وحدوا الأذان.. ولغوا المآذن..
علي الرغم من كل ما أحمله بداخلي لوزارة الأوقاف ووزيرها الدكتور حمدي زقزوق من استغراب ودهشة وعدم فهم بدءا من إغلاق المساجد بعد الصلاة مباشرة التي قد تؤدي بك يوما إلي أن تخرج من المسجد "حافي" علشان "بنقفل يا أستاذ" وانتهاء بإشراف أمن الدولة علي أئمة المساجد واستدعاء بعضهم لمكاتبها بمعرفة الوزارة، إلا أن عدم الفهم هذه المرة أصبح أكبر مني.
ففي صدر أحد الجرائد اليومية – أيوة صدر الجريدة- قرأت عنوانا استفزني لأن أقرأ الخبر، والعنوان كان "وزارة الأوقاف تمنع بناء المآذن للمساجد الجديدة".. اه والله العنوان كان كده بالظبط.. وعندما أحسست أن الخبر ربما يكون غير صحيح أو أنها وزارة الأوقاف في أى بلد
آخر وأن الخبر منشور علشان يعرفنا بقيمة وزارة الأوقاف بتاعتنا وأن موضوع أمن دولة ده علشان الناس الوحشين قررت أن اقرأ الخبر.
وهنا المفاجأة.. فالوزارة في مصر التي تحمل عاصمتها لقب مدينة الألف مئذنة وأصدرت قرار- شكله كان في "السر"- من أسبوعين "بوقف بناء المآذن في أي مسجد جديد يراد بناؤه سواء كان علي نفقة الدولة أو تبرعات من المواطنين".
والخبر بيقول أن "إدارة شؤون المساجد ولجنة الشؤون الهندسية بالوزارة رفضتا إعطاء تراخيص بناء المآذن لجميع تراخيص المساجد التي تقدم بها أصحابها، وفي الوقت نفسه تمت الموافقة علي بناء جميع المساجد الجديدة دون مآذن، تنفيذا للقرار بحجة خفض النفقات، علي الرغم من أن ٩٩% من تكاليف بناء المساجد التي تم التقدم بها في هذه الفترة يتحملها الأهالي والمتبرعون".
ولأن المآذن كانت هتتبني علي حساب المواطنين مش علي حساب الوزارة، يعني مش هيكلفوهم "جنس منديل أحمر" علي رأي الأستاذ محمد سعد فربما يكون السر في محاولة الوزارة في الحفاظ علي لقب الألف مئذنة في قاهرة المعز – علي الرغم من أن هذا السبب لا يبدو مقنعا لمن هم خارج القاهرة-، وربما يتعبني البحث عن سبب لأن الخبر لم يورد سببا للقرار.
وربما لم تكفى الوزارة الحيرة التي وضعتنا فيها ليفاجئني الخبر بأن قرار الوزارة الأخير يأتي استمرار للقرارات "الخفية" التي اتخذتها الوزارة، وأبلغت بها مديريات الأوقاف في جميع المحافظات طوال الشهور الماضية، وكان أبرزها "منع وضع مكبرات الصوت علي المآذن العالية بحجة منع الضجيح، ومنع التذمر من ارتفاع صوت الأذان، إضافة إلي قرار عدم رفع الأذان خارج المسجد والاكتفاء به داخل المسجد".
فالوزارة بتمرر مشروعا لتوحيد الأذان بحجة بعض الأصوات الغير جيدة كلفها 680 ألف جنيه مصري فقط لا غير، فإذا كنا سنلغي الميكروفانات من علي المآذن ولن يتم رفع الآذان فلماذا يتم توحيد الآذان، توحيد الآذان تم بحجة إلغاء الأصوات القبيحة.. طيب الآذان هيتوحد والصوت هيبقى جميل والحكومة وافقت والشركة بتركب الريسيفرات في المساجد.. إيه اللى حصل.. متعرفش..
طيب سيبك من دي وتعالى لاقتصار الآذان داخل المساجد.. هو مش الآذان برضه معمول علشان الناس تعرف أن ميعاد الصلاة وجب، لما يبقى الآذان "سكيتي" المسلم اللى مش مشغل التليفزيون يعمل إيه.. يعرف منين إن ميعاد الصلاة قرب.. ولا هو دعم للتكنولوجيا من خلال حث الشعب علي اقتناء موبايلات بخوط الجيل الثالث ويذيعوا عليها الآذان في ميعاده.. يعني خلي حضرتك قافل التليفزيون – إذا كنت لسه بتتفرج علي القناة الأولي- وقاعد تقرأ في اى حاجة ولا مبتعملش أي حاجة.. هتعرف أنك المفروض تقوم تصلي إزاي؟.
بلاش دى. حضرتك مروح من أي مشوار ووقت الفرض جه.. تعرف منين.. ممكن يكون الحل أنك وأنت خارج من البيت تاخد معاك ورقة من النتيجة المتعلقة علي الحيطة من اللى فيها مواقيت الصلاة.. وكل شوية تبص في الورقة وتبص في الساعة.. وأصحاب النتائج المكتبية ممكن من بالليل يبقى يعمل reminder علي الموبايل بمواقيت الصلاة.
في الحقيقة لا زلت لا أفهم.. ففي البداية هوجة توحيد الآذان بحجة ألأصوات القبيحة.. والآن منع بناء مآذن وقصر الآذان داخل المسجد من أجل الضوضاء، وربما نفاجأ بعد ذلك بمنع الآذان لعدم وجود مآذن.. ولا أدري لماذا جاء في ذهني سؤالين أوجهه للمسئولين في النهاية، الأول هل قضينا علي مصادر الضوضاء – أو علي الأقل لدينا خطط- في كل أرجاء المحروسة حتى نمنع الآذان؟ والثاني هل تستطيع أي جهة أن تقول للكنيسة أن تكتفي بضرب أجراسها في الداخل أو تمنع الكنائس الجديدة من بناء الأبراج؟
هي العباده لازم يكون فيها مكبرات ونعير
أرسل هذا التعليق بواسطة : مواطن مصري
مقارنه ظالمه جدا ان تقارن اصوات الاجراس في الكنائس باصوات الاذان في المكبرات. مثلا اذان الفجر كفيل بان يقلق منام اجدعها انسان ولو علي بعد كيلو من المسجد وذلك بفضل المكبرات.كما اننا وفي المناسبات نسمع ادعيه بواسطة هذه
المكبرات تلعن ابو النصاري واليهود وتدعو لتفريق شملهم وترميل نسائهم وتيتيم اطفالهم باعلي الاصوات وانكرها.ثانيا ليس انشاء جرس للكنيسه هو المشكله بل بناء الكنيسه نفسه اصبح شبه مستحيل هذه الايام ويؤدي في اغلب الاحيان الي قتل وحرق منازل النصاري ( المشركين) والي صلح وهمي يسلب حقوق المظلمويين (بمها بالعياط).فعلا لا يستطيع احد ان يمنع الاجراس ان تدق داخل الكنائس وذلك لانه لا يستطيع احد اصلا ان يبني او يستخرج تصاريح بناء كنائس .وبعدين هي عباده الله لازم يكون فيها مكبرات ونعيير .
إنت تاني يا تايواني !!
