(اديني) في القبطي !

بلا شك أنك سمعت عبارة (هيلا هوب..هيلا هوب) تنطلق من أحد مدرجات إستاد القاهرة في إحدى المباريات، أما لو كنت من محبي الطرب.. فلا شك أنك سمعت المطربة نجلا في رائعتها (بح)، أو استمعت مؤخرا إلى تامر حسني في أغنية (بنت الإية) ؟

لكن هل سألت نفسك ما معني الهوب أو البح أو الإية ؟

لغة أهل مصر

ربما لا يعرف كثيرون أن اللغة العامية التى يستخدمها الناس فى حياتهم اليومية، هي في الواقع أقرب إلى اللغة القبطية القديمة، والحقيقة أن المصريين ظلوا يستخدمون هذه اللغة حتى بداية القرن 12 الميلادي، قبل أن تصبح اللغة العربية هى اللغة الأولى لأهل مصر، في حين ظلت اللغة القبطية كلغة تخاطب فى بعض مناطق الوجه القبلى حتى القرن 16 وأوائل القرن 17.

لا ترتبط اللغة القبطية بدخول المسيحية إلى مصر كما يظن البعض، فهي تعد امتدادا طبيعيا للهيروغليفية – لغة الفراعنة – وكان الخط الهيروغليفى عبارة عن كتابة تصويرية منقوشة على حوائط المعابد والمقابر والأحجار ومرسومة على أوراق البردى، وتطور هذا الخط إلى الخط الهيراطيقى "الكهنوتى" الذى إستخدمه الكهنة للكتابة، وفى زمن الأسرة الفرعونية الخامسة والعشرين ظهر الخط الديموطيقى "الشعبى" وهو نوع من الكتابة السريعة المشتقة من الخط الكهنوتى وإستخدمه عامة المصريين فى حياتهم اليومية.

وبعد الفتح العربي لمصر بدأ إستخدام اللغة القبطية يقل تدريجيا حتى إندثر إستخدامها تقريبا فى الحياة اليومية مع بدايات القرن 17، ومع ذلك بقيت بعض المفردات والتراكيب القبطية مستعملة فى لغتنا العربية العامية، وبعضها شائع حتى الآن على ألسنة الأقباط والمسلمين على السواء ودون أن ندري.

كلمات أصلها قبطي

وربما يندهش البعض إذا علم أن بعض الكلمات العامية التى يستخدمها فى حياته اليومية أصلها من اللغة القبطية، وسنذكر منها هذه الكلمات على سبيل المثال لا الحصر:

(الا، ولا، وا، ياد، واد، آد).. وهي كلمات قبطية قديمة كلها معناها صبي أو ولد.

(اباي، أباه) علامة دهشة واستنكار، وتستخدم في الصعيد للتعبير عن الغضب.

(اديني)..من "دي ناي" وتعني أعطيني.

(فتافيت، فتفت).. أي انكسر إلى أجزاء متفرقة أو صغيرة.

(فوطة).. بمعنى منشفة.

(زير).. زير الماء.

(شبرا).. تعني بستان.

(نبوت).. هراوة.

(امبو).. ومعناها ماء ويقولها الطفل الصغير حتى الآن.

(باه، باح، بح) تعني خلاص خلص مافيش.

(برج)..ودخلت العامية والعربية الكلاسيكية وهي من اليونانية "بيرغوس" وتعنى مبنى طويل.

(تاتا).. وتقال للأطفال الصغار في بداية المشي.

(ترابيزة)..وتعني منضدة.

(ننوسه).. عروسة لعبة.

(هيلا هوب).. هوب تعني عمل، وهيلا مصطلح تشجيعي، وغالبا يستخدمه العمال.

(ورور).. من واري واري وتعني جديد، وتستخم مثل "ورور يا فجل".

(بشبش).. يبلل.

(بكله).. وعاء فخاري صغير للماء ذو يدين أو أذنين.

(تابوت).. صندوق يوضع به الميت.

(يو).. حمار.

(يوحا).. ومعناها قمر ومنها وحوي يا وحوي أيوحا.

(كح).. سعال.

(شوطة).. وباء الكوليرا.

