عفوا.. الأهلي لن يسقط

أربع مباريات من العيار الثقيل خاضها النادي الأهلي في أسبوعين، وجميعها مباريات حاسمة سواء على المستوى المحلي (بطولة كأس مصر)، أو على المستوى القاري (دوري الأبطال الأفريقي)، وجميعها انتهت بتفوق المارد الأحمر بدرجة 10 من 10.

الغريب أن مع كل مباراة كان البعض ينتظر سقوط الأهلي- ولا أعرف السبب-، ولكن الأهلي يخذل توقعات منافسيه، فيلعب ويفوز وينتصر، ومع كل نصر تخرج الأقاويل بأن السقوط في المباراة التالية أمر لا بد منه، وأن السقوط آتي لا محالة، والهزيمة ستلاحق البطل الكبير حتما، وتخرج الأقلام لتكتب السؤال الشهير: "متى يسقط الأهلي"؟!!

هلال..إسماعيلي..زمالك..أسيك

البداية كانت مع فريق الهلال السوداني في الجولة الأولى من دوري الأبطال الأفريقي، وأنتظر البعض الهزيمة الأولى لبطل القارة، خاصة مع فوز الهلال على الزمالك في دور الـ32 في نفس البطولة.. ولكن الأهلي يفعلها ويهزم الهلال بهدفين نظيفين رافضا تكهنات الهزيمة.

وتأتي المباراة التالية (الأهلي× الإسماعيلي) في الدور قبل النهائي لبطولة كأس مصر.. الهزيمة حتمية هذه المرة، والنهائي أكيد سيكون زمالك وإسماعيلي، خاصة أن الإسماعيلي هزم الأهلي مرتين في الدوري هذا العام .."يعني التالتة تابته بعد ما خده رايح جاي"!

لكن الأهلي يخذل "أعداء النجاح" ويهزم الإسماعيلي ويصعد لنهائي الكأس لمواجهة غريمه التقليدي الزمالك.

المباراة التالية المصيرية في نهائي الكأس، الزمالك عايز بطولة وروحه أعلى من الأهلي، والسقوط الأهلاوي قادم مثلما هُزم في الدوري في القمة 99، لكن يأبى الأهلي السقوط للمرة الثالثة، ويهزم الزمالك ويتوج بالكأس الغالية، بعد أن لعب أفضل مباراة في تاريخ مواجهات الفريقين أو قل في تاريخ الكرة المصرية.

المباراة الرابعة، الأهلي أمام أسيك الإيفواري، مواجهة أفريقية من العيار الثقيل، السقوط هذه المرة أكيد خاصة بعد الإجهاد الكبير أمام الزمالك.. "أسيك هيمرمط الأهلي، ده منغلبش على ملعبه من 12 سنة، وعمر ما فريق عربي كسبه على أرضه".. وتأتي المواجهة ويتعملق الأهلي ويهزم أسيك في مباراة رائعة، يتصدر بها المجموعة الثانية، ويرفض الأهلي السقوط للمرة الرابعة على التوالي.

ويرفض كذلك أن يعطي إجابة شافية لكل من يحمل في صدره السؤال التقليدي.. "متى يسقط الأهلي"؟

وأعتقد أن الإجابة لن تكون سهلة مستقبلا، والسقوط لن ينال الأهلي بسهولة، ولدي أسبابي..

- الأهلي الآن فريق عالمي -"في اللعب وصلوا العالمية" على رأي نانسي عجرم- بمعنى أن التقليل من شأنه والاستهانة به وطرح فكرة السقوط يجب ألا تكون بهذا الشكل.

- إدارة الأهلي وصلت لمرحلة من الاحتراف والوعي من الصعب التراجع فيها، لأنها منظومة تسير بخطة وعقل وتنظيم وبدون أي مصالح أو أهداف شخصية.

- الأهلي يسانده جمهور "يحرك الصخر" وأقل ما يوصف به أنه جمهور عظيم..