أرسل هذا التعليق بواسطة : طيف بدر
الحمد لله المسلمين مفيش عندهم نعير
لكن في ناس تانية خروفهم معقدهم في عيشتهم
اتكلم عن الاذان احسن من كدة يا مواطن مصرى (حمضان)
أرسل هذا التعليق بواسطة : انسان يعرف ربنا
الاخ البيقول انة مواطن مصرى وبيقول انة ظالمة المقارنة بين اجراس الكنائس والاذان هى طبعا مقارنة ظالمة جداا لان مش معقول هنقارن اذان ربنا البيدعونا للاصلاة بميوسج واجراس وبلاش تدخل عيشة على ام الخير هو ما حادث العياط بالمقال اصلا ولا هو انت بتحب تدخل زيد فى عبيد بلاش وبعدسن محنا طول عمرنا عايشين على مكبرات الصوت واذان الفجر وصلاة الفجر النت مش بتحب تسمع صوتها احنا بقا بنحبها عشان بتصحينا عشان نقضى فرض ربنا بدل النوم والشخير ولا انت عايزهم يئذنولك فى اذنك كل يوم دة اذا اصلا كنت مسلم وموحد باللة ولو انى اشك طبعا مفيش مسلم هيقول الكلام النت بتقولة دة ولو انت مش مسلم يبقى اتكلم على الاذان والمكبرات باسلوب احسن من كدة ولا خلاص طلعلكم صوت اليومين دول اللة يرحمك يا سادات(اعظم من انجبت مصر)
أنا بقي مسلم و بقول إن الموضوع بقي متخلف !!
أرسل هذا التعليق بواسطة : مواطن مصرى مسلم مفروس من المصريين
فيه نقط أتفق مع مواطن مصرى و اعترض مع الردين التانيين فيها و نقط أختلف معاه و أتفق معاكو
النقط اللى أختلف معاه فيها هى خلط الأمور , الحديث هنا عن الميكروفونات و ضجيجها و لا علاقة ببناء الكنائس بالموضوع ده , و بعدين يا أستاذى مفيش داعى للشعور بهذه الإضطهاد , إنتو واخدين حقكوا تماماً ف كل حاجة ودي برضه ملاحظة عابرة للتخفيف من حدة الحوار و برضه مالهاش علاقة بالموضوع.
النقطة الثانية هى إنعدام العلاقة بين ما يدعو به المسلمين فى صلواتهم و بين الموضوع(أنا لا أقول امين عندما يدعى على اليهود والنصارى بشكل عام و الرسول عليه أفضل الصلاة والسلام معروف عنه جداً أن هذه الأدعية لم ترد على لسانه قد والباحث فى أدعيته صلى الله عليه و سلم لن يجد لها أثراً حتى فى احلك لحظات القتال و الحرب بين المسلمين و اليهود والله أعلى و أعلم , هذه أيضاً ملاحظة عابرة)
أما ما أتفق مع المواطن المصرى فيه هو :
1- علو صوت الأذان بشكل مستفز , إن المكبرات الهائلة التى تضعها المساجد يجب أن توضع على إرتفاعات مناسبة حتى لا تصيب الساكنين بجانبها بالصمم كما هو حادث و عن تجربة شخصية من محدثك الذى يقطن بجانب مسجد تحت منزله مباشرةً.
2- إذاعة الأذان و الإقامة أمر لن أختلف على ضرورته بالنسبة للمسلمين و لكن هنا هناك وجهان للموضوع:
أولاً)أن أصوات المؤذنين (كما هو الحال فى معظم أوجه الحياة فى مصرنا العزيزة!!) أصبح كثيراً منها وجهاً اخر لللقبح و فساد الذوق العام و إنحراف الحس الجمالى , والدى و جدى عندما يتحدثون عن الأذان فهم يتحدثون عن أيام زمان عندما كان المؤذن الوقور صاحب الصوت الجميل يصعد بوقاره المعتاد فى كل صلاة ليؤذن(بلا مكبرات ولا ضجيج) بصوت يذيب الحجر و يلين الحديد فى مناطق مصر الشعبية القديمة زمااااااان , أما الان ..........!!! يا للقبح الذى الت إليه هذه البلدة.
ثانياً) المشكلة الحقيقية أننى أستطيع _على أعصابى و مضروباً بالجزمة_ تحمل الصوت الناعق لمؤذن جلف لا يفقه من الإسلام سوى هيئة الصلاة التى يؤديها لدقيقة واحدة أو دقيقتان خمس مرات يومياً بلا مشكلة حقيقية , لكن المشكلة أن المساجد لا تكتفى بإذاعة الأذان ثم إذاعة الإقامة و لكنها تذيع معهما الخطب والدروس و المواعظ و الصلاة نفسها بما فيها الصلوات الجهرية و هلم جراً , فإذا حادثت أحد أفراد الشعب المصرى عن هذا الموضوع إنقلب وجهه إلى خيئة الملائكة و هو يقول لك بسماحة "يا أخى ألا تتحمل عشر دقائق من أجل الله ؟؟؟" أو مثلاً " يا أخى ده كلام ربنا , إنت عاوز تمنع كلام ربنا؟؟" , وأقول أنا و هل أمر الله بهذا ؟؟؟ أبداً والله , إن الله_عز وجل_ أمرنا بالتخفيف فى الصلاة نفسها مراعاةً لمشاعر سريعى الضجر و مراعاةً للفوارق الإيمانية الطبيعية بين بنى البشر , فكيف يأمرنا سبحانه و تعالى بمثل هذا الإزعاج؟؟؟ هذا لا يعقل بالمرة .
الموضوع للحق شغل من عقلى و حياتى حيزاً كبيراً كونى أقطن بجان مسجد تحت منزلنا و مسجد اخر على بعد بضعة عشرات من الأمتار , و هو على النحو التالى فى نظرى :
أنه أحد أوجه القبح الذى أبتليت به مصر بسبب شعبها قبل حكامها و طبيعة ناسها قبل أى شيء اخر , فالشعب الذى ينام على (أيظن إنى هلعب بيه ) و يصحو على (أحمر و طعمه خطير , صغير يا ناس و كبير ) لعمرى لا يستطيع التمييز بين الحسن و القبيح.
نقطة اخرى أن الشعب المصرى غير متدين بالشكل الصحيح , و لا أدل على كلامى من الحال الذى أصبحنا فيه إقتصادياً و مادياً و أخلاقياً ( و لا أبرىء نفسى بحال ولكنى فقط أقر الحقائق) و حالة الإزدواجية التى يعيش فيها بين إلتزامات دينية غير قادر على التخلص منها و لا على فهمها تجعله كالذى يحمل درعاً و سيفاً عظيماً و هو لا يجبد الضرب به فتجده قد ربط السيف فى ركبته و علق الدرع فى قفاه و مشى أعوجاً ستعثر فى سلاحه !!
الأخ( واحد عارف ربنا ) ولا مش عارف إسمه إيه , و مين قالك إن إحنا بنحبها ؟؟؟ هل إنت و إنت قاعد ف بيتك بعد ما خلصت صلاة و عاوز تعمل حاجة و لا تتفرج على تلفزيون و لا تشغل راديو بتحب تسمع صوت الصلاة العالى و هو يخترق عليك بيتك بلا إستئذان ؟؟ الإجابة فى أعماقنا كلنا هى لا و لكنه الجهل المسيطر على حالنا هو الذى يدفعنا للمكابرة و النفاق مع أن هذا _والله_ لم يك هو قصد الله اللطيف الرحمن الرحيم بما أبداً.
هذا هو ما فى قلب معظم الناس _و كل واحد فينا فى قرارة نفسه عميقاً يعرف هذا_ ولكن أنا أملك الشجاعة الكافية لقولها , مستغنياً لبضعة دقائق قلائل عن الجبن المصرى المعهود الذى جبلت عليه !!