(حنطور).. وهي قسمين، حان(هان) أداة جمع نكرة، (هطور) جمع هطو بمعنى حصان، أي تعنى أحصنة أو خيل.

(حنفيه).. أو حونفا، وهي كلمة صعيدية تعني صنبور.

(شبشب).. ومعناه حذاء يستخدم بالمنزل.

(اخ).. شيطان، ومنها (بخ) وتستخدم للتخويف، ومنها أيضا (كخ) بمعنى أنت شيطان.

(مشط)..مشتقة من مشطن أو ماشتوطي وهي أداة لتسريح الشعر.(دمنهور).. قرية حورس.

ومن المأكولات :

(ابريم).. البلح الناضج.

(افسيخي).. سمك.

(بتاو).. نوع شهير من الخبز بالصعيد مصنوع من الدرة.

(برقوق).. وهو نوع من الفاكهة لا يزال يطلق عليه نفس الإسم حتى الآن.

(بصارة).. فول مطبوخ.

(ترمس).. ترمس.

(سمسم).. سمسم.

(كانى ومانى).. عسل وسمنة.

(قوطه).. طماطم.

(قلقاس).. قلقاس.

(فلافل).. الأكلة الشعبية المعروفة وتدعي أيضأ "طعمية" ومعناها ذات الفول الكثير.

(زبدة).. دهن حيواني يؤكل ويستخدم للقلي وهي من سيبدا – سيفتا.

حتى قاموس الشتائم والكلمات التى تستخدم للتهكم فمنها ما هو مستوحى من اللغة القبطية القديمة ونذكر مثلا:

(إبن الإيه): "إيه" هى كلمة قبطية بمعنى بقرة أو عِجل.

(شلق): في المناطق الشعبية توصف المرأة كثيرة العراك ذات الصوت العالى والألفاظ البذيئة الممطوطة بأنها "شلق"، والكلمة أصلها قبطي "شلاك" وتعنى إمتداد أو مط، وتعنى أيضاً توتر وانفعال، وفعل الكلمة هو "شولك" بمعنى يمتد، يتصلب، يقوى.. فعندما نقول هذه المرأة "شلق" نقصد أن ألفاظها بذيئة وممطوطة.

(أوباش): الكلمة جمع ومفرد فى آن واحد بمعنى عريان أو صعلوك.

(مِدَهوِل): مشتقة من "متاهوول" وهى مركبة من مقطعين "متاهو" أى يرتب ثم تأتى "أوول" أى لتفيد النفى، فيكون المعنى غير مرتب أو مهمل.

(مايص) أو (يحب يمهيص): اشتقت من "مهيوص" بمعنى أحمق أو غير متزن.

(هلس): كلمة قبطية أصلها يونانى "هيلوس"، "هيلوس" بمعنى تلف ، فساد ، دَنَس.

(مرمطة): كلمة قبطية قديمة من "مارماتا" بمعنى ألم، وجع، وترادف أيضا "بهدلة" فيقال "فلان إتمرمط آخر مرمطة" بمعنى قاسى كثيراً، كما يقال "فلان شغال مرمطون".

(هُس): يغلق، يقفل، وتعنى الآن أمر للسكوت وعدم النطق.

العامية تتأثر

ومن تأثيرات اللغة القبطية على قواعد العامية المصرية التي نتكلم بها أنها لم تستخدم أسماء الإشارة المعروفة في العربية الفصحى(هذا، هذه، هذان، هذين، هاتان، هاتين، هؤلاء)، بل استخدمت (دا، دي، دول)، وهي أدوات إشارة قبطية ولا تأتى قبل الاسم(هذا الولد) بل بعده (الواد ده)، كما لم تستخدم الأسماء العربية الموصولة (الذي، التي، اللذان، اللذين، اللتان، اللتين، الذين، اللاتي، اللائي) بل تستخدم كلمة واحدة (اللي).

وفي بعض قواعد النطق أيضا، تتبع العامية المصرية النطق القبطي، فمثلا يختفي حرف الثاء "ث" من العامية المصرية ويتحول إلى تاء "ت" وذلك لعدم تواجده في القبطية، مثل: (اتنين، تلاته، تمانية، تعلب، يتمر، متبت، تعبان، توم، توب، تلج، تَمَن، حرت، كتير، تور، تمن).

