار كل اربعة سنين
    مفيش حاجة اسمها رئيس مؤبد ولا بيسندوة علشان يمشى لانة من ال البيت ومن السلالة العلوية للحسن والحسين ولو ترك الحكم الحسن والحسين هيسخطوة ويحولوة فار والا كلب
    كل العالم تقدم
    وحتى الوثنيون فى كوريا واليابان والهند
    وبقيت امة محمد فى زبالة التاريخ بسبب رؤسائها المتخلفين
العودة إلى الأعلى