انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

تحب تكون أمين؟

ولاد البلدقراءة في ٤ دبقلم محمد كمال

"متقولش أمين شرطه اسم الله ولا دبلوماسي"غنتها سعاد حسنى في فيلم خلى بالك من زوزو ولا اعرف ما سر الربط بين الشرطة والدبلوماسية في قصد العم صلاح جاهين كاتب الأغنية؟

لكن بدوسة على جوجل ستجد العديد من الصفحات التي تقدم دليل إدانة لتلك الشريحة البوليسية ، ومعظمها تتحدث عن التعذيب باعتباره الدبلوماسية المثلى لترويض المواطن المصري . هل حقا هم وحدهم أبطال قصة التعذيب أم هي الأوامر؟؟

ماذا جرى "للأمين" دبلوماسي المرور والأمن.. أغنية سعاد وحلم الأطفال ماذا تغير في السنين الأخيرة وجعل منه هدفا لدعاء وشتيمة المارين بالشارع .

الأمين خلف

طبعا ليس الأمر على العموم فـ محمد خلف حسن إبراهيم أمين شرطة رفض مهمة حراسة سفارة إسرائيل هل الكثيرون لديهم استعداد خلف في رفض تعذيب المواطنين ورفض خرق القوانين والدستور ؟؟

وبعيدا عن هذا وذاك فالكثير من أبناء الشرائح الدنيا والبسيطة يحبون الالتحاق بتلك الفئة أملا في أمن اقتصادي في وظيفة، وأمن اجتماعي في هيبة، تسمح لأسرة الأمين أن تنتفش في الحارة أو العطفة التي يسكنون بها ويا أرضي تهدي .

وأمين الشرطة هو الرتبة التي تحتك بشكل مباشر بالمواطنين في أقسام البوليس ومصالح الخدمات المتعلقة بالداخلية مثل السجل المدني والمرور وهي الشريحة المسؤلة عن توصيل الخدمة الأمنية للبسطاء من غير ذوي الواسطة وهم أيضا أداة تعذيب تلك الفئة فهم وسيلة الراحة والعنت .

ونحن صغار حلمنا بالبدلة وتعقب اللصوص والنزول من البوكس ..وسلم نفسك والمكان كله محاصر ..وطبعا حلم النجمة بعيد المنال في مجتمعنا الديمقراطي اللاطبقي فاستقر الحلم على الأمين لكن المعهد واحد وعاوز واحد معاه يدي لواحد متربص بالوظائف وتطلعات الفقراء يعطيه كام واحد أمامه عدة أصفار.

سألت العديد من الشباب الذين التحقوا بالمعهد عن الحلم وعن البدلة ؟؟ وماذا وجدتم بعد تلك السنين ؟؟ هل تشعرون بالسعادة مع وظيفتكم ؟؟

حب البدله

تخيل نفسك أصلا دخلت المعهد حبا في انك تلبس بدله ميرى ولقيت نفسك متورط في الموضوع وأنت طفل كنت تحب تلبس البدله ولما كبرت لقيت نفسك ماشى مع تيار الطفولة ونفسك تلبس بدله ميرى بأي طريقه لو مدخلتش الميرى ممكن تمثل دور ظابط في السينما عشان تلبس البدله وخلاص يقول الأمين احمد " أنا دخلت معهد الأمناء عشان كنت عايز البس البدله وأول مدخلت المعهد فرحت جدا وكنت بلبس البدله وأنا مروح البيت من المعهد عشان اتعايق بيها في الحي اللي أنا عايش فيه وفوجئت لما تخرجت من المعهد لقيت نفسي في سينا. رجعت ألقاهره بعد عذاب ثلاث سنين طبعا "

وفي رأي رمضان إن حب البدلة يبدأ من أول دخول المعهد إلى إن تتعدى مرحلة الشباب

إلى أن تصبح من الأشياء الاساسيه في دخولك المعهد لكن لا تندم على حد قول احمد على

غصب عنى.

رمضان وهو في الثانوية كان يريد دخول كليه الشرطة وفشل وبعدها قدم في أمناء ألشرطه ونجح وأصبح أمين شرطه وبعد فتره قدم في كلية الحقوق عشان يحقق حلمه القديم ولم ينجح. ويقول" ولو كنت لاقيت وظيفة حكومية بعد الثانوية كنت قدمت فيها أحسن من أمناء الشرطة لأنني لا أحب أن أكون أمين شرطه أصلا ولو نظرت إلى الأمناء أكثرهم دخل خوفا من قسوة الزمن وتحمل قسوة الميرى" .

عبد الله إبراهيم أمين شرطه دخل المعهد غصب عنه فأبوه كان يتمنى دخوله في الصغر لكنه فشل في ذالك فاجبره على الدخول ودخلت المعهد عشان يرضيه ويحقق له حلمه و دخل وفرح أبوه لدرجة انه اشترى لي البدله قبل دخوله بشهر.