اللى اختشوا ماتوا
أرسل هذا التعليق بواسطة : مصراوى
بون فلسفة وقلة ادب الاذان هو اللى بيعمل ضوضاء يامواطن يامصرى مع انى اشك بقى الاذان اللى مدتة لا تستغرق 3 دقائق هو اللى بيعمل ضوضاء والاخ اللى بيقول ان تحت بيتهم جامع ومنزعج من صوت المكبر !!! سبحان الله اقسم بالله العظيم المكبر بتاع المسجد اللى جنبنا موجه على شقتى مباشرة ومن زمان ومفيش حكاية الصمم دى ابدا واذا كنت عاوز تعرف الصمم بجد تعالى واسمع صوت جرس الكنيسة اللى بجوارنا برضة انا من سكان شبرا وفيها كل حاجة جنب بعض يعنى الجامع جنب الكنيسة ؟؟ انما بقى لو عاوز تعرف الضوضاء اللى بجد يبقى تشوف كلاكسات السيارات اللى على الفاضى والمليان والبياعين اللى فى الشوارع ولا بتوع انابيب الغاز مع ان المنطقة دخل فيها الغاز الطبيعى لكن برضة بتاع الانابيب لسه بيعدى وكلكم عارفين صوت التخبيط على الانابيب ؟؟؟ العملية مش اذان وضوضاء الحكاية ان كله بيتلكك لكله وفى ناس بتعوم مع الموجة ويقولك انا مسلم وصوت المؤذن بيسبب لى ضوضاء يمكن سعادتة مش عايش فى مصر ولا حاجة .. فعلا اللى اختشوا ماتوا .حاجة تقرف
انا مسلم انا مسلم انا مسلم وبطلوا هوس المسيحيين .يارب كلهم يطفشوا عشان ماتخدوهمش حجة قدام اى وجهة نظر تانية
أرسل هذا التعليق بواسطة : محمممممممممممممد مسللللللللللللم مصررررررررىىىى
موافق ان الضوضاء ليها اكتر من مصدر .. بس منها الاذان فى الميكرفونات بدعوك بس انك تكون فى حديقة الازهر ساعة ادان العصر مثلا .. مبتسمعش حاجة .. ذبذبات عالية وطنين يعنى لو منتش من مصر مش حتعرف انه ادان ممكن تقول انه اى حاجة تانيه لانك مبتسمعش ادان بتسمع ميكروفونااااااااااااااااااااات طالع منها اصواااااااااااااااااااااااات .. انا جدى طول عمره ساكن فى باب الخلق من ايام ما كان محمد رفعت بيدن بصوته فى الجامع اللى تحتيه .. اقسم بالله ان جدى اللى عنده 85 سنة بيصحى من النوم مفزوع كل يوم لان فيه حوالى 43 ادان بينطلقوا بفروقات زمنية من ثانية لعشرين ثوانى .. بيصحى من النوم بيستغفر ربنا وبيدعى ويقول ربنا ع الظالم والمفترى
والنبى عشان خاطرى خليكوا امناء مع نفسكوا .. بذمتكوا الموضوع مش بقى مزعج
أرسل هذا التعليق بواسطة : مسلم تانى
وبعدين هو مش المسيحيين بحسب تقديرات البعض من 2 الى 6 فى المية .. حد يحط فى دماغة نسبه تافهه زى دى .. وبعدين انا عمرى ما سمعت جرس كنيسة .. كل اللى عارفه ان اى مقاول فاسد عايز يتوب يبنى جامع تحت عمارته عشان ميدفعش عليها ضريبة عوايد واى حد معدى يأذن .. والجوامع بقت زى المساجد بقت زى الزوايا .. ناس عشان تاخد حسنة تركبك مليون سيئه وتمارس عليك ابتزاز دينى .. والنبى عشان خاطرى خليكوا امناء مع نفسكوا .. بذمتكوا الموضوع مش بقى مزعج
هو مفيش غير الهوارى يا جماعه ولا ايه يكتب مقالات !
أرسل هذا التعليق بواسطة : ملكش دعوة
- مبدئيا شكراً انك سمعت الكلام وغيرت صورة ابحث مع الشرطه اللى كنت حاطهها قبل كده فى المقال بتاع " اعرف كاتبك وعلم عليه "
- طبعا فكره المقال – الفكره مش التنفيذ – جميله و هى فعلا تستحق ان تكون قضيه الساعه – بس لما واحد زيك يكتب عنها يبقى هايسئ للفكره اكتر من الوزير نفسه زى كده لما كان شعبان عبد الرحيم هايغنى للطيور عشان يعمل توعيه للناس بكيفيه التعامل مع مرض انفلونزا الطيور .
- المقدمه بجد بجد " لازم هيكل يجى يقراها عشان يتعلم الصحافه على حق او بمعنى ادق ينسى الصحافه كلها ... يعنى ايه كل ما تحمله من استغراب ودهشه وعدم فهم بداخلك "ايه ياواد البلاغه ديه كلها يا واد " وكمان عدم الفهم بقى اكبر منك يعنى بقى عنده كام سنه كده وياترى دخل الجيش ولا خد اعفاء .
- ايوه صدر الجريده " اسلوب العربجيه " مش قادر تنساه يا اخى انتا قولت فى احد الجرائد اليوميه – قال يعنى الناس مش عارفه انها المصرى اليوم – المهم ماعلينا .. نيجى بقى لروعه الاسلوب قرأت عنوان استفزنى لأن اقرا الخبر ، والعنوان كان ...
ايه يا عم الحلاوه ديه كلها العنوان استفزك لأن تقرأ الخبر ، و العنوان كان ... ايه التقل ده كلها " والله اللى قالك اكتب ظلم الصحافه " مش قادر تقول قرأت خبر فى المصرى ان " كذا كذا .... " وتنجز يعنى انتا من حصيف قوى فى اللغه و بتعيد استخدام المفردات كما هى فى جمل متواليه مما يدلل على قله مفرداتك التى هى رأس مال اى صحفى – على اعتبار انك فاكر نفسك منهم يعنى – و طبعا ده معناه انك شحات لغويا يا دوبك بيتلف فى محيط 100 – 200 كلمه ...
- اه والله العنوان كان كده بالظبط.. وعندما أحسست أن الخبر ربما يكون غير صحيح أو أنها وزارة الأوقاف في أى بلد
آخر وأن الخبر منشور علشان يعرفنا بقيمة وزارة الأوقاف بتاعتنا وأن موضوع أمن دولة ده علشان الناس الوحشين قررت أن اقرأ الخبر ....
" ايه خفت الدم والاستظراف ديه يا ... توتى " ما تحلفيش يا بيضه احنا مصدقينك .. وليه احسست يا اخويا ان الخبر غير صحيح " يعنى طبيعى فى ظل حكم مبارك ان تتوقع الاسوء دائما .. ويعنى ايه الخبر منشور علشان يعرفنا بقيمه وزاره الاوقاف وماذا تقصد بجمله ان موضوع أمن الدوله ده علشان الناس الوحشيين ... جملتين لا سياق ولا طعم ولا رائحه لهم أصلاً .
وهنا المفاجأة.. فالوزارة في مصر التي تحمل عاصمتها لقب مدينة الألف مئذنة وأصدرت قرار- شكله كان في "السر"- من أسبوعين "بوقف بناء المآذن في أي مسجد جديد يراد بناؤه سواء كان علي نفقة الدولة أو تبرعات من المواطنين".