كما يختفي حرف الذال "ذ" وحرف الظاء "ظ" ويحل محلهم حرف الدال "د" والضاد "ض"، وذلك لعدم وجود هذه الحروف في القبطية (ضهر، دبانه، ديب، دبلان، داب، آدان، دبح، داق، ديل، أخد، ودن (أذن)، جِدر، دٌره، دراع، دقن، دكر، دهب، ندر).

أيضا تختفي بعض الهمزات أو تتحول إلى حرف "ي" وذلك لقلتها في القبطية (دايم، عدرا، قضا، عبايه، ملاية، حداية، قوايم)، وتتحول النون إلى ميم إذا جاء بعدها مباشرة (بدون تشكيل) حرف من الحروف الشفاهية (ب،م) وهذه قاعدة قبطية في تصريف أدوات النعت، والإضافة والمفعول به مثلا: أمبوبه(أنبوبه)، كرمب (كرنب)، امبطح (انبطح)، أمبا (انبا)، الأمبياء (الأنبياء).

كما توجد أداة أمر مستقاه من القبطية وهي (ما) وتأتي قبل الفعل الذى يبدأ بحرف(ت) وهي غير موجودة في اللغة العربية وأضيفت عليها في العامية المصرية مثلاً:(ما تيجي، ما تاكلوا، ما تقوم، ما تعدي، ما تشربي).

وفي بعض مناطق صعيد مصر تتحول السين إلى شين أو العكس..(الشمس - السمس، شجرة - سجرة)، وهذا لأن حرف السين والشين كانوا يتبدلان ما بين اللهجتين الصعيدية والبحيرية وهما إحدا اللهجات القبطية، وفي صعيد مصر توجد بعض المناطق التي تنطق الجيم دال (جرجا - دردا)، وهذا من تأثير بعض اللهجات القبطية أيضا.

ادينى فى القبطى .. وظبطنى فى العربى

ـــــــــــــــــ

المراجع:

- "تاريخ اللغة القبطية والتحدث بها": القس شنودة ماهر إسحق.

- قاموس اللغة القبطية(عربي – قبطى): الشماس الإكليريكى مجدى عياد.

هيلا هوب

أرسل هذا التعليق بواسطة : هيلا هوب

والله موضوع جميل

هيلا هوب هيلاهوب موجودة فى فلم طاقية الاخفا بتاع عبد المنعم ابراهيم وبرلنتى عبدالحميد بترقص عليها

تحفة

أرسل هذا التعليق بواسطة : بنت مصر اولا و تركيا ثانيا

الموضوع بجد تحفة انا حبيته جدا حسيت انه مهم جدا لانه بيوضح لنا معلومات مكناش نعرفها قبل كده

مهما حاولت انسى سنتكلم عربى وفصيح (كمان) يعنى ايضا وخير انك جعلتنى اخذ بالذال بالى من المفرادات العربية عشان (لكى) أنطقهاااااااااااااااااااااااا

فرعون مصر

اللي اقوى من كده بآه واللي يثبت ان مصر طول عمرها عربية وعمرها ما كانت قبطية اننا نعرف مين هو فرعون مصر فرعون موسى اسمه قنبله

فرعون مصر اسمه يا جماعه

الوليد ابن مصعب

الوليد ابن مصعب

فرعون مصر كان عربي يا جماعة واسمه الوليد ابن مصعب

روحوا شوفلكم لعبه العبوها

عليّ هيم

اللي احسن من كده بآه لما نقرأ سورة الفتحه مع بعض ونقول صراط الذين انعمت عليهم

علي هم غير المغضوب عليهم علي هم

هم بالانجليزي نفس المعنى العربي ضمير

him

يا ترى القرآن اللي قلد الانجليز ولا الانجليز اللي قلدوا القرآن

أرسل هذا التعليق بواسطة : ربنا يشفيكم

أقولك يا بن الظريفة

him ضمير مفعول به

هم دى ضمير بس للجمع المذكر

فهمت يا ظريف الاقباط

نروح للظريف التانى الحقبة القبطية جزء فتوته صغتتة جدا من تاريخ مصر بلغة ماتت وانتهت الا فى الكنائس بس

يعنى التاريخ القبطى جزء من تاريخ مصر مش مصر كلها او مصر جزء منه يا ريت تفهموا !!!!

