سيناريو غزة.. هل يتكرر بالقاهرة؟
بعد ما حدث في غزة، تساءل عدد من الشباب الإخواني على مدوناتهم: متى يتوقف الإخوان عن الاحتساب؟ وردد البعض لماذا السكوت إذا كنا على الحق؟
ما فعلته حماس من عزل غزة ومطاردة من تعتبرهم خونة وقتل بعضهم دون محاكمة، اعتبره البعض ملهما لجسم الجماعة الأصلي في مصر (الإخوان المسلمين) لا سيما أنهم يتعرضون لذات الضغوط ونفس الحملة.
ومنذ عام تقريبا تحدث مرشد الإخوان عن عشرة آلاف متطوع، بالإضافة لأحداث ما يسمى بميلشيات الأزهر.. مما جعل البعض يتخوف تحت إلحاح القمع من أن تتحرك قوى من الشباب وترغم الجماعة على ممارسة القوة، والمناصرون لهذا الرأي يلمحون إلى تاريخ الإخوان في استخدام العنف، والمختلفون يرون أن الإخوان في حالة قطيعة مع العنف وأن ما يحدث في غزة حالة خاصة.
هناك فرق
"فكر جماعة الإخوان المسلمين يمثل صحيح الدين ولا يمكن بأي حال من الأحوال أن تحمل الجماعة السلاح في وجه أبناء الوطن فنحن نعمل مصدقاً لقول الحق تبارك وتعالي (ادع إلي سبيل ربك بالحكمة والموعظة الحسنة)"، بهذه الكلمات بدأ معنا "الدكتور عبد الحميد الغزالي"، القيادي بجماعة الإخوان المسلمين، حديثه بعد أن سألناه عن توقعاته لسيناريو نري فيه الإخوان يرفعون السلاح في وجه معارضيهم كما حدث من حماس في قطاع غزة.
الغزالي يكمل قائلاً: "ما حدث بين حماس والبعض من فتح كان بسبب الظلم الواقع علي حماس بعد كل ما حدث لهم، والدليل أن الشارع الغزاوي الآن آمن غير ذي قبل، إلي جانب أن الثوابت الدعوية تمنعنا من القتل، إلا أن الحالة المصرية أيضاً تختلف عن الحالة الفلسطينية فالمصريون نسيج وطني متكامل وإن اختلفنا في الأفكار ولا يحمل أحدا فينا السلاح".
والسؤال بعيدا عن طرح الغزالي ..هل الظلم وحده كفيل بجعل حركة دعوية مقاومة ترفع السلاح في وجه مسلم فلسطيني؟ وإذا كانت الخيانة فلماذا لم تحاكمهم محكمة عادلة؟
عبد الحليم قنديل، رئيس التحرير التنفيذي لجريدة الكرامة يتفق مع الغزالي، ويضيف: "الحالة الفلسطينية لا يمكن بأي حال من الأحوال أن تطرح سيناريو متشابها مع المصرين، لأن حماس وفتح في أساسها حركات تحرر وطني، حركات تحمل السلاح، ومن الظلم أن نلصق العمل المسلح بالإسلاميين فقط ولكنه من الممكن أن يحدث من أي منظمة سواء يسارية أو وطنية".
هي إذن الظروف التي قد تلجأ البعض للسلاح.. والإخوان صابرون بل هم الصبر نفسه كما يقول "ضياء رشوان"، لكن ماذا عن رأي الشباب وقود الحركة وسلاحها..
محمود، أحد شباب الإخوان، يقول: "لا يمكن لأي أحد مهما كان أن يُرفع عليه سلاح ولا يرد كما حدث مع حماس في فلسطين، ولكن في مصر بالرغم مما يحدث للجماعة إلا أن الدولة لم تنزل للشوارع لقتل الإخوان أو المعارضة، والنظام المصري مع كل الاختلاف معه مازالوا هم أبناء مصر ولا أري الحل العسكري سيكون موجودا في مصر".
