شاهد فيلم: مع فائق الاحترام!
كل الصحف والقنوات الفضائية تتناول هذا القرار المفاجئ من الحكومة بعدم تسريح العمال ويرد المسئول الحكومي على الإعلاميين "مفيش حاجة اسمها قرارات غير متوقعة ..أي قرار نتخذه بيبقى مدروس ومخطط وهذه القرارات ثمار مجهودات 12 لجنة أساسية و24 لجنة فرعية!.. إحنا هدفنا أولا وأخيرا مصلحة المواطن! ..الأسعار معقولة والمواطن المصري مرتاح!.. أمال إحنا قاعدين ليه؟!"
الردود التي نسمعها من الحكومة دائما، كانت اللحظة الفارقة التي ستضحك وتبكي في نفس الوقت في فيلم "مع فائق الاحترام"، أحد مشاريع تخرج طلبة كلية إعلام القاهرة بقسم الإذاعة.
فكرة المشروع مأخوذة من قصة قصيرة اسمها "الأمنية" لا تتعدى الصفحتين للكاتب "يوسف إدريس"، المشروع تكلف حوالي 7 آلاف جنيه، كما أكد لـ(عشرينات) صانعوه، إلا أنه يحصل على أي مركز.
* شاهد فيلم (مع فائق الاحترام)
00c5
مش وحش
أرسل هذا التعليق بواسطة : البرج
الفيلم ده مش بطال بس كان ينقصة اخراج افضل من كده وكمان الموسيق التصويرية والممثلين اللي عالقهوة كلده كان عاوز يتراجع اما بقي الحاجات اللي عجباني فيه سامي مغاوري والتصوير اكثر من رائع ووالسناريو جيد عالعموم هو فكرة جامدةبتمني التوفيق للجميع
مش اوى
أرسل هذا التعليق بواسطة : ايمان
مع فائق احترامى الفيلم مش اوى
شكرا علي الفيلم ده في الحقيقه الفيلم كويس بس ايه الحل يا ناس؟؟؟؟؟ .... انا بحب بلدي زي اي حد من الاخوان المسلمين وكل المصرين الشرفاء .... لازم كلنا نتحرك ونعمل حاجه ونبدء بنفسنا اول وخصوصا احنا معنا احسن منهج ونظام للتغير والاصلاح " الاسلام" ..... يارب كل واحد يقرء التعليق ده يبدء يعمل حاجه لنفسه ولعائلته ولبلده ولامته وطبعا لدينه
عبد الرحمن - الصين
حلو اوى
أرسل هذا التعليق بواسطة : بسمه
تحيه للكاتب يوسف ادريس و للفكره الاخراجيه اللى عملت من صفحتين هذا الفيلم المعبر عن حال البلد
وتحيه ايضا للفنان سامى مغاورى وكلامه (هذه القرارات ثمار مجهودات 12 لجنة أساسية و24 لجنة فرعية!.. والمواطن المصري مرتاح!.. أمال إحنا قاعدين ليه؟!") على قد ماضحكنى على قد مادايقنى اكتر من اى واحد مسؤول قاعد على كرسى ومش بيراعى ضميره
بس فى حاجه غريبه وهى ان السيد رفعت الشربينى ( سامى مغاورى ) لسه فى منصبه ولم يقال من عمله ؟؟
بالمناسبه كنت عايزه اعرف تكلفة الفيلم من جيب الطلبه ولا الجامعه ؟
بهنىء طلبه كلية الاعلام على مشروع تخرجهم وان شاء الله يكون بدايه موفقه لعملهم
واتمنى من موقع عشرينات ان يقوم بتغطيه مشاريع تخرج كليه التربيه النوعيه قسم صحافه واذاعه وتليفزيون جامعه عين شمس لان مشاريع تخرج طلابها لايقل جمال عن مشاريع تخرج كليه الاعلام
شكرررررا عشرينات
للأستاذة بسمة
أرسل هذا التعليق بواسطة : مصطفى هاشم
تكلفة مشاريع قسم إذاعة وتلفزيون كلها من جيب الطلبة بعكس قسم صحافة التي تمولهم الكلية
وحضرتك طلبتي أن نغطي تخرج كليه التربيه النوعيه قسم صحافه واذاعه وتليفزيون جامعه عين شمس فياريت توصلينا بحد منهم
وممكن يتواصلوا معنا عبر الإيميل hashom20@hotmail.com
الى الاستاذ مصطفى
أرسل هذا التعليق بواسطة : بسمه
شكرا على تجاوبك وأحييك على مجهودك المتميز
انتهت دراستى بالكليه منذ نحو السنتين واشك فى قدرتى على توصيل احد اساتذه القسم بك عبر الانترنت
ولكن يمكنك التواصل مع اعضاء هيئه التدريس عن طريق نادى خريجين كليه التربيه النوعيه
والموقع هو http://specificalumni.com او الاتصال بالكليه على رقم 26844594وتحويلك على تليفون مكتب رئيس القسم
وللفكره هناك عدة مشاريع لطلبه قسم الاعلام وهى انتاج افلام تسجيليه ومعرض تصوير فوتوغرافى واصدار جريده البدايه
وانتاج واخراج عروض مسرحيه هذا فضلا عن مشاريع تخرج باقى الاقسام بالكليه وشكررررررا
ايه الجديد
جميل فيلم تحفة مع انى صعبان عليا فلوسه لان الفيلم دا بيحصل كل يوم ببلاش بس لطلبة المعاهد وموظفين السكك الحديد مش لطلبة اعلام اللى صرفو علشان يعملوه عارف عملوه ليه لانهم بيسمعو وعمرهم ما شافو ولو شافو مكانوش صرفو وسبحان الله مشاكل الناس الغلابة بقت مشاريع تخرج لولاد ال........ واللى بياكل الفول كل يوم مش بيقول ياى لما يشوفه واللى ميعرفش يعنى ايه فول ممكن تجيبله طبق من على اى عربية فول وتبيعهوله ب100 جنيه لاكن نرجع ونقول الفيلم بيعرض مشكلة موجودة وبقت زى الفول موجودة فكل بيت لاكن اللحمة فين قصدى الحل فين وايه هو الحل اصلا يعنى ايه تعرض مشكلة وانت مش تعرف لها حل ولو تعرفلها حل تطبقه ازاى قولى عايزين حلول وكفاية مشاكل المشاكل موجودة ايه الجديد يعنى؟؟؟؟؟؟؟؟؟؟؟؟؟؟؟؟؟؟