طيب نكمل ..
- الوزاره اصدرت .. مش الوزاره وأصدرت ... ماشى يا فنان ,,
القرار بقى انتا بتقول شكله فى السر .. ايوه يا واد الحلاوه ديه يا واد جبت التايه ,.. يا حرامى بتسب لنفسك تحليل زميلنا فى المصرى اليوم احمد الخطيب قاله فى الخبر بتاعه ان القرار سرى ومن اسبوعين ...
انظر لنص خبر انفراد المصرى اليوم http://www.almasry-alyoum.com/article.aspx?ArticleID=65269
نرجع لعم الهوارى ,...
والخبر بيقول أن "إدارة شؤون المساجد ولجنة الشؤون الهندسية بالوزارة رفضتا إعطاء تراخيص بناء المآذن لجميع تراخيص المساجد التي تقدم بها أصحابها، وفي الوقت نفسه تمت الموافقة علي بناء جميع المساجد الجديدة دون مآذن، تنفيذا للقرار بحجة خفض النفقات، علي الرغم من أن &--1641;&--1641;% من تكاليف بناء المساجد التي تم التقدم بها في هذه الفترة يتحملها الأهالي والمتبرعون".
ولأن المآذن كانت هتتبني علي حساب المواطنين مش علي حساب الوزارة، يعني مش هيكلفوهم "جنس منديل أحمر" علي رأي الأستاذ محمد سعد فربما يكون السر في محاولة الوزارة في الحفاظ علي لقب الألف مئذنة في قاهرة المعز – علي الرغم من أن هذا السبب لا يبدو مقنعا لمن هم خارج القاهرة-، وربما يتعبني البحث عن سبب لأن الخبر لم يورد سببا للقرار.
وربما لم تكفى الوزارة الحيرة التي وضعتنا فيها ليفاجئني الخبر بأن قرار الوزارة الأخير يأتي استمرار للقرارات "الخفية" التي اتخذتها الوزارة، وأبلغت بها مديريات الأوقاف في جميع المحافظات طوال الشهور الماضية، وكان أبرزها "منع وضع مكبرات الصوت علي المآذن العالية بحجة منع الضجيح، ومنع التذمر من ارتفاع صوت الأذان، إضافة إلي قرار عدم رفع الأذان خارج المسجد والاكتفاء به داخل المسجد".
- الله اكبر اديلك قولتها بنفسك الخبر قال قرارات خفيه سريه ... يبقى انتا بتقول على نفسك اللى انا قولته عليه فى الفقره السابقه ....
وبعدين ايه الركاكه فى الاسلوب ديه يا شيخ " لان المآذن كانت هاتتبنى – ومشتشهد بجمله للوضيع محمد سعد فى مقال صحفى – اهو ده الانحدار ولا بلاش – وبعدين الخبر مقلش سبب " ولو حتى من جانب الوزاره .. يا ياراجل " وقالت المصادر: إن إدارة شؤون المساجد ولجنة الشؤون الهندسية بالوزارة رفضتا إعطاء تراخيص بناء المآذن لجميع تراخيص المساجد التي تقدم بها أصحابها، وفي الوقت نفسه تمت الموافقة علي بناء جميع المساجد الجديدة دون مآذن، تنفيذا للقرار بحجة خفض النفقات " جزء من نص خبر المصرى اليوم .... هايرد عليك اهوه !
طيب نكمل ... انتا قولت ان الخبر ما قلش سبب عشان تعرف تفتكس انتا سبب يا واد يا محلل يا سياسى يا كبير ... خلينا مع الكداب ...
قولت يا سيدى ان " الوزارة بتمرر مشروعا لتوحيد الأذان بحجة بعض الأصوات الغير جيدة كلفها 680 ألف جنيه مصري فقط لا غير، فإذا كنا سنلغي الميكروفانات من علي المآذن ولن يتم رفع الآذان فلماذا يتم توحيد الآذان، توحيد الآذان تم بحجة إلغاء الأصوات القبيحة.. طيب الآذان هيتوحد والصوت هيبقى جميل والحكومة وافقت والشركة بتركب الريسيفرات في المساجد.. إيه اللى حصل.. متعرفش..
بص يازعيم انتا مش فاهم ايه حاجه فى اى حاجه وعاوز تتكلم لمجرد الكلام وتدب شويه معلومات من موقع مفكره الاسلام حاجه من جوجل ... قرار منع مكبرات الصوت حاجه وقرار توحيد الاذان حاجه تانيه
فعلا تمت الموافقه على الاول واقتصرت المكبرات على الاذان بس .. انما القرار التانى الخاص بتوحيد الأذان رفضه مجلس الشعب يبقى مدخلش الحاجات فى بعض !
طيب سيبك من دي وتعالى لاقتصار الآذان داخل المساجد.. هو مش الآذان برضه معمول علشان الناس تعرف أن ميعاد الصلاة وجب، لما يبقى الآذان "سكيتي" المسلم اللى مش مشغل التليفزيون يعمل إيه.. يعرف منين إن ميعاد الصلاة قرب.. ولا هو دعم للتكنولوجيا من خلال حث الشعب علي اقتناء موبايلات بخوط الجيل الثالث ويذيعوا عليها الآذان في ميعاده.. يعني خلي حضرتك قافل التليفزيون – إذا كنت لسه بتتفرج علي القناة الأولي- وقاعد تقرأ في اى حاجة ولا مبتعملش أي حاجة.. هتعرف أنك المفروض تقوم تصلي إزاي؟.
فعلا ديه ازمه بس اسمها اقتناء موبيلات خطوط الجيل التالت ... مش بخوط ...
بالمناسبه
اسمها تعال مش تعالى .... فعل امر مجزوم بحذف حرف العله " يعنى لو فهمت الجمله " لو مش فاهماها خلاص احفظها بتتكتب كده .. وبعدين نيجى لشويه كلام بيئه " معاد الصلاه وجب – الاذان سكيتى " ونعم المفردات والله .
بلاش دى. حضرتك مروح من أي مشوار ووقت الفرض جه.. تعرف منين.. ممكن يكون الحل أنك وأنت خارج من البيت تاخد معاك ورقة من النتيجة المتعلقة علي الحيطة من اللى فيها مواقيت الصلاة.. وكل شوية تبص في الورقة وتبص في الساعة.. وأصحاب النتائج المكتبية ممكن من بالليل يبقى يعمل reminder علي الموبايل بمواقيت الصلاة.
ممكن فعلا ... انتا مين اللى ظلمك وقالك انك بلال فضل وبتعرف تكتب ساخر يا عم الفتوه ... بجد حلول رهيبه !
في الحقيقة لا زلت لا أفهم.. ففي البداية هوجة توحيد الآذان بحجة ألأصوات القبيحة.. والآن منع بناء مآذن وقصر الآذان داخل المسجد من أجل الضوضاء، وربما نفاجأ بعد ذلك بمنع الآذان لعدم وجود مآذن.. ولا أدري لماذا جاء في ذهني سؤالين أوجهه للمسئولين في النهاية، الأول هل قضينا علي مصادر الضوضاء – أو علي الأقل لدينا خطط- في كل أرجاء المحروسة حتى نمنع الآذان؟ والثاني هل تستطيع أي جهة أن تقول للكنيسة أن تكتفي بضرب أجراسها في الداخل أو تمنع الكنائس الجديدة من بناء الأبراج؟
- حلوه قوى سؤالين اوجه ... واخد بالك 2 اوجه يعنى مش اوجههما خالص ..