ليس إسلاميا فقط
بهي الدين حسن، مدير مركز القاهرة لحقوق الإنسان، يقول: "طرح سيناريو التغيير بالسلاح من الظلم أن يقال أنه طرح إسلامي فقط، لأنه من الممكن لأي تيار اختياره في ظل عاملين، أولهم غياب العمل السياسي والكبت والإيدولوجيا التي يفكر بها التيار السياسي، فالإخوان قبل ثورة يوليو كان العمل السياسي السلمي مفتوحا، ولكنهم قاموا ببعض الأعمال غير الشرعية".
يواصل عبد الحليم قنديل الخيط: "كانت جماعة الإخوان من الأربعينات وحتى الستينات تقوم ببعض أعمال العنف، وفي التسعينات قامت جماعات إسلامية أخري بأعمال عنف وجماعات غير إسلامية في دول غير مصر أيضاً، مما يطرح السؤال لماذا تتجه بعض المنظمات إلي العمل العسكري في مرحلة من المراحل، كما فكر الإخوان في مرحلة ما، قد يكون السبب الوضع المحيط بالتنظيم فالضغط ويولد الانفجار".
وهو الأمر الذي وافقه عليه الدكتور عبد الحميد الغزالي بطرحه تجربة جبهة الإنقاذ الجزائرية في التسعينات.."ما حدث في التجربة الجزائرية في التسعينات يجب أن نفكر فيه بشكل منطقي، فالضغط الذي حدث والظلم أخرج أفرادا من الفكر السلمي إلي فكر العنف، ولكن مع كل ذلك الجماعة في مصر تحاول أن تحتفظ بالمنهج السلمي لها".
الشباب : الإخوان سلبيين
محمد جمال، من شباب اليسار يقول "لا أعتقد أن الإخوان المسلمين من الممكن أن يردوا علي النظام المصري بالسلاح فهم أضعف من ذلك، حتى أنهم لا يخرجون للاعتراض علي الاعتقالات التي تحدث للقادة، لأن قوتهم الحقيقة تتمثل في التنظيم الذي يحافظون عليه بكل قوة وبأي وسيلة".
أما محمد أشرف، بتجارة القاهرة، وهو إخواني سابق: "الإخوان في مصر لن يرفعوا سلاحا لأهداف إصلاحية، وإن حدث ورفعوه فلهدف التنظيم وللمحافظة علي بقائهم، يعني مش لمصلحة الدعوة أو البلد، وحتى ما قاله المرشد عن إرسال 10 آلاف مقاتل هو كلام سياسة بس، لأن شباب الجماعة تعود علي السلبية وحقه بيروح منه وهو ساكت".
الشباب بخير
وهو أيضا ما حذر منه بهي الدين حسن، قائلاً: "من واقع نظري من الممكن أن نري حالة رد فعل غير سليمة من الشباب بشكل عام عندما يكبتون، ولكن كل ذلك ليس له مؤشرات في الواقع العملي، ومع ذلك مطلوب من الجماعة رد فعل سلمي أو أن تنتظر القنبلة الموقوتة التي بداخلها".
لكن الدكتور الغزالي طمأن الجميع علي شباب الجماعة، قائلاً: "شباب الجماعة بخير ونحتويهم بإظهار الحقيقة ونعرفهم أنه لا يصح إلا الصحيح".
