• اتبرع لبناء متحف!

مي حمدي – ولاد البلد – 24/7/2007

"وزير الثقافة يدعو كل مصري للتبرع لبناء المتحف الكبير.. ولو بجنيه! "

خبر نشرته جريدة الأخبار الصادرة يوم الأربعاء 18 يوليو 2007، ويتضمن الخبر: "دعا فاروق حسني وزير الثقافة المصريين إلى المبادرة بالتبرع لبناء المتحف المصري الكبير الذي سيكون مفخرة القرن الثقافية.. وفتح الوزير باب التبرع لكل مصري بجنيه كحد أدني وهو يعادل مصروف طفل في اليوم.. "

وهو خبر أجده استفزازياً إلى أقصى حد... لست ضد حملات التبرع ولا ضد الأهداف القومية "العظيمة" والعياذ بالله... بالعكس تماماً... ربنا يخللي الحكومة إللى "مموّتة نفسها" عشان خاطر الشعب "المفتري" إللي مش عاجبه العجب...

بس تعالوا معايا كدة نبص على بعضٍ من أحوال الشعب المصري إللي 100 فل وعشرة ومش ناقصه حاجة ولازم يبادر بالتبرع لبناء المتحف الكبير بعد أن فتح معالي الوزير باب التبرع لكل فرد فيه... تعالوا نبص على الناس إللي مش لاقية تاكل...وعلى أهل البرلس – وغيرهم - إللي مش لاقيين المية.. على الناس إللي معندهاش مأوى...على السيدة إللي بتدوخ وتدوق المر عشان تعرف تصرف معاش عيالها اليتامى... أو على الرجل المسكين إللي مش لاقي العلاج... على الطابور الطويل إللي واقف في نقحة الشمس عشان الحصول على أبسط أبسط الحقوق... رغيف عيش! وعلى الناس المفرومة في الأتوبيس...

على الشاب المحبط إللي مبروّز الشهادة في البيت وقاعد جنبها وإيده على خده... ولاً العيال السريحة إللي واخدين ديلهم وبضاعتهم في سنانهم وطالعين يجروا من عربية البلدية إللي لسان حالها يقول: "إوعوا تفكروا تكسبوا بالحلال... روحوا اسرقوا أحسن"... على الكناسين إللي في الشارع إللي أحوالهم لا تسر عدو ولا حبيب... وعلى الأطفال إللي دايرين في الإشارات باكياس المناديل... تعالوا نبص على المظلوم إللي طلع عينه في المحاكم سنين ومطالش لا حق ولا باطل... أوالآلاف المعتقلين من سنين طويلة من غير ما يعرفوا السبب...

كل دي عينات ونماذج قليلة أوي على سبيل المثال لا الحصر من ناس مصريين... من إللي الوزير عاوز كل واحد فيهم يتبرع عشان خاطر عيون المتحف الكبير... يعني مش كفاية الملايين إللي صرفوها على النقل "التاريخي" لتمثال رمسيس... يا ترى الملايين دي كان ممكن تأكل كام جعان وتداوي كام عيان وتحل مشكلة كام شاب؟

أنا مش باخلط الأمور ببعض... بس بصراحة ماهي حاجة تنقط... تخيلوا معايا كده الموظف الغلبان ولا الرجل إللي بالعافية بيجاهد للحصول على قوت يومه لمّا يقرأ جملة زي دي "جنيه كحد أدني وهو يعادل مصروف طفل في اليوم"..." وهو يعادل مصروف طفل في اليوم"... "وهو يعادل مصروف طفل في اليوم"... أو وقّف واحد في الشارع وقل له "هات جنيه أو أكتر عشان المتحف الكبير" وتخيلوا معايا رد فعله... يا حيشتمك يا حتضرب... بلاش...هات طفل من إللي بيشتغلوا بلية ولا صبي مكوجي وقل له "يا حبيبي وزير الثقافة بيقولك هات جنيه للمتحف عشان ده يا دوب مصروفك، حاجة هايفة خالص يعني"...

أنا كنت توقفت عن الكتابة بالعامية من فترة طويلة... وقررت مكتبش غير باللغة العربية... بس بصراحة بعد الخبر ده مقدرتش... وعلى رأي يوسف وهبي... "لطمت بالبلدي بنت صلطح بابا"...