اخيرا بقى انا بقى اللى عاوز اسألك سؤال " ايه التحليله او المعنى او المغذى او الامتاع لمجرد الامتاع والاختلاف بين مقال الرأى ديه " وتحقيق كان نازل عندكم فى الموقع من فتره بعنوان " زقزوق وقصف المساجد " اللى عاملوه اتكلموه عن موضوع امكانيه منع برج الكنيسه و سياسات زقزوق .. عارف ان المفروض ان ده مقال وده تحقيق بس بجد انتا استفدنا ايه .... اقولك ادينا بندردش ورانا ايه
كل ده تعليق ياعم؟ ده إنت شكلك بتحبه أوي
إلي الأستاذ / ملكش دعوة ....
قدرة مهووووووووووووولة ... إن حضرتك تقعد تكتب التعليق ده كله ... الصراحة الواحد كده ممكن يحسد أحمد هواري علي صبرك ده كله ....
كل ده تعليق ياعم ... أمال لو كان الموضوع عاجبك كنت حتكتب إيه؟
الصراحة أنا مقدرتش أقراه كله ... فما بالك إني أكتب تعليق زيه ...؟
عمنا هواري .... هاتني أكتب معاك ياريس ...
إذا كانت الردود بال"حجم" ده .... وأهه بالمرة مع ملف التخااااااااااااااااااان
مش حاسكت ...
لاللتمديد ... لا للتوريث ... نعم لتعديل الدستور المصري "بس مش كده يعني"
تقدروا تنورونا دلوقتي ....
http://mesh7askot.blogspot.com/
رغم انفهم
سنبنى المساجد ونقيم الماذن ونركب بدل الميكرفون اربعة
وسنسب الكفرة الذين يعرفون انفسهم
وسترتفع الماذن عاليا وستشرق شمس الاسلام رغم حقد الكفرة الذين يعرفون انفسهم
والاذان الذى يستغرق دقيقتين ليس ضوضاء ياكلاب كما تدعون انة امان ودعوة الى الصلاة
الحرامى الذى يسمع الاذان يتوقف لحظتها عن السرقة
والفاجر الذى يرتكب الزنى يرتعب حينما يسمع الاذان وهو فى جرمة
هذا كلة كلام النصارى
ورغم انهم لا يتجاوزوا اربعة ملايين ملئوا البلد بالكنائس وهمهم بناء كنيسة كاملة لكل نفر قبطى واحد بفلوس تاتيهم من امريكا واستراليا
ولكن الاسلام ينتشر كالبرق ويفزعهم هذا كثيرا
المساجد ستبنى والماذن ستعلوا رغم انف الكبير
ونور اللة هو الغالب
والنصر للاسلام
مصر حفظها الله
أرسل هذا التعليق بواسطة : بسلة مسلمة مصرية
اولا انا شايفة ان الردود كافية ووافية بس احب اقول ان الغلبة للله وللاسلام ولنبينا والمسلمين ولنا الله ال الاسلام
الله يخرب بيت كده
آدى يا عم أم الفتنة الطائفية اللى بتقولوا إنها مش موجودة ..
أى واحد يدخل هنا و يشوف المسلم بيكفر المسيحى و المسيحى بيسب المسلم ..
خلينى بقى أقول رأيى ..
أيوة .. الأذان صوته مزعج جدا جدا خصوصا لما يكون فيه 20 مسجد بيأذنوا مع بعض بفارق 5 أو 6 أو 10 ثوانى بين كل مسجد و التانى .. و ده بيسبب ضجيج كبير جدا .. دا غير إذاعة الأدعية و المحاضرات الدينية و غيرها .. و كل واحد فى المساجد دى بيقول اللى على مزاجه فى نفس الوقت اللى بيتكلم فيه شيخ تانى فى مسجد تانى جنبه فى حاجة تانية خالص لدرجة إن تداخل الكلام بيخليك مش فاهم أى حاجة من اللى بيتقال ..
و الكنايس اللى بيفضل الجرس بتاعها يدق بالعشر دقايق و الربع ساعة بتسبب إزعاج كببير جدا ..
أنا عندى طفل فى سن 7 شهور بيقوم من النوم مفزوع فعلا من صوت الأذان فى الفجر أو العشاء - لأنه غالبا هى دى الأوقات اللى بيكون نايم فيها - كما إنه برضه بيقوم مفزوع من صوت الجرس اللى بيفضل يدق بالعشر دقايق ..
و على فكرة يا جماعة .. أنا مسيحى .. بس اللى بيحزنى بجد إنى أسمع شتيمتى بودانى من شيوخ الجوامع .. ماهى دى يا جماعة سبب الفتنة اللى بتحصل .. شيوخ جوامع مش فاهمين الإسلام صح أبدا ..
و صدقونى و يشهد الله الواحد على كل الكلام اللى هقوله ده .. إنى عمرى فى الكنيسة ما سمعت كاهن بيشتم أو بيتكلم بسوء على إخواتنا المسلمين .. بالعكس .. دايما لما تحصل مشاكل بين واحد مسيحى و واحد مسلم بيقول دايمال للمسيحى : متكبرش الموضوع و صلى و سيب ربنا يتصرف و إسمع كلام الإنجيل : غير مجازين عن شر بشر أو عن شتيمة بشتيمة ...
أرجوكم بقى كفاية ..
الإسلام مش هينتهى لو الأذان إتوحد أو حتى إتلغى .. ولا المسيحية هتنتهى لو الأجراس إتوحدت أو حتى إتلغت .. الدين أكبر من مجرد أذان أو جرس ......
واحد من الناس أحييك
أرسل هذا التعليق بواسطة : أحمد عبد الله
أحييك يا واحد من الناس على الكلام المنطقى الجميل
يا جماعة القلة الغبية من الشيوخ اللى مش عارفة أى حاجة فى أى حاجة هى سبب كل البلاوى دى
و معاهم القلة اللى مش فاهمة أى حاجة من قساوسة المسيحية زى زكريا بطرس و غيره
و الهوارى اللى كاتب المقال ده مجبش جديد
دا إنت يا هوارى هايف هيافة . دا بدل ما تتكلم فى موضوع حيوى و يفيد كل الناس تتكلم فى موضوع ممكن يثير فتنة طائفية ؟
مرة تانية بحييك يا واحد من الناس و موافق تماما على كلامك
الدين أكبر من مجرد أذان أو جرس
تحياتى لك
اذان بدون مؤذن
مع انى مع توحيد الآذان وده بسبب الاصوات الفظيعة الى بتختارها الاوقاف الى بتختار المؤذنين بالرشوة والله ما بكدب الى
بيدفع اكتر هو الى بيتوظف يعنى الذنب مش الاذان ولكن المؤذن وبعدين المشكلة مش فى الاذان الى الكل شبط فيه وساب المهم وهو بناء الماءذن يعنى شوية غلق المساجد وشوية مفيش ماءذن وشوية بحجة كتر المساجد يبقى مفيش بناء مساجد يا اخونا احنا فى دولة علمانية لايهمها المساجد ولا الماءذن ولكن يهمها ان ميبقاش فيه صلاة اصلا وفيه
واحد عملها قبل مبارك وزعل من اذان الفجر ام هد المسجد وعملها دولة علمانية وهو اتاتورك الله يجحمه اما مبارك عاوز يلغى الماءذن والمساجد ونبقى دولة مهلبية لان لقب علمانية بعيد علينا وأخيرا اذكركم بقول الله عز وجل الذى يعلم بوجود مثل هؤلآ (ومن اظلم ممن منع مساجد الله ان ترفع ويذكر فيها اسمه يسبح له فيها بالغدو والاصال)صدق الله العظيم
تسلم
أرسل هذا التعليق بواسطة : مسلم مصرى
الله يكرمك يا أخ "واحد من الناس" انسان عاقل ومتحضر ... الكلام المستفز عن المسيحيين لم يجرك إلى رد السيئة بالسيئة. من زى ناس .. يا أخى ياللى تهجمت على المسيحيين بدون داعى ، يقول الله تعالى: ((ولا تجادلوا اهل الكتاب إلا بالتى هى احسن)). وانت تقول لأ هانشتمهم من على المنابر وفى الميكروفونات .. وطز فى 2-6 مليون؟؟ جبت منين الرقم ده .. إذا كان الدولة نفسها ما بتعملش احصاء لعدد المسيحيين - لوهذا لسبب غير معلوم -.
