في الجامعة.. أحلى شبشب

طربوش وبدلة وحذاء.. هذا هو الزى الرسمي للجامعة أيام زمان والذي كنا نراه في الأفلام العربية الأبيض والأسود.. به كان يتحرك الطلاب في قاعاتها ومكتباتها حاملين معهم الكتب والمراجع..

أما في الوقت الحاضر فتغير الوضع من أعلى الرأس إلى أخمص القدم، فاستبدلوا طربوش الرأس بشبشب القدم .. وكما تحولت الأفلام من الأبيض والأسود إلى الألوان، تحولت الملابس أيضا في الجامعة إلى مهرجان من الألوان..

حيث أصبح الشبشب حقيقة وواقع بين الشباب والفتيات داخل طرقات الجامعة، وداخل قاعات المحاضرات.. يعلوه البرمودا والبنتاكور!

ستايل وروشنة

البعض وجد في الشبشب "ستايل" وتناسب مع حركة الحياة، وأسلوبا جديدا يتوافق مع العصر حتى وإن كان غريبا..

فهذا عماد، تجارة القاهرة، يجد راحته وإحساسه بالانطلاق عندما ينزل إلى الجامعة بشبشب، علي الرغم من أنه أثناء خروجه مع أصدقائه إلى النادي أو السينما لا يمكن أن يلبس شبشبا أبدا !.

في حين أن نهي، من نفس الكلية، تشعر بنوع من الروشنة وأنها مختلفة كلما تمشت بالشبشب في الجامعة، وتشعر أنها مختلفة عن زميلاتها علي الرغم من أن الباقي أصبحن يقمن بتقليدها، وهي الآن في مرحلة البحث عن شئ جديد تنفرد به.

أما ميادة، ألسن عين شمس، فتنتقد زملائها ممن يرتدون الشبشب خاصة الفتيات، فلا يليق بهم أن ينبهروا بهذه التقاليع التي لا تليق بهم كطلبة جامعيين.

لا للتعقيد

ياسر، كلية الآداب، لا يري مشكلة في ارتدائه الشبشب، أما عن سبب تفضيله له فيقول: "حتى الآن لا أعرف سببا مقنعا لنزولي إلى الجامعة بشبشب، بحثت عن السبب كثيراً حتى اقتنعت بعدم وجود سبب معين لما أرتديه".

مايا، كلية علوم، ترى أن الموضوع عادي، وأنه "سابوه" بشكل جديد.. شيك وغالي.. وهي أشياء جعلت منه موضة عصرية يرتديها الشباب والفتيات من غير تعقيد.

تختلف معها منى، هندسة القاهرة، لكنها لا تعترض علي الشبشب في حد ذاته إنما علي المكان، قائلة: "هناك سابوهات شيك جدا، بس مكانها مش في الجامعة، ممكن النادي أو أي مكان تاني".

كماليات الشبشب

وبما أن الشباشب في الجامعة واقع لا يمكن إنكاره، فمن المهم أن نلاحظ لوازمه وكمالياته.. ونقصد "الشراب" ذو الأصابع، الذي نرى فيه تعديلات جديدة كل فترة، وأحدثها أن كل أصبع منه منفصل عن الآخر في لونه، كي يبرز أصابع القدم بوضوح كما يبرز البدي عضلات لاعبي الأجسام، أو "عشان محدش يتلخبط فيهم"!!

شورت وفانله و كاب

يا ريت الموضوع يقف لحد هنا و ميزيدش

قلة زوق

أرسل هذا التعليق بواسطة : البرج

الصورة شكلها وحش جدا وان كانت مناسبة الي حد ما الي بعض منهاج الجامعة العتيقة

شكلهم بيض

أرسل هذا التعليق بواسطة : أحمد المصري

إيه القرف ده هى صحيح جامعاتنا فاشلة بس على الأقل لازم شكل الطلبة يبقى مناسب. الصور قميئة جدا عاملة زى ميكون واحد رايح و لا مؤاخذ الكنيف مش داخل محاضرة.

اه يا عم محمد

أرسل هذا التعليق بواسطة : ابو يوسف

اه يا عم محمد هو انت كنت عامل الموضوع

في الكابانية

ولا اية

شبشب في الجامعة

هههههه

بكرة الواحد يروح بالفوطة

ولا ممكن نروح بال ..... والبنات بال ....

يلا بس لقطه حلوة يا عبد العاطي

وربنا يكتر من شباشبك

موضوع متميز

موضوع ظريف جدا أولا

ثانيا بيتكلم عن ظاهرة منتشرة وبكثرة والغالبية بيلاحظوها

أجمل ما في الموضوع تميزه ... لأنه سلط الضوء على ظاهرة محدش اتكلم فيها قبل كده

وفقكم الله

و ماله

أرسل هذا التعليق بواسطة : خطــاب

المهم الشبشب يكون شيك

مش شبشب حمام

اخيرا لاقيتك ... الانسان الانوى النادر

أرسل هذا التعليق بواسطة : الاسطوره

بقى بالذمه ده موضوع تقابل بيه ربنا ياراجل .... شبشب ايه بس اللى جاى تقول عليه .... انا مش عارف انتوا بتفتكسوا الموضوعات ديه ازاى منين .. يعنى بعد كده حد يعمل حاجه عن البنشات فى الجامعات وشنط البنات والشجر فى الجامعه و النظافه فيها ؟؟؟ ايه ياعم ديه برضه صحافه ... وبعدين امتى هانبطل محمد بيقول ومنى تؤكد

... مش تزعل بس انتا فى غيبوبه ولازم تفوق منها

خير خير

أرسل هذا التعليق بواسطة : flona

انا كنت بسال نفسي يا ترى هل الشباب والبنات دول تافهين من جوة ؟؟

لو كدة يبقى المصيبة تكمن هنه فعلا !!

لا الشباب ده مش تافه خالص هوا بس مش لاقى حاجه يعملهاا

أرسل هذا التعليق بواسطة : نهى

طب وايه المشكله فى الشبشب او السابو دا مش عيب خالص كل حد حر يلبس اللى يعجبه

بس بصراحه هوا بيبقى اشيك على البنطلون اكتر من البنتاكور وبرضه كل حد حر

شباب اخر تفاهة

أرسل هذا التعليق بواسطة : احمدابوصالح_صحفى معارض

هى الشباب بقت تافهة اوى كدة ولا موضعاتكم الصحفية هى التافهة يعنى سيبين الفساد بقا بطول وعرض مصر ومشاكل بتنخر فى عظام المصريين لا ليها اول من اخر وحضراتكم بتكتبوا عن الشبشب الجامعى بكرة تعملوا موضوع بيروحو بشبشب خدوجة ولا سابوا ارحمونا من الهيافات دية وخلونا فى المهم احسن على قد منا بحس ان الموقع فى مقالات وموضوعات رائعة جداا على قد منا ساعات بحس انة قمة فى الهيافة .....وشكرااااااااااا