وليبقي السؤال الأهم و الأخطر.. هل يستطيع في مصر أحد التحرك للتغير في ظل سلطة أمنية قوية ومسيطرة وقمعية.. بسلاح أو حتى بدون سلاح؟
6ae1
القتل من حق الحزب الوطنى
هل معنى ذلك ان الحزب الوطنى هو الوحيد الذى من حقه ممارسة القتل والتعذيب من اجل البقاء فى الحكم وبعدين انت ناسى ان كل الانظمة العربية هى التى مارست القتل والتعذيب ضد معارضيها هل استخدام السلاح حكرا عليهم وبعدين
الاخوان عمرهم ماهيستخدموا السلاح لان كل هدفهم السلطة ومن كان همه السلطة فلا يهمه التحرر هما هيفضلوا فى المركز الثانى حتى تحدث لحظة الانفجار ليستلموا السلطة على الجاهز ويكون حزب وطنى آخر اما بالنسبة لحماس
فقد فرض عليهم الخونة القتال وهو امر معد له مسبقا من امريكا واسرائيل.ويا شعب موت او عيش بكرامة
بالطبع هناك فرق
الموضوع أكثر من رائع ..
مع تغطية وطرح محايد يستحق خلع القبعة :D ...
لتكون الإجابة في النهاية ...
أن الطرح العسكري أساسا لا يمكن بأي حال من الأحوال حصره في الإسلاميين ... وفقط ...
والنتيجة الأخري وهي الأهم ... أنه ليس من أدبيات ولا من منهج الإخوان المسلمين كجماعة ومبادئ وأفكار فكرة التغيير بالعنف أو انتهاج الوسائل الغير شرعية من أجل التغيير ...
حماس تبقي حالة استثنائية ... فتحت الاحتلال لابمكن الحديث بتاتا عن عدم حمل السلاح هناك أولا .. وثانيا .... لا يمكن تجاهل حالات الخيانة والعمالة المنتشرة داخل فصيل محمد دحلان في فتح ... الذي طور الأمر حتي وصلنا إلي هذه النقطة ..
مش حاسكت
لا للتمديد ... لا للتوريث ... نعم لتعديل الدستور المصري"بس مش كده يعني ...ده كتيييير... كتير أوي علينا ياريس"
تقدروا تنورونا دلوقتي لو حبيتوا
http://mesh7askot.blogspot.com/
نفهم الأول وبعد كده نتكلم
أرسل هذا التعليق بواسطة : محمد القط
إلي بيحصل في فلسطين بيفكرني بمثل شعبي بيقول "كلم القحبة تلهيك ..واللى فيها تجيبو فيك " !!
هي مش حماس دي حكومة منتخبة ..
والمفروض أجهزة الدولة تكرس لتنفيذ برنامجها إلي الناس انتخبوها على اساسه..
أول مرة أشوف مثال فج وقبيح من التسلط بالشكل النجس إلي في مصر وفلسطين وواضح إن فتح هي امتداد للحزب الوطني في فلسطين ..وإلي اعرفه إن القيادات المسيطرة في فتح تم تدريبها وتأهلها في مصر في مباحث أمن الدولة على إيد لوا إسمه صلاح سلامه من أوسخ خلق الله.
منين الناس انتخبت حماس ومنين فتح عايزة حماس تلتزم ببرنامج فتح !!
حاجة وسخة..
أول امبارح فتحي شرور بيقول "يرضي مين إن حماس تقتل أحد أفراد أو زعامات فتح العسكرية ب30 طلقة"
وبصراحة أول ما سمعته كنت عايز أشخر بس قلت حرام الشخير ..زائد كمان أنا بطلت قباحة من زمان ...
يا دكتور ..ويا عالم ياالي مبتحبوش الاخوان ومبتحبوش حماس..إلي بيته من إزاز ميحدفش حماس بالطوب...
الوضع في مصر ازفت وأضل..والناس إلي قتلهم أمن الدولة والداخلية في التعذيب دلوقت وخلال المواجهات في التسعينيات بالآلاف..والمعتقليين بالآلاف...والي ماتو بالتعذيب وقتها بالآلاف !!
إلي عملته حماس هو مواجهة لإنقلاب على الشرعية مش انقلاب ...
الناس انتخبت حماس وحماس مقلتش إنها هتخلي البحر طحينة ..ولا قالتلهم إنها هتعوم الفلسطينيين على وش الفته ..