جيل أهلاوي جديد

وهنا يجب ألا ننسى الجيل الأهلاوي الجديد من الأطفال الذين لا يتجاوز عمرهم عدد أصابع اليد الواحدة، فما عليك أن تسألهم السؤال المعتاد..أنت أهلاوي ولا زملكاوي؟، لتنطلق الإجابة البريئة دون تفكير "أهلاوي".. طيب بتحب مين في الأهلي؟ .."متعب وأبو تريكه وبركات وفلافيو"(مع الأخذ في الاعتبار عدم النطق الصحيح أحيانا).

جيل جديد عرف في مئوية ناديه معنى العمل بجد وإخلاص حتى ينال حب الناس..

جيل جديد تتردد على لسانه أغنيات تمجد الأهلي وبطولاته ولاعبيه..

أخيرا..

مع كل هذه الانتصارات، ومع روح تأبى السقوط، لا أجد إلا الغناء مع هؤلاء الأطفال وعلى أنغام "سعد الصغير"..

الأهلي.. الأهلي.. الأهلي..

سلام كبير لنادي الأهلي..

والله وعملوها الرجالة .. ورفعوا راس مصر بلدنا

قشطة يا أبا .......

ايوة كده ..... عايزين حد يرد علي هذه الأقلام المتآمرة .. والأيدي المتشككة ...

أهلي إلي الأبد بالعربي .... فور إيفر بالإنجليزي .... ".....؟ بالفرنساوي " ...

ولا عزاء لغير ذلك ....

الزمالك لأ ... الإسماعيلاوية لأ ولأ .... قبلي لأ .... وبحري؟ ممكن نشوف .....

إنما الأهلي ............................

أهلي أهلي ... .أوه أوه ....

وعذرا ... فنحن في زمن الأهلي ....

ومش حاسكت برضه

لا للتمديد ... لا للتوريث ... نعم لتعديل الدستور المصري "لا جدوي لهذه الكلمة .. فالمشكلة أكبر وأعظم"

تقدروا تنورونا دلوقتي

مدونة مش حاسكت ...

http://mesh7askot.blogspot.com/

الله يا عجم

يا سلام قول يا عجم و سمعنا و سكت كل عزالنا

لا زمالك و لا غيره الاهلى فرحنا كتر خيره

و تحيه اهلاويه لكل اهلاوى و اهلاويه بماتش اسيك امبارح

كفايه ان انجازات الاهلى هى الحاجه الوحيده المفرحه ف البلد

و مع انى مبحبش الاخ العزيز سعد الصغير لكن علشان الاهلى اقول ابو تريكه طالع لابوه كل الناس بيحبوه

عماد متعب عماد متعب اسك برا را را اسك برا را رى

و شوقى و شوقى و الحضرى و الحضرى ارقص يا حضرى ارقص يا حضرى

الاهلي هوا الملك

أرسل هذا التعليق بواسطة : داليا

الاهلي هوا الملك وهيفضل كده ان ش1اء الله على طول ويشرفنا وزي ماخلصنا على الكتاكيت الصفرا خلصنا على الفراخ البيضا الاهلي هما الديوك الحمرا

ياسلام عليك يأبو تريكة ...ياتريكة يابو

أرسل هذا التعليق بواسطة : محمدالأهلاوي

طفينا نور الهلال وقضينا على الكتاكيت الصفراء والفراخ البيضاء وكمان الأفيال العاجية ياترى الدور على مين

هو حد قال ان الاهلى سيسقط !!!!!!

أرسل هذا التعليق بواسطة : zamlkawy

الاعلام كله والناس كلها كانت واثقة منفوز الاهلى فى كل المباريات السابقة باستثناء مباراة اسيك وده كان خوفا من الاجهاد لذلك لا اجد مبرر لهذه المقالة المستفزة الغير مفيده بمفهومها ليس بمضمونها

عالمية ايه.....!!!!!

أرسل هذا التعليق بواسطة : الزمالك راجع باءذن الله

انتوا صدقتوا انكو نادى عامية فوقوا من الوهم بقى

الزمالك اسد افريقيا ...!!!