و الشباب الحلو إللى عمّال يتكلم عن الأسلام ويدافع ، وهو ولا فاهم حاجة فى اى حاجة . والأخ اللى بيقول أن المسيحيين عايزين يبنوا لكل واحد كنيسة ، ده طبعا ينم عن جهل عميق، وتكفيك نظرة واحدة للكنائس فى الأعياد والأحاد علشان تشوف الناس فوق بعضها، وبالرغم من ذلك تمنع الدولة بناء الكنائس إلا بأشتراطات كثيرة ومعقدة.
وكمان الأخ الكاتب ده تعبان فى مخه ... طيب انت بتتكلم عن وزارة الأوقاف وقرارتها العشوائية...ليه تجيب سيرة الكنائس فى الموضوع.... يا ريت نعقل شوية .. ونفكر احنا بنقول ايه قبل ما نقوله ... ومش عمّال على بطال نعملها صراع بين الأديان وفتنة ......... الفتنة نائمة... لعن لله من ايقظها
أخطاء منطقية فى الحوار
أرسل هذا التعليق بواسطة : مواطن مصرى مسلم مفروس من المصريين
أنا اللى كتبت الرد التالت من فوق , رجعت بأقول بعض الملاحظات الذى قيل فيه تقريباً كل شيء ,
الملاحظ فى الموضوع أن الأخطاء النمطقية التالية حدثت و هو شيء ينافى اداب الحوار أولاً و قواعد المنطق ثانياً:
1 - واحد داخل يقولك (إيه الموضوع الهايف ده ؟) أو ما معناه كذلك ,
يا عم إحنا دلوقت فاتحين نقطة معينة بنتكلم فيها , ما تقوليش إيه الموضوع الهايف ده و تمشى , أنا يا سيدى بكلمك ف أى هيافة , لو مش عاجبك إمشى و سجل إعتراضك بعدم المشاركة ف الحوار , ما تتفهش النقاش كله كدة على بعضه و تقوللى(موضوع هايف).
2 - واحد داخل يصرخ (العزة للإسلام و الله أكبر و سبنى المساجد برغم أنوف الحاقدين ) أولاً هذا الكلام كما قال سيدنا على بن أى طالب(حق أريد به باطل) , الكلام ده و الزعيق ده شكل هادم للحوار و يسيء للإسلام بأبشع صورة و لا يفيد فضلاً عن ضرره فى نأليب النفوس و إثارة المشاعر الخامدة , عاوز تناقش ناقش بهدوء و (بالحجة) ,
إذا كنا إتعلمنا حاجة من التاريخ فهو إن العنف وسيلة تغيير مؤقتة , لا شيء جذرى فى العالم تم تغييره بالعنف أبداً , و إذا تغير فهو يتغير بشكل مؤقت فقط
3- واحد داخل يتريق على كاتب المقال بشكل .........
طبعاً واضح جداً جداً جداً إن ده نوع من الحقد الدفين , يمكن هما زمايل أو متنافسين ف مجال معين ( فقط بخمن) و طبعاً أسلوب الكلام مش حلو خالص و حتى لو كانت له وجهة نظر فهو بكل الأشكال ضيعها بأيده ف السخرية الرهيبة و التى أفقدت كلامه معاناه
مانا ممكن أقولك "إيه ده , إنت بتتكلم كدة ليه ؟ إنت سافل و قليل الأدب " و تشتمنى و أشتمك و يبقي الموضوع بزرميط , ما خذا التخلف العقلى ؟؟؟؟؟؟؟؟؟؟
شكلك معبى منه كتير يا (ملكش دعوة) !!
4 - النقطة الأكثر أهمية فى النقاط المنطقية , إن إحنا بنتكلم على (الإزعاج الصادر من مكبرات الصوت )
اللى مش عارف يضرب ف النقطة دي بالذات تلاقيه بيلوش , فيظهر بقي الكلام عن الأنابيب و الديجيهات و كلاكسات العربيات و عبودة السمكرى و مش عارف إيه و أيه و ايه .........
إيه ده ؟؟؟؟؟؟؟؟؟
إحنا بنتكلم ف نقطة محددة و واضحة , إنه الخيال العلمى اللى بيطلع ده ؟؟
أيوة ماشى السمكرى مزعج و العربيات مزعجة و الانابيب مزعجة و كلام صح , طب و بعدين ؟؟؟
النقطة إن مش هوة ده الموضوع و مش هوة ده محور النقاش ,
ماجيش أكلمك ف إن المكبرات يساء إستخدامها تقوللى ( يا سلام ؟ طب و السمكرية)
يا جماعة الكلام ده حاجة و ده حاجة تانية .
الكلام ده وجهة نظر شخصية أرجو التمعن فيها عند مراجعة الحوار
و شكراً
كلام الشيخ الشعراوى و فتوى الشيخ بن عثيمين فى موضوع المكبرات
أرسل هذا التعليق بواسطة : مواطن مصرى مسلم مفروس من المصريين
قبل مماته و فى فيديو مسجل على السي ديهات الدينية بالصوت و الصورة
سأل الصحفى الشيخ الجليل (محمد متولى الشعراوى) فى أحد اخر اللقاءات الصحفية التى أجريت معه :
إيه رأى حضرتك ف موضوع الميكروفونات ؟؟
قالها الشيخ الشعراوى صراحةً :
الميكروفونات دي قلة أدب !!!!!!!!!!!!!!!!!
هكذا قالها والله العظيم بلا أى مواربة و لا نفاق و لا خجل و لا أى شيء .
و عاد ليستطرد فيما معناه :
أنا ببقي قاعد فى بيتى و صوت البائع المتجول يدخل على بدون إستئذان و أنا داخل منزلى , و هذا الأمر مثله تماماً .
إن شاء الله ساحاول الحصول على المقطع المسجل له مرة ثانية من صديق و سأحمله لكم على يوتيوب و أضع رابطه هنا.