يا سيادة وزير الثقافة... رفقاً بالمصريين... يعني مش كفاية وبرهم اتنحل... كمان تتفقع مرارتهم!

54a6

نكته على فاروق حسني

أرسل هذا التعليق بواسطة : مش بحبك

واحدة سألت واحدة

هي فاروق حسني تبقى اخت سعاد حسني

قالت لها لا

دي واحدة

ودي واحدة تانية خالص

ها ها ها ها ها ها ها ها ها

soooooooooo great

أرسل هذا التعليق بواسطة : شريف الدواخلى

الله ادى مقالات الرأى ولا بلاش .... تسلم ايدك يا مى والله

لقطة الموضوع اكثر من رائعه بجد .... ومعالجه جديه تميل للسخريه ...

و تحسنى ان بتحكى حكايه " سرديه للقراء " يعنى الله اكبر سرقتى عين القارئ من اول الموضوع لاخره .... وربط طلب الوزير بالحاله الرائعه التى نعيشها كمصريين اروع ما فى الموضوع ..

والعاميه بتاعتك ليست مبتذله اطلاقا ...

ربنا يكرمك على امتاعنا بالمقال التحفه ده

نحسبك على خير

أرسل هذا التعليق بواسطة : بنوتة

حقيقى ممتازة ربنا يوفقك

بتقولى اللى الناس حاساه بشكل معبر

ما شاء الله

موضوعين حلوين في يوم واحد يا عشرينات .......

ده كده كتير اوي والله علينا ....

الواحد مش عراف يعلق علي إيه ولا إيه؟

بجد جميل أوي .... وأحلي حاجة هنا اللغة ......... شكلك عاملة دماغ جامدة جدا وانت بتكتبي ........

أنا الموضوع بقى؟؟

ده لو ربع جنيه مش حأطلعه ... محتف؟؟

متحف مين ياعم فاروق؟؟

إحنا اأي نعم بيضحك علينا كتييييييييييير .. وشفنا من وزارتك انت بالذات الكتير .. إيشي مونديال كورة .. وإيشي احتفال ألفية .. وإيشي نقل تماثيل .. ده غير اكتشافات الهرم الكبييير العظيمة .... في عهد معاليك ومعالي زكي بك حواس ....

إنما توصل . لأنا فاروق وعمدي متحف .... وتعاطفك لوحده مش كفابة ..........

لا بقي ... لا ومليون لأ..... إحنا إيه ؟؟ ده إحنا بشر يا أخي......

ياسااااااااااااااااااااااااااااااااااااااااتر ..... يارب

مش قلت لكم . ..مش حاسكت؟

لا للتمديد ... لا للتوريث ... نعم لتعديل الدستور المصري "لا جدوي لهذه الكلمة .. فالمشكلة أكبر وأعظم"

تقدروا تنورونا دلوقتي في مدونتا المتواضعة مش حاسكت ...

http://mesh7askot.blogspot.com/

استدراك علي اللي فات

آسف مونديال الكورة مكنش تبعه ...بس اتكتب غلط يا جماعة .. ..

رغم إني واثق إن أكيد له يد فيه .. .إن شاء الله حتي في مجال تسويق الوهم علي الناس

يارب ... مش حاسكت

لا للتمديد ... لا للتوريث ... نعم لتعديل الدستور المصري "لا جدوي لهذه الكلمة .. فالمشكلة أكبر وأعظم"

تقدروا تنورونا دلوقتي في مدونتا المتواضعة مش حاسكت ...

http://mesh7askot.blogspot.com/

اهو كده يا شريف الدواخلي مش واحد وخلاص

أرسل هذا التعليق بواسطة : فهمك كويس

ايوه كده يا عم شريف خلي عندك شخصية وما تخفش

ما قلتليش باه مؤهلك ايه ضروري اعرف

والاستاذه مي والبراء اشرف وكلهم عايزين يعرفوا مؤهلك ايه تجارة ولا حقوق

sheref el dawa7'y

sheref el dawa7'y deblome sanaye3 kesm ne2asha we beshta3'al ba3d el dohr ra2asa

خلينا في المتحف اللي احنا فيه احسن يا مي

خلينا في المتحف الكبير اللي احنا عايشينه متحف حسني مبارك والتوريث وضده متحف الاخوان المسلمين والانتخابات