حماس معروف عنها إنها هتكون سبب لمزيد من الشقاء والعنت ومعروف إن برنامجها نضالي برنامج مقاومة ..ليه ضريبة ومبيجيش من وراه مصلحة ولا رز ولا دقيق ولا زيت ولا سكر...هو ممكن يجيب سكر وضغط !!
والناس اختارت على هذا الاساس ..
وبقول للمصريين "أجدع ناس تتفرج وتمصمص شفايفها" سيبوا الفلسطينيين في حالهم وهي هتعمر...
ووفروا مشاعركوا الرهيفه لوضعكوا إلي زي الزفت واللي مش واضح إنه هيتحسن خلال ال100 سنة الي جاية !!
الله يحرقوا بجاز وسخ حرقتوا دمي !!!
معلش نسيت حاجة
أرسل هذا التعليق بواسطة : محمد القط
معلش نسيت الموضوع الأساسي..
بالنسبة للإخوان...
أعتقد غن الاخوان جماعة عارفة هي عايزة إيه كويس وليها مشروعها وأهدافها القريبة والبعيدة ..وعلى الاساس ده بتوازن الجماعة تحركاتها وردود افعالها...
والجماعة والعنف ..مفيش علاقة بينهم من أيام الحرب بتاعة الانجليز والقنال وفيلم "في بيتنا رجل" و"شروق وغروب"و"الموت التام أو الاستقلال الزؤام" !!
ورجاء محدش يراهن على النقطة دي لإنه هيكون رهان خسران..والي يعرف الاخوان كويس بيستبعد الموضوع ده من اساسه !!
والي عايز يعمل حاجة يروح يعملها ...وميستناش الاخوان لامؤخزة "يعملوله" !!
عايز تروح تفجر مباحث أمن الدولة روح..في 6 اكتوبر والتجمع الخامس وشارع جابر ابن حيان في الجيزة ولاظوغلي..
وقريباً بجميع دور العرض !!
ومش عارف الناس عايزة إيه من الاخوان يعملوه أكتر من كده...والي على اساسه نص الجماعة محبوس والنص التاني مطارد...
ومع ذلك مشاريع الجماعة مستمرة وبتحقق نجاح في جميع القطاعات الخدمية والدعوية والاصلاحية ...
والنبي بس شوية "زلطحجية" الكتابة والنقاد من الوضع مدلدلي الرجول "مدلدل الرجلين" ينقطونا بسكاتهم وينتبهو شوية لنفسيهم ولحياتهم !!
بس خلاص
هيترفع السلاح
أرسل هذا التعليق بواسطة : عبدالرحمن
الأخوان هيفعوا السلاح هيجلهم وقت وهيرفعوه بالفعل بس المهم هيرفعوه ازاي وأمتي وليه
السبب اللي يخليهم يرفعوه هو ان الحقد والكراهية اللي جواهم توصل لابعد حد فتحركهم عشان الانتقام يعني مش هريفعوه الا عشان نفسهم لا عشان اصلاح ولا حرية ولا دعوة
ولما يستخدموا السلاح هيكون الدم للركب وهتبقي مجزرة كبيرة واي حد مش هيعجبهم هيدبحوه ويدسوه بشكل ابشع من الثورة الفرنسية واللي حصل فيها طبعاً الشعارت بتاعتهم والتهم هتبرر اي دم يراق علي اديهم مهم بيدافعوا عن الدين يجماعه
ولو مسكوا الحكم هيبقي ابشع حكم استبدادي موجود كل المواطنين درجة تانية وتالتة وهما بس اللي درجة ولي لانهم بالفعل بيعتبروا نفسهم من الجنس السامي او فوق السامي كمان ميشغلوش حد في مكان ليهم الا اما يكون اخوان ميجوزش بناتهم الا لحد اخوان الاخ ميجوزش الا اخت زيه
شوية وهنلاقي نسل وسلالة موجوده كلهم شبة بعض من كتر ما بجوزا من بعض ومنغلقين علي بعض
