انتقل إلى المحتوى
أرشيف عشريناتفبراير ٢٠٠٤ – مارس ٢٠١٠

القرصاية.. جزيرة الخوف

ولاد البلدقراءة في ٤ دبقلم أحمد الهواري

"مبارك.. المستقبل.. العبور".. أول ثلاث كلمات تقابلك بعد أن تمر على بائعي السمك والشاي الصامتين، قبل أن تركب مركبا متهالكا ليعبر بك من شارع "البحر الأعظم" إلى "جزيرة القرصاية"، التي تواجه مستقبلا مظلما غير محدد الملامح مع إصرار حكومة نظيف على تهجير الجزيرة من أهلها على يد أحد الجهات السيادية وإصرار الأهالي على عدم ترك أرض أجدادهم حتى لو ماتوا دفاعا عنها.

سرادق الأزمة

وسيلة المواصلات من وإلى الجزيرة تتلخص في مركب متهالك "مَعدية" يبدو أنه غرق من قبل عدة مرات، مقام في منتصفه عمود خشبي معلق في نهايته َبكرة حديدية تمر بها سلسلة حديدية مثبتة من طرفيها في الشاطئين، هي وسيلة تحريك المركب علي طريقة فيلم "المنسي"، والتذكرة بـ25 قرش، تنزل منها ليقابلك ممر ترابي يتسع لشخصين يضيق ليتسع لفرد واحد متفرعا يؤدي بك إلي كافة أنحاء الجزيرة.

تعبر الجزيرة من غربها إلي شرقها، لتجد سرادقا مقاما وكل الرجال مجتمعين يتوسطهم أحد السكان هو ماهر يوسف الذي يسبق اسمه كلمة حاج.. الذي يتولى إدارة الحديث وتلقى الاتصالات علي فترات متقاربة سواء كانت محاولات لحل الأزمة من محمد أبو العينين عضو مجلس الشعب عن الدائرة التي تنتمي لها الجزيرة، أو تليفونات تضامن من أهالي القرى المجاورة.

يبدأ "الحاج ماهر" في شرح تاريخ الجزيرة وقضيتها، موضحا أن تاريخ هذه الجزيرة بدأ في عام 1898 عندما جاء أجداده إليها، وكانت عبارة عن تلال ومستنقعات وبدئوا في تسويتها وزراعتها، مات جده بالفشل الكلوي بسبب العمل، ووالده البالغ من العمر 82 ولد وأفنى عمره علي الجزيرة، وهو نفسه ولد وعاش علي الجزيرة والآن يريدون أن يخرجوهم منها.

"كلنا صيادين وفلاحين"

وعن الجزيرة وأهلها يقول: "الجزيرة يسكنها 5 آلاف مواطن يعمل 4 آلاف منهم في الصيد وألف فلاح، ينتجون من 5 إلي 6 أطنان لبن يوميا ويتم توريدها إلى سكان محافظتي القاهرة والجيزة، وحوالي 2 طن سمك يوميا إلي جانب منتجات الخضروات من طماطم وخيار وبطاطس، بالإضافة إلى أن كل أهل الجزيرة بمن فيهم الصيادين يقومون بأعمال تسمين ماشية طوال العام".

5 آلاف نسمة بدون مدارس ولا وحدة صحية ولا مستوصف.. المساجد تم بناؤها بالجهود الذاتية.. اشتروا مولدات للكهرباء، حتى المياه بالمجهودات الشخصية، الأطفال يموتون على الطريق السريع في الخارج من وإلى المدارس أو يغرقون ولم يطالب أهالي الجزيرة الحكومة بشيء.

يكمل قائلا: "خليهم يطلعوني بره ويدوني قَصر وفي الآخر هشتغل إيه؟ صاحب قصر وشحات زي البرنس بتاع فيلم الأيدي الناعمة؟ أشحت ولا أتاجر في الممنوعات؟ أهالي الجزيرة مفيهمش حد موظف.. كلنا صيادين وفلاحين".