والمعتقلين اللي بالالاف

مفيش متحف احسن من كده يا مي

الامن بيصرف مصاريف باهظة والنتيجة حالة الشعب زي ما هي موصوفة في المقال

كاتبة المقال وصفت الحالة البائسة اللي وصل اليها الشعب المصري

وكل دا بسبب ان اغلب ميزانية الدولة بتتصرف على الامن

اي والله شوفوا بس ميزانية الامن المركزي لوحده فقط بتتكلف كام مليون في اليوم

والحالة اللي احنا فيها دي منذ ايام الساعات وكامب ديفيد يعني اكثر من 30 سنه

30 سنه الامن بيصرف مصاريف باهظة لازم تكون النتيجة زي ما الكاتبة كاتبه في المقال

هو الناس بتعلق على تعليقى وسابت الموضوع .. للدرجه ديه انا مهم

أرسل هذا التعليق بواسطة : شريف الدواخلى

" فهمك كويس "

ايوه كده يا عم شريف خلي عندك شخصية وما تخفش

ما قلتليش باه مؤهلك ايه ضروري اعرف

والاستاذه مي والبراء اشرف وكلهم عايزين يعرفوا مؤهلك ايه تجارة ولا حقوق ...

sheref el dawa7'y

sheref el dawa7'y deblome sanaye3 kesm ne2asha we beshta3'al ba3d el dohr ra2asa

لا حول ولا قوه الا بالله العلى العظيم

مين الاخ فاهمك كويس اللى ساب الموضوع كله و مسك فى تعليق كتبته سطرين " انتا قارش ملحتى ليه كده ياعم " و يعنى ايه اخلى عندى شخصيه ومش اخاف .... وايه ياعم شريف الدواخلى ... ايه الاسلوب ده انتا تعرفنى عشان تقولى عم .. فى حاجه اسمها استاذ شريف لو متعرفش الشخص اللى بتكلمه !

وبعدين انتا مين عشان تعرف مؤهلى .... جايبلى عروسه مثلا ... ريح نفسك انا الحمد لله مرتبط الحمد لله ... و غريب قوى قوى ان واحد بيعلق يسال عن مؤهل واحد علق قبله ... سبحان الله ..... و ضرورى تعرف بتاع ايه ان شاء الله !

وبعدين " والاستاذه مي والبراء اشرف وكلهم عايزين يعرفوا مؤهلك ايه تجارة ولا حقوق ... " ايش عرفك هما قالولك كده .... بالمناسبه التلاته زملائى فى 20 وعارفين مؤهلى كويس " و مين بقى كلهم .... يعنى واللى عاوز يعرف حاجه من الموقع معاه تليفوناتى ...ممكن يسألنى يعنى !

وعلى فكره انا مش هاريحلك واقولك انا خريج ايه ولا دفعه كام ....

كفايه ان الاماكن اللى شغال فيها عارفين كويس قوى سواء الدستور او الجمهوريه او عشرينات او حتى بص وطل ... وكفايه تعرف دول .. وعلى فكره ايه المشكله فى خريجين التجاره او الحقوق ...

مش احسن من فاشلين كليه الخدمه الاجتماعيه اللى كانوا بياخدوا السنه فى 3 سنين ... معلش جيت على الجرح ... خلينى ساكت احسن !

اما التانى اللى بيقول انى دبلوم صنايع .... ولنفرض ,... انك مش اخ فهمك كويس " وعامل واحد تانى بيعرف يكتب فرانكوا اراب " باعتبار اننا عبط

يعنى .. للدرجه ديه انا حارق دمك .... قل موتوا بغيظكم !!

شفت بقى ان انا اللى فاهمك كويس

الى الاخوة بادارة الموقع

زي ما انتو شايفين واحد محرر عندكم هو اللي بيعمل حاجات مش كويسه ومن اول ما دخل الموقع عمال يعمل مشاكل في كل موضوع

لو سمحتوا نبهوا عليه يبطل الكلام بتاعه دا

جنيه في اليوم يا راجل يا مفتري

طيب يا اخي لما هو الجنيه بسيط كده

خلي الحكومة تبطل امن مركزي وتتبرع بجنيه واحد كل يوم لكل واحد مش لاقي ياكل

دا زمان ايام الملك فاروق اللي الثورة قالت عليه انك ملك فاسد

كان فيه حاجه اسمها التكيات

مكان اللي مش لاقي ياكل يخش ياكل فيه

وكان اللي بيخش ياكل فيه لازم يغطي وشه لحسن عيب انه ما يبقاش معاه فلوس

دلوقتي الشعب لازم يتبرع للحكومة الغلبانه المسكينه بجنيه في اليوم علشان خاطر تبني متحف