فتوى الشيخ بن عثيمين فى موضوع المكبرات :
كان هذا نص السؤال
كثر في الآونة الأخيرة استعمال أئمة المساجد لمكبرات الصوت الخارجية والتي غالباً ما تكون في المئذنة وبصوت مرتفع جداً وفي هذا العمل تشويش بعض المساجد على بعض في الصلاة الجهرية لاستعمالهم المكبرات في القراءة . فما حكم استعمال مكبرات الصوت في الصلاة الجهرية إذا كان مكبر الصوت في المئذنة ويشوش على المساجد الأخرى ؟
فأجاب :
"ما ذكرتم من استعمال مكبر الصوت في الصلاة الجهرية على المنارة فإنه منهي عنه ؛ لأنه يحصل به كثير من التشويش على أهل البيوت والمساجد القريبة، وقد روى الإمام مالك رحمه الله في الموطأ(178) من شرح الزرقاني في (باب العمل في القراءة) عن البياضي فروة بن عمرو – رضي الله عنه – أن رسول الله صلى الله عليه وسلم خرج على الناس وهم يصلون وقد علت أصواتهم بالقراءة فقال : "إن المصلي يناجي ربه فلينظر بما يناجيه به ولا يجهر بعضكم على بعض بالقرآن" . وروى أبو داود (1332) تحت عنوان : ( رفع الصوت بالقراءة في صلاة الليل ) عن أبي سعيد الخدري – رضي الله عنه – قال : اعتكف رسول الله صلى الله عليه وسلم في المسجد فسمعهم يجهرون بالقراءة فكشف الستر وقال : " ألا إن كلكم مناج ربه فلا يؤذين بعضكم بعضاً ، ولا يرفع بعضكم على بعض في القراءة ، أو قال في الصلاة " . قال ابن عبد البر : حديث البياضي وأبي سعيد ثابتان صحيحان .
ففي هذين الحديثين النهي عن الجهر بالقراءة في الصلاة حيث يكون فيه التشويش على الآخرين وأن في هذا أذية ينهى عنها. قال شيخ الإسلام ابن تيمية رحمه الله (23/61) من مجموع الفتاوى : ليس لأحد أن يجهر بالقراءة بحيث يؤذي غيره كالمصلين .
وفي جواب له (1/350) من الفتاوى الكبرى : ومن فعل ما يشوش به على أهل المسجد، أو فعل ما يفضي إلى ذلك منع منه اهـ .
وأما ما يدعيه من يرفع الصوت من المبررات فجوابه من وجهين :
الأول : أن النبي صلى الله عليه وسلم نهى أن يجهر بعض الناس على بعض في القرآن وبين أن ذلك أذية ، ومن المعلوم أنه لا اختيار للمؤمن ولا خيار له في العدول عما قضى به النبي صلى الله عليه وسلم ، قال الله تعالى : ( وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالاً مُبِيناً ) .
ومن المعلوم أيضاً أن المؤمن لا يرضى لنفسه أن تقع منه أذية لإخوانه .
الوجه الثاني : أن ما يدعيه من المبررات – إن صح وجودها – فهي معارضة بما يحصل برفع الصوت من المحذورات فمن ذلك :
1- الوقوع فيما نهى عنه النبي صلى الله عليه وسلم من جهر المصلين بعضهم على بعض .
2- أذية من يسمعه من المصلين وغيرهم ممن يدرس علماً أو يتحفظه بالتشويش عليهم .
3- شغل المأمومين في المساجد المجاورة عن الاستماع لقراءة إمامهم التي أمروا بالاستماع إليها .
4- أن بعض المأمومين في المساجد المجاورة قد يتابعون في الركوع والسجود الإمام الرافع صوته ، لاسيما إذا كانوا في مسجد كبير كثير الجماعة حيث يلتبس عليهم الصوت الوافد بصوت إمامهم ، وقد بلغنا أن ذلك يقع كثيراً .
5- أنه يفضي إلى تهاون بعض الناس في المبادرة إلى الحضور إلى المسجد ؛ لأنه يسمع صلاة الإمام ركعة ركعة ، وجزءاً جزءاً فيتباطأ اعتماداً على أن الإمام في أول الصلاة فيمضي به الوقت حتى يفوته أكثر الصلاة أو كلها .
6- أنه يفضي إلى إسراع المقبلين إلى المسجد إذا سمعوا الإمام في آخر قراءته كما هو مشاهد ، فيقعون فيما نهى عنه النبي صلى الله عليه وسلم من الإسراع بسبب سماعهم هذا الصوت المرفوع .
7- أنه قد يكون في البيوت من يسمع هذه القراءة وهم في سهو ولغو كأنما يتحدون القارئ وهذا على عكس ما ذكره رافع الصوت من أن كثيراً من النساء في البيوت يسمعن القراءة ويستفدن منها وهذه الفائدة تحصل بسماع الأشرطة التي سجل عليها قراءة القراء المجيدين للقراءة .
وأما قول رافع الصوت إنه قد يؤثر على بعض الناس فيحضر ويصلي لاسيما إذا كان صوت القارئ جميلاً ، فهذا قد يكون حقاً ، ولكنه فائدة فردية منغمرة في المحاذير السابقة .
والقاعدة العامة المتفق عليها : أنه إذا تعارضت المصالح والمفاسد ، وجب مراعاة الأكثر منها والأعظم ، فحكم بما تقتضيه فإن تساوت فدرء المفاسد أولى من جلب المصالح .
فنصيحتي لإخواني المسلمين أن يسلكوا طريق السلامة ، وأن يرحموا إخوانهم المسلمين الذين تتشوش عليهم عباداتهم بما يسمعون من هذه الأصوات العالية حتى لا يدري المصلي ماذا قال ولا ماذا يقول في الصلاة من دعاء وذكر وقرآن .
ولقد علمت أن رجلاً كان إماماً وكان في التشهد وحوله مسجد يسمع قراءة إمامه فجعل السامع يكرر التشهد لأنه عجز أن يضبط ما يقول فأطال على نفسه وعلى من خلفه .
ثم إنهم إذا سلكوا هذه الطريق وتركوا رفع الصوت من على المنارات حصل لهم مع الرحمة بإخوانهم امتثال قول النبي صلى الله عليه وسلم : " لا يجهر بعضكم على بعض في القرآن ". وقوله : " فلا يؤذين بعضهم بعضاً ، ولا يرفع بعضكم على بعض في القراءة " . ولا يخفى ما يحصل للقلب من اللذة الإيمانية في امتثال أمر الله ورسوله وانشراح الصدر لذلك وسرور النفس به اهـ .
وقال أيضاً :
" ولا مانع أن يستثنى من ذلك المسجدان المكي والنبوي ، وكذلك الجوامع في صلاة الجمعة ؛ لأنه ربما يكون بعض المصلين خارج المسجد فيحتاجون إلى سماع صوت الإمام بشرط أن لا تكون الجوامع متقاربة يشوش بعضها على بعض ، فإن كانت كذلك فإنه توضع سماعات على جدار المسجد تسمع منها الخطبة والصلاة وتلغى حينئذ سماعات المنارة لتحصل الفائدة بدون أذية للآخرين" اهـ .
انظر : "مجموع فتاوى ابن عثيمين" (13/74-96) .
المصدر:
http://www.islamqa.com/index.php?ref=38521&ln=ara
أميل للإعتقد أن هذه الفتاوى من شيخين بحجم الشيخ الشعراوى و بن عثيمين تقطع الشك باليقين أمام كل من يتكلم بجهل و أمام كل من يصرخ بتعصب أحمق و أمام كل من يدعى الغيرة على الإسلام و الإسلام من جهله براء.