الرئيس والقرصاية

ومن وجهة نظره فإن الجزيرة سيتم تهجيرهم منها علي أساس أنه سيتم تحويلها متنزه عام، ثم يحدث مثل ما حدث مع أرض حديقة الإسكندرية وبيعها لمستثمرين لبنائها كمدن استثمارية، مؤكدا أن هذه المرة ستكون جزيرة القرصاية من نصيب أحد الشركات الخليجية العاملة في مجال العقارات، ويمكنكم أن تشاهدوا إعلانها علي الكوبري الدائري مصحوبا بعبارة (قريبا في القاهرة)، يضيف: "عندهم جنية الحيوانات باظت.. يروحوا يوضبوها بدل ماهم عمالين يبيعوا في كل حاجة".

مشكلة الجزيرة تتجدد مع كل رئيس وزراء وأخرها كان مع رئيس الوزراء السابق عاطف عبيد، إلا أن الرئيس تدخل وقتها ليصدر القرار 484 لعام 2001 بتمليك أراضي الجزيرة لواضعي اليد.. "ولكن عندما ذهبنا إلي الشهر العقاري للتسجيل قالوا لنا أنه لم تأتهم تعليمات ليصبح القرار حبر علي ورق".

أما هذه المرة فجاء رئيس وزراء "قاعد في القرية الذكية ويبيع البلد.. مجاش علينا رئيس وزرا جحفنا الجحفة دى".

يأمل ماهر أن يتدخل الرئيس مثلما تدخل المرة السابقة، متسائلا: "الناس كلها عرفت والأطفال عرفوا والدول الأجنبية كلها أتكلمت علينا.. إزاى الرئيس ميعرفش؟".

ويرسم لنا في النهاية مشهد الجزيرة بخوف الناس لإحساسهم بأن الأمن ينتظرهم حتى يغفلوا، وهو شخصيا فوجي من يومين بعشرة ضباط في غرفة نومه أيقظه أحدهم من جوار زوجته بقدمه قائلا: "فين الشيشة وفين الشاي؟" .. فكانت النتيجة المنطقية أن "كله ساب أكل عيشه، حتى التلميذ بقى مشتت ومبيروحش المدرسة، والست في بيتها قاعدة قلقانة مش عارفة هيطرودها أمتي منه".. خاتما كلامه بقوله: "يمهل ولا يهمل.. هيتحاسبوا علينا والله.. الرئيس هيتحاسب علينا".

شاهد جاليري القرصاية

الكُتَّاب

الأقسام

تعليقات القرّاء

تعليقات القرّاء كما حفظها أرشيف الإنترنت. في التعليقات الأقدم لم يحفظ الموقع اسم الكاتب ولا وقت الكتابة: العنوان هو ما كتبه القارئ، والتاريخ هو أول لقطة ظهر فيها التعليق.