فتخيلوا بقي دول هيعملوا غيرهم ازي
مش بعيد نشوف السيدات وكبار السن بيجلوا في الشوارع علي اديهم لاي سبب او لمجرد ان الاخ حاجمم المنطقه معجبوش شكلهم
ربنا يستر علي البلد بجد لاني خايف عليها من اليوم اللي الاخوان يرفعوا في السلاح في وشها وعلي ولادها
نقطة مهمة
أرسل هذا التعليق بواسطة : عبدالرحمن
مفيش مقارنة بين اخوان مصر واخوان فلسطين
حماس حكومة شرعية منتخبة بأردة شعبية حقيقية ومن حقيهم يرفعوا السلاح في وش الخونة والصهاينة يمكن انا شايف انهم اتاخروا اوي في القضاء علي الخونة انما كان لازم يكون في حل نهائي للوضع عشان يتفغوا لبناء فلسطين من الداخل وتحرير ارضها
انا اخون مصر هداهم الله
يا عبد الرحمن
أرسل هذا التعليق بواسطة : محمد القط
أهو عبد الرحمن ده مثال حي للمصري الاصيل المتوفرة فيه جميع الصفات الاساسية للمصريين
قمة التناقد..وضيق الافق..والفهلوة..
مثال حي للمثل الشعبي إلي قلته في تعليقي الاول !!
القط مثال لايه
أرسل هذا التعليق بواسطة : عبدالرحمن
علي كدا انت مثال للتعصب والجهل والتخلف ومثال حي للاخوان اللي لو لا ربنا قدر مسكوا البلد الكصرين هيشفوه علي اديهم
محمد القط
أرسل هذا التعليق بواسطة : يا عبد الرحمن
بصراحة انا شايف ان كلامك هو الي كله عنصرية واسبعاد واستقصاء..مع حبة ضيق افق..
وراجع كلامك عن الاخوان وتحليلاتك الفذة حوالين عنف الاخوان الي هياكل الاخضر واليابس وكأنك منجم ولا عراف...
زائد كمان انت مال اهلك ..ما يتجوزوا من بعض ولا مايتجوزوش...أمال هيتجوزا منين !!
أهو ينضفوا المصريين شوية من البلاوي إلي في دماغهم وضمايرهم !!
ومتقلقش ..الإخوان مش هيمسكوا البلد ..لإنها بصراحة ماتستهلش الاخوان...
وأمثالك مينفعش معاهم غير ناس من عينة مبارك والعصابة بتاعته...ويناسبك قوي العادلي ولا عز ولا حتى فتحي سرور...
ومتستعجلش جمال مبارك جايلكوا في السكة...هو وشلته....والعالم دي مبترحمش ...أهو إلي قبليهم كانو ناس جاعوا شوية فحسيين نسبياً بالشعب إنما جمال وعز وكمال وشلة لجنة السياسات...مش هيرحموكو !!!
وبالنسبة للجهل والتخلف...براحة مش شايف ...ولا بلاش !!
أصلي راكن الجمل بتاعي علر باب الشغل !!!
صحيح...صفايح زبالة !!
عيب اوي
أرسل هذا التعليق بواسطة : مصري وبس
عيب اوي الاسلوب المتدني دا من الحوار والالفاظ اللي بتطلع من واحد المفروض انه بيكلم علي اساس انه اخوان
فين بقي ياسر ابو العلا والناس اللي بتتحمق علي اي ربع كلمه تمس الجماعه
يشفوا اللفاظ والاخلاق اللي بتتقال
ممكن تبقوا اخوان
انما مينفعش يتقال عليكم مسلمين
الاستاذ
أرسل هذا التعليق بواسطة : ياريت نرجع للموضوع الاصلي
ممكن اننا نرجع للموضوع الاصلي بعيد عن الاخوان او غيرهم
لان الموضوع جد جد خطير
اراء الشباب بتقول انهم مش هيسكتو والقادة في ركن تاني
طيب اية الحل
أى خدمة يا عمى المصرى وبس!