و أدعوكم جميعاً لقراءة هذا المقال عن قرار الوزارة السعودية للشئون الإسلامية بحصر إستخدام مكبرات الصوت لأغرض الأذان و الإقامة و صلوات الجمعة و العيدين و الإستسقاء فقط:
http://www.asharqalawsat.com/details.asp?section=3&article=326325&issue=9806
أرجو من كل ذى عينين أن يلاحظ العبارات التالية:
-قد لا يناقش كثير من الناس القلق والإزعاج اللذين تسببهما مكبرات المساجد بسبب ارتفاعها على مآذن المساجد، وذلك للمكانة التي يحتلها المسجد في قلوب الناس، لكن الواقع يقول ان كثيرا من الناس يهربون من مجاورة المساجد بسببها
-"ووجدت أطفالي يبكون، سألتهم: لماذا تبكون؟ قالوا الشيخ في المسجد يتحدث ويبكي، وبكينا معه لأن بكاءه كان مخيفاً".
-إذا دخلت إلى المسجد لا تجد أكثر من عشرة أفراد، بينما هناك من لديه مريض أو طفل يحتاج إلى الهدوء أو من عاد من العمل لا بد أن يستمع إلى الدرس كاملاً
-و الأخ الوحيد فى المقال الذى وافق يقول أن
والدته تستمع للدروس بالمنزل لذا فهو يوافق على إذاعتها
, و أقول " و هل يعقل هذا أن نقيم التصرفات الجماعية على شواذ القاعدة؟؟"
هل يعقل أن نضحى بالهدوء و بسلامة أعصاب الأطفال من أجل حالات فردية لها من البدائل لسماع الدروس لا بديل و لا إثنان و لكن العشرات بمعنى الكلمة لسماع دروس العلم.
كيف ندعى أن المجتمع فى حالة قبول تام لمثل هذه التصرفات و المقال يقولها صراحةً أن الأراضى التى تجاوز المساجد تفقد 10% من قيمتها البيعية , و 25 % من قيمتها التأجيرية , و يتأخر تعميرها و لا يفكر مالكوها فى إستثمارها لذات السبب
برضه عجبت لك يازمن
أرسل هذا التعليق بواسطة : عجبت لك يازمن
ممنوع فتح المساجد إلا في أوقات الصلاه-- ممنوع إعتلاء المنابر إلا برخصة- ممنوع الكلام في أمور البلد او في السياسة في خطب الجمعة- ممنوع الخطابة إلا لخطباء الأوقاف- ممنوع الآذان في مكبرات الصوت- ممنوع بناء المآذن فوق المساجد- ممنوع بناء المساجد من أصله- ممنوع التجاوز عن اللذين يطلقون لحاهم- ممنوع التظاهر في دور العبادة" المساجد يعني"- ممنوع الشعارات الدينية في الانتخابات ولا في غيرها- ممنوع ختان البنات- ممنوع الاعتراض على تعيين المرأة قاضية وبدون ختان- ممنوع على الأزهر ورجالته الكلام في السياسة ولا حتى الكلام في الدين ولاحتى الكلام من أصله-ممنوع إقامة دولة إسلامية على حدود مصر - ممنوع إعادة فلسطين وممنوع إعادة اللاجئين وممنوع إعادةالأقصى وممنوع بالمردة إعادة الفلسطينين من معبر رفح- ممنوع الكلام مع الإخوان ممنوع الكلام مع حماس ممنوع الكلام مع الجماعات الاسلامية - ممنوع انك تحتج وممنوع انك تحج وممنوع انك تختار وممنوع انك تحتار وممنوع انك تعيش وممنوع انك تموت وممنوع انك تسافر وممنوع انك تقعد وممنوع انك تفرح وممنوع انك تزعل وممنوع انك تتمرد وممنوع انك تمرض وممنوع انك تشفى وممنوع انك تعترض وممنوع انك تفترض وممنوع انك تجزم وممنوع انك تربح وممنوع انك تخسر .......
دي إرشادات بتنقال في ودن كل مولود مكتوب في شهادة ميلادة انه مصري......ومسلم
ستبقى الله اكبر عالية فى سماء مصر رغم انووووووووووف الحاقدين
أرسل هذا التعليق بواسطة : واحد من مصر الاسلامية
انا فعلا اتعجب ممن يقول ان صوت الاذان الذى يستمر دقيقتين او ثلاثة على اقصى تقدير يسبب ازعاجا واضطرابا للنائمين؟؟
سبحان الله ..
وهل اقتصرت الاصوات العالية على الاذان الذى يذكر فيه اسم الله؟
الا نبتلى كل يوم بهذا البائع المتجول او اصوات الافراح او حتى البقال اللى تحتنا واللى بيتحفونا كل يوم بمجموعة من الصريخ والاصوات الصاخبة ممن يسمونهم الفنانين والمغنيين!!
الا تكفى اصوات السيارات التى تسد الاذان وتصمها؟
انا اعلم يقينا ان كلمة "لا اله الا الله محمد رسول الله" .....عمرها ما تزعج مسلم حتى لو كان بينه وبين الاسلام عقودا طويلة من البعد والهجر......فقط تزعج كل من لايؤمن بها ممن لايريدون لامسجدا ولاصلاة ولااذانا......
نعــــــــــــــــــــــــــــــــــــــــم ينزعج من الاذان من يجرى ويغلقه اذا سمعه فى قناة من القنوات,,,
وحتى لو حلف اى شخص بالايمان المغلظة انه مسلم ولكنه ينزعج من الاذان فلن اصدقه,,,لانه ليس هناك مسلم ينزعج من مصدر عزته وفخره حتى لو كانت اصوات المؤذنين على غير مايرام ولكن يبقى الاذان يذكرك بدينك وبعقيدتك كلما سمعته,,,
يجعل المجرم يتوقف عن استكمال جرمه والعاصى يتذكر الله وينتفض عند سماع الاذان وربما توقف عن معصيته اجلالا لكلمة الله.
نعـــــــــــــــــــــــــــــــــــــم الاذان يجعل الانسان فى حنين وشوق الى العودة الى الدين والالتزام والطهر بعيدا عن المعاصى والذنوب التى تغرقه.
انا اكتب هذا الكلام وكلى اخطاء ولكن احب ان اسمع الاذان وكل مايربطنى بالاسلام عسى الله ان يهدينى....
حتى ابسط ما يربط الانسان بدينه ويذكره به كل يوم يريدون ان يحرمونا منه....
فحسبنى الله ونعم الوكيل فى كل من يحارب شعائر الاسلام فيما غير المسلمين يعملون ما يحلو لهم فى دور عبادتهم ولا ينكر احد عليهم افعالهم.
وأشكرررررررررررررررررررررر صاحب الموضوع واقول له "الله يجزيك الخير" على اهتمامك بأمور المسلمين....................
لأ , كدة بقي إحنا بنهبل و بنقول أى كلام , و النبى كل واحد عنده رد على الكلام و الفتاوى اللى ذكرتها يتكلم , و اللى مش عارف يتكلم يخرس خالص مادام هيهطل .
هو إنت و هو عشان مش عارفين تردوا ع الحجة بالحجة بتقولوا أى كلام أشعار و خلاص ؟؟؟
أى حاجة عن عزة الإسلام ف أى حاجة عن رفعة الأمة ف أى حاجة من هنا و هناك ؟؟؟؟
هوة أى بتنجان ؟؟ و كله عند العرب صابون ؟؟؟؟
أقولك فتوى الشيخ الشعراوى و بن عثيمين برضه تقاوح بلا حجة ولا أى شيء سوى أنه رأى شخصى و تقوللى (رغم أنوف الحاقدين) يا بنى جحش ؟؟؟
الله يخرب بيوتكوا مليتوا البلد
ألف حمد و ألف شكر لك يا رب إنكم مش عامة الناس , ربنا يكفينا شرّكوا