2..4..6..8 آلو آلوووو

أضف رقم (..) إلى يسار الرقم المطلوب...

هذه هي الرسالة المسجلة من جانب الشركة المصرية للاتصالات والتي تسمعها بمجرد طلبك أي رقم تليفون في القاهرة والجيزة والقليوبية، لتنبهك إلى زيادة الأرقام إلى 8 أرقام..

زيادة رقم على اليسار سيكون في المرحلة المقبلة بالإسكندرية ثم تتبعها باقي المحافظات، نظرا لزيادة أعداد المشتركين في الخدمة التليفونية إلى ‏11‏ مليون مشترك علي مستوي الجمهورية‏‏، وبزيادة مليون مشترك سنوياً‏‏، لذا كانت الزيادة إلى 8 أرقام والتي بررتها الشركة بإعلانها..(رقم زيادة يعني خدمة زيادة)!

لكن هذه التغيرات لم تمر بسلام، وتعددت المواقف وردود الأفعال حول هذه الزيادة..

بتونس بالسماعة

رغد حمدي،28 سنة، تقول بسخرية: "يزودوا رقم أو ينقصوا رقم مش فارقة كتير.. بتونس بسماع الصوت اللي بيقول (من فضلك أضف رقم 3 على يسار الرقم المطلوب)، لكن كان من الأولى أن يضيفوا هذه الأرقام للاشتراكات الجديدة فقط وألا يحدث تعديل في الأرقام القديمة".

ريهام هانى، 25 سنة، تعلق على هذا القرار قائلة: "حاجة رخمة.. فكل مرة أتصل بالبيت أنسى الرقم الجديد وأضطر للاتصال مرة أخرى، وكان موقفا مزعجا عندما تعطلت عن عملي في الصباح بسبب مرور موكب رئيس الوزراء، فحاولت الاتصال بإحدى صديقاتي علشان أقولها تمضيلي، لكن للأسف السنترال قال لي إن الرقم مش موجود في الخدمة بدلا من أن يقول لي أضف رقما وهو ما تسبب لي في خصم!!".

هشام مصطفى، 20 سنة، يستفسر عن إعلان الشركة "رقم زيادة يعني خدمة زيادة"، معتبرا أنهم يضحكوا على الناس ولا معنى لهذه الزيادة إلا إن كان قصدهم زيادة قيمة الفواتير!

أضف رقم 3

دعاء بدر،22 سنة، كانت تتصل بصديقتها في محافظة كفر الشيخ وسمعت الرسالة المسجلة تقول لها "أضف رقم 3" وهي لا تستوعب الموقف، أما الشيء الغريب فهو أن كل مجموعة مراكز في المحافظة لها رقم زيادة مختلف يعني بعضها أضيف له رقم 2، والآخر أضيف له رقم 3 وهكذا.

علياء علاء،21 سنة، تحكى عن موقف طريف حدث لها مع هذا التغيير، فقد كانت في عيادة دكتور الرمد، وسألها الدكتور على رقمها فأعطته الرقم القديم، وقالت أختها الصغرى بتلقائية "وزود 3"!.

أحمد غالى، 22 سنة، قال: "الزيادة مش فارقة كتير، وبعدين دي حاجة طبيعية لأن زيادة أعداد المشتركين يحتم على الشركة تكبر الأرقام، يعني التليفونات زمان أول ما بدأت كانت ثلاثة وأربعة أرقام، وافتكر أن رقم تليفونا القديم كان 6 أرقام".

سمعا وطاعة

إيمان كامل،30 سنة، وصفت هذا التغيير بأنه مستفز عشان كل مره بتطلب النمرة غلط، كما تشعر بالضيق من الرقم الجديد لطوله.."كنت أحس بالألفة بيني وبين رقمي القديم بسبب أرقامه المميزة، لكن خلاص تغير وبقى أمرا واقعيا".

أما محمد أحمد،31 سنة، فقد فوجئ بتغيير رقم تليفون منزلهم عندما كان يتصل بوالدته من العمل، ويعلق: "كان من المفترض أن يعاملونا كبني آدميين من خلال نصف ساعة يخصصوها في التلفزيون يشرحوا فيها التغيير وأسبابه، فمن حقنا أن نفهم، المشكلة التانية لو حد مسافر لفترة ورجع مش هيعرف يتصل على حد نهائي لأن الرسالة تحذف، النقطة الأخيرة أن الحكومة تعاملنا أسوأ من العبيد يعني تضعك أمام أمر واقع لا تملك وقتها غير السمع والطاعة"!!.

بعد كتابة هذه السطور حاولت الاتصال برقم منزلي الذي زاد رقم 2 منذ أقل من شهر، فوجدت الرسالة التالية: "الرقم المطلوب غير موجود بالخدمة"!!