حاولت ولكن

دخلت بوابه المعهد ودعوت وقولت يا رب انجح وبعد الامتحان أسئلة عاديه جدا وفجاه ساقط ومتقدرش تقول ليه ناس كثيرة حاولت لكنها سقطت لأنها لم تدفع الرشوة اللى بياخدها الحبايب والرشوة ممكن تكون هديه أو فلوس زى ما تحب بس لازم ابنك يكون رياضي احمد يقول " حاولت ادخل بس نسيت حكاية الرشوة ونجحت بدني وطبي إلى إن جاء امتحان كشف الهيئة وقال لي ساقط مع إن مفيش حد مسجون في العيله أو حد عليه إحكام لاكن تدفع تعدى متدفعش تروح هو ده النظام هناك " المهم بعد كل ده احمد نسى انه كان بيحلم يلبس بدله ميرى وفكر في شغله كويس وأصبح لديه مشاريعه و يصنع الهدايا ويغلفها.

صار حلم المعهد قصة متكررة عند الكثيرين الذين يبحثون عن المعاش والمرتب خصوصا عند الطبقات البسيطة، وإذا فشلوا يكررون المحاولة.. في صمود يحسدون عليه يجربون من تانى الخلاص والهيبة في وظيفة. والبعض لأنه بيحب البدله وعشان أكمل حياتي .

لو فكرت هتلاقى عيوب ومميزات منها انك هتكون أمين شرطه موظف ومين دلوقتى بيلاقى وظيفة حكومية ومرتب شهري وممكن مكتب. والعيوب كتيره انك تروح مكان بعيد في الأول أو لو عملت غلطه وطبعا لو كنت من ذوي الضمائر فلا مكان لك في قسم .

لكن ستظل طول عمرك أمين لحد متخرج عن المعاش لأنها ملهاش ترقيه وانك لو هتتحاكم مش هتتحاكم مدني بس ولكن مدني وعسكري .

في البدله سر محدش عارفه ولا هيعرفه إلا لو كان طفلا

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. محمد حسن محمد كُتب في
    انا نفسر اكون امين شرطة
  2. محمد اسما عيل كُتب في
    انا انصح النا س تبعد عن الشرطة خالص لايوجد بها اموال ولا علاج
  3. محمد فتحى كُتب في
    والله يا جماعه كل كليات الشرطه والحربيه والجويه والعسكريه لازم الوسطه وقبل الوسطه الفلوس يعنى بقيمة 50 الف جنيه معاك هتخش مش معاك هتتطرد فى الحال حتى لو كنت كامل من مجاميعه هى دى الحيات معاك فلوس هدوس على كل شىء مش معاك هتتداس من كل شىء ليه بس هى الدنيا كلها بقت بالفلوس وهى دى سنه الحياه ههههههههههههههه ه يا رب يارب يكون عند الناس ضمير انا كنت عاوز اقدم فى الحربيه وفى مقدم قلى معاك وسطه قلتله ربنا قالى روح استنى ربنا فى الجامع هههههههه ايه هى الناس دى بتعبد الفلوس (حسبيا الله ونعم الوكيل فى البشر الى بالشكل ده حسبيا الله ونعم الوكيل)
  4. محمد فتحى كُتب في
    الناس خلاص يا دنيا نسيت ربنا مسكين حبل الفلوس وبندمر مستقلب بعضنا
  5. عمررضوان احمد كُتب في
    نفسى اكوان امين شرطه
  6. الشيطان كُتب في
    عايز ابقي امين شرطة بس مش عارف اروح ولا اجي منين ارجوووووووووووو ووووكم سعدوني
  7. وائل سيد على فرغلى كُتب في
    [انا مش هقول انا نفسى ابقى امين شرطه بس انا بااتمناها بس ارجو من الامناء ان يكونى مخلصين لعملهم ان فى مناطق واحشه والشرطه معها فى الرشاوى وهى حكومه قسم السلام ارجو ان كلامى توصل لمكتب المكافحه ارجوكم
  8. احمد كُتب في
    و النبى الناس اللى بتقول فلوس و مش فلوس لنا مستعد ادفع و اخش كلية الرطة بس يا ريت حد يدلنى انا اعرف ضباط و طلبة فى الرطة و لا و احد فيهم عنده او يعرف اللى تدفعله يدخللك ده
  9. محمد منير احمد كُتب في
    Quote:
    نفسى اكوان امين شرطه
    memo_memo_2100
  10. محمد منير احمد كُتب في
    محمد منير نفسي اكوان امين شرطة انا بحب الو طن
  11. كرم عطا كُتب في
    انا امين شرطه كل الحكايه نصيب محدش بيختار نصيبه وممكن انتو تبقو احسن منا بكتير
العودة إلى الأعلى