الحكومة نفسها متحدف

تتصور لما رئيس الوزراء ينزل الفايده الي الناس عايشه علينا من 10% الى 7%

وهو ما يعرفش انه خرب بيوت ناس كتيره جدا لان فيه ناس كانت حطه فلوسها في البنك وعايشه من الارباح

وعايزنا نتبرع بجنيه في اليوم بس

يا اخي روح اتنيل جتك نيله او روح اتجوز بدل الشذوذ بتاع امك اللي انت عايش فيه دا

ايه الحلاوة دى

أرسل هذا التعليق بواسطة : جمال محمود معتوق

ايه ألحلاوة دى نتبرع أيه ألجمال ده نتبرع أيه ألوطنية دى نتبرع لاالاه الا ألله ألبلد هاتشحت يارجالة صحاب ألبلد يسخرو من عبيد ألبلد يسلام سلم ألفاروق حسنى لايعلم أن عبيد ألبلد مفلسين مفيش فى جيوبهم جنيه عبيد ألبلد أغنياء وهم ألفقراء تبرعو أنتم أيها ألسفاحين سويسرا تشكركم الفقراء يتبرعون مش لما يلاقو يأكلو أولا

عظمة علي عظمة

أرسل هذا التعليق بواسطة : احمد سابق

عظمة علي عظمة يا مي !

بجد مقال جامد اوي و في بشرة امل ان في لسة ناس موهوبة زيك و قادرة علي تصوير واقعنا المؤلم و التعبير عن الام

و هموم الناس الغلابة و ولاد البلد . بجد استمري انت كاتبة عظيمة و ناقدة ساخرة جداااا جداااا .

وزير الشواذ فى حكومة شاذة

مين يتبرع يا فاروق ابو خاذوق الغلابة يتبرعوا علشان بتوع الساحل الشمالى ييجوا يتفرجوا على المتحف واحنا نعدى علية نخاف نييجى جنب الباب

يا فاروق ياللى بقى لك فى الوزارة عشرين سنة لية علشان الالية بتعجب بعضهم

خليك فى الخوازيق وزعازيع القصب انت والولد اياة لما ربك يجيب الفرج

راحة الشباب ولا راحة الجماد

أرسل هذا التعليق بواسطة : مواطن بيحلم

طيب نتبرع بالمبلغ ده لتزويج الشباب لمساعدة الناس البشر اللحم والدم اما للجماد فمليون لا والبشر مش لاقى ياكل ربنا يهدى الجميع حاجه تجن فيها ايه لو ريحونا نحن الشعب بدل ما بيجملو فى الجماد جملونا نحن الذين اصبحنا بقايا بشر الواحد بيشوف الدنيا بره عايشه ازاى بيحزن انه موجود فى مصر اسم وبس ام الدنيا خلوها بنت الدنيا بس نعيش

ايه يا مي مالك اخذتي معالي الوزير على الحامي كده

يا جماعة الوزير فنان اولا واخيرا

الفنان دايما بيحلم

فهو بيحلم بمتحف كبير وعلشان خاطر يحل مشكلة التمويل تمنى ان كل مواطن يتبرع بجنيه

سيبوه يحلم

مش احسن ما يحلم بالامن المركزي وامن الدولة

وبعدين انتي اخذتي التصريح بتاعه ونطيتي في مشاكل البلد

ايش دخل الحلم بتاعه في مشاكل البلد

وعم شريف الدواخلي بيقول

soooooooooo great

انجليزي دا يا مرسي

مش مشكلة

الوزير يمكن يتذكر مشروع حملة سداد ديون مصر و الحمد لله نجحت نجاح باهر و سددنا ديون مصر كمان حملات كثيرة فعلا اددت نتائج باهرة ربنا يوفقه و فعلا يقدر يبني المتحف و ياريت يعمل لن فيه مدفن صغير علشان بالمرة لما ربنا يسهل و يستجيب يعني لما يموت ندفنه فيه