شوفوا انت بقى التاريخ العربى الاسلامى فى مصر من كام سنه وهيستمر غصب عنكم كم مش him

لحد النهاية

لالا ماكانش اسمه كدة

أرسل هذا التعليق بواسطة : لوسي ابن طنط فكيهة

لا يا جماعة فرعون مصر ماكانش اسمه الوليد ابن مصعب خالص، ده كان اسمه عبد الفتاح السيد وكان من عيلة تجار كبيرة في شبرا

مش مهم

أرسل هذا التعليق بواسطة : أحمد

الكلام ده فيه منه حاجات غلط و أهمها كلمة برج واللى الكاتب بيقول دخلت العربية الفصحى من كلمة يونانية ...ومعروف ان كلمة برج ورد جمعها بروج فى القران ....اينما كنتم يأتيكم الموت ولو كنتم فى بروج مشيدة.....وطبعا القران عربى مبين وهو مصدر اللغة العربية حتى الان ويستحيل كلمة أعجمية غير عربية تيجي فى القران -بلسان عربي مبين-

النقطة التانية

كلمة ترابيزة دي مشتقة من الفرنسية مش من القبطية يا شباب

وعموما ربنا يهدي وبلاش كل حاجة نشتم وخلاص....اللى عنده حجة كويسة يقولها واللى معندوش يقول انا اشكك فى الكلام المنشور واية الهدف منه ويدي الكاتب كلمتين حلوين -بالادب برضة- بدل مانا حاسس انى على غرفة شات فى الياهو او ال بال توك ومفيش اى احترام لاى حد لا كاتب ولا قارىء ولا اى مخلوق

والكاتب برضة يحترم عقول قراءه ويدرك اننا فى رحلة خطرة من تاريخ الأمة والكل عنده فى دماغه نظرية المؤامرة....يبقى هات موضوعات محترمة تستاهل النقد اساسا

وطبعا مش محتاج اقول ان عنصر واحد بالمقال خطأ لا يعني ان المقال فاشل...هو كويس وثقافة عامة ونتطلع للمزيد

تاريخنا حمل كبير علينا .. لازم نفهمه بدل ما ننكره

أرسل هذا التعليق بواسطة : محمد القناوى

مستحيل ننكر كل التراث المصرى قبل العربى . حرام فعلا .. والمفروض نكون سعداء ان التراث ده عايش معانا .. ,,وعلى فكرة حتى معظم التعليقات مكتوبة برضه بالعامية وبتستخدم كلمات ملهاش اصل عربى زى بس وكويس الخ الخ .. انا مش عارف القشعريرة دى جيه منين .. قريت فى تعليقات الموضوع اللى فات واحد بيقول ان فرعون موسى اسمه الوليد ابن مش عارف ايه .. هو التلاتين اسرة اللى قبل الاسكندر كانوا محورهم فرعون موسى وقارون وهامان .. يا جماعة فعلا ده شيئ محزن ان الواحد يتنكر لحاجات المفروض يبقى فخور بيها .. اخيرا اا عايز بس اقول ان احنا محملين بتاريخنا الكبير اللى امتزجت فيه ثقافات كتير منها غير بعضها واذا كان فيه حاجه تدعو للفخر ان كل الثقافات دى اتمصرت .. وعلى فكرة فى صفحات فى التاريخ مجهولة بالنسبة لينا ومنعرفش تاثيرها ايه علينا زى تاثير الاحتلال الفارسى والاسر الليبية اللى حكمت مصر .. كلمة بقى مهمة للمسيحيين .. وبقول المسيحيين مش الاقباط .. تراث المصريين ملك لكل المصريين .. وبقول للمسلمين وبسميهم مسلمين ماداموا قرفانين قوى من مصريتهم بقولهم عليكم باليمن السعيد فلسانهم عربى مبين بدون اى تلوث فرعونى او قبطى او يونانى