ميش قوي

أرسل هذا التعليق بواسطة : سندياد

هي رخمة شوية حوار الزيادة عشان رقم تليفونك حبيبك والكلام ده كله والرسالة الضايعه اللي شالوها خلاص بس في الآخر ده هيحسن الخدمة.

أنا برضو

أرسل هذا التعليق بواسطة : أنا

موضوع بأمانه سخيف جدا جدا ومالوش لازمه خالص هبل فى هبل وايه يعنى لما يزودوا رقم ولا ينقصوا رقم هتضروكوا فى ايه يعنى يعنى القصة مش محتاجه موضوع وتحقيق ايه السخافة دى

أرسل هذا التعليق بواسطة : ايمان كمال

موضوع هايل بجد لسبب مهم جدا ان معظم الارقام اللى اعرفها باظت لانى لما بطلبها بتكون مش موجوده بالخدمه وببقى مش عارفه ازود 2 ولا 4 ولا ايه وفعلا الواحد حاسس بغربه مع رقم بيته لما حد بيسالنى عن رقمى بلخبط دايما وبكون محرجه طبعا بس لان الواحد اتعود المهم ياريت دايما موضوعاتك الحلوه يا مروه

استهتار

أرسل هذا التعليق بواسطة : محمد بدر

فعلاً قمة الأستهتار بالناس يعني انا واحد معرفتش بموضوع التخير دا الا لما تعبت فدوست علي الرقم المسجل في الاتصال السريع بالمستشفي برقم الطوارئ.. طبعاً متصلش وفي حالتي معرفتش اركز اعمل ايه.. ولالا وصول اختي بعدها بدقائق مكنتش قدرت اكتب السطور دي ..

حق المشترك

أرسل هذا التعليق بواسطة : محمد عبد العاطي

بالطبع دب مشكلة كبيرة ان يكون في مشتركين تتغير نمر تيلفوناتهم من غير ما يكون في اخطار ليهم او موافقتهم علي التغير دا وفي نفس الوقت التغير لما تم متمش بطريقة منطقيةيعني ميبقاش مناطق ومناطق علي الاقل كان يبقي القاهرة والجيزة كلهم رقم واحد

المفترض ان جهاز خدمة المستهلك يدخل ويعترض علي اللي حصل لان التعدي دا زيه بالضبط ويمكن ابشع من زيادة الأسعار وغش المنتجات

طبعاً الموضوع دا مهم جداً واي حد يشوف غير كدا يبقي مش فاهم يعني ايه حقوق للمواطن والمستخدم ومش فاهم يعني ايه انسان عنده كرامه وعادي جداً انه ياخد علي قفاه وهو نفسه ممكن يقول كمان

التحقيق فعلاً رصد مشكلة ممكن الناس السطحية التافة متقدرش تقدر خطورتها انما هو بالفعلبيبرز مشكلة كبيرة جوا بيت كل واحد فين

ا موضوع هايل يا مروه

موضوع مش حلو

أرسل هذا التعليق بواسطة : عادي

فعلا موضوع غبي أوي يا مروة ..ايه يعني يزيد رقم أو ينقص.. ولاالأخت بتاعت زحمة المرور..اظن ان مش مشكلة لو طلبت رقم غلط في الاول ورجعت طلبته تاني..ايه الصعب في كده..يومين وهتتعودوا عادي يعني ...ما انتو متعودين ع الهم 25 سنة ...تعبتوا من رقم زيادة؟

عيب يا مروة مش دي موضوعاتك الحلوة

خلينا في اقباط المهجر شوفو بيقولوا علينا ايه

ولكي نختصر الطريق نقول ان هناك كاتبة تدعي زينب عبد العزيز كتب في هذه الصحيفة بتاريخ 8 يوليو 2007 تحت عنوان (ويبقي الحوار الديني الامين هو السبيل للتعايش) كتبت هذه الكاتبة مقال لا نعرف اذا كان شتائم ام اكاذيب ام اوهام ام خرافات ام ازدراء بالديانة المسيحية ام ماذا المهم انه مقال موقع ادناه بلقب دكتورة زينب عبد العزيز وواضح انها من حملة الدكتوراة اياها بتاعة الازهر او بمعني ادق بتاعة رضاعة الكبار وشرب بول كل الحيوانات وايضآ بول الرسول ..... الخ ولم اجد ترابط في هذا المقال لكن للحق فأنه مقال اسلامي لايكتبه الا داعية اسلامية لما فيه من الاسس والقواعد التي تبيعها الكتاب والدعاة الاسلامية من كذب وتضليل وتهجم علي العقائد الصحيحة والتمجيد في العقيدة الكاذبة .... الخ

تتصوروا يا جماعة ناس مسيحيين عايشين في اكبر دولة اسلامية ما يقولوش عن الاسلام الا الكلام الفارغ دا

الاسلام اللي حكم نصف الكرة الارضية الف سنه

lel 7omar ele fo2e , enta shareb haga wala enta el habal da rakbak dayman