  1. اكتب اسمك هنا كُتب في
    الأستاذ اللى فوق .. ممكن نفهم ايه عرقة التعليق بالموضوع ؟
  2. اكتب اسمك هنا كُتب في
    والنبي يا استاذ احمد الهواري ايه رايك في القصيدة بتاعتي عايزك تقرأها وقولي ايه رايك وشكرا
    بعنوان يا حلو ما تحن عليا :]
    حته بتلو انما موووووزه
    لابسه جيبه وبلوزه
    الجيبه بتاعتها هوستنى
    فيها حاجه لطشتنى
    مش عارف اذا كانت هدومها
    ولا جمالها وسحر اوامها
    فقلت اعاكسها واكلمها
    فقلت يا حلو يا مدلع
    يا مخلى قلبى مولع
    ولعت قلبى ببنزين
    لو اعرف بس انته منين
    كنت جبت العربيه
    يا حلو ما تحن عليا
    دا انا معايا سته600
    وهيا ماشيه قدامى
    وعامله مش سامعه كلامى
    دى طارشه ولا تقيله عليا
    لكن يا دوب بعد شويه
    وراحت ضربالى كلكس (ها ها ها ها )
    انا قلت لا دا انا واد اكس
    قلت كلمه واجيب رجليها
    ومشيت برضه اعاكس فيها
    شويه وراحت بصالى
    وما اقلوكوش ع اللى جرالى
    ما يتحكيش وما يتوصفش
    بعيد عنكوا دى ما تتشافش
    لو شفتووها تقولوا اخييييييه
    وشها قطر معدى عليه
    او شكله كده ملعوب فيه
    ماتش بوكس ولا مصارعه
    وراسها تقريبا قرعـــــــــه
    لا حرام كانت صلعه
    عشان بس ما اظلمهاش
    وبصت وقالت ما اتعرفناش
    قلتلها لا ما اعطلكيش
    انا اساسا ما انفعكيش
    ايه اللى سحبك يالسانى
    ان ما كنت اربيك
    وخدت ديلى فى سنانى
    ورحت قايل يا فكيك
  3. كُتب في
    قرية منتجة بهذا الشكل بتنتج 6 اطنان حليب كل يوم ازاي يهدموها
    وطبعا حيبقوا مكانا حي مثل حي الزمالك
    ممتاز يا اخ احمد الهواري موضوع ممتاز والله يبكي بس يا خساره
    فكرني بفلسطين ناس انطردت من ارضها علشان خاطر ناس تانيه
  4. ايمن حلمي كُتب في
    السيد الاستاذ المحترم عبد الله كمال ا زعجت عندما قرأة مقالك بتاريخ 3/½008مش لانها كذب وبس لاكن لانك صاحب قلم صحفي جميل بس مشعارف الي بيحصل دة لصالح مين انت رحت جزيرة القرصاية لو رحت تبقا كذاب ولو مارحتش مصيبة كبيرة
    وانا هرد علي ماكتبتة يامحترم ولو استطعت مش هبعت الرد دة علي النت بس بل اعدي علي الناس واحد واحد في عملهم وفي الشارع بصوت عالي لانة صوت الحق يامحترم
    اولأ السفير السوسري جاء بناء علي طلب من 2 اثنان من الجالية السوسرية ليشاهد ظلم واقع عليهم احنا لينا سفير ولاغفير سال عن 5000 شخص يامحترم
    ثانيا عدد الفيلات 30 ياكبير هما فين واحدة بتاعة راجل جراح عملها عيادة مجانية وسكن لية وابنتة وابنة وانا شاهد عيان يامحترم والثانية ملك رجل اعمال من الجماعة الي بيحبو الحلال وبيعمل معة في الزراعة النظيفة وتربية المواشي 60% من سكان الجزيرة عارف يعني اية نظيفة يامحترم يعني بدون كيماويات من اسرائيل ياكبير وكمان واحد ملك فنان وناس محترمين جدا
    ثالثا يامحترم مساحة القرصاية ياراجل 30فدان دي القرية الفرعونية بتاعة حسن رجب 35 فدان واكثر ولو سالت في الاملاك هيقولون لك المساحة من واقع السجلات من نشات الجزيرة 107 فدان
    رابعا الردم يامحتلرم معمولة محضر في المسطحات برقم 444 ولو سالت مش هيخبو ولما تشوف المحضر يامحترم العمال بتوع الحفارات قالو في المحضر انهم بيعملو بناء عن تعليمات وزارة الري
    وخامسا جزيرة المعادي انا نفسي اتفرج عليها من قريب اصل ابناء الغلابة ميقدروش يذهبوا اليها يامحترم
    نسيت موضوع الصور الي منزلتهاش زي الصور الي صورتها روزاليوسف ساعة ماجيش اطلق النار علي الفلاحين لصالح من كل هذا والله في حساب يوم القيامة ومن فلاح مظلوم حزبي الله ونعم الوكيل فيك انت ومن ظلمنا ايمن حلمي محمد القرصاية مصر shams018sh
    hotmail.com
العودة إلى الأعلى