الضرب في المدارس.. يرجع تاني؟!
"عادي يعني، ما هو الوزير رجع الضرب تاني".. كان ذلك تعليق أحد المدرسين بمدرسة الطبري الابتدائية بعد أن تسبب في كسر يد أحد الطلاب بالصف الثالث الابتدائي..
وهو الرد الذي قد نسمعه كثيرا خلال الأيام القادمة؛ والسبب أن وزارة التربية والتعليم قررت أن تكون متجددة برئاسة وزيرها أحمد زكي بدر، ففي بداية عهده وأثناء مؤتمر صحفي صرح بأن هيبة المدرس قد ضاعت وذهبت أدراج الرياح بعدما تخلت المدارس عن نظام ضرب الطلاب ووضعت مادة تعاقب المدرس على ذلك الفعل، وأن السبيل الوحيد لتقويم سلوك الطالب هو الضرب.
ويبدو أن كلام الوزير نزل بردا وسلاما على المدرسين فكان بمثابة الضوء الأخضر لـ"طحن" الطلبة والتنكيل بهم بحجة استرجاع هيبتهم وتحسين مستوي الطلاب!.
كان قرار منع المدرسين من ضرب الطلاب قد صدر بعدما توالي الشكاوي على مكتب وزير التعليم الأسبق حسين كامل بهاء الدين من أولياء الأمور، واستمر في عهد الوزيرين أحمد جمال الدين موسى ويسري الجمل.
.. فهل ترى أن الأسلوب الأمثل لتقويم الطلاب وإعادة الهيبة للمدرس هو الضرب؟ أم أن هناك أساليب أخري من الممكن إتباعها؟.
تعليقات القرّاء
تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.
هيعين مخبر فى كل مدرسة علشان يعبط العيال ويضربهم بالخيرزانة
دى راجل مخة فاضى وسيبوكى من الورقة المزورة اللى معاة اللى اسمها دكتوراة ابوة جابها لة بالفلوس والواسطة وسخر دكاترة معتقلين ايام ماكان وزير دكاترة فى السجن يعملوا رسالة ابنة للدكتوراة
اقصى مؤهلات ابن غبى بدر انة يشتغل مرشد امن انما وزير تربية فعلى التربية والسلام
يعنى هو الوزير المحترم ده لو رجعله ابنه اللى فى مدرسة انترناشينال وقاله المدرس ضربنى هيقله معلش يا حبيبى استاذك وله هيبته برده ؟؟؟؟ بيتهيالى كلكوا عرفين الرد
وسلملى على التعليم والله يرحمك يا تربية
وكاننا هنقعد علي العصاية مستنين نضرب العيال انا مش هقدر اقول غير حاجة واحدة حسبنا الله ونعم الوكيل لان القرارات المتخلفة دي مش بس بتكره العيال في التعليم لكن كمان بتنزل اكتر واكتر من هيبة المدرس …مش هتصدقوني لو قلتلكم ان انا ومعظم زملائي في الكلية بنندب حظنا وبنقول يا ريتنا مادخلنا المجال ده الله يرحم زمان لما كان الواحد يشوف مدرسه في الشارع يجري عليه وكانه لقي كنز … ادعولي اخلص كليتي علي خير والاقي اي شغلانة تانية غير التدريس اللي بقي بيعقد المدرس قبل الطالب .ولا انتو فاكرين القرار ده هيبسطنا القرار ده معناه ان المرس يطلع عقده عالطالب والمدير يطلع عقده عالمدرس والموجه يطلع عقده عليهم هم الاتنين والوزير يطلع عقده عليهم ..وهكذا
ونتحول كلنا من سلسلة مربين اجيال لسلسلة مرضي نفسيين. مش بقولكم ادعولنا