أرسل هذا التعليق بواسطة : ياسر أبو العلا
أعلق بناء على استدعاء من جانب الأخ " مصري وبس" الذى تساءل عن الذين يدافعون حين يظلم الإخوان ، وأقول : يا جماعة عبر شاشة الإنترنت إياكم أن تحكموا على انتماء ، ليه بقى ؟؟؟
لأنه لا يدرى أحد من يكتب ؟ هل هو بالفعل كما يقول أم يدعى شيئًا غير الذى يقول ، أظن كلامى مفهوم .
ولكن أرى أنه من اللازم أن أدعو كل من يتحدث باسم المصلحين والشرفاء أن يكون مثلهم ، يعنى ليس مقبولا أن أدعو الناس إلى الصلاح وأنا غير صالح ، أو أحث البنى آدمين على عفة اللسان وأكون أكثرهم بذاءة .. أظن كلامى مفهوم أيضًا .
ولكن غير المفهوم أن يدعى الأخ " مصري وبس" ما ادعاه فى سطره الأخير حين قال :"ممكن تبقوا اخوان انما مينفعش يتقال عليكم مسلمين " فهذا حكم غريب وغير مقبول ، والصراحة غير مفهوم أصلا .
وبعدين يا أخى هما الإخوان وحدهم اللى لازم يبقوا عفيفى اللسان ؟
لا طبعا .. المفروض كلنا كده .
أى خدمة يا عمى المصرى ، أظن كده أنا قمت بالواجب .. ولا إيه ؟
إزيك يا قط
أرسل هذا التعليق بواسطة : أحمد عواد
بصراحة وبالرغم إني أعرف عن محمد القط إنه لسانه طويل وحمقي حبتين إنما لقيت إن عبد الرحمن مستفز وبيقول حاجات مش عارف جايبها منيين وكمان القط مقلش حاجة غلط قوي ولا عيب وده لو قارنها بالي بيتسمع وبيتشاف على الموقع وأظن إن تعليقاته وضح حاجات كتير
ابو يوسف
أرسل هذا التعليق بواسطة : ياسر ابو العلا
يا عم ياسر داخل تقول الكلام ده
والناس كلها منتظرة تسمع رايك في الموضوع المكتوب مش في الخناقة
فين رايك في التحقيق
؟
؟
منتظرين
الاخوان اتخانقوا
أرسل هذا التعليق بواسطة : المواطن مصرى
مشكلة الاخوان المسلمين الازلية
انهم اسقطوا من حساباتهم ركن مهم الشعب المصرى
بص ياعم الامور منك لة
الشعب المصرى كارة حسنى مبارك وتجاربة المستمرة اللى جابت الفقر والاهانة لكل مواطن مصرى ونفسة يشوف ناس محترمة عندها تجربة عريضة تحول مصر لدولة اوروبية فى الرخاء والتنمية والرفاهية علشان المصرى يقدر يفكر تانى فى فلسطين وحماية اخوانة العرب
النموذج دة مش موجود فى الاخوان المسلمين لية بقى
اولا الاخوان ليس لديهم اى فكر عملى على الارض لرفعة مصر اقتصاديا فكل كلامهم من نوعية المقالة دى امتى حنشيل السلاح ؟
سلاح اية اللة يحرقك احنا عاوزينكم تنموا البلد مش تحرقوها ولو كان الاخوان عندهم برامج جاهزة للتنمية يبقى معندهمشى وسائل اعلامية كافية
ثانيا ارتباط الاخوان بالدين وغموض مستقبل مصر يعنى بالعربى اية اللى يمنع انكم تحولوا مصر الى سعودية تانية او ايران تانية وخد باللك ان المصرى عمرة ماحيقبل كدة لان جزء كبير من التدين الشديد والتعصب الدينى للمصرريين حاليا راجع لحالة الفقر الشديدة التى لم تمر على مصر على الاقل من الماضى القريب