الى لوسي ابن طنط فكيهه

أرسل هذا التعليق بواسطة : مش مهم ابن عم مش لازم

والله يا لوسي با بنت طنط فكيهه الوليد ابن مصعب هو فرعون موسى وانا متاكد من المعلومة دي يا اختي زي ما انا متأكد ان الموضوع ما عجبكيش لانك مسيحية

يا جمالة الوليد ابن مصعب هو فرعون موسى اللي اتكلم عنه القرأن وكان عربي ومصر طول عمرها عربية رغم انف الجميع

فرعون مصر الوليد ابن مصعب (من الجوجل)

أرسل هذا التعليق بواسطة : مش مهم ابن خالة مش لازم

وفي كتاب هروشيش‏:‏ أن سلطان المصريين في زمن إبراهيم الخليل عليه السلام كان بأيدي قوم يدعون ببني فاليق بن دارش ودام ملكهم بمصر مائة وعشرين سنة وقال ابن إسحاق عن بعضهم‏:‏ إن فراعنة مصر من ولد دان بن فهلوج بن امراز بن أشود بن سام بن نوح قال‏:‏ والمشهور أنهم من العماليق منهم الريان بن الوليد ويقال‏:‏ الوليد بن الريان فرعون يوسف والوليد بن مصعب فرعون موسى ومنهم سنان بن علوان‏.‏

سلطان المصريين في زمن إبراهيم الخليل عليه السلام كان بأيدي قوم يدعون ببني فاليق بن دارش ابن اسحق ابن شامير .. يابنى ده تاريخ تالته ابتدائى حرام عليك

أرسل هذا التعليق بواسطة : عمر جمال

انت يابنى ياللى فوقى والله حرام عليك .. طب منت ممكن تلاقى فى جوجل برضه ان اليهود هما اللى بنوا الاهرامات .. مصر بتتكلم عربى وغالبيتها مسلمين بس مكنتش عربية زمان .. هدى نفسك .. او يمكن انت اصلا بتهزر .. الله اعلم ..

الجهل العصامى اللى بنى نفسه بنفسه وبدا من الصفر

أرسل هذا التعليق بواسطة : ميمو

الواد اللىمعلق فوقى ده شكله مش مصرى اصلا

(حنفيه).. أو حونفا، وهي كلمة صعيدية تعني صنبور

أرسل هذا التعليق بواسطة : ميمو

معظم الكلمات فعلا مصرية صميمة .. لكن موضوع حنفية غلط تماما لان قصتها معروفة .. لان لما محمد على حب يدخل الحنفيات المناطق والبيوت اعترض عدد من رجال الدين لانها بدعة وكل بدعة ضلاله المهم ده وسط اشاعات ان شهبندرات السقا كانوا ورا الفتوى دى واللى حصل انه تم اجازة الموضوع من اتباع المذهب الحنفى عشان كده بقى اسمها حنفيه

اخطاء وردت في المقال الغريب

أرسل هذا التعليق بواسطة : احمد

بالنسبة لكمة (دا) فهي كلمة محرفة من كلمة (هذا) حيث حذفت الهاء وابدلت الدال بالذال

واهل الحجاز في السعودية ينطقون نفس الكلمة فيقولون ( دا الشئ) يقصدون هذا الشيئ

فهل الاقباط عدوا على الحجاز بالمرة ؟!!!!!!!!

بالنسبة للفظ ( أوباش) فهي لفظ عربي ولو كره الكارهون والاوباش ايضا !!!

اما اغرب شيء فهو لفظ ( مشط) اما علم قول الرسول الكريم ( الناس سواسية كأسنان المشط )

ولا الاقباط كانوا في ضيافة قريش زمن البعثة !!!!!!!!

نفسي اعرف بس هو المسلمين دول مش مصريين ؟!!!

أرسل هذا التعليق بواسطة : برعي

يعني نقول اقباط يعني مصريين تستعروا منها !!! , لأ وعايز تقنعني ان مصر كانت عربية ايام الفراعنة , وبالمرة تغلط في المسيحية والمسيحيين يا اخي دا انتوا امة ضحكت من جهلها الامم بصحيح , وهل دا - انك تشتم الاخر - هو اللي هيرفع راية الاسلام ؟!!!!