حصلنا الرعب !

حكايات كثيرة كان لها تأثير علينا ونحن صغار، لكن أغلبها كان تأثيره علينا سلبيا خاصة حكايات أمنا الغولة، وأبو رجل مسلوخة.. وكذلك كان ذكر كلمات ما تسبب لنا الرعب مثل البعبع والعفريت والعو..

إلى جانب ما سبق فهناك أشياء "خاصة" بنا كانت تخيفنا وقد لا تخيف البعض الآخر..

فماذا عن مخاوفك في الصغر وهل مازلت تخاف منها حتى الآن ؟

مخاوف وأصوات

محمد يونس، 23 سنة، يقول: "زمان أكتر حاجة كنت بخاف منها هي صوت نزول نقط المياه في الليل، أما الآن فأخاف من السباحة والكلاب كصوت وكشكل".

إلهام ،22 سنة تقول: "الحمد لله، عمري ما خفت من القصص اللي كانت بتتحكيلى وأنا صغيرة، لكن كانت أكتر حاجة بخاف منها هي "الفئران" لأني بخاف من شكلها ومن سيرتها ومن لونها ومن صوتها".

أما صديقتها مها، 25 سنة، فتذكر لنا أن أكثر شيء كان يخوفها هو صوت القطط في الليل.

بينما تقول منى، 22 سنة، "أنا أكتر حاجة كانت بتخوفني كانت الشمعة لما تكون مولعة والدنيا ضلمة، وكنت بخاف جدا من البلياتشو ومكانش بيضحكني أبدا".

أما أحمد مراد، 25 سنة، فقالت: "كنت بخاف من حاجتين ليست لهما علاقة ببعضهما.. كنت بخاف من أفلام الرعب ومن الامتحانات".

ضلمة ليل

أسماء،23 سنة، لها رأي آخر فقالت: "أنا الحكايات اللي كان جدي بيحكهلنا وإحنا صغيرين كانت بتأثر فيا جدا وبعد لما كان بيحكهلنا ماكنتش بعرف أنام في الضلمة".

وتتفق معها في الرأي شيماء،22 سنة، حيث تقول: "أنا أصلا بخاف جدا أنام في الضلمة سواء كنت سامعة حكاية تخوف أو لا، وأيضا كنت بخاف من الحيل اللي كنا بنعملها في بعض وإحنا في المدرسة مع أصدقائنا".

أما لمياء،21 سنة، فتقول: "كان في حاجة غريبة جدا خفت منها لفترة طويلة، وهي إني كنت بخاف من الديناصورات، عشان كنت بتفرج على فيلم رعب أجنبي قصته بدور عن ناس مربية ديناصور في بيتهم، ولما كبر أكل كل اللي في البيت!".

لكن داليا،23 سنة، قالت: "كنت بخاف جدا من الصراصير وما زلت أخاف منها حتى الآن، لأني بحس لصغر حجمهم ولشنبهم وشكلهم مش حقدر أعملهم حاجة لو قربوا مني".

لماذا نخاف؟

علماء النفس يفسرون لنا الخوف بقولهم.. "الخوف إحساس وشعور طبيعي يحس به أي إنسان طبيعي"، وأيضا هناك شبه إجماع بين علماء النفس على أن الأصوات العالية الفجائية أهمُّ المثيرات الأولى للخوف في الطفولة المبكرة، ففي عمر الثانية حتى الخامسة يفزع الطفل من الأماكن الغريبة، ومن الوقوع من مكان مرتفع، ومن الغرباء، ويخاف من الحيوانات والطيور التي لم يألفها.

وأنت.. أخبرنا عن الأشياء التي كانت تثير رعبك؟

1a53

ياما

أرسل هذا التعليق بواسطة : عطعط

السلام عليكم يالا الهول انا علقت علي الموضوع عشان صحبه طيب ومحدش علق غيري يلا كلمني

أرسل هذا التعليق بواسطة : ؟؟؟؟؟

الموضوع حلو بس مين الظريف اللي بيقول ان صاحبه طيب ده و انت ايه اللي عرفك بطاوا استظراف على الصبح و بطلوا استهتار ، معلش خرجنا بره الموضوع ، أصل الموضوع كان محتاج رأي لعلماء النفس أكتلر من كده

الموضوع حلو جدا ، بس مش عارفة مين الظريف اللي ده المفروض ان التعليقات معمولة عشان الواحد يقول حاجة مفيدة

الموضوع حلو أوي و خلاني أحس بالتخلف بتاعنا بتاع زمان

الموضوع أثار عندي ذكريات لذيذة وجدد أفكاري في محاولتي لفهم مخاوفي الآن التي تطورت من الخوف من الصرصار إلى الخوف من الاحتباس الحراري .. الحروب .. الارهاب .. نفص المياه ......... مش عالم الصغار أرحم بذمتكم

الموضوع عاجبني و كل حاجة ، بس أكتر حاجة عاجباني رأي علماء النفس و صورة الطفل و إن الموضوع فيه أراء ناس كتير و ده حاجة عجباني أوى في الموضوع ده .