أرسل هذا التعليق بواسطة : زمالك زمالك

الاهلى لسة محصل ارقام وبطولات الزمالك الافريقية فى الثلاث سنوات الماضية وان شاء الله الزمالك راجع وبقوة

الاهلاويه اهما

داليا و محمد الاهلاوى تعليقاتكو سكر

هما دول الاهلاويه خفه الدم و المفهوميه

أرسل هذا التعليق بواسطة : خارج نطاق الخدمة

أولا عشان ماحدش يفهمني غلط أنا مش زملكاوي لكن مش أهلاوي أنا مجرد متابع لأني توقفت عن متابعة الكرة المصرية ما عدا طبعا مباريات المنتخب

مع كل احترامي لإنجازات الأهلي إلا إن الأهلي ما واجهش فرق حقيقية باستثناء ماتش الزمالك اللي كان فعلا يستحق وصف ماتش أوروبي ولما يبقى حال كل الماتشات في مصر وأفريقيا بالشكل ده ساعتها ممكن نقول إن احنا عندنا كورة في مصر

لما يكون الدوري لحد آخر ماتش مش محسوم ونشوف ماتشات حقيقية زي اللي بنتفرج عليها في البطولات الأوروبية في الحالة دي يبقى للكورة المصرية وزن حقيقي على مستوى العالم

لحد ما نوصل للحالة دي رجاء من أي مشجع لأي فرقة من فرق مصر إنه ما يفرحش زيادة عن اللزوم بالإنجازات المتحققة لأن كتير منها مش حقيقي ما عدا الحالات الشاذة زي كأس مصر الأخير اللي فاز بيه الأهلي بعد فوزه على الزمالك في ماتش فعلا أكتر من رائع

الاهلى عالمى!

أرسل هذا التعليق بواسطة : محمود مهدى

برشلونة 3 - 0 الاهلى... ودى مش سخرية بس مجرد توضيح لكلمة عالمية

العالمية مش مجرد تأهل فريق لبطولة عالمية او حتى الفوز بها

هو اي كلام و السلام

أرسل هذا التعليق بواسطة : مشجع لفريق ناجح

مش ساعة ما حد يقول فريق عالمي يطلع بتوع حزب اعداء النجاح ليقولوا و مباراة برشلونة , دي مباراة لها ظرفها مباراة ودية ,اللاعبين راهبين الموقف , الحمل كبير و مفيش لياقة كويسة , لكن عندما يلعب الاهلي بلياقة جيدة و بروح الفانلة الحمراء, و بدون خوف او رهبة يتعب اقوى الفرق العالمية.

الاهلى فاز بدوري الابطال عامين متتاليين و بالسوبر كذلك و صار اول فريق يتاهل للبطولة عامين متتاليين و يتصدر الان مجموعته الافريقية و يسعى لبث قناة خاصة و انشاء استاد عالمي و ......................

و لكن سؤال اخير ماذا فعل الاخرون ليكونوا حاقدين... الاهلي لعب مع انترناتسيونالي و كلوب امريكا و برشلونة و من قبل الريال و الايكس و روما و مع من لعب الاخرون ؟!!!!!!!!!!

شبرا الخيمه

أرسل هذا التعليق بواسطة : احمد فؤاد

مساااااااااء الخيييييييييييير,,,,,,,,,, الاهلى هو الاساس و على رأى المثل *جلنا البيض-الصفر أو حتى السمر الاهلى هيفضلوا النسور الحمــــــــــــــــــر***

وحيد القرن

أرسل هذا التعليق بواسطة : اهلاوى حمار

الزمالك هو الزمالك لما يحصلوا الحمير الحمر بطولات الزمالك الافريقية وغيرها يبقى فية تكافؤ انما زيطة وزنبليطة وخيار وفاقوس ونادى القرن اوو حيد القرن

لسه فيه زمالك

أرسل هذا التعليق بواسطة : طارق عبد الحليم

الزمالك اصلا توفى من خمس سنوات ومن الصعب انه اصلا يوصل للمحليه يبقى تسيبك بقى من الكلام ده وشجع الحى ... العالمى .. الاهلى العالمى ببطولاتة اللى انتم كنتم بتقولو الحكام..الحكام ..هم اصحاب البطولات ..ياترى الاهلى كان بيأخد معاه 18 لاعب وادارى ومدير فنى وطبيب ....وحكم ... اصحى.....؟ 11 بطوله فى سنتين فيه ايه تانى ...ده ريال وبرشولونه